“ცოდნა, კონტაქტები, სტატუსი” – ნუკა ზურაშვილი Commschool-ის როლს თავის კარიერულ წინსვლაში ასე აფასებს. იგი Data-Driven Marketing-ის კურსდამთავრებულია და სულ ცოტა ხნის წინ  აჭარაბეთის მარკეტინგის  გუნდს შეუერთდა.

როგორც ნუკა ყვება, ციფრული მარკეტინგი თავიდან უბრალოდ ჰობი იყო; თუმცა, საბოლოოდ, ჰობი პროფესიად იქცა და ამ მიმართულებით მრავალფეროვანი გამოცდილება დააგროვა:

“აჭარაბეთში Helix Nebula Capital-დან გადავედი. იქ ციფრული რეკლამის მიმართულებით, ძირითადად, ფინანსურ პროდუქტებზე ვმუშაობდი. კარიერის განმავლობაში კი ისეთ ბრენდებთან ვიმუშავე, როგორიცაა: Mastercard, Coca-Cola, Fanta, Fusetea, Moneyman, Vivus, Philip Morris და ა.შ. ჯამში თხუთმეტი  ქვეყნის ბაზარზე მიმუშავია.”

ამ ყველაფრის ფონზე, ნუკასთვის Commschool-ის Data-Driven Marketing-ის კურსი საჭირო და  საინტერესო გამოდგა წინსვლისათვის:

“კურსის სახელწოდებამ ჩემში მყისიერი ინტერესი გამოიწვია. მონაცემებზე დაფუძნებული მარკეტინგის კურსი რომ დაიდო, ციფრულ ედვერთაიზერად ვმუშაობდი. ჩემი სამუშაო Performance based იყო: რეკლამაში ჩადებული ხარჯი პროდუქტების გაყიდვით უნდა ამომეღო და მოგებაზე გავსულიყავი. შესაბამისად, მონაცემთა მარკეტინგში ფეხი უკვე შედგმული მქონდა და მჭირდებოდა, რომ ყველაფერი უკეთ მესწავლა და უკვე არსებული ცოდნის სისტემატიზება მომეხდინა.”

გემბლინგის სფეროში ციფრული მარკეტინგის მხრივ ლექტორის გამოცდილება ნუკასთვის განსაკუთრებით მნიშვნელოვანი აღმოჩნდა:

“თამარს ციფრულ სამყაროში ორ ყველაზე რთულად გაყიდვად პროდუქტებზე მუშაობის გამოცდილება ჰქონდა: ფინანსური პროდუქტები და გემბლინგი. პირველის გამოცდილება მეც მქონდა და იმისათვის, რომ ციფრული მარკეტინგი სრულფასოვნად შემესწავლა, მეორეშიც მჭირდებოდა გამოცდილება. ამიტომ, კურსის რეკლამა შემხვდა თუ არა, მაშინვე დავრეგისტრირდი.”

ნუკას თქმით, კურსი მისთვის ახალი შესაძლებლობების წყარო აღმოჩნდა და იმედებიც გაუმართლა:

“ზოგადად, ახალი შესაძლებლობების გაშლის იმედი სულ მაქვს – სულ ვმუშაობ, რომ ეს შესაძლებლობები გაჩნდეს. ამის ინსტრუმენტად მივიჩნიე Commschool და, აშკარაა, რომ არ შევმცდარვარ.”