Front-end-ის ყველაზე მოთხოვნადი და მაღალანაზღაურებადი ტექნოლოგია
ყველაფერს, რასაც ვებ-გვერდებსა და მობილურ აპლიკაციებზე ხედავ (ღილაკები, ბმულები, ანიმაციები), front-end დეველოპერი ქმნის. მისი მოვალეობა კლიენტის ხედვისა და დიზაინის კონცეფციის კოდის მეშვეობით რეალობად ქცევაა. ამისთვის პროგრამირების სამი ენის ცოდნაა საჭირო: HTML, CSS და JavaScript. აქედან კი შეგიძლია შეარჩიო სხვადასხვა framework, როგორებიცაა React, Angular, Vue.
ამ ბლოგში სწორედ ერთ-ერთ მათგანზე, React-ზე, მოგიყვები, რომელიც front-end-ის ყველაზე მოთხოვნადი და მაღალანაზღაურებადი framework-ია. გამომყევი და გაიგე მეტი front-end-ის ტექნოლოგიების შესახებ.
რომელია front-end-ის ყველაზე მოთხოვნადი framework?
2023 წლის მონაცემებით, ყველაზე მოთხოვნადი JavaScript ბიბლიოთეკა React არის. დასაქმების ბაზარზე 225,000 ვაკანსია სწორედ React დეველოპერის პოზიციაზე არის გამოცხადებული. მეორე ადგილს Angular იკავებს 172,000 ვაკანტური ადგილით, Vue კი მესამე ადგილზეა 48,000 ღია პოზიციით. რაც შეეხება სხვა დანარჩენ ტექნოლოგიებს (Svelte, Solid.js, Alpine, Backbone), მათ შორისაც არის პოპულარული framework-ები, თუმცა მათზე მოთხოვნა მაინც დაბალია. ამ მიმართულებით გამოცხადებული ვაკანსიების რიცხვი 7,200-ს შეადგენს.
ამ მონაცემების გათვალისწინებით, front-end-ის მიმართულებით ვაკანსიების 49,76% სწორედ React დეველოპერებზე ცხადდება. ეს კი მას ყველაზე პოპულარულ ტექნოლოგიად აქცევს. იგი მომხმარებლის ინტერფეისისა და დინამიკური ვებ-აპლიკაციების შესაქმნელად გამოიყენება. ისეთი პროდუქტები, როგორებიცაა Facebook, Instagram, Netflix, X(twitter), Airbnb, Uber, Dropbox, სწორედ მისი გამოყენებით არის შექმნილი.
React ქვეყნების მიხედვითაც ლიდერობს. იგი დიდი პოპულარობით გამოირჩევა აშშ-ში, ინდოეთში, გერმანიაში, დიდ ბრიტანეთში, ჩინეთში, კანადაში, შვედეთში, ფინეთში, ირლანდიაში, დანიასა და ნორვეგიაში. თუმცა არის ისეთი ქვეყნებიც, სადაც უპირატესობას Angular-ს ანიჭებენ. ასეთებია იტალია, საფრანგეთი, ესპანეთი და შვეიცარია. Vue framework-ს კი გამორჩეული ადგილი ბელგიაში უკავია.
რომელია front-end-ის ყველაზე მაღალანაზღაურებადი framework?
რაც შეეხება ყველაზე მაღალანაზღაურებად framework-ს, React აქაც არ თმობს პირველ ადგილს. აშშ-ში დეველოპერების საშუალო წლიური შემოსავალი $116,000-ის ტოლია. მეორე და მესამე ადგილს, შესაბამისად, Angular ($110,000) და Vue ($107,000) ინაწილებენ.
როგორც ხედავ, React front-end დეველოპმენტის ბაზარზე დომინანტური პოზიცია უჭირავს. გამოცხადებული ვაკანსიების დაახლოებით 50% სწორედ ამ ტექნოლოგიის ცოდნას მოითხოვს. პოპულარობის გამო კი შემოსავალიც საკმაოდ მაღალია. ამიტომ, თუ front-end დეველოპმენტის მიმართულებით გსურს კარიერული განვითარება, აუცილებლად შეისწავლე React და გახდი უფრო კონკურენტუნარიანი დასაქმების ბაზარზე.
React - დაიწყე სწავლა
ახლა კი React-ის საინტერესო კურსს გაგაცნობ, რომელსაც commschool-ში აღმოაჩენ. ამ პროგრამის ფარგლებში სფეროს პროფესიონალ ლექტორთან ერთად პრაქტიკაში განიხილავ JavaScript-ის ყველა იმ ასპექტს, რომელიც დაგჭირდება React-ის ფუნდამენტური შესწავლისთვის. გაარჩევთ და შეისწავლით React-ის უახლესი, მე-18 ვერსიის ყველა იმ ძირითად ნიუანსს, კონცეფციებსა და არქიტექტურულ ნაწილებს, რომლებიც თანამედროვე სამომხმარებლო ინტერფეისების შესაქმნელად არის საჭირო. ამასთან ერთად, გაიგებ, თუ საით ვითარდება თანამედროვე React Server Component-ების სახით.
პროგრამა პრაქტიკაზე დაფუძნებული სწავლების მეთოდებზეა აგებული. კურსის გავლის შემდეგ შეგეძლება React-ის მრავალფეროვან ეკოსისტემაში სწორედ ნავიგაცია და მისი გამოყენებით პატარა და საშუალო აპლიკაციების დამოუკიდებლად წერა. ასევე შეისწავლი JavaScript-ის, როგორც პროგრამირების ენის, გამოყენებას, DOM-თან მუშაობასა და მის თავისებურებებს.
გაეცანი React-ის კურსდამთავრებულების შთაბეჭდილებებს
კურსის განმავლობაში ჩემი ცოდნა საგრძნობლად გაიზარდა და გავხდი შედარებით თავდაჯერებული. ახლა უკვე ვიცი ამ კურსისგან შეძენილ უნარებს, რა თანმიმდევრობით უნდა დავაშენო ახალი ცოდნა, რაც ლექტორის მიერ მოცემული რჩევების შედეგია.
კურსის დასაწყისში მინიმალური ცოდნაც არ მქონდა React-ზე, თუმცა კურსის ბოლოს გავაკეთე პროექტი, რომელსაც დამსაქმებლებს სიამაყით წარვუდგენ. სწორედ პროექტზე მუშაობა იყო შემაჯამებელი წერტილი იმ ცოდნისა, რასაც გავდიოდით კურსის განმავლობაში.
ამ კურსზე ჩემთვის ყველაზე ღირებული რაც იყო, არის უცხო გამოწვევებთან გამკლავების სწავლა და ურთიერთობები, რომლებიც ჩამომიყალიბდა. ბევრი რამ ვისწავლე ამ ორ თვეში, რაზე ფიქრიც კი მაშინებდა ხოლმე: რეაქთი, როუტები, კონტექსტი, გარდები, API-სთან მუშაობა, მასივების მანიპულაცია და სხვა მრავალი.
Previous
Next
ასე რომ, თუ მზად ხარ ახალი გამოწვევებისა და შესაძლებლობებისთვის, commschool-ში შემოგვიერთდი. არ გადადო თვითგანვითარება, დეტალურად გაეცანი კურსის სილაბუსს და აირჩიე React!
კურსები ტექნოლოგიები მიმართულებით:
შესაძლოა გაინტერესებდეს
დამწყები
950₾
ხელოვნური ინტელექტი თანამედროვე მენეჯერის განუყოფელი ნაწილი გახდა. შესაბამისად, რაც უფრო მეტად გვესმის რა ენაზე და როგორ ვესაუბროთ ხელოვნურ ინტელექტს მით უფრო მარტივია მისი ყოველდღიურობაში ინტეგრირება. რაც მთავარია, ხელოვნური ინტელექტის საშუალებით შესაძლებელია დროის ეფექტურად გამოყენება და რუტინული საქმეების თავიდან არიდება.
ლექციების განმავლობაში დეტალურად შევისწავლით ისეთი პოპულარული AI სისტემების გამოყენებას, როგორიცაა ChatGPT, Claude.ai, და Gemini. პრაქტიკულ დავალებასა და ფინალურ ნაშრომზე მუშაობა კი დაგვეხმარება სიღრმისეული ცოდნა მივიღოთ AI ხელსაწყოების გამოყენებასა და მათ საკუთარ ნებაზე “მოთვინიერებაში”.
6 ლექცია
18
საათი
საშუალო
1600₾
თანამედროვე სამყაროში ნებისმიერი ციფრული პროდუქტი ან მომსახურება არ ითვლება სრულყოფილად, თუ მას მობილური აპლიკაცია არ აქვს. მსოფლიოს მობილური მომხმარებლების დაახლოებით 86% კი ანდროიდის მომხმარებელია, რაც მას ყველაზე პოპულარულ მიმართულებად ხდის მობაილ დეველოპმენტში.მობილური აპლიკაციები პროგრამული უზრუნველყოფის ერთ-ერთი სახეობაა, ამიტომაც კურსის საწყის ეტაპზე აქცენტი კეთდება პროგრამირების ენებისა და მიდგომების შესწავლაზე. ამის შემდეგ გადავდივართ ანდროიდის სპეციფიკური ფრეიმვორკის, ინსტრუმენტებისა და აპლიკაციის შექმნის პროცესზე.
24 ლექცია
72
საათი
საშუალო
1500₾
ბოლო წლებია Front-End Development ერთ-ერთ ყველაზე მზარდ და პერსპექტიულ ინდუსტრიად გვევლინება. ამ ყველაფერში დიდი როლი ითამაშა Angular Framework-მა, რომელიც 2016 წელს შეიქმნა Google-ის მიერ და რომლის გაუმჯობესება დღესაც აქტიურად მიმდინარეობს. Angular Framework-ის გამოყენებით თქვენ შეძლებთ TypeScript-Based Responsive Single-Page აპლიკაციების (SPA) აწყობას.
კურსის განმავლობაში მთავარი აქცენტი გაკეთდება Angular-ის მთავარი კონცეფციების ღრმად შესწავლაზე. დიდი დრო დაეთმობა TypeScript-ის და RxJS-ის სიღრმისეულ გარჩევას და ჩვენებას თუ რატომ არის ღირებული ტიპიზაცია (TS) და რეაქტიული პარადიგმა (RxJS)
20 ლექცია
60
საათი
შესვლა Google-ით
შესვლა Facebook-ით
