ვინ არის Intro to Front-End Development-ის N1 კურსდამთავრებული, რომელსაც სწავლის გადასახადი სრულად დაუბრუნდა? -

თუ ჩვენი ტექნოლოგიური მიმართულებით კურსის აღწერაში გადახვალ, პირველი, რასაც შეხვდები, იქნება:

კურსის ფარგლებში მოქმედებს შემდეგი პირობა: N1 კურსდამთავრებულს სწავლის გადასახადი სრულად დაუბრუნდება!

ამაზე მეტსაც გეტყვი: მოტივაციად შეგიძლია გაიხადო. იფიქრე, შეძლო მიაღწიო იმდენს, რომ სასურველი მიმართულებით მიიღო ცოდნა, გამოცდილება და კარიერული განვითარების შესაძლებლობა.

პირობა კი მარტივია – სწავლის პროცესში საკუთარი მაქსიმუმი გამოავლინე. მაგალითად, ქრისტინა ჩიტაია Introduction to Front-End Development-ის N1 კურსდამთავრებული გახდა და ის თანხა, რაც კურსის გავლისთვის გადაიხადა სრულად უკან დაუბრუნდა.

თუ ტექნოლოგიური მიმართულება გაინტერესებს და 0-დან გსურს ისწავლო ვებ დეველოპმენტი ან/და გაიღრმავოს არსებული ცოდნა ამ სფეროში Introduction to Front-End Development-ის პროგრამაზე მოგიყვები.

პროგრამის დასრულების შემდეგ შეგეძლება:

HTML, CSS და Javascript ტექნოლოგიების გამოყენება
მცირე და საშუალო ზომის ვებ გვერდის აწყობა
Bootstrap-ის დახმარებით ვებ გვერდის აწყობა
Visual studio code-ის გამოყენება
საკუთარი იდეების რეალიზება და პროტოტიპის შექმნა
ახალი ტექნოლოგიების, Framework-ების გარჩევა, შესწავლა და გამოყენება დამოუკიდებლად

Introduction to Front-End Development-ის კურსის ბოლოს გექნება საკმარისი ცოდნა და უნარები იმისთვის, რომ თუკი სამომავლოდ ამ კუთხით განვითარებას გადაწყვეტ, თამამად აირჩიო სასურველი ფრეიმვორკი და მისი მიმართულებით იმუშავო. ვგულისხმობ, თუნდაც ისეთ მოთხოვნად ფრეიმვორკებს, როგორიცაა React ან/და Angular.

ამას გარდა, კურსის ბოლოს იცოდი, რომ ფინალურ პროექტზე იმუშავებ, რომლის პორტფოლიოში მითითებაც შეგეძლება?

„ჩემთვის ყველაზე საინტერესო ფინალურ პროექტზე მუშაობა იყო.“

ამაზეც ორიოდე სიტყვას გეტყვი. კურსის დასრულების შემდეგ სტუდენტები ფინალურ პროექტს ასრულებენ, რაც მიზნად ისახავს უკვე მიღებული ცოდნის პრაქტიკაში რეალიზებასა და შეკვრას, რითაც პროექტის პორტფოლიოში მითითება შეეძლებათ.

„მიუხედავად იმისა, რომ კურსის განმავლობაში გვქონდა ბევრი სავარჯიშო, ფინალური პროექტი მაინც უფრო დიდი და კომპლექსური პრობლემების გადაჭრას მოითხოვდა. ამ პროცესში აღმოვაჩინე ბევრი ისეთი დეტალი, რომელზეც მანამდე ყურადღება არ გამიმახვილებია.“

თუ კურსის შიდასამზარეულოზეც გსურს მეტის გაგება, ქრისტინა ამაზეც მოგიყვება:

„ინფორმაცია სისტემატიზირებული იყო და ლოგიკურად მიყვებოდა ლექციები ერთმანეთს. საინტერესო დავალებები, არც ერთი კითხვა პასუხგაუცემელი არ რჩებოდა. ლექციები - ამომწურავი; კეთილგანწყობილი, ყურადღებიანი ლექტორი და კოორდინატორი, ხოლო სწავლის პროცესი - კომფორტული.“

ამატებს, რომ თამამად ურჩევდა კურსს ყველას, ვისაც Front-End Development აინტერესებს.

ბოლოს კი,

„მიხარია, რომ Commschool-ზე გავაკეთე არჩევანი.“

თავად Commschool-ის მხრიდან ბენეფიტები მხოლოდ ამით არ სრულდება. ხომ იცი, ჩვენთან Alumni Club რომ მოქმედებს? ეს არის კლუბი, რომელშიც ყველა კურსდამთავრებული ავტომატურად ხვდება Commschool-ის ნებისმიერი კურსის გავლის შემდეგ. იგი ეხმარება კურსდამთავრებულებს მათთვის მისაღები და საინტერესო ვაკანსიის მოძებნაში, ასევე უქმნის სტაჟირების გავლის შესაძლებლობებს სხვადასხვა პარტნიორ კომპანიაში.

არ დაგავიწყდეს, ჩვენთან ადგილები ლიმიტირებულია. თუკი მეტის გაგებას მოინდომებ, ან გსურს Commschool-მაც გააკეთოს შენზე, როგორც N1-ზე არჩევანი, აღარ დააყოვნო – ბმულზე მოგვყევი.