"ყველაფრისგან ან/და არაფრისგან შევქმნით კონტენტს" - ლიანა მეტრეველი

იმ ადამიანების ამბები, რომლებიც შინაგან ხმას დაჰყვნენ და ცხოვრების რადიკალურ ცვლილებას არ შეუშინდნენ, ჩემთვის და, დარწმუნებული ვარ, შენთვისაც, შთამაგონებელი და დამაიმედებელია. ეს ბლოგი commschool-ის კონტენტ მარკეტინგის ლექტორის სწორედ ასეთი ამბავს ეხება. ლიანა მეტრეველი ამჟამად Eserti კონტენტ სტუდიოს თანადამფუძნებელია, მანამდე კი საქართველოს ბანკის სოციალური მედიის გუნდს ხელმძღვანელობდა.  მისი სამუშაო გამოცდილება ასე მოიცავს კონტენტ დირექტორის პოზიციაზე მუშაობას "რედბერიში". ჟურნალისტიკისა და ფოტოგრაფიისადმი ინტერესი ყოველთვის ჰქონდა; მართალია, მისთვისვე მოულოდნელად, უნივერსიტეტში სამართალმცოდნეობაზე ჩააბარა, თუმცა ბლოგებისა და  სტატიების შექმნისთვის არც მაშინ მიუნებებია თავი. ლიანა ყვება, რომ მისი მისწრაფება წერისაკენ მისი გარშემომყოფების დახმარებით შეინიშნა, გამოიცადა და აღმოჩნდა რა, რომ კონტენტის შექმნასა და ქოფირაითინგს წარმატებით ართმევდა თავს, “რედბერის” ნაწილიც გახდა.გენიალური იდეები ათასში ერთხელ, ალბათ, ყველას მოგვდის, მაგრამ კონტენტ დირექტორის გამოწვევა სწორედ იმაშია, რომ იდეათა უწყვეტი ნაკადი შეინარჩუნოს. “მხოლოდ უხილავი იდეის იმედად ვერ ვიქნებით. ამიტომაც, ძალიან მნიშვნელოვანია ფიქრის პატერნის ჩამოყალიბება, იმ ბრენდის სიღრმისეულად შესწავლა, რომლისთვისაც მუშაობ. იდეის მოსვლას ნამდვილად ვერ გააკონტროლებ, მაგრამ შეგიძლია გააკონტროლო გზა, რომლითაც ამ იდეამდე მიხვალ.” კონტენტ მარკეტინგის კურსი, რომელსაც ლიანა წაიყვანს, სწორედ ფიქრის პატერნის ჩამოყალიბებასა და იდეათა საძიებელი გზის გაკვალვას მოიცავს.  "ეს კურსიც ერთი დიდი კონტენტი იქნება. სავსე პრაქტიკული სამუშაოებით, სადაც ვნახავთ, შევქმნით, შევცვლით, მერე ისევ შევქმნით საკუთარი ხელით, სხვადასხვა ციფრულ არხში, სხვადასხვა საშუალებით, რესურსით და იდეით." ინსპირაციის ძიება ლიანასთვის გამუდმებული პროცესია. ეს ლიტონი სიტყვები როდია; ის მრავალფეროვან ინფორმაციას დაეძებს, კითხულობს სტატიებს მისთვის საინტერესო თემების შესახებ, ეცნობა სოციალური ქსელების, ბრენდებისა თუ სხვა კონტენტ-დირექტორთა სიახლეებსა და საქმიანობას. ხშირად აწყობს მუდბორდებს და აგროვებს ვიზუალურ მასალას. ამ უწყვეტი ინფორმაციული ნაკადის პირობებში კი, შემთხვევათა უმრავლესობაში, სასურველი შთაგონება ეწვევა ხოლმე. ხოლო თუკი ნანატრი იდეა არა და არ მოდის, მაშინ, ლიანას რჩევით, უმჯობესია, ყურადღება სხვა რამეზე გადაიტანო, გონება მოასვენო, მაშინ კი სასურველი გადაწყვეტა მოულოდნელ მომენტში გეწვევა ხოლმე. ლიანა ჩართული იყო ისეთი ბრენდების კამპანიებსა და Original კონტენტზე მუშაობაში, როგორიც არის GWP, სეკრეტ სანტა, ICY, გალერია თბილისი, მინისო, ბილაინი, კაიაკი, AVON და სხვა. მისი ნამუშევრები შეგიძლიათ,  პორტფოლიოს სახით იხილოთ. კონტენტ მარკეტინგის კურსდამთავრებულების შთაბეჭდილებები: Commschool ჩემთვის იყო უამრავი სიახლისა და საკუთარი ძალების აღმოჩენა, თავდაჯერებულობის მატება, სასიამოვნო ადამიანების გაცნობა, დადებითი ემოციების გაზიარება და ახალი თავგადასავლებისკენ ბიძგი. ვურჩევდი ყველას, ვისაც სურს სიახლეებისკენ სწრაფვა და ამ სწრაფვის დროს მიღებული სიამოვნებით ტკბობა. თეკლა რაზმაძე, Travel Box-ის მარკეტინგის მენეჯერი ნინო ყანჩაველი, Freelancer Content Creator, პროგრამის შეფასების შესახებ: ის, რაც ლექციებზე ხდება, ნამდვილი ჯადოსნობაა. პირველივე ლექციაზე დავრწმუნდი, რომ ახალი კარიერა სწორად ავირჩიე. სრულიად გამოუცდელმა ადამიანმა აღმოვაჩინე, რომ შემიძლია უსასრულოდ ვაკეთო ეს საქმე. ქომსქულის დამსახურებით ვიპოვე ჩემი ადგილი და არსად წასვლას აღარ ვაპირებ. გვანცა რაზმაძე, adjarabet-ის შიდა კომუნიკაციების ოფიცერი თავის გამოცდილებას გვიზიარებს: Commschool გახდა ჩემი საყვარელი ადგილი! ყველას, ვისაც კი ერთხელ მაინც უფიქრია, რომ არაფრისგან უნდა შექმნას დიდებული რამ, სწორედ ეს ადგილია ამისთვის. დაგხვდებათ გარემო, სადაც ერთი სული კი არ გექნებათ როდის დამთავრდება ლექციები, პირიქით, 3 საათიანი ლექციის მერე შეიძლება გეწყინოთ კიდეც უფრო დიდხანს რომ არ გაგრძელდა. გაიცნობთ შესანიშნავ ლექტორს, რომელიც დაუღალავად უპასუხებს თქვენს შეკითხვებს. ვფიქრობ, რომ ამაზე სასიამოვნო დიდი ხანია არაფერი გადამხდენია. და ბოლოს Content Creator არაა ქართული სიტყვა, სამაგიეროდ, მშვენივრად ითქმის ჩვენს ენაზე. შემოქმედი. შესაბამისად, კონტენტ მარკეტინგის კურსი არის ყველასთვის, ვინც არის ან უნდა რომ იყოს შემოქმედი. ვისაც აქვს საკუთარი ბრენდი ან ემუშავება სხვადასხვა ბიზნესს, ვისაც აინტერესებს სოციალური მედია და ამ სფეროში ხედავს საკუთარ თავს. შემოგვიერთდი! გამოჩნდი კონტენტ მარკეტინგში ⭐️

Content Management-ის კურსიდან Redberry-ში - ანანო ჭელიძის კარიერული განვითარების გზა

"Comschool აქტიურად ეხმარება თავის კურსდამთავრებულებს მათთვის საინტერესო ვაკანსიების მოძიებაში" - ანანო ჭელიძე Commschool-ის Content Management-ის კურსდამთავრებულია, რომელიც კურსდამთავრებულთა კლუბის ფარგლებში, Redberry-ის გუნდს შეუერთდა. ამ ბლოგში სწორედ ანანოს კარიერული წინსვლის შესახებ ისტორიას გაგიზიარებთ. კურსდამთავრებულთა კლუბი თავის წევრებს შესაძლებლობას აძლევს,  მიიღონ ექსკლუზიური სამუშაო შეთავაზებები, სტაჟირების შესაძლებლობები და კონსულტაციები Commschool-ის პარტნიორი კომპანიებისგან. ეს პარტნიორი კომპანიებია: Holmes & Watson, Adjarabet, Adjara Sport, Redberry, JWT Metro ა.შ. ანანოს, რომელიც "Redberry"-ის გუნდს შეუერთდა, Commschool-ში მიღებული გამოცდილებით, მუშაობის პროცესში გზის გაკვალვაც გაუმარტივდა: "უკვე ერთი თვეა, რაც სააგენტოში ვმუშაობ და ჩემი ყოველდღიური თასქების შესრულებისას, Content Management-ის კურსზე მიღებული ინფორმაციები ძალიან მეხმარება". ანანომ Commschool მეგობრების რეკომენდაციით აღმოაჩინა და Content Management-ის კურსი ონლაინ გაიარა, რომელსაც "Redberry"-ის კონტენტ დირექტორი - ლიანა მეტრეველი უძღვებოდა. "კურსის მსვლელობისას, ლექტორის მიერ მოცემული ჯგუფური დავალებები და რეალური პროექტების განხილვა, Content Creator-ის პრაქტიკულ საქმიანობაში უკეთ ჩახედვის შესაძლებლობას გვაძლევდა. ინტერაქციით დატვირთული სალექციო საათები მხიარულად და ძალიან საინტერესოდ მიმდინარეობდა, მიუხედავად იმისა, რომ ეს კურსი ონლაინ იყო, არაფრის დანაკლისი არ მიგრძვნია". ანანო Commschool-ში მიღებული შედეგებით კმაყოფილია და რეკომენდაციას უწევს მას: "ვფიქრობ, რომ ვისაც თავის სფეროში ცოდნის გაღრმავება უნდა ან ახალი პროფესიის შესწავლას გეგმავს, “თბილისის კომუნიკაციის სკოლა” იდეალური ადგილია ამ ნაბიჯების გადასადგმელად". თუ შენც დაინტერესდი Commschool-ში Content Management-ის კურსით, იცოდე, რომ სულ 16 ლექციაში ანუ 2 თვის განმავლობაში მიღებული ცოდნით, სკოლისგან დასაქმების რეალური შესაძლებლობები მოგეცემა. ასე რომ, შეგიძლია შემოგვიერთდე! პროგრამის აღწერა ავტორი: მარიამ ჯაფარიძე

Reckless-ის კონტენტ კამპანია – კონტენტ მარკეტინგის კურსის ფინალური პროექტი

მადო რომანაძის ფინალური ნაშრომი

მოდის სფერო და მარკეტინგი XXI საუკუნეში სოციალური ქსელები ადამიანთა ყოველდღიურობის ნაწილად იქცა, მათ გარეშე, თითქმის წარმოუდგენლად გესახება ცხოვრება. სწორედ ამიტომ დიჯითალ მარკეტინგის გააქტიურება არავის გაკვირვებია -  ბიზნესი, მთავრობა თუ კულტურული ორგანიზაციები - ყველა მათგანი იყენებს სოციალურ ქსელებს, რათა მისწვდეს სამიზნე აუდიტორიას. სოციალური ქსელების მომხმარებელთა რიცხვი და მათი აქტიურობის ტენდენცია მზარდია. ამ ეტაპზე ინსტაგრამის მომხმარებელთა რიცხვმა 1 მილიარდს გადააჭარბა, ფეისბუქზე კი უკვე 1,6 მილიარდამდე ადამიანია დარეგისტრირებული. ეს და სხვა არაერთი სტატისტიკა მსგავს თემაზე პირდაპირ ანიშნებს ბიზნესის მფლობელებს, რომ დროა, მათმა პროდუქტებმა ონალინ სივრცეშიც გადაინაცვლონ. თუმცა ხშირად პრობლემა ხდება ის, რომ მოდის ინდუსტრიისა თუ მომიჯნავე სფეროების წარმომადგენლებს უჭირთ ზღვარი დაიჭირონ ოფლაინ და ონლაინ შეხების წერტილებს შორის და ფიქრობენ, რომ თანამედროვე ტენდენციებისთვის ფეხის აწყობა აქამდე უკვე ნაცადი მეთოდების დავიწყებას გულისხმობს. ამიტომ ზოგიერთი მათგანი აღარ მიიჩნევს საჭიროდ გაყიდვების წერტილების, შოურუმების ქონას.  ამ შემთხვევაში მართალია ისინი ზოგავენ ისეთ ფიქსირებულ ხარჯებს, თუმცა არ ითვალისწინებენ იმას, რომ გრძელვადიან პერსპექტივაში შეხების წერტილის არსებობამ შეიძლება უფრო მეტი მოგება მოუტანოს ბიზნესს. მაშინ, როცა სამყარო ასეთი ჩქარი ტემპებით ვითარდება, მნიშვნელოვანია ადაპტაციის უნარი გაგვაჩნდეს, ოქროს შუალედის პოვნაა გამოსავალი. 2015 წლის მაისში დამკვიდრდა ასეთი სიტყვა - Instagaramable, რაც აღნიშნავს ადგილს, სიტუაციას ან ნივთს, რომლის ადგილიც არის ინსტაგრამის ფიდზე. მგონია, რომ თანამედროვე მოდის ინდუსტრიამ უნდა შექმნას ისეთი შეურუმი თუ გაყიდვის წერტილი, რომელიც იქნება Instagramable (ინსტაგენური), რომლითაც გამოხატავს განწყობას, ხასიათსა და სულისკვეთებას. ერთ-ერთი მიზეზი, რატომაც შეიძლება ადამიანს მოუნდეს მოდის შოურუმში მისვლა, შეიძლება იყოს არა მხოლოდ კონკრეტული საჭიროება რომელიმე ნივთის შეძენის, არამედ უნდოდეს ამ გარემოს დათვალიერება, მეგობრებისთვის გაზიარება სოციალურ ქსელში და  საკუთარი ონლაინ-იდენტობის შექმნაც კი. იმის მაგალითად, თუ  როგორ შეავსო ონლაინ და ოფლაინ სივრცეებმა ერთმანეთი, მახსენდება “ნაყინის მუზეუმი” მაიამიში, რომლებიც ერთ-ერთი ყველაზე ინსტაგენური ადგილია. მიუხედავად იმისა, რომ ამ მუზეუმის დათვალიერება მის ვებ გევრდზეც არის შესაძლებელი და სხვადასხვა სოციალურ ქსელშიც, მისი უჩვეულოდ მიმზიდველი და ფერადი გარემო უბიძგებს ადამიანებს, რომ თვითონ მივიდნენ ამ ადგილას და გადაიღონ იქ ფოტოები. „ნაყინის მუზეუმში“ შესანიშნავად შერჩეული განათება, ფერადად შეღებილი კედელი, უცნაური ინსტალაცია თუ საქანელა, საუკეთესო ფონს ქმნის წარმატებული ფოტოსთვის სოციალურ ქსელებში, განსაკუთრებით კი „ინსტაგრამზე“, რომელიც მთლიანად ვიზუალური ინფორმაციის გავრცელებაზე დაფუძნებული პლატფორმაა. ონლაინ გამოცდილება მაინც არ არის სრულფასოვანი, რადგან ოფლაინ გარემოში კიდევ უფრო მეტი ხელშესახები ემოცია გვრჩება. ასე რომ, ეს გამოცდილება უნდა გაითვალისწინონ შოურუმებმაც და შექმნან ისეთი გარემო, რომელის მიზანი იქნება არა მხოლოდ გაყიდვა, არამედ ბრენდის ამბასადორების მოზიდვა, რომლებსაც მოუნდებათ  ბრენდის სახელი თავიანთ სოციალური სივრცეებში გაავრცელონ.

კონტენტ მენეჯმენტის ფინალური პროექტი: გიორგი მიგრიაული

გაინტერესებს, როგორ დაგეგმო და მართო ეფექტური კონტენტ სტრატეგიები? მაშინ ამ ბლოგს გაეცანი, სადაც ჩვენს კურსდამთავრებულს, გიორგი მიგრიაულს გაგაცნობ. ის საუბრობს პროგრამის განმავლობაში დაგროვებული ცოდნისა და გამოცდილების შესახებ. როგორც ხელოვნების სტუდენტსა და სიახლეების მაძიებელს, გიორგის ყოველთვის მოსწონდა სხვადასხვა კრეატიულ მედიუმში მუშაობა. სურდა, რომ საკუთარი თავი ახალი მიმართულებით გამოეცადა. კონტენტ მენეჯმენტი გიორგისთვის არ იყო სრულიად უცხო, რადგან რამდენიმე სტარტაპი და შესაბამისი გამოცდილება ჰქონდა.  ყოველთვის მეშინოდა რუტინის და მივხვდი, რომ ეს საქმე ჩემთვის იმდენად შემოქმედებითი და საინტერესოა, რომ რთულია, რუტინად გადაიქცეს. ამიტომაც გადავწყვიტე მისი პროფესიონალურ დონეზე შესწავლა, რამაც საბოლოოდ Commschool-მდე მომიყვანა. კონტენტ მენეჯმენტის კურსმა გიორგის მოლოდინები სრულად გაამართლა. მან შეისწავლა და განივითარა ყველა ის უნარ-ჩვევა, რომლებიც ნებისმიერ პროფესიონალ კონტენტ კრეატორს უნდა ჰქონდეს. იმ გამოწვევებმა და სირთულეებმა, რომლებიც პროგრამის განმავლობაში შეხვდა, დიდი გავლენა იქონია მისი, როგორც კონტენტ კრეატორის ჩამოყალიბებაზე. მიღებული გამოცდილება კი მომავალში აუცილებლად დაეხმარება. კონტენტ მენეჯმენტი - კურსის შესახებ როგორც გიორგი აღნიშნავს, ლექტორის დახმარებით კურსის განმავლობაში არაერთი პლატფორმა შეისწავლა. გაეცნო იმას, თუ რამდენად დიდი მნიშვნელობა აქვს თითოეულის გამოყენებას, როგორ განსხვავდებიან პლატფორმები და მათთვის განკუთვნილი კონტენტი ერთმანეთისაგან. ლექციებზე განიხილავდნენ უამრავ კრეატიულ კამპანიას და მსჯელობდნენ თითოეული მათგანის ინსაითზე. გიორგისთვის კი ყველაზე გამორჩეული კამპანია Cheetos Museum-ია, რომელმაც მთელი მსოფლიო მოიცვა.თეორიულ მასალასთან ერთად გიორგი სხვადასხვა სახის პრაქტიკულ დავალებასაც ასრულებდა. რადგანაც ყოველთვის იზიდავდა საკუთარი ხელით ჩაფიქრებულ იდეამდე მისვლა, მისთვის ყველაზე საინტერესო ფიზიკური/ტექნიკური შესრულების მხარე იყო. მაგალითად, გადასაღები მოედნის მოწყობა, ფოტოების გადაღება. კურსის დასრულების შემდეგ ჩემი წარმოდგენები ამ სფეროს შესახებ კიდევ უფრო განმტკიცდა. ხელახლა გავიაზრე ის, რომ ნებისმიერი კომპანიის წარმატების ერთ-ერთ მყარ საფუძველს სწორედ კარგი კონტენტი წარმოადგენს. ფინალური პროექტი - მინი კონტენტ კამპანია რაც შეეხება ფინალურ პროექტს, ეს დავალება Commschool-ის კურსების განუყოფელი ნაწილია. მასზე სტუდენტები დამოუკიდებლად მუშაობენ და პროგრამის განმავლობაში მიღებული ცოდნის ერთგვარ შეჯამებას წარმოადგენს. გიორგიმ პროექტისთვის გადაწყვიტა, რომ კრეატიული კონტენტ კამპანია მისი მეგობრის სტარტაპისთვის შეექმნა. ლექტორთან აქტიური კომუნიკაციით, მისი მხრიდან რჩევების მიღებითა და გათვალისწინებით გიორგიმ შეძლო, სასურველი შედეგებისთვის მიეღწია და საინტერესო კონტენტი შეექმნა. ყველა იმ ადამიანს, ვინც მიიჩნევს, რომ არის შემოქმედი, კრეატიული, შრომისმოყვარე და აინტერესებს სოციალური მედია, კონტენტ მენეჯმენტის მიმართულებით წასვლას ვურჩევ, რაშიც Commschool უდავოდ დაეხმარება. გიორგის შემდგომი მიზანი კარიერული განვითარება და დასამახსოვრებელი და ხარისხიანი კონტენტის შექმნაში აქტიური მონაწილეობის მიღებაა. პროფესიული საქმიანობის წარმატებით შესრულებაში კი დაგროვებული ცოდნა და გამოცდილება დაეხმარება. კურსის განმავლობაში ლექტორისა და თავად Commschool-ის მიდგომა, ყურადღება და დამოკიდებულება ყველანაირ კომფორტს ქმნის, რომ საკუთარი შესაძლებლობები გამოავლინო. ასე რომ, თუ შენც გსურს, კრეატიულ სფეროში შეაბიჯო მეტი გაიგო კონტენტის შექმნის შესახებ, ეს კურსი შენთვისაა. დეტალურად გაეცანი პროგრამის სილაბუსს და შემოგვიერთდი Commschool-ში! დარეგისტრირდი კურსზე

კონტენტ მარკეტინგის კურსიდან კონტენტ კრეატორის პოზიციამდე

კრეატიული სამყარო გიზიდავს და ამ მიმართულებით გსურს განვითარება? მაშინ სწორ ადგილას მოხვდი. ამ ბლოგში სოფია ცინცაძეს, კონტენტ მარკეტინგის კურსდამთავრებულს გაგაცნობ. ის დეტალურად მოგიყვება კურსთან დაკავშირებით მისი შთაბეჭდილებებისა და კარიერული წარმატების შესახებ. სოფიას კონტენტთან შეხება მთელი კარიერის მანძილზე ჰქონდა და ყოველთვის სურდა, ამ კუთხით ცოდნა უფრო მეტად გაეღრმავებინა. Commschool-ის კონტენტ მარკეტინგის კურსზე არჩევანი მისი რამდენიმე მეგობრის რეკომენდაციით შეაჩერა, რომლებიც ამ სკოლაში მიღებული გამოცდილებით დღემდე მადლიერები არიან. ასევე სხვა სკოლებისგან გამოირჩეოდა იმ მხარდაჭერით, რომელსაც კურსდამთავრებულებს სწავლის დამთავრების შემდეგაც სთავაზობს, რასაც სოფია ძალიან მნიშვნელოვნად მიიჩნევს მოტივაციის ასამაღლებლად. შესაბამისად, გარანტირებულმა სტაჟირებამ და პოტენციურ დამსაქმებლებთან რეკომენდაციების გაწევის შესაძლებლობამ დიდი როლი ითამაშა საბოლოო გადაწყვეტილების მიღებაში. როგორც ქოფირაითერსა და ვიზუალურ არტისტს, ყოველთვის ძალიან მსიამოვნებს, როდესაც სოციალურ ქსელებში საინტერესო, ვიზუალურად და კონცეპტუალურად თვალწარმტაც კონტენტს ვპოულობ. მინდოდა, მსგავსის შექმნა მეც შემძლებოდა. კონტენტ მარკეტინგი - რას მოიცავს კურსი? სოფიას აზრით, კონტენტ მარკეტინგის კურსი იდეალური საწყისი წერტილია მათთვის, ვისაც კონტენტის  მიმართულებით საკუთარი თავის გამოცდა სურს. მის შემთხვევაში, კურსმა თავი მოუყარა უკვე არსებულ ცოდნას, რომელიც ამ მიმართულებით ჰქონდა და ბევრად უფრო ადვილად ხელშესახები და სიღრმისეული გახადა. პროგრამის განმავლობაში განხილული უამრავი ქეისი მისთვის შთაგონების წყარო გახდა - ყოველთვის მისი შესაძლებლობების მაქსიმუმი გამოიყენოს და იდეას ბოლომდე მიჰყვეს. ამავდროულად კი გზაში ცვლილებებისაც არ შეუშინდეს. აქვე აღნიშნავს, რომ ამ დრომდე, მიუხედავად იმ ცოდნისა, რომ TikTok-ი ძალიან ეფექტური სოციალური მედიის პლატფორმა და საძიებო სისტემაა, მის გამოყენებას ყოველთვის თავს არიდებდა. ახლა კი აქტიურად იყენებს როგორც დღევანდელი ტრენდების, ტენდენციების გამოსაკვლევად, ასევე უბრალოდ ინფორმაციის მოსაძიებლად. კონტენტ მარკეტინგის კურსი დაიწყე სწავლა 20 იანვრიდან გაეცანი სილაბუსს კურსის განმავლობაში ყოველკვირეულად შესრულებული დავალებები, გარდა იმისა, რომ საკმაოდ ეფექტური კრეატიული სავარჯიშო იყო, დამეხმარა, რომ ჩემი ხედვა კონტენტის მიმართულებით უფრო მკაფიოდ ჩამომეყალიბებინა. აუცილებლად უნდა აღინიშნოს ლექტორის ძალიან გაწაფული თვალი ვიზუალურ კონტენტთან მიმართებაში. სოფიას თქმით, ის ყოველ ლექციაზე სტუდენტებს ამომწურავად უზიარებდა ინფორმაციას, განიხილავდა მათთან ერთად სხვადასხვა მაგალითებს და სრულიად ახლებურ პერსპექტივას ანახებდა. აქვე გეტყვი, რომ კურსის განმავლობაში სტუდენტებს ულიმიტო წვდომა აქვთ გლობალურ მონაცემთა ბაზასთან, WARC-თან, რაც ძალიან ღირებული შესაძლებლობაა მარკეტინგის მომავალი პროფესიონალებისთვის. სოფია აქ ეცნობოდა ინფორმაციას სხვადასხვა ქეისების, სტატისტიკებისა და ტრენდების შესახებ. ამ პლატფორმასთან წვდომამ მისთვის ინფორმაციული წყაროს სრულიად ახალი კარი გააღო. შედეგად, სოფიას უკვე შეუძლია, დამოუკიდებლად დაგეგმოს და აღასრულოს კონტენტ კამპანია სხვადასხვა მედია არხებისთვის. ფინალური პროექტი - მინი კონტენტ კამპანია კონტენტ მარკეტინგის კურსის ბოლოს სტუდენტები ირჩევენ ერთ კომპანიას და მისი რომელიმე სერვისისთვის/პროდუქტისთვის მინი კონტენტ კამპანიის შემუშავებაზე ინდივიდუალურად მუშაობენ. სოფიამ გადაწყვიტა, ფინალური პროექტის ფარგლებში ისეთ თემაზე ემუშავა, რომელიც თავადაც გულწრფელად აინტერესებდა ან აწუხებდა. შესაბამისად, შეარჩია კომპანია 'ექიმო', თემა კი - სოციალურ მედიაზე დამოკიდებულების პრობლემა, რომელიც დარწმუნებულია, რომ ასე თუ ისე, ყველა თანამედროვე ადამიანს აწუხებს. მუშაობის პროცესი ძალიან ინტენსიური და საინტერესო იყო. მქონდა მომენტებიც, როდესაც ვფიქრობდი, რომ არაფერი გამომივიდოდა და თემის შეცვლასაც კი განვიხილავდი. თუმცა, როცა ჯიუტად მიყვები შენს იდეას, რაც ჩაფიქრებული გაქვს, აუცილებლად გამოგივა და შესაძლოა, იმაზე ბევრად უკეთესად, ვიდრე იქამდე წარმოგედგინა. კამპანიის სისრულეში მოსაყვანად სოფია უამრავ სტატიასა თუ პოდკასტს კითხულობდა და უსმენდა ადიქციური ფსიქოლოგიისა და ნეირომეცნიერების შესახებ, რომლებიც სიღრმისეულად განმარტავდნენ ამ პრობლემის რაობას. ეს ინფორმაცია კი საბოლოოდ კონტენტის შესაქმნელად გამოიყენა. თავადვე შექმნა 3D ვიზუალი და ინფოგრაფიკები, რომლებიც კონტენტ კამპანიის ვიზუალურ ნაწილად მოიაზრა. კურსის გავლის შემდეგ კიდევ უფრო მკაფიო გახდა, თუ რამხელა შრომითი რესურსის ჩადებაა საჭირო ხარისხიანი კონტენტის შესაქმნელად. იდეალური შედეგის მისაღწევად ძალიან დიდი შრომა და მრავალპროფილური ცოდნაა საჭირო. კრეატიულობა იმაში მდგომარეობს, ერთი შეხედვით არაფრისმომცემი ინფორმაციები ერთმანეთთან დააკავშირო და ეს უნარი კონტენტთან მიმართებითაც განსაკუთრებით მნიშვნელოვანია. კარიერული განვითარება Maverik-ში რაც შეეხება მომავალ მიზნებს, სოფიას დიდი სურვილია, რომ ამ სფეროში მრავალი სხვადასხვა ტიპის პროექტზე იმუშაოს და დაგროვილი ცოდნა სათანადოდ გამოიყენოს. ამ მხრივ პირველი ნაბიჯი უკვე გადადგა - კონტენტ მარკეტინგის კურსის წარმატებით დასრულების შემდეგ დაახლოებით 2 კვირაში სტაჟირება სარეკლამო სააგენტო Maverik-ში კონტენტ კრეატორის პოზიციაზე დაიწყო. როგორც ამბობს, ეს პროფესიული განვითარების კუთხით, იდეალური დასაწყისია. ახლა უკვე როგორც Adjara Group-ის ქოფირაითერს, პროგრამის განმავლობაში მიღებული ცოდნა ყოველდღიურად ძალიან ეხმარება. კურსის მასალებმა და პრაქტიკულმა დავალებებმა მომამზადა, რომ უფრო თამამად შემესრულებინა სხვადასხვა ამოცანა. ამასთან, შეძენილმა ცოდნამ შემაძლებინა, რომ თავი დამკვირვებლისა და ანალიტიკოსის როლში წარმომედგინა და დამსაქმებლისთვის მრავალმხრივი ხედვა შემეთავაზებინა. შესაბამისად, ამ პროგრამას მნიშვნელოვანი წვლილი მიუძღვის ჩემს პროფესიულ ზრდასა და სამუშაო პროცესში არსებული ამოცანების წარმატებით შესრულებაში. ყველას, ვინც დაინტერესებულია, საკუთარი თავი კონტენტის მიმართულებით გამოცადოს, სოფია ურჩევს, აუცილებლად მიიღონ ეს გამოწვევა და აღმოაჩინონ, რომ იმაზე ბევრად მეტი შეუძლიათ, ვიდრე წარმოუდგენიათ. მისი აზრით, ეს სფერო იმდენად მრავალფეროვანი და ყოვლისმომცველია, რომ ყველა ადამიანს უნდა ჰქონდეს თავისი სათქმელი. ყველაფრის კონტენტად ქცევა კი თავისუფლად არის შესაძლებელი. ამასთანავე, მიუხედავად იმისა, რომ ზოგჯერ კონტენტის შექმნის პროცესი შეიძლება რთული და საკმაოდ ტურბულენტური იყოს, უმთავრესია, ასეთ დროს მოტივაცია არ დაკარგო. უბრალოდ პატიოსნად და ერთგულად უნდა აკეთო ის, რასაც აკეთებ და შედეგამდე აუცილებლად მიხვალ. ასეთია სოფიას წარმატების ისტორია. თუ შენც გსურს, შენი კრეატიული იდეები წარმატებულ კონტენტ კამპანიებად აქციო, Commschool-ში კონტენტ მარკეტინგის კურსზე შემოგვიერთდი! შემოიტანე განაცხადი

კონტენტის ფოტოგრაფია: დაგეგმვა და შექმნა

Commschool-ის კურსდამთავრებულთა კლუბის ფარგლებში მორიგი შეხვედრა ჩატარდა თემაზე - ''კონტენტის ფოტოგრაფია''   Eserti Content Studio • ესერთი კონტენტ სტუდიო-ს დამფუძნებლებმა, ლიანა მეტრეველმა და ირინა ბერიაშვილმა ისაუბრეს ფოტო კონტენტის შექმნისა და დაგეგმვის პროცესზე, განიხილეს რეალური ქეისები და საინტერესო მიგნებები განიხილეს.   დღეს, ერთ-ერთი ყველაზე ხშირად გამოყენებული ტერმინია „კონტენტი“, რომლის მიღმა მრავალფეროვანი ინტერპრეტაციები იმალება – ერთ-ერთი მათგანია კონტენტის ფოტოგრაფია.   ვორქშოპის მსვლელობისას განიხილეს კონტენტ ფოტოგრაფიის სხვადასხვა ვარიაციები, ასევე როგორც ცალკეული კატეგორია, ყურადღება გამახვილდა მის კონცეფციაზე, კრეატიულ მიდგომებზე, სხვადასხვა ტექნიკასა და სირთულეებზე.   გარდა ამისა, ისაუბრეს კონტენტ ფოტოგრაფიის როლზე ციფრული მარკეტინგის სტრატეგიებში, ბრენდინგის ძალისხმევასა და სოციალური მედიის ჩართულობაში რეალურ სამყაროში არსებული მაგალითებით.     ივენთი მიზნად ისახავდა ეჩვენებინა დამაჯერებელი ვიზუალის გავლენა და მნიშვნელობა აუდიტორიის ყურადღების მიპყრობასა და ჩართულობის განვითარებაში. შეხვედრის პრაქტიკულ ნაწილში კი მონაწილეებმა საკუთარი მობილურით შექმნეს ფოტო მასალა, რომლებზეც მიიღეს შეფასებები და რჩევები     გახდი ALUMNI CLUB-ის წევრი დაიწყე სწავლა COMMSCHOOL-ში