ძველ ვერსიაზე გადასასვლელად დააჭირე აქ

ამბები Data Driven Marketing-ის კურსიდან: ოთარ ვახტანგაშვილი

blog-detail-img

თანამედროვე მარკეტინგული სტრატეგიები მომხმარებლების ქცევის შესწავლის შედეგად მიღებულ მონაცემებს ეფუძნება. ეს ინფორმაცია შეიძლება იყოს ის, თუ რა პროდუქტებს ყიდულობენ ისინი, როგორ რეაგირებენ რეკლამებზე და როგორ იქცევიან. შესაბამისად, განსხვავებით ტრადიციული მიდგომებისგან, იგი ემყარება ფაქტებს და არა ვარაუდებს და მაქსიმალურად არის მორგებული სამიზნე აუდიტორიის საჭიროებებს. ეს კი Data Driven Marketing-ის მთავარი ღირებულებაა – მომხმარებლებისგან მიღებული მონაცემების სწორი ანალიზი და შედეგების გამოყენება ეფექტური გადაწყვეტილების მისაღებად.

თუ ციფრული მარკეტინგის სფეროში ხარ დასაქმებული და გსურს, ისწავლო, როგორ გამოიყენო მონაცემები მარკეტინგული კამპანიების ოპტიმიზაციისთვის, ამ ბლოგს გაეცანი. ოთარ ვახტანგაშვილი, Data Driven Marketing-ის პროგრამის კურსდამთავრებული, საკუთარ გამოცდილებასა და რჩევებს გაგიზიარებს.

data-driven marketing otar vakhtangashvili
data-driven marketing otar vakhtangashvili

ოთარი Adjarabet-ში MarTech Officer-ის პოზიციას იკავებს. მისი მთავარი ფუნქცია მარკეტინგისა და IT დეპარტამენტების დაკავშირება, ციფრული მარკეტინგის სწორად კეთებისთვის აუცილებელი ტექნიკური დეტალების მოგვარებაა. ამ სფეროთი წლების წინ დაინტერესდა და თბილისის თავისუფალ უნივერსიტეტში მისი სიღრმისეულად შესწავლა გადაწყვიტა. ოთარი პარალელურად სხვადასხვა კურსებსა თუ ონლაინ მასალებს ეცნობოდა, რათა  უკეთესად გასცნობოდა ციფრული მარკეტინგის მრავალფეროვან მიმართულებას. რამდენიმე კომპანიაში სპეციალისტად მუშაობის შემდეგ, გადაწყვიტა, მენეჯერული უნარ-ჩვევების შეძენა, რაც მარკეტინგული კამპანიის დაგეგმვა და სწორად გაძღოლას მოიცავს. სწორედ ასე აღმოჩნდა ოთარი Commschool-ში, სადაც მის ინტერესებზე მორგებული კურსი შეარჩია.

Commschool-ის მარკეტინგული კომუნიკაცია, ის, თუ როგორ არის წარმოდგენილი ონლაინ სივრცეში, ძალიან შთამბეჭდავია. მარკეტინგით დაინტერესებული ადამიანისთვის ეს ძალიან მნიშვნელოვანი მგონია. თუ სკოლამ თავად იცის, როგორ გააკეთოს ციფრული მარკეტინგი კარგად, ეს უდავოდ სწორი ადგილი უნდა იყოს ამის შესასწავლად. ასევე, ძალიან საინტერესო იყო სილაბუსი და ლექტორის გამოცდილებაც, რამაც საბოლოოდ გადამაწყვეტინა კურსის გავლა.

რას მოიცავს Data Driven Marketing-ის კურსი?

მოლოდინები Data Driven Marketing-ის კურსის შესახებ გამართლდა და ოთარმა საფუძვლიანად შეისწავლა ციფრული მარკეტინგის სწორად დაგეგმვა, პროცესის გაყოლა და რეპორტინგი, მუდმივი ოპტიმიზაცია. ის აღნიშნავს, რომ პროგრამა ფოკუსირებული იყო არა სპეციალისტის მოვალეობების განხილვაზე, არამედ მარკეტინგის მენეჯერის ფუნქციების დეტალურ მიმოხილვაზე. ამიტომ, კურსი მისთვის ღირებული გამოცდილება აღმოჩნდა – “სწორედ ეს იყო ჩემი მოლოდინი, დიდი სურათის აღქმა და ამის განვითარებაზე მუშაობა”.

პროგრამის განსაკუთრებით საინტერესო ნაწილად ოთარი მარკეტინგის ავტომატიზაციის საკითხს მიიჩნევს, რადგან იგი ტექნოლოგიური სფეროსგან სარგებლის მიღებას შეეხებოდა. მან ისწავლა, თუ როგორ შეიძლება მონოტონური და დროში გაწელილი საქმის მთლიანად ტექნოლოგიებისთვის გადაბარება. ეს რესურსი კი საშუალებას გაძლევს, დრო და ყურადღება დაუთმო სხვა მნიშვნელოვან დეტალებს.

ვინაიდან ციფრული მარკეტინგის სპეციფიკა და მისი გამოყენების გზები ვიცოდი, მჭირდებოდა ცოდნა, თუ როგორ გამომეყენებინა ეს ყველაფერი მომგებიანი კომუნიკაციის წარმოებისთვის. კურსი სწორედ ამ კუთხით დამეხმარა. თუ აქამდე ძალიან დიდი მონაცემების შეგროვება ვიცოდი, ახლა უკვე მათი სწორად წაკითხვა, ანალიზი და მათი გათვალისწინებით სწორი გადაწყვეტილებების მიღება ვისწავლე.

გარდა მიღებული თეორიული ცოდნისა, კურსი სასიამოვნო გამოცდილებად ლექტორმა აქცია. ოთარი აღნიშნავს, რომ იგი საინტერესოდ უძღვებოდა თითოეულ ლექციას, მისი გადმოცემის უნარი და სტუდენტებთან უშუალო დამოკიდებულება კი უფრო საინტერესოს ხდიდა სწავლის პროცესს.

Data Driven Marketing - ფინალური პროექტი

data-driven marketing otar vakhtangashvili final project

ის, რაც Commschool-ის კურსებს გამორჩეულს და ღირებულს ხდის, პრაქტიკული სავარჯიშოებისა და ინდივიდუალური პროექტების დამსახურებაა. ეს ხელს უწყობს სტუდენტებს, პრაქტიკაში გამოიყენონ მიღებული ცოდნა და დააგროვონ მნიშვნელოვანი გამოცდილება.

Data-Driven Marketing-ის კურსის შემთხვევაშიც სტუდენტებმა იმუშავეს მათ მიერ შერჩეული კომპანიისთვის მონაცემებზე დაფუძნებული მარკეტინგული სტრატეგიის შემუშავებასა და კამპანიის ოპტიმიზაციაზე. სპორტის სიყვარულიდან გამომდინარე ოთარმა არჩევანი Setanta Sports-ზე შეაჩერა. მისთვის პროექტზე მუშაობა შრომატევადი და საინტერესო პროცესი აღმოჩნდა.

კურსის გავლის შემდეგ თავდაჯერებული ვარ, რომ მენეჯერის როლი მოვირგო, იქნება ეს საკუთარ სტარტაპში, თუ კომპანიაში, რომლის მთავარი მარკეტინგული დატვირთვა ციფრულ არხებზე მოდის.

data-driven marketing otar vakhtangashvili final project.PNG 2

არც შეეხება მომავალ გეგმებს, ოთარი საკუთარი სტარტაპ კომპანიის შექმნას განიხილავს. ამ მიზნის მისაღწევად კი Commschool-ში მიღებული ცოდნის გამოყენებას გეგმავს:

მინდა საკუთარი ციფრული სტარტაპის გაკეთება, სადაც, რა თქმა უნდა, მთელს მარკეტინგს საკუთარ თავზე ავიღებ. სწორედ აქ იქნება ყველაზე გამოსადეგი ეს ცოდნა, რადგან უკვე A to Z ვიცი არა მხოლოდ ხელსაწყოების გამოყენება და მონაცემების შეგროვება, არამედ მათი სწორად გადატანა პრაქტიკაში.

ამიტომ, თუ შენც გსურს, გაიღრმაო ცოდნა ციფრულ მარკეტინგში და უკვე მენეჯერის პოზიციიდან მიიღო მონაცემებზე დაფუძნებული გადაწყვეტილებები, Commschool-ში გელოდებით. გაეცანი დეტალურად Data Driven Marketing-ის კურსის სილაბუსს და შემოგვიერთდი!

დარეგისტრირდი და გამოჩნდი Data-Driven მარკეტინგში
გაუზიარე მეგობრებს
რელევანტური ბლოგები

რელევანტური ბლოგები

შესაძლოა გაინტერესებდეს

დამწყები
1200₾
Creative Advertising
რეკლამას ერთი უცნაურობა ახასიათებს, როგორც წესი ვცდილობთ თავი ავარიდოთ მას, დავბლოკოთ, “დავსკიპოთ”, მეორე მხრივ კი შეიძლება მოუთმენლად ველოდებოდეთ საყვარელი ბრენდის ახალ კამპანიას და სიამოვნებით ვუყურებდეთ მაგალითად Nike-ის რგოლებს, McDonald’s-ის და Burger King-ის ორთაბრძოლებს, Coca-Cola-ს საახალწლო ქარავანს. როდის ხდება რეკლამა გასართობი და არა შემაწუხებელი? როგორ ახერხებს ამას ზოგიერთი ბრენდი? რა დგას ეფექტური სარეკლამო კამპანიის უკან? კურსის ფარგლებში ვეცდებით ამ კითხვებზე პასუხების პოვნას. ლექციებზე მიმოვიხილავთ სარეკლამო კომუნიკაციის საფუძვლებს, ძირითად პრინციპებს, ინსტრუმენტებს. გავეცნობით კრეატიული სააგენტოს მუშაობის მექანიკას, მოვალეობებსა და დამკვეთთან ჰარმონიულად ურთიერთობის წესებს. გავაანალიზებთ და განვიხილავთ გლობალურ თუ ქართულ ქეისებს. სტუდენტებს საშუალება ექნებათ შეიხედონ სარეკლამო ინდუსტრიის შიდა სამზარეულოში და გამოიმუშაონ კამპანიის დაგეგმვის, კრეატივის შეფასების და კრეატიულ გუნდთან მუშაობის მენეჯერული უნარ-ჩვევები.
11 ლექცია
33 საათი
საშუალო
1500₾
Data-Driven მარკეტინგი
ციფრულ სივრცეში მომხმარებლის ნებისმიერი ქცევა მონაცემია, მისი სწორად გამოყენების უნარი კი – კონკურენტებზე უპირატესობის მოპოვების უმთავრესი საშუალება, რადგან ის გვეხმარება, მივიღოთ ჭკვიანური გადაწყვეტილებები, დაფუძნებული ფაქტებზე და არა ვარაუდებზე.ტრადიციული მარკეტინგული მიდგომებისგან განსხვავებით, მონაცემებზე დაფუძნებული მარკეტინგი გეხმარება, უკეთ შეიცნო შენი მომხმარებლები, შეისწავლო მათი ქცევები, ესაუბრო მათთვისვე რელევანტური კომუნიკაციით, საჭიროებებზე დაყრდნობით განსაზღვრო, სად და როგორ „დახვდე“ მათ და გაზომო მარკეტინგული აქტივობების შედეგიანობა. კურსის განმავლობაში დეტალურად გავივლით მონაცემთა ანალიტიკას, მომხმარებელთა სეგმენტაციას, ატრიბუციის მოდელირებას, მარკეტინგის სამოქმედო გეგმის და ბიუჯეტის შემუშავებას, სტრატეგიისა და ტაქტიკების შეფასებას, და სხვა.
14 ლექცია
42 საათი
ექსპერტი
1300₾
Sense of Branding
თანამედროვე ბრენდი წარმოადგენს რაღაც პოზიციას. ის არის განაცხადი. მას შეუძლია, ადამიანს თვალსაწიერი გაუფართოვოს, გარკვეული მიმართულებით გაახედოს, ყურადღება გაუმახვილოს, სურვილი აღუძრას. სტრატეგიული ბრენდინგი განსაზღვრავს ყველაფერ იმას, რაც ბრენდმა ცხოვრებაში უნდა დაგვმართოს.ქრეშ-კურსის გავლის შემდეგ შეგეძლება ბრენდის ელემენტებში გარკვევა და მათით მანიპულირება.შეხვედრები ჩატარდება D Block Workspace//@ Stamba-ში
4 ლექცია
20 საათი

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დაწყება