ძველ ვერსიაზე გადასასვლელად დააჭირე აქ

მარკეტინგის მენეჯმენტი - მარიამ ბექოშვილი კურსის შესახებ

blog-detail-img

მარკეტინგის სფერო ბევრად მეტია, ვიდრე კრეატიული სარეკლამო კამპანიების შემუშავების, ვიდეო-რგოლების გადაღებისა თუ სხვა სახალისო აქტივობების განხორციელება. მარკეტინგის მენეჯმენტი მოიცავს ისეთ საკითხებს, როგორებიცაა ბაზრის კვლევა, ბიუჯეტის სწორად გაწერა, კამპანიის ეფექტურად დაგეგმვა, ექსელთან მუშაობა, გუნდის მართვა.

თუ მარკეტინგის სფეროში მუშაობ და გსურს განვითარება და მაღალ მენეჯერულ პოზიციაზე დასაქმება, ეს ბლოგი დაგაინტერესებს. აქ გაეცნობი მარიამ ბექოშვილს, რომელმაც Commschool-ში მარკეტინგის მენეჯმენტის კურსი გაიარა.

მარკეტინგის მენეჯმენტი მარიამ ბექოშვილი

მარიამი მაგისტრატურის საფეხურზე ბიზნეს ადმინისტრირების ფაკულტეტზე სწავლობს, კერძოდ კი, მენეჯმენტის განხრით. მისი აკადემიური მოგზაურობის გზაზე მარკეტინგის სფეროში მნიშვნელოვანი ცოდნა დააგროვა და მის მიმართ მისი ინტერესიც უფრო გაღრმავდა:

“ეს არის სფერო, რომელიც მაძლევს საშუალებას, გავაერთიანო კრეატიული და სტრატეგიული აზროვნება, რათა შევქმნა გავლენიანი კამპანიები და ეფექტურად დავუკავშირდე სამიზნე აუდიტორიას.”

როგორც მარიამი აღნიშნავს, მარკეტინგის მენეჯმენტის კურსის გავლა მისთვის ბუნებრივი გადაწყვეტილება იყო. იმისთვის, რომ ასეთ კონკურენტუნარიან ბიზნეს სამყაროში წარმატება მიეღწია, ჭირდებოდა მარკეტინგული უნარების გაძლიერება, მომხმარებელთა ქცევისა და ბაზრის ტენდენციების უკეთესად შესწავლა. დასახული მიზნის შესრულებაში კი სწორედ Commschool-ის პროგრამა დაეხმარა. აქ მიიღო ის ცოდნა და გამოცდილება თანამედროვე მარკეტინგული ტრენდების შესახებ, რომლებიც მის ყოველდღიურ საქმიანობაში ძალიან გამოადგება.

მარკეტინგის მენეჯმენტი - კურსის შესახებ

კურსის მიმართ მარიამის მოლოდინები ნამდვილად გამართლდა. ეს განაპირობა პროგრამის მრავალფეროვნებამ. იგი მოიცავდა მარკეტინგული თემების ფართო სპექტრს, დაწყებული ბაზრის კვლევებიდან და დამთავრებული მარკეტინგულ სტრატეგიებამდე. რაც შეეხება უშუალოდ სწავლების პროცესს, მარიამის თქმით, ლექციები იყო საინტერესო და ინტერაქციული, რაც სწავლას სასიამოვნოს და ეფექტურს ხდიდა. აღსანიშნავია ლექტორის მრავალწლიანი გამოცდილებაც ამ სფეროში, მისი მიდგომები და დამოკიდებულება, რამაც მნიშვნელოვანი გავლენა მოახდინა კურსის მსვლელობაზეც.

დამატებით გეტყვი, რომ Commschool-ის კურსები პრაქტიკაზე დაფუძნებული სწავლების მეთოდებზეა აგებული. ეს სტუდენტებს თეორიული ცოდნის პრაქტიკულად გამოყენების საშუალებას აძლევს და აუმჯობესებს შესაბამის უნარებს. სწავლების ეს ნაწილი მარიამისთვის გამორჩეული აღმოჩნდა:

კურსის პრაქტიკულმა ნაწილმა საშუალება მომცა მემუშავა მარკეტინგულ პროექტებსა და კამპანიებზე. რა თქმა უნდა, ესეც ერთ-ერთი დამატებითი ფაქტორია, რატომაც ავირჩიე Commschool-ის პროგრამა.

გარდა ამისა, კურსის განმავლობაში სტუდენტებს ულიმიტო წვდომა აქვთ გლობალურ მონაცემთა ბაზასთან WARC. აქ განთავსებულია სხვადასხვა ქეისები, სტატიები, მონაცემები, ტრენდები, ვებინარები, მინი კურსები და რეპორტები თითქმის ყველა ინდუსტრიიდან. მათი დახმარებით კი შეგიძლია უფრო მეტად გაიუმჯობესო და განავითარო შენი ცოდნა და უნარ-ჩვევები.

მარკეტინგის მენეჯმენტის პროგრამა

10 ლექცია | 25 საათი | 5 კვირა
გაიგე მეტი

ფინალური პროექტი

პროგრამის დასასრულს სტუდენტები ასრულებენ ინდივიდუალურ ფინალურ პროექტს, რომელიც საბოლოოდ აჯამებს მათ მიერ შეძენილ ცოდნას. მარიამმა მის ფარგლებში საბავშვო ტელევიზიის ყოველწლიური კამპანია და კრეატიული ბრიფი მოამზადა. ის მოიცავდა რამდენიმე ეტაპს: კამპანიის მიზნები, სამიზნე აუდიტორია, მთავარი მესიჯი, გამოწვევები, ბიუჯეტი, მარკეტინგული არხები, ინსაითები და KPI. პროექტის წარმატებით შესრულებაში კურსზე მიღებული ცოდნა და ლექტორის უკუკავშირი დაეხმარა.

კურსის გავლის შემდეგ ჩემი დამოკიდებულება მარკეტინგის მიმართ შეიცვალა. ახლა უკეთ ვაფასებ მის სირთულეებს, გამოწვევებსა და გავლენას ბიზნესსა და მომხმარებლებზე.

მათ, ვინც კარიერული წინსვლითაა დაინტერესებული და სურს, შემსრულებლიდან მარკეტინგის დირექტორის პოზიციაზე გადავიდეს, მარიამი ურჩევს:

შემსრულებლიდან მარკეტინგის დირექტორის პოზიციაზე გადასვლა მოითხოვს ერთგულებასა და უწყვეტ სწავლას. აუცილებელია ისეთი უნარები, როგორებიცაა კრეატიულობა და პრაქტიკული გამოცდილება. შექმენით მარკეტინგული პორტფოლიო, რათა წარმოაჩინოთ თქვენი უნარები და გჯეროდეთ საკუთარი თავის.

ასე რომ, თუ კარიერული განვითარება შენი თვითმიზანია, არ გადადო ეს შესაძლებლობა. დეტალურად გაეცანი კურსის სილაბუსს და შემოგვიერთდი Commschool-ში!

გაიგე მეტი კურსის შესახებ
გაუზიარე მეგობრებს
რელევანტური ბლოგები

რელევანტური ბლოგები

შესაძლოა გაინტერესებდეს

დამწყები
1200₾
Creative Advertising
რეკლამას ერთი უცნაურობა ახასიათებს, როგორც წესი ვცდილობთ თავი ავარიდოთ მას, დავბლოკოთ, “დავსკიპოთ”, მეორე მხრივ კი შეიძლება მოუთმენლად ველოდებოდეთ საყვარელი ბრენდის ახალ კამპანიას და სიამოვნებით ვუყურებდეთ მაგალითად Nike-ის რგოლებს, McDonald’s-ის და Burger King-ის ორთაბრძოლებს, Coca-Cola-ს საახალწლო ქარავანს. როდის ხდება რეკლამა გასართობი და არა შემაწუხებელი? როგორ ახერხებს ამას ზოგიერთი ბრენდი? რა დგას ეფექტური სარეკლამო კამპანიის უკან? კურსის ფარგლებში ვეცდებით ამ კითხვებზე პასუხების პოვნას. ლექციებზე მიმოვიხილავთ სარეკლამო კომუნიკაციის საფუძვლებს, ძირითად პრინციპებს, ინსტრუმენტებს. გავეცნობით კრეატიული სააგენტოს მუშაობის მექანიკას, მოვალეობებსა და დამკვეთთან ჰარმონიულად ურთიერთობის წესებს. გავაანალიზებთ და განვიხილავთ გლობალურ თუ ქართულ ქეისებს. სტუდენტებს საშუალება ექნებათ შეიხედონ სარეკლამო ინდუსტრიის შიდა სამზარეულოში და გამოიმუშაონ კამპანიის დაგეგმვის, კრეატივის შეფასების და კრეატიულ გუნდთან მუშაობის მენეჯერული უნარ-ჩვევები.
11 ლექცია
33 საათი
საშუალო
1500₾
Data-Driven მარკეტინგი
ციფრულ სივრცეში მომხმარებლის ნებისმიერი ქცევა მონაცემია, მისი სწორად გამოყენების უნარი კი – კონკურენტებზე უპირატესობის მოპოვების უმთავრესი საშუალება, რადგან ის გვეხმარება, მივიღოთ ჭკვიანური გადაწყვეტილებები, დაფუძნებული ფაქტებზე და არა ვარაუდებზე.ტრადიციული მარკეტინგული მიდგომებისგან განსხვავებით, მონაცემებზე დაფუძნებული მარკეტინგი გეხმარება, უკეთ შეიცნო შენი მომხმარებლები, შეისწავლო მათი ქცევები, ესაუბრო მათთვისვე რელევანტური კომუნიკაციით, საჭიროებებზე დაყრდნობით განსაზღვრო, სად და როგორ „დახვდე“ მათ და გაზომო მარკეტინგული აქტივობების შედეგიანობა. კურსის განმავლობაში დეტალურად გავივლით მონაცემთა ანალიტიკას, მომხმარებელთა სეგმენტაციას, ატრიბუციის მოდელირებას, მარკეტინგის სამოქმედო გეგმის და ბიუჯეტის შემუშავებას, სტრატეგიისა და ტაქტიკების შეფასებას, და სხვა.
14 ლექცია
42 საათი
ექსპერტი
1300₾
Sense of Branding
თანამედროვე ბრენდი წარმოადგენს რაღაც პოზიციას. ის არის განაცხადი. მას შეუძლია, ადამიანს თვალსაწიერი გაუფართოვოს, გარკვეული მიმართულებით გაახედოს, ყურადღება გაუმახვილოს, სურვილი აღუძრას. სტრატეგიული ბრენდინგი განსაზღვრავს ყველაფერ იმას, რაც ბრენდმა ცხოვრებაში უნდა დაგვმართოს.ქრეშ-კურსის გავლის შემდეგ შეგეძლება ბრენდის ელემენტებში გარკვევა და მათით მანიპულირება.შეხვედრები ჩატარდება D Block Workspace//@ Stamba-ში
4 ლექცია
20 საათი

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დაწყება