ძველ ვერსიაზე გადასასვლელად დააჭირე აქ

თინათინ გეგენავა - ჩანაწერები Digital Advertising-ის კურსიდან

blog-detail-img

ციფრულ რეკლამას ალბათ ყოველდღე ხედავ სხვადასხვა პლატფორმაზე. თუმცა, კრეატივი ვერ იქნება სრულფასოვანი, თუკი მისი განთავსება ხდება არასწორად; მნიშვნელოვანია ციფრული რეკლამირება ბრენდის ინტეგრირებული მარკეტინგული კომუნიკაციების შემადგენელი ნაწილი იყოს.

თუ ფიქრობ, რომ გსურს ამ სფეროს ნაწილი გახდე, სწორ ადგილას მოხვედი, რადგან ამ ბლოგში Digital Advertising-ის კურსდამთავრებული, თინათინ გეგენავა გვიყვება კურსზე მიღებული ცოდნისა და შთაბეჭდილებების შესახებ

„თბილისის საკომუნიკაციო სკოლისა“ და ჩემი ურთიერთობა commschool-ის ვებგვერდზე განაცხადის შევსებით დაიწყო: „Digital Advertising-ის კურსზე ჩარიცხვა მინდა! იმიტომ, რომ ციფრულ მარკეტინგში ჩემს მიმოფანტულ ცოდნას თავი მოვუყარო და თამამად ვთქვა, რომ ეს მიმართულება ვიცი, მესმის და მზად ვარ, სიახლეებს მივდიო ხოლმე და ამ განწყობით, კომპანიებთან თანამშრომლობაც თავაწეულმა შევძლო.. კონტენტის შექმნის ნაწილში თავს კარგად ვგრძნობ, მაგრამ აი, რეკლამირებაში მოშველება მინდა და აგერ, ხომ ვითხოვ დახმარებას?!“

გამარჯობა, მე თინათინ გეგენავა ვარ, Tbilisi School of Communication-ის კურსდამთავრებული და Digital Advertising-ის კურსზე დარეგისტრირების ამბავს პირველივე ლექციიდან მოსმენილი – „მომხმარებლის გადაწყვეტილების მიღების პროცესით“ – საფეხურებად მოვყვები:

  • ციფრული რეკლამირების შესახებ, ტექნიკური, თეორიული თუ პრაქტიკული ცოდნის მიღების საჭიროება ვაღიარე;
  • ინფორმაცია მოვიძიე, როგორ შემიძლია ჩემი სურვილის დაკმაყოფილება;
  • ალტერნატივები განვიხილე – სად მიჯობდა ციფრულ რეკლამირებაში დახელოვნება;
  • და საბოლოო გადაწყვეტილებაც მივიღე – დავრეგისტრირდი იქ, სადაც დავრეგისტრირდი.

Რაც შეეხება Ბოლო საფეხურს – „შესყიდვის შემდგომ შეფასებას“ – ეს ბლოგი, პრინციპში, ამ კულმინაციურ მომენტს მიეძღვნება. 

Commschool-ზე არჩევანი იმიტომ შევაჩერე, რომ სკოლის გარშემო შემოკრებილი ადამიანების შესახებ  არცთუ ცოტა ინფორმაციას ვფლობდი, პოზიტიურ ჭრილში. Შესაბამისად, მათ კომპეტენციას ვენდე და არც შევმცდარვარ. 

Პირველ ლექციაზე Საკუთარი თავის წარდგენის დროს, მახსოვს, ვთქვი, მინდა, სწორი კითხვების დასმა ვისწავლო-მეთქი. ცხადია, ორთვიანი ინტენსიური კურსის გავლით, Digital Advertising-ს ვერ ამოწურავ იმიტომ, რომ ამ სფეროში ყოველდღე რაღაც ახალი ხდება. ამიტომ, სწორი მოლოდინების შექმნით, გადაჭარბებულად კმაყოფილი აღმოვჩნდი. 

Ჩემთვის პირველი ონლაინ კურსი იყო და ამ კუთხითაც საინტერესო გამოცდილება აღმოჩნდა. ფიზიკურ დისტანციას არანაირი დისკომფორტი არ შეუქმნია. Შეკითხვას Zoom-ში ხელის აწევით ვსვამდით, მყისიერ უკუკავშირსაც ვიღებდით, ჯგუფებადაც ვიყოფოდით, მერე საკლასო დავალებას განვიხილავდით და საშინაო დავალებებზე პირად კომენტარებსაც ვიღებდით. 

ლექტორი ტატიანა ბაშელეიშვილი იყო, რომელსაც თუ 10 ბალიან სკალაზე შევაფასებ, Ჩემგან, უპირობოდ, მაქსიმალურ შეფასებას დაიმსახურებს. ვინაიდან, უსაზღვროდ ვრცელი ინფორმაცია 14 ლექციაში, ულამაზესად აწყობილ სლაიდებში, შესაშური ქართულით ჩამოგვიწიკწიკა. 

კურსის ფარგლებში დავრწმუნდი, რომ თურმე სწავლა ძალიან მომნატრებია, მთელი თავისი სისავსით – ყველაფრის გადადებით, რომ სამშაბათსა და ხუთშაბათს, 3 საათის განმავლობაში ლექცია მაქვს, რომელსაც ვერ გადავდებ, რომ დედლაინს ვერ გადავაცილებ და დავალება დროულად უნდა გავაგზავნო; რომ შეიძლება, ფინალური გამოცდისთვის ღამის გათენებაც მომიწიოს (თუმცა თქვენ ამის გარეშეც თავისუფლად შეგიძლიათ) და უკვე თითქმის ფინიშამდე მისულს, ის ნოსტალგიური განცდა ამომიტივტივდეს, რომელსაც თანაკურსელებთან ერთად პოსტსაგამოცდო მღელვარება ჰქვია და ჟღერს, მაგალითად, ასე: ტესტის მესამე პუნქტში „ა“ იყო სწორი პასუხი, თუ „ბე“? და მისთ. 

თუ მკითხავთ, ღირს, თუ არა „თბილისის საკომუნიკაციო სკოლაში“ Digital Advertising-ის კურსის გავლა, გეტყვით, რომ დიახ! და ჩემს რეკომენდაციას იმ არგუმენტით გავამყარებ, რომ ლექციას სფეროს ნამდვილი პროფესიონალი წაგიკითხავთ, საკუთარ სპეციფიკურ გამოცდილებასა თუ გლობალურად მიღებულ მიდგომებზე დაყრდნობით, პატარ-პატარა ხრიკებსაც გასწავლით, რა მოცემულობაში, როგორი ტექნიკური თუ შემოქმედებითი გადაწყვეტილების მიღება სჯობს, დავალებებიც გექნებათ, შეგიმოწმებენ კიდევაც და სიამაყის განცდაც გექნებათ, პროცენტები და მათემატიკური მოქმედებები თურმე კიდევ რომ გახსოვთ (თუმცა თუ არ გახსოვთ, არც ეგ შეგიქმნით დიდად დაბრკოლებას). 

კურსი ინტენსიურია და ვისურვებდი, რომ პროგრამის მოცულობა ოდნავ უფრო მეტ ლექციაზე ნაწილდებოდეს, თუმცა ასეთ შემთხვევაში ხომ „ინტენსიური“ განსაზღვრებად ვეღარ გამოდგებოდა?! 

ამიტომ, თუ „თბილისის საკომუნიკაციო სკოლაში“ Digital Advertising-ზე დარეგისტრირებას გადაწყვეტთ, ამისთვის სჯობს, თქვენს რესურსებს მობილიზება გაუკეთოთ, რომ სტრესი არ შეგექმნათ და მაქსიმალურად აითვისოთ ის ინფორმაცია, რომელსაც პროგრამა გთავაზობთ. 

აკადემიური განათლებით, ჟურნალისტი ვარ. თუმცა ახლა რომ მეკითხებიან, რას ვსაქმიანობ, ვეუბნები ხოლმე, რომ კოპირაიტერი ვარ. კოპირაიტერი, რომელიც ამიერიდან, პროფესიული ალღოს ხარჯზე კი აღარ აიღებს სოციალური მედიის გვერდების მართვის პასუხისმგებლობას, არამედ „თბილისის საკომუნიკაციო სკოლის“ სერტიფიკატით დამშვენებული, სარეკლამო სტრატეგიასაც შეადგენს, სამიზნე აუდიტორიასაც ეფექტურად განსაზღვრავს, ბიუჯეტირებასა და შეზღუდული რესურსების ოპტიმალურად გამოყენებასაც შეძლებს და გაგიკვირდებათ და, ამ ყველაფრის სწორ მონიტორინგსა და რეპორტინგსაც გაბედავს.

 

ჩვენ კი გეტყვით, რომ Digital Advertising-ის მომდევნო მიღება 16 მაისს დაიწყება! თუ გსურს ციფრული რეკლამირების შესწავლა და შენი რესურსების მაქსიმალურად მობილიზება, შემოგვიერთდი!

გაეცანი Digital Advertising-ის კურის სილაბუსს
გაუზიარე მეგობრებს
რელევანტური ბლოგები

რელევანტური ბლოგები

შესაძლოა გაინტერესებდეს

დამწყები
1100₾
Creative Advertising
რეკლამას ერთი უცნაურობა ახასიათებს, როგორც წესი ვცდილობთ თავი ავარიდოთ მას, დავბლოკოთ, “დავსკიპოთ”, მეორე მხრივ კი შეიძლება მოუთმენლად ველოდებოდეთ საყვარელი ბრენდის ახალ კამპანიას და სიამოვნებით ვუყურებდეთ მაგალითად Nike-ის რგოლებს, McDonald’s-ის და Burger King-ის ორთაბრძოლებს, Coca-Cola-ს საახალწლო ქარავანს. როდის ხდება რეკლამა გასართობი და არა შემაწუხებელი? როგორ ახერხებს ამას ზოგიერთი ბრენდი? რა დგას ეფექტური სარეკლამო კამპანიის უკან? კურსის ფარგლებში ვეცდებით ამ კითხვებზე პასუხების პოვნას. ლექციებზე მიმოვიხილავთ სარეკლამო კომუნიკაციის საფუძვლებს, ძირითად პრინციპებს, ინსტრუმენტებს. გავეცნობით კრეატიული სააგენტოს მუშაობის მექანიკას, მოვალეობებსა და დამკვეთთან ჰარმონიულად ურთიერთობის წესებს. გავაანალიზებთ და განვიხილავთ გლობალურ თუ ქართულ ქეისებს. სტუდენტებს საშუალება ექნებათ შეიხედონ სარეკლამო ინდუსტრიის შიდა სამზარეულოში და გამოიმუშაონ კამპანიის დაგეგმვის, კრეატივის შეფასების და კრეატიულ გუნდთან მუშაობის მენეჯერული უნარ-ჩვევები.
11 ლექცია
33 საათი
საშუალო
1400₾
Data-Driven მარკეტინგი
ციფრულ სივრცეში მომხმარებლის ნებისმიერი ქცევა მონაცემია, მისი სწორად გამოყენების უნარი კი – კონკურენტებზე უპირატესობის მოპოვების უმთავრესი საშუალება, რადგან ის გვეხმარება, მივიღოთ ჭკვიანური გადაწყვეტილებები, დაფუძნებული ფაქტებზე და არა ვარაუდებზე.ტრადიციული მარკეტინგული მიდგომებისგან განსხვავებით, მონაცემებზე დაფუძნებული მარკეტინგი გეხმარება, უკეთ შეიცნო შენი მომხმარებლები, შეისწავლო მათი ქცევები, ესაუბრო მათთვისვე რელევანტური კომუნიკაციით, საჭიროებებზე დაყრდნობით განსაზღვრო, სად და როგორ „დახვდე“ მათ და გაზომო მარკეტინგული აქტივობების შედეგიანობა. კურსის განმავლობაში დეტალურად გავივლით მონაცემთა ანალიტიკას, მომხმარებელთა სეგმენტაციას, ატრიბუციის მოდელირებას, მარკეტინგის სამოქმედო გეგმის და ბიუჯეტის შემუშავებას, სტრატეგიისა და ტაქტიკების შეფასებას, და სხვა.
14 ლექცია
42 საათი
ექსპერტი
1200₾
Sense of Branding
თანამედროვე ბრენდი წარმოადგენს რაღაც პოზიციას. ის არის განაცხადი. მას შეუძლია, ადამიანს თვალსაწიერი გაუფართოვოს, გარკვეული მიმართულებით გაახედოს, ყურადღება გაუმახვილოს, სურვილი აღუძრას. სტრატეგიული ბრენდინგი განსაზღვრავს ყველაფერ იმას, რაც ბრენდმა ცხოვრებაში უნდა დაგვმართოს.ქრეშ-კურსის გავლის შემდეგ შეგეძლება ბრენდის ელემენტებში გარკვევა და მათით მანიპულირება.შეხვედრები ჩატარდება D Block Workspace//@ Stamba-ში
4 ლექცია
20 საათი

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დაწყება