Data-Driven მარკეტინგის მოგზაურობა: როგორ შეიძინა სანდრომ ახალი უნარები და გამოცდილება

blog-detail-img

თანამედროვე სამყაროში წარმატებული მარკეტინგული კამპანიების შესამუშავებლად ყველაზე ღირებულ მასალას თავად მომხმარებლებისგან მიღებული მონაცემები წარმოადგენს. ტრადიციული მარკეტინგისგან განსხვავებით, Data-Driven მარკეტინგი ეფუძნება ფაქტებს და არა ვარაუდებს. მომხმარებელთა ქცევის ანალიზი მარკეტერებს ინფორმირებული გადაწყვეტილებების მიღებაში ეხმარება  მათ შეუძლიათ, სწორად განსაზღვრონ სამიზნე აუდიტორია და მათთვის შესაბამის სტრატეგიები შეიმუშაონ. 

თუ გაინტერესებს, როგორ უნდა მიიღო საუკეთესო მარკეტინგული გადაწყვეტილებები, ამ ბლოგს გაეცანი. სანდრო ბაბუნაშვილი, Data-Driven მარკეტინგის კურსდამთავრებული, საკუთარ გამოცდილებას გაგიზიარებს.

სანდრო Tsur Group-ში ციფრული მარკეტინგის გუნდის ხელმძღვანელია. მისი ძირითადი საქმიანობა ციფრული მარკეტინგის სტრატეგიების შემუშავება და შესრულებაა.  ყოველდღიური ამოცანები და მოვალეობები კი მოიცავს მონაცემთა ანალიზს, შინაარსის შექმნას, სოციალური მედიის მართვას, SEO ოპტიმიზაციასა და მომხმარებელთა ჩართულობის გაზრდას ჰოლდინგში შემავალი 7 ბრენდის განსავითარებლად.

თანამედროვე მარკეტინგის სფეროში მონაცემთა ღირებულების აღიარება და ანალიზი მნიშვნელოვან ასპექტს წარმოადგენს. სწორედ მსგავსი ასპექტების გამო გამიჩნდა Data-Driven მარკეტინგისადმი ინტერესი.

კურსის გავლა სწორედ მონაცემთა ანალიზისა და ინტერპრეტაციის უნარების გასაუმჯობესებლად გადაწყვიტა. სანდროს თქმით, Commschool-ში სწავლის პროცესი გამორჩეულად საინტერესო და ინფორმაციული იყო. ლექტორის მხრიდან საკუთარი გამოცდილებისა და უახლესი ტენდენციების გაზიარება კი განსაკუთრებულად ფასეული და უნიკალური გამოცდილება აღმოჩნდა.

Data-Driven მარკეტინგი - კურსის შესახებ

როგორც სანდრო აღნიშნავს, კურსმა მის მოლოდინებს გადააჭარბა. პროგრამის ფარგლებში თეორიული ცოდნის გამდიდრებასთან ერთად პრაქტიკული უნარების განვითარებაც შეძლო. კურსის განმავლობაში შეიძინა მონაცემთა ანალიზის, მარკეტინგული სტრატეგიის შემუშავებისა და შედეგების ეფექტურად შეფასების უნარები. ასევე უფრო მეტად გაიუმჯობესა კომუნიკაციის, ანალიტიკური აზროვნებისა და პრობლემების გადაჭრის უნარები.

Data-Driven მარკეტინგის კურსი

14 ლექცია | 42 საათი | 7 კვირა
გაიგე მეტი

ყველაზე ღირებული ნაწილი მონაცემთა ანალიზთან დაკავშირებული პრაქტიკული დავალებები იყო, რამაც რეალური მონაცემების გამოყენებით მნიშვნელოვანი დასკვნების გამოტანის უნარი გამიძლიერა.

Data-Driven მარკეტინგის კურსის დასრულების შემდეგ შეძლებ სწორად გაანალიზო მონაცემები და გამოიყენო ისინი მარკეტინგული სტრატეგიების შემუშავებისას. ასევე შეიძენ ბიუჯეტის ოპტიმიზაციისა და მარკეტინგული პროცესების უფრო ეფექტურად წარმართვის უნარებს. პრაქტიკული სავარჯიშოების დახმარებით გაიუმჯობესებ რბილ უნარებსაც, რომელიც არანაკლებ საჭიროა ამ სფეროში პროფესიული წარმატებისთვის.

ფინალური პროექტი

ფინალური პროექტი Commschool-ის კურსების ერთ-ერთი საინტერესო ნაწილია. მის ფარგლებში სანდრომ Pea.nut Store-ზე იმუშავა. ეს კომპანია წარმოადგენს მისი ოჯახის სტარტაპს და მისი მარკეტინგული და ფინანსური ანალიტიკის მხარე მთლიანად სანდროს აქვს ჩაბარებული. Pea.nut Store აწარმოებს ქართული მიწის თხილისა და ნუშის კარაქს. აღნიშნული პროექტის განვითარების პროცესში დიდი თეორიული და სტატისტიკური ინფორმაციის ბაზა ჰქონდა დაგროვებული, რაც ფინალური პროექტის ასაგებად ყველაზე საინტერესო მასალად ჩათვალა. პრეზენტაციის შექმნის პროცესში საკმაოდ გამოადგა ის ხელსაწყოები და პრაქტიკული ცოდნა, რომელიც კურსის განმავლობაში შეიძინა და გაიუმჯობესა.

მიღებული ცოდნის შედეგად შევძლებ, რომ ანალიტიკური ხელსაწყოები კიდევ უფრო ეფექტურად გამოვიყენო მიზანმიმართული და მომგებიანი მარკეტინგული კამპანიების საწარმოებლად.

მიღებული ცოდნასა და გამოცდილებას სანდრო უკვე წარმატებით იყენებს რამდენიმე მარკეტინგულ კამპანიაში. შედეგად, უფრო მეტად გააუმჯობესა რეკლამების ხარისხი და რაც მთავარია, მონაცემების დამუშავება სრულიად ახალ დონეზე აიყვანა.

მათ, ვინც Data-Driven მიდგომით და მისი შესწავლით ხართ დაინტერესებული, სანდრო გირჩევთ, ყოველთვის იყოთ ცნობისმოყვარეები და არასოდეს შეწყვიტოთ სწავლა. ეს მიმართულება მუდმივად ახალი უნარების შეძენასა და ტექნოლოგიების ათვისებას მოითხოვს. ამისთვის კი გიზიარებთ სანდროს რეკომენდაციებს:

პოდკასტები:

  • Marketing Over Coffee
  • The Data Skeptic Podcast

ბლოგები:

  • Neil Patel’s Blog
  • HubSpot Blog

ასე რომ, თუ გსურს, მეტი შეიტყო თანამედროვე მარკეტინგული სტრატეგიების შემუშავების პროცესზე, ეს კურსი შენთვისაა. დეტალურად გაეცანი პროგრამის სილაბუსს და შემოგვიერთდი Commschool-ში!

გაიგე მეტი კურსის შესახებ
გაუზიარე მეგობრებს
რელევანტური ბლოგები

რელევანტური ბლოგები

შესაძლოა გაინტერესებდეს

საშუალო
1400₾
AI in Content Creation
ხელოვნური ინტელექტი (AI) აქტიურად ცვლის კონტენტის შექმნისა და მარკეტინგის პროცესებს. თანამედროვე ციფრულ გარემოში, სადაც ცვლილებები სწრაფად მიმდინარეობს, AI-ის გამოყენება უკვე აუცილებელიც კი გახდა. ის მნიშვნელოვნად ამცირებს კონტენტის შექმნაზე დახარჯულ დროს, ზრდის შემოქმედებით შესაძლებლობებს და ხელს უწყობს კონტენტის პერსონალიზაციასა და ოპტიმიზაციას. AI ხელსაწყოები ამარტივებს როგორც იდეების გენერირების, ისე მისი აღსრულების პროცესს. კურსის განმავლობაში ვისწავლით, სწრაფად და მარტივად, ეფექტური ფოტო და ვიდეო ვიზუალური კონტენტის შექმნას სხვადასხვა AI ხელსაწყოების დახმარებით.
10 ლექცია
20 საათი
საშუალო
1500₾
Data-Driven მარკეტინგი
ციფრულ სივრცეში მომხმარებლის ნებისმიერი ქცევა მონაცემია, მისი სწორად გამოყენების უნარი კი – კონკურენტებზე უპირატესობის მოპოვების უმთავრესი საშუალება, რადგან ის გვეხმარება, მივიღოთ ჭკვიანური გადაწყვეტილებები, დაფუძნებული ფაქტებზე და არა ვარაუდებზე.ტრადიციული მარკეტინგული მიდგომებისგან განსხვავებით, მონაცემებზე დაფუძნებული მარკეტინგი გეხმარება, უკეთ შეიცნო შენი მომხმარებლები, შეისწავლო მათი ქცევები, ესაუბრო მათთვისვე რელევანტური კომუნიკაციით, საჭიროებებზე დაყრდნობით განსაზღვრო, სად და როგორ „დახვდე“ მათ და გაზომო მარკეტინგული აქტივობების შედეგიანობა. კურსის განმავლობაში დეტალურად გავივლით მონაცემთა ანალიტიკას, მომხმარებელთა სეგმენტაციას, ატრიბუციის მოდელირებას, მარკეტინგის სამოქმედო გეგმის და ბიუჯეტის შემუშავებას, სტრატეგიისა და ტაქტიკების შეფასებას, და სხვა.
14 ლექცია
42 საათი
დამწყები
1400₾
SEO
SEO-ს მიზანია, მომხმარებლებს პროდუქტის ან სერვისის მოძებნისას ჩვენი ბიზნესი მოხვდეს პირველი თვალში, რადგან ტერმინი Top of Mind ციფრულ ერაში Top of Search-ს ნიშნავს. სწორ ორგანულ ტრეფიკს 10-ჯერ მეტი ღირებულების მოტანა შეუძლია, ვიდრე სხვა არხით შემოსულ მომხმარებლებს. დღეს, გლობალურად, ელექტრონული კომერციები ტრეფიკის  39%-ს სწორედ საძიებო სისტემებით აგენერირებენ და ადამიანები მხოლოდ Google-ის საძიებო სისტემაში 3.5 მილიარდ ფრაზას ეძებენ ყოველდღიურად.კურსის განმავლობაში ვისწავლით ყველა იმ მნიშვნელოვან საკითხს, რომელიც საძიებო სისტემებში მაღალ პოზიციებზე გამოჩენაში დაგვეხმარება. რეალურ მაგალითებზე დაყრდნობით შევაფასებთ საიტების მდგომარეობას, გამოვასწორებთ შეცდომებს, ვისწავლით საიტის ავტორიტეტის ამაღლებას საძიებო სისტემაში და პრაქტიკაში გავიღრმავებთ ცოდნას შედეგების სწორად და ეფექტურად გაზომვისთვის.
16 ლექცია
48 საათი

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დაწყება