გაიცანი React-ის ლექტორი – ლაშა კახიძე

ჩვენ ყველა მეტწილად დამოკიდებული ვართ ამა თუ იმ ციფრულ პროდუქტზე, რომლის შექმნის უკანაც ძალიან დიდი ტექნიკური გუნდი დგას – დაწყებული Front-end დეველოპერით, დამთავრებული IT პროექტ მენეჯერით.

აქვე შეგვიძლია ვთქვათ, რომ თანამედროვე სამომხმარებლო ინტერფეისების შექმნა კომპლექსური და მრავლისმომცველი სფეროა, რომლის სირთულეების გადასაჭრელადაც  React ერთ-ერთი ყველაზე გამორჩეული და მოთხოვნადი Front-end ტექნოლოგიაა.

თუ არ იცი გეტყვი, რომ ყოველკვირეულად React-ს 7 მილიონამდე ჩამოტვირთვა აქვს – Facebook ცდილობს, React ბაზარზე  JavaScript-ის საუკეთესო Framework-ად აქციოს, რაც React დეველოპერის პროფესიის ხანგრძლივი აქტუალურობის გარანტიას იძლევა. დღესდღეობით React-ის ტექნოლოგიით შექმნილია 1 000 000+  საიტი და იყენებენ ისეთი კომპანიები, როგორებიცაა: BBC, Twitter, Reddit,, Netflix, Facebook, Dropbox, Airbnb, PayPal, Walmart, Tesla Motors, IMDb და ა.შ.

თუ React-ის მიმართულებით კარიერის განვითარებას შენც ფიქრობ, აქვე გეტყვი, რომ Commschool-ში React-ის კურსზე მიღება უკვე დავიწყეთ, პროფესიასთან დაკავშირებულ გამოწვევებსა და კარიერულ გზაზე კი ჩვენი ლექტორი, ლაშა კახიძე გვესაუბრება.

ლაშას Web Development-ის სფეროში მუშაობის 8 წლიანი გამოცდილება აქვს. კარიერის საწყის ეტაპზე ფრილანსად მუშაობდა ამერიკულ და ავსტრიულ კომპანიებში:

კარიერის დასაწყისში 1 წელი ვმუშაობდი Front-end ინჟინერის პოზიციაზე, შემდეგ კი ვიკავებდი Full-stack ინჟინერის პოზიციას.

ლაშას სამუშაო გამოცდილება ასევე მოიცავს ისეთ ქართულ სტარტაპში მუშაობას, როგორიცაა Pulsar AI, ამჟამად კი იგი ამერიკულ კომპანია “Padsplit”-ში იკავებს Senior Software Engineer-ის პოზიციას.

როგორც იცი, Front-end Development-ის მიმართულებით რამდენიმე Framework არსებობს, რომელთაგან React ერთ-ერთი ყველაზე მოთხოვნადია, რაც ბუნებრივია ქართულ ბაზარზეც აისახება. ამიტომ გასაკვირი არ იქნება, თუ გეტყვი, რომ React დეველოპერის საშუალო ანაზღაურება საქართველოში 3500 ლარია.

ზოგადად ბაზარზე დეველოპერებზე საკმაოდ დიდია მოთხოვნაა და იქიდან გამომდინარე, React ყველაზე პოპულარული Front-end Framework-ია, ანაზღაურებაც მაღალია

თუ ჯერ კიდევ არ იცი, რომელი Framework-ის შესწავლა გსურს, ლაშა გირჩევს, რომ ყურადღება მიაქციო კონკრეტული Framework ვისი შექმნილია: 

React Facebook-ის შექმნილი ტექნოლოგიაა, რომელიც საშუალებას გვაძლევს სწრაფად და მოქნილად შევქმნათ მასშტაბირებადი სამომხმარებლო ინტერფეისები

ის ასევე გირჩევს, რომ გაიგო რამდენად ბევრი მომხმარებელი ჰყავს კონკრეტულ ტექნოლოგიას:

მსოფლიოს მასშტაბით React-ს 8000-ზე მეტი კომპანია იყენებს, მათ შორისაა ისეთი მსხვილი კომპანიები, როგორებიცაა: Netflix, Uber, Yahoo, Airbnb, The New York Times, Twitter

აქვე გეტყვი, რომ React-ის სწავლის შემდეგ კარიერული განვითარება რამდენიმე მიმართულებით შეგიძლია – შეძლებ იმუშაო Front-end/React დეველოპერად, ან შესაძლოა, სწავლა გააგრძელო React-native-ის მიმართულებით და დაიწყო მობილური აპლიკაციების აწყობა. ასევე შეგიძლია ისწავლო Back-end Development-ის რომელიმე ენა, მაგალითად Node.js და Full-stack დეველოპერიც გახდე.

კარიერული წარმატებისთვის კი,ლაშას აზრით, 3 რამ არის საჭირო:

უნდა იყო შრომისმოყვარე, თვითგანვითარებაზე ორიენტირებული და დამოუკიდებლად უნდა შეგეძლოს ინფორმაციის მოძიება

ასე და ამგვარად, თუ ამ ბლოგის წაკითხვის შემდეგ ფიქრობ, რომ React სწორედ ის Framework-ია, რომლითაც Web დეველოპმენტში განვითარება გსურს, გეტყვი, რომ კურსის დასრულების შემდეგ შეგეძლება:

● JavaScript-ის ენაზე დამოუკიდებლად წერა

● JavaScript-ის ენის თავისებურებების სწორად გამოყენება

● JavaScript-ის ასინქრონული ბუნების აღქმა და მისი მუშაობის პრინციპების გამოყენება

● React-ის როგორც ხელსაწყოს ყველა ძირითადი კონცეფციის გააზრება და გამოყენება

● React-ის ეკოსისტემის მთავარი ინსტრუმენტების გამოყენება

● React-ის ძლიერი და სუსტი მხარეების გარჩევა

● პატარა და საშუალო დონის აპლიკაციების შექმნა და მათი განთავსება

ახალ თავგადასავლამდე კი მხოლოდ ერთი ნაბიჯი გაშორებს, შემოგვიერთდი, React-ის კურსს 16 ნოემბერს ვიწყებთ! 

გაიგე მეტი React-ის განახლებული კურსის შესახებ



გამოიწერე სიახლეები

გაიარე კონსულტაცია

გაგზავნა