მრავალი მცირე ბიზნესისთვის Facebook არის გაყიდვების მთავარი არხი. ყოველთვიურად თითქმის სამი მილიარდი აქტიური მომხმარებელით, სოციალური მედიის პლატფორმაზე რეკლამა გაძლევს შესაძლებლობას შეიძინო უამრავი პოტენციური მომხმარებელი, შედარებით მცირე სარეკლამო ბიუჯეტით.
ერთადერთი პრობლემა, რაც არსებობს არის ის, რომ Facebook Ads Manager-ის პირველად გახსნა შეიძლება ძალიან რთული იყოს. შენ იხილავ მრავალრიცხოვან ხელსაწყოთა პანელს, რეკლამის ფორმატირების ვარიანტებსა და აუდიტორიის ინსაითების ხელსაწყოებს – ეს ყველაფერი ახალი სარეკლამო კამპანიის გაშვებას რთულად აქცევს.
რა არის Facebook Ads Manager?
Facebook Ads Manager არის პლატფორმა, რომელიც გამოიყენება სარეკლამო ადგილის შესაძენად Facebook-სა და Instagram-ზე. 37,3 მილიონზე მეტი ბიზნესი იყენებს Facebook Ads Manager ანგარიშს სარეკლამო პლატფორმაზე კამპანიების გასაშვებად.
პლატფორმა იმდენად პოპულარულია, რომ რეკლამის დანახარჯმა 2021 წლის მეორე კვარტალში 5,5 მილიარდ დოლარს გადააჭარბა. Facebook და Instagram, პლატფორმები, რომლებიც Meta-ს ეკუთვნის, მთელი წლის განმავლობაში გამომუშავებული ციფრული რეკლამის შემოსავლის 23.8% შეადგენდა.
რეკლამის მენეჯერი რეკლამის განმთავსებლებს ანიჭებს წვდომას ფუნქციებზე, რათა დაეხმაროს მათ თავიანთი ბიზნესის მარკეტინგში, მათ შორის:
- Meta Business Suite. იღებ მიმოხილვას იმის შესახებ, რაც ხდება შენს Facebook და Instagram ანგარიშებზე, საკუთარ, პირად ექაუნთებზე შესვლის გარეშე.
- Audience Manager. ინახავ შენ მიერ შექმნილ აუდიტორიას, რომელიც მოიცავს Facebook-ის მომხმარებლებს ასაკის, მდებარეობის, ინტერესებისა და სამუშაოს დასახელების მიხედვით. შენ ასევე შეგიძლია ატვირთო მომხმარებელთა სიები, ელ.ფოსტის აბონენტები და ინფორმაცია, რათა გადამიზნება მოხდეს იმ ადამიანების, ვინც უკვე დაუკავშირდა შენს ბრენდს.
- Meta pixel. ემთხვევა აქტივობას, რომელიც ხდება Facebook მომხმარებელთან, შენს ვებსაიტზე. ეს ინფორმაცია გამოიყენება ხელახალი მიზნობრივი კამპანიების გასატარებლად, როგორიცაა – ადამიანები, ვინც მოინახულა საიტი ბოლო 30 დღის განმავლობაში ან ვინც დაამატა პროდუქტი ონლაინ კალათაში, მაგრამ გავიდა საიტიდან შესყიდვის გარეშე.
- Events Manager. თუ გაყიდვები პირადად ხდება, ამ ფუნქციის მეშვეობით შეგიძლია თვალყური ადევნო რამდენი ადამიანი სტუმრობს შენს ონლაინ მაღაზიას და ყიდულობს პროდუქტებს. ეს უფრო ზუსტს ხდის სარეკლამო რეპორტებს.
- Creative Hub. ადრე ამ ფუნქციას ერქვა Creative Studio, რომელიც გამოიყენება იმიტირებული სარეკლამო კრეატივების შესაქმნელად, სანამ მათ კამპანიაში გაუშვებენ. გადახედე შენს კრეატივებს რამდენიმე მოწყობილობაზე, მიიღე გამოხმაურება გუნდის წევრებისგან და იხილე კონკურენტების რეკლამები.
როგორ შექმნა Ads Manager-ის ექაუნთი?
- შექმენი ფეისბუქის ბიზნეს გვერდი. ამის გაკეთება მოგიწევს პირადი ანგარიშის მეშვეობით, თუმცა ნებართვების შეცვლა ფეისბუქის გვერდის შექმნისთანავე შეგიძლია.
- გახსენით თქვენი Facebook Business Manager ანგარიში (Meta Business Suite). Meta Business Settings > Accounts > Ad Accounts.
- აირჩიე ახალი სარეკლამო ანგარიშის შექმნა.
- დაარქვი სახელი შენს სარეკლამო ანგარიშს. შემდეგ დააყენე შენი დროის ზონა და აირჩიე ვალუტა.
- მოიწვიე შენი გუნდი, რათა იმუშაონ შენს ახალ სარეკლამო ანგარიშში; მიეცი მათ ნაწილობრივი ნებართვა (როგორიცაა ახალი რეკლამის შექმნის შესაძლებლობა, მაგრამ არა სარეკლამო ანგარიშის პარამეტრების კონტროლი) ან სრული კონტროლი.
- დაამატე გადახდის მეთოდი, რომელსაც გამოიყენებ რეკლამისთვის.
როგორ აწარმოო კამპანიები Facebook Ads Manager-ის გამოყენებით
1. დაისახე კამპანიის მიზანი
ფეისბუქის სარეკლამო კამპანიის შექმნის პირველ ეტაპზე ირჩევ „კამპანიის შექმნა“ ზედა მარცხენა კუთხეში ღია მწვანე შექმნის ღილაკზე დაჭერით. შემდეგ ირჩევ მიზანს. ეს არის შენი მთელი კამპანიის მთავარი მიზანი და გავლენას ახდენს ვის უჩვენებს სარეკლამო ალგორითმი ამ რეკლამებს.
2. დააყენე კონვერტაციის მდებარეობა და აირჩიე შესრულების მიზანი
შემდეგ, დაარქვი სახელი შენს კამპანიას, განაცხადე, მოხვდები თუ არა ისეთ კატეგორიაში, რასაც Meta უწოდებს „განსაკუთრებულ რეკლამის კატეგორიებს“, გადაწყვიტე, გსურს თუ არა რაიმე A/B ტესტის ჩატარება და აირჩიე, გსურ თუ არა Meta-ს „სასარგებლო კამპანიის ბიუჯეტის“ ხარჯვის ფუნქცია.
შემდეგ, რეკლამის მენეჯერი მოგთხოვს აირჩიო, თუ სად გსურს ხალხის მიყვანა – შენი ბიზნესის Facebook გვერდი, შენი ვებსაიტი ან აპლიკაცია.
შენ ირჩევ კონვერტაციის ადგილს კამპანიის მიზნებისთვის, მათ შორის ჩართულობის, ტრაფიკის, გაყიდვებისა და პოტენციალის ჩათვლით.
შემდეგ, დააყენებ შესრულების მიზანს (როგორიცაა კონვერტაციების რაოდენობის გაზრდა) და მოთხოვნის შემთხვევაში დააყენებ მეტა პიქსელს.
3. შეადგინე ბიუჯეტი და განრიგი
ბევრი ახალი რეკლამის განმთავსებელი უფრთხილდება სარეკლამო ბიუჯეტის გადაჭარბებას. ამას შეგიძლია ‘შეებრძოლო’ კამპანიების დაწყებისა და დასრულების თარიღების დაყენებით, შემდეგ ბიუჯეტის შემდეგი ვარიანტებიდან ერთ-ერთის არჩევით: ყოველდღიური ბიუჯეტი ან Lifetime ბიუჯეტი (ჯამი, რომლის დახარჯვაც გსურს მთელი კამპანიის განმავლობაში).
ფეისბუქის რეკლამის სილამაზე ის არის, რომ შეგიძლია დახარჯო იმდენი რამდენიც გსურს. დღეში მხოლოდ 5 დოლარს შეუძლია “ძრავის” ამუშავება. ამ რეკლამის ბიუჯეტირების სტრატეგიით შეგიძლია განათავსო რეკლამა სამი დღის განმავლობაში, შეაფასო მისი შესრულება და შემდეგ სცადო ახალი რეკლამა მომდევნო სამი დღის განმავლობაში. მხოლოდ 5$ დღეში ერთი თვის განმავლობაში გაძლევს რეკლამის 10 განსხვავებულ ვარიაციას ჯამში $150.
როდესაც ბიუჯეტს ადგენ Facebook რეკლამებისთვის, გახსოვდეს, რომ შენ არ ხარჯავ ფულს მხოლოდ მომხმარებლების შესაძენად. ფული იხარჯება მონაცემებისა და ბრენდის დამატებითი აქტივების შესაძენად, როგორიცაა – ადამიანების აუდიტორია, ვინც მოინახულა შენი საიტი, უყურა შენს ვიდეოს ან გამოიწერა ელფოსტის სია.
4. შექმენი აუდიტორია
იმისთვის რომ განსაზღვრო პიროვნების ტიპი, რომლამდეც უნდა მივიდეს შენი კამპანია, რამდენიმე ხერხი არსებობს:
- მორგებული აუდიტორია – თუ შენ იწყებ Facebook სარეკლამო სტრატეგიას ნულიდან, შექმენი saved აუდიტორია. დაამატე სამიზნე ბაზრის წილის დემოგრაფია და მახასიათებლები, როგორიცაა: სქექი, ასაკი, ლოკაცია, ენა, ჰობები და ინტერესები.
- მსგავსი აუდიტორია (Lookalike audience) – მსგავსი აუდიტორია არის ადამიანთა ჯგუფი, რომლებიც იზიარებენ შენს მიერ შექმნილი, უკვე არსებული სიის მახასიათებლებს. ალგორითმი იპოვის ფეისბუქის მომხმარებლებს მომავალ კამპანიებში, რომლებიც იზიარებენ უკვე არსებულ მომხმარებლებს.
- გადამიზნული აუდიტორია (Custom Audience) – ვებსაიტზე დაინსტალირებული პიქსელით, Facebook-მა უკვე იცის, ვინ ათვალიერებს შენს პროდუქტებს. ჩართე ეს ადამიანები ხელახლა მიზნობრივ აუდიტორიაში.
5. აარჩიე პლატფორმა რეკლამის განთავსებისთვის
როგორც უკვე გითხარი, Facebook Ads Manager საშუალებას აძლევს ბიზნესს გაავრცელოს პროდუქტები და სერვისები როგორც Facebook-ზე, ასევე Instagram-ში. ამას რეკლამის მენეჯერის განლაგების ჩანართით ირჩევ.
ავტომატური განთავსებით სარეკლამო ალგორითმი ირჩევს, რომელი ადგილი იქნება უკეთესი შენი მიზნის დასაკმაყოფილებლად და ბიუჯეტის გასაზრდელად. დასაწყებად კარგი ადგილია, თუ არ ხარ დარწმუნებული, რომელი პლატფორმები ან განლაგება იმუშავებს ყველაზე მეტად შენი აუდიტორიისთვის.
6. შექმენი რეკლამის კრეატივი (ვიზუალური მხარე)
სავარაუდოდ, შენი Facebook სარეკლამო სტრატეგიის ყველაზე მნიშვნელოვანი ნაწილი არის ad creative. როგორ გამოიყურება შენი რეკლამები, დიდ გავლენას ახდენს მომხმარებლების მიერ შენი მიზნის შესრულების ალბათობაზე. ხალხი არ შევა ინტერაქციაში რეკლამასთან, რომელიც არ იპყრობს მათ ყურადღებას.
7. გადახედე კამპანიებს და გამოაქვეყნე
ახალი Facebook სარეკლამო კამპანიის გამოქვეყნებამდე, გადახედე აქამდე დამატებულ ინფორმაციას. სურათები, ვიდეოები და რეკლამის ქოფირაითი Facebook-ის მომხმარებლებს უნდა გადასცემდეს დამაჯერებელ გზავნილის.
თუ კმაყოფილი ხარ თითოეული ელემენტით, წარადგინე კამპანია დასამტკიცებლად. Facebook-ს რეკლამის განხილვასა და დამტკიცებას შეიძლება 24 საათი დასჭირდეს, თუმცა ეს, როგორც წესი, ბევრად უფრო ადრე – რამდენიმე საათში ხდება.
როგორ გადავცეთ შევატყობინება რეკლამის შესრულების შესახებ Facebook Ads Manager-ით
კამპანიის გაშვების შემდეგ, თვალ-ყური ადევნე რეკლამის პერფორმანსს, რათა ნახო, შესრულდება თუ არა შენი კამპანიის მიზნები. მას შემდეგ რაც Account Overview ღილაკს დააჭერ, გაიხსნება რეპორტინგის დაფა, მოცემული ინფორმაცია კი შეგიძლია შემდეგნაირად გამოიყენო:
-
დაყავი მონაცემები. ნახე, როდის ხდება კონვერტაციები დღის, დროის, მოქმედების ან მიწოდების ფორმატის მიხედვით. თუ რომელიმე მათგანი კარგად არ მუშაობს, ამოიღე იგი სარეკლამო ნაკრებიდან.
-
გაუშვი A/B ტესტები. ეფექტური სარეკლამო კრეატივების არსებობა სარეკლამო ანგარიშის გაზომვის ერთადერთი გზაა. ეს ყველაფერი მთავრდება ყოველკვირეული შემოქმედებითი ტესტირების ჩატარებით და მისი შედეგების გათვალისწინებით, რათა იცოდე რა მუშაობს და რა – არა.
-
განათავსე რეკლამები მინიმუმ ორი კვირის განმავლობაში. ეს აძლევს სარეკლამო პლატფორმას ოპტიმიზაციის შესაძლებლობას. გაითვალისწინე დაწკაპუნების მაჩვენებელიდა შესყიდვები. ამით გაიგებ, ღირს თუ არა რეკლამის შენახვა, მეტი ინვესტიცია ან მასშტაბირება.
დაიმახსოვრე: მიუხედავად იმისა, რომ საბოლოო მიზანი ყოველთვის გაყიდვაა, შეიძლება იქ მაშინვე ვერ მიხვიდე. თუმცა, არ უნდა დანებდე. გადახედე სხვა მონაცემებს, როგორიცაა წვდომა და დაწკაპუნების კოეფიციენტი (click through rate), რათა გაიგო, ხედავენ თუ არა ადამიანები შენს რეკლამას. ეს იმის ნიშნებია, რომ შენ სწორ გზაზე ხარ.
თუ Ads Manager და ზოგადად, ციფრული რეკლამირება შენთვის საინტერესოა და პროფესიულ განვითარებას ამ სფეროში მოიაზრებ, შემოგვიერთდი Digital Advertising-ის კურსზე!
შესვლა Google-ით
შესვლა Facebook-ით