ნინო გეჯაძის ფინალური პროექტი – Motion Design

შემიძლია დამოუკიდებლად გავაკეთო სხვადასხვა სირთულის თუ ხანგრძლივობის ანიმაციები.

მოძრავი ეფექტები მსოფლიოსთვის ახალი აღმოჩენა ნამდვილად არაა, რადგან ციფრული სამყარო დაწყებული სოციალური ქსელებიდან დამთავრებული სატელევიზიო შოუებითა და მხატვრული ფილმებით, წარმოუდგენელია მის გარეშე. თუმცა, განვითარებასთან ერთად Motion დიზაინიც იხვეწება და შესაბამისად სოციალურ პლატფორმებშიც ხარისხიანი მოძრავი ეფექტების შემქმნელი კრეატორები შეუმჩნეველი არასდროს რჩებიან.

ამ ბლოგში კი მინდა Motion Design-ის კურსდამთავრებული, ნინო გეჯაძე გაგაცნო, რომელიც ფინალური პროექტისა და კურსზე მიღებული შთაბეჭდილებების შესახებ გვესაუბრება.

ნინოს Motion Design-თან კურსის გავლამდე არანაირი შეხება არ ჰქონია, თუმცა ბავშვობიდანვე იცოდა, რომ მისი ინტერესი კრეატივთან და შემოქმედებასთან იყო დაკავშირებული. 

მომწონს ფერებთან ურთიერთობა, დინამიური მოძრაობები. მივხვდი რომ Motion Design ის სფერო იქნებოდა, სადაც შევძლებდი ჩემი ინტერესები, ჩემს პროფესიად მექცია.

ნინო სალექციო პროცესზეც გვესაუბრა და გვითხრა, რომ მისი აზრით, სასწავლო პროგრამა თანმიმდევრულად იყო შედგენილი, გარდა ამისა, ფიქრობს, რომ ლექტორის მიერ გაზიარებული გამოცდილებაც ძალიან საინტერესო იყო, რადგან ის კურსზე კონკრეტული სირთულეების დაძლევაში ეხმარებოდა. 

რაც შეეხება ფინალურ პროექტს, ნინომ მოცემული ბრიფებიდან არჩევანი Motion Design-ის ონლაინ კურსების 20 წამიან explainer ვიდეოზე იმუშავა. 

პროექტზე მუშაობამ საშუალება მომცა თავი მომეყარა ყველა იმ ნასწავლი უნარისთვის, რაც კურსის განმავლობაში დავაგროვე, მიმეღო პრაქტიკული გამოცდილება და საკუთარი თვალით დამენახა კურსის და დაგროვილი ცოდნის შედეგი. ამ ყველაფერმა კი საბოლოო ჯამში უფრო მეტი თავდაჯერება შემმატა.

კურსის გავლის შემდგომ ნინო უფრო მეტად მოტივირებულია, ცდილობს უნარები კიდევ მეტად განავითაროს და მეტი გამოცდილება დააგროვოს

ვინაიდან ჯერ მხოლოდ დამწყები ვარ, ახლა ვდგამ ამ პროფესიაში პირველ ნაბიჯებს. ვფიქრობ გავლილმა კურსმა მომცა ის საბაზისო ცოდნა და თავდაჯერებულობა, რომელიც დამეხმარება შევაბიჯო მოუშენ დიზაინის სამყაროში

თუ Commschool-ით შენც დაინტერესდი, Motion Design-ის კურსის გავლის შემთხვევაში, სკოლისგან ბევრ ძალიან კარგ სარგებელსაც ნახავ, რა თქმა უნდა, იმასთან ერთად, რომ პროფესიონალი ლექტორების დახმარებით პრაქტიკაზე ორიენტირებული ლექციების შედეგად, საბოლოოდ, ხარისხიან ცოდნას მიიღებ. 

კურსის ხანგრძლივობა მოიცავს 15 ლექციას, რაც ჯამში 45 საათს უდრის. 

Motion Design-ის კურსის გავლის შემდეგ კი შენ შეძლებ: ნებისმიერი სახის გრაფიკული გამოსახულების გაცოცხლებას; ვიდეო, ფოტო და აუდიო მასალასთან მუშაობას After Effect-ში; სარეკლამო რგოლების შექმნას; პროექტების სირთულისა და ბიუჯეტის განსაზღვრას; შეეჩვევი ორგანიზებულად მუშაობას და დამკვეთისგან მიღებული ბრიფის სწორად გააზრებას.

მნიშვნელოვანია ისიც, რომ Commschool-ში  ფუნქციონირებს წარმატებულ კურსდამთავრებულთა კლუბი, რომლის წევრებსაც სკოლა კარიერულ განვითარებაში ეხმარება. კურსის ბოლოს N1 კურსდამთავრებულს ექნება შანსი, გაიაროს გარანტირებული სტაჟირება კრეატიულ სააგენტოში.

თუ მზად ხარ Motion Design-ის სფეროს შესასწავლად გეტყვით, რომ  რეგისტრაცია უკვე დაწყებულია, შემოგვიერთდი.

აირჩიე Motion Deisgn



გამოიწერე სიახლეები

გაიარე კონსულტაცია

გაგზავნა