ძველ ვერსიაზე გადასასვლელად დააჭირე აქ

IT ბიზნეს ანალიტიკოსის კარიერა: საჭირო უნარები და პროფესიული განვითარება

blog-detail-img

IT ბიზნეს ანალიტიკოსის მთავარი როლი ბიზნესის გარემოსა და მისი საჭიროებების განსაზღვრაა. ის თანამშრომლობს კომპანიის ძირითად დაინტერესებულ მხარეებთან, რათა განსაზღვროს ბიზნესის მოთხოვნები, გააანალიზოს მიმდინარე პროცესები და შეფასოს არსებული ინფორმაციული სისტემები.

ბიზნეს ანალიტიკოსი ორგანიზაციას ეხმარება სწორი მიმართულებით განვითარებაში და პროდუქტებისა თუ სერვისების გაუმჯობესებაში. ამისთვის იგი მონაცემთა ანალიზს იყენებს, რაც კომპანიას უფრო ინფორმირებული და ეფექტური გადაწყვეტილებების მიღებაში უწყობს ხელს.

თუ გაინტერესებს, როგორ შეიძლება მონაცემთა დამუშავებით ბიზნესის ეფექტიანობის ზრდა, გაეცანი ამ ბლოგს, რომელიც IT ბიზნეს ანალიტიკოსის პროფესიის ერთგვარი გზამკვლევია.

რას მოიცავს IT ბიზნეს ანალიტიკოსის როლი?

IT ბიზნეს ანალიტიკოსი კომპანიის სხვადასხვა განყოფილების წარმომადგენლებთან მჭიდროდ თანამშრომლობს, რაც საშუალებას აძლევს, მიმდინარე საჭიროებები ეფექტურად გააანალიზოს და მათი გადაწყვეტის შესაბამისი გზები მოიძიოს.

უფრო კონკრეტულად, მისი ფუნქცია-მოვალეობები მოიცავს:

  • ბიზნესის მოთხოვნების ანალიზი სხვადასხვა დაინტერესებული მხარეებისგან და პრიორიტეტების განსაზღვრა.
  • მოთხოვნების წარდგენა მენეჯმენტის ზედა რგოლთან, რათა მათ სტრატეგიული გადაწყვეტილებების მიღება გაუადვილდეთ.
  • მოთხოვნებისა და მიზნების შესაბამისი სტრატეგიების შემუშავება.
  • IT გუნდთან თანამშრომლობა – ბიზნეს ანალიტიკოსი უშუალოდ არ არის ჩართული software პროექტში, თუმცა აქტიურად მონაწილეობს ახალი ბიზნეს საჭიროებების აღმოჩენასა და მათი დეველოპერებისთვის გადაცემაში.
  • ინფორმაციის მოძიება მრავალფეროვანი წყაროებიდან, მათი დამუშავება და რელევანტური მონაცემების გამოკვეთა.
  • ინფორმაციის მიმოცვლისა და კომუნიკაციის უზრუნველყოფა დაინტერესებულ მხარეებსა და პროექტზე მომუშავე გუნდს შორის.
  • ბიზნესის სამომავლო ტენდენციების განსაზღვრა ცვალებადი გარემოსა და მოდელების პირობებში.

როგორც ჩვენი ლექტორი, თორნიკე ზაალიშვილი აღნიშნავს, ციფრული პროდუქტების შექმნის პროცესში IT ბიზნეს ანალიტიკოსის როლი შეუცვლელია. ის განსაზღვრავს, აანალიზებს და აღწერს ბიზნესის მოთხოვნებს, რათა უზრუნველყოს პროდუქტის სწორი მიმართულებით განვითარება. თორნიკეს გამოცდილება მოიცავს ისეთი კომპანიის პროექტებზე მუშაობას, როგორებიცაა World Bank, Wendy’s, TBC Bank და სხვა

საჭირო უნარები

IT ბიზნეს ანალიტიკაში წარმატებული კარიერის დასაწყებად აუცილებელია როგორც ტექნიკური, ასევე ბიზნეს უნარების ფლობა.

ტექნიკური უნარები

  • მონაცემთა ანალიზი და ვიზუალიზაცია – ბიზნეს საჭიროებების ზუსტი განსაზღვრისთვის მნიშვნელოვანია მონაცემთა შეგროვება, ანალიზი და ინტერპრეტაცია. ამისთვის საჭიროა ანალიტიკური ხელსაწყოების ცოდნა, როგორიცაა Excel და SQL, ასევე მონაცემთა ვიზუალიზაციის პროგრამების გამოყენება, როგორიცაა Tableau და Power BI.
  • პროცესების მოდელირება და ანალიზი – ბიზნეს ანალიტიკოსს უნდა შეეძლოს არსებული ბიზნეს პროცესების შეფასება, გასაუმჯობესებელი მხარეებისა და ახალი შესაძლებლობების გამოკვეთა. ამ მიზნით, საჭიროა პროცესების რუკებისა და დიაგრამების შედგენის პრინციპების ცოდნა.
  • მოთხოვნების მართვა – IT ბიზნეს ანალიტიკოსის მთავარი პასუხისმგებლობაა IT ინიციატივების ბიზნესისა და ტექნიკური მოთხოვნების შეგროვება, დოკუმენტირება და მართვა. ამ პროცესის სამართავად გამოიყენება Jira, Azure Boards ან Spreadsheets.

ბიზნეს უნარები

  1. პრობლემის გადაჭრის უნარი და კრიტიკული აზროვნება – ბიზნეს ანალიტიკოსი, დეტექტივის მსგავსად, იკვლევს სხვადასხვა საკითხს, ადგენს მათი წარმოშობის მიზეზებს და ქმნის პრობლემის გადაჭრის ეფექტურ გზებს. ამისთვის საჭიროა კრიტიკული აზროვნების უნარი, დადებითი და უარყოფითი მხარეების ანალიზი და მტკიცებულებებზე დაფუძნებული გადაწყვეტილებების მიღება.
  2. კომუნიკაციის უნარი – ბიზნეს ანალიტიკოსისთვის ეფექტური კომუნიკაციის უნარი აუცილებელია. მას უნდა შეეძლოს რთული ტექნიკური ტერმინებისა და კონცეფციების გასაგებად ახსნა დაინტერესებული მხარეებისთვის, რაც კომუნიკაციის პროცესს უფრო გამჭვირვალესა და შედეგიანს გახდის.
  3. ბიზნეს პროცესების გაუმჯობესება – ბიზნეს ანალიტიკოსის ერთ-ერთი ძირითადი პასუხისმგებლობაა ეფექტიანობის გაზრდის გზების მოძიება და პროცესების ოპტიმიზაცია. ამ პროცესში საჭიროა ისეთი ტექნიკების ცოდნა, როგორიცაა Six Sigma და Lean, რაც ბიზნესის სტრუქტურას უფრო მოქნილ და პროდუქტიულ სისტემად აქცევს.

დამატებით სხვა სასურველი უნარები

it biznes analitikosi - ra unarebi dagchirdeba da rogoria profesiuli gza
  1. Agile მეთოდოლოგიების ცოდნა – თანამედროვე IT პროექტების უმეტესობა Agile მეთოდოლოგიებს (Scrum, Kanban) ეფუძნება. მათი ცოდნა სამუშაო პროცესის უფრო ეფექტურად მართვაში დაგეხმარება და ხელს შეუწყობს გუნდთან კოორდინირებულ მუშაობას.
  2. პროგრამირების ენები – მიუხედავად იმისა, რომ პროგრამირების ცოდნა IT ბიზნეს ანალიტიკოსისთვის აუცილებელი არ არის, R და Python-ის საბაზისო ცოდნა მონაცემთა ანალიზის კუთხით მნიშვნელოვნად გაგიმარტივებს მუშაობას. თუმცა, ეს უნარი მხოლოდ გარკვეულ პოზიციებზეა მოთხოვნილი.
  3. სფეროს/ინდუსტრიის ცოდნა – ბიზნეს ანალიტიკოსისთვის იმ ინდუსტრიის სიღრმისეული ცოდნა, რომელშიც კომპანია ოპერირებს, კრიტიკულად მნიშვნელოვანია. ეს ცოდნა პრობლემების იდენტიფიკაციისა და სწორი გადაწყვეტილებების მიღების პროცესს ამარტივებს.

როგორ გახდე IT ბიზნეს ანალიტიკოსი?

ამ სფეროში პირველი კარიერული ნაბიჯები შენს წარსულ გამოცდილებაზეა დამოკიდებული. პირველ რიგში, მნიშვნელოვანია, რომ შეიძინო შესაბამისი განათლება და მყარი თეორიული საფუძველი.

ამისთვის შეგიძლია საბაკალავრო პროგრამა ბიზნესის ადმინისტრირების, ინფორმაციული ტექნოლოგიების, კომპიუტერული მეცნიერების ან სხვა შესაბამის მიმართულებაზე გაიარო.

ასევე, შესაძლებელია ონლაინ კურსების გავლაც, რომლებიც მოკლე დროში დაგეხმარება საჭირო თეორიული ცოდნისა და პრაქტიკული უნარების შეძენაში.

იმუშავე ტექნიკური უნარების განვითარებაზე – მნიშვნელოვანია, რომ Excel, SQL და Power BI-ის გამოყენების მინიმუმ საბაზისო დონეზე ცოდნა შეიძინო. გარდა ამისა, ცხრილებისა და დიაგრამების შექმნის უნარი დაგეხმარება ბიზნეს პროცესების უკეთ აღქმასა და გაანალიზებაში.

ამავდროულად, აუცილებელია რბილი უნარების გაუმჯობესებაც, რათა შეძლო ეფექტური კომუნიკაცია დაინტერესებულ მხარეებთან და ინფორმაციის სწორად გადაცემა.

შესაბამისი ცოდნისა და გამოცდილების დაგროვების შემდეგ მზად იქნები სტაჟირების გასავლელად ან უმცროსი ბიზნეს ანალიტიკოსის პოზიციაზე დასასაქმებლად.

ეს ეტაპი დაგეხმარება საინტერესო გამოცდილების დაგროვებაში, ტექნიკური უნარების გაუმჯობესებასა და კარიერულ ზრდაში.

პროფესიულ განვითარებას ასევე ხელს შეუწყობს საერთაშორისო სასერტიფიკატო პროგრამების გავლა, როგორიცაა CBAP (Certified Business Analysis Professional) და PBA (Professional in Business Analysis).

თუ მზად ხარ, ბიზნეს ანალიტიკის მიმართულებით ცოდნის გაღრმავებისთვის, Commschool-ში თორნიკე ზაალიშვილთან ერთად ეს შესაძლებლობა გელოდება. მისი მრავალწლიანი გამოცდილება IT პროექტებსა და ციფრული პროდუქტების განვითარებაში გაგიადვილებს პროფესიული უნარების შეძენას. კურსის ბოლოს კი შეძლებ, თქვა, რომ შენი, როგორც IT ბიზნეს ანალიტიკოსის, კომპეტენციაში შედის ბიზნეს ანალიზის პროცესის დაგეგმვა, მონაცემთა ანალიზი და სტეიკჰოლდერებთან ეფექტური კომუნიკაცია

IT ბიზნეს ანალიტიკის კურსი

14 ლექცია 42 საათი 7 კვირა
გაიგე მეტი
გაუზიარე მეგობრებს
რელევანტური ბლოგები

რელევანტური ბლოგები

შესაძლოა გაინტერესებდეს

საშუალო
1350₾
[Tech] რეკრუტირება
ტექ. ტალანტებზე მოთხოვნა ასეთი მაღალი არასდროს ყოფილა, რაც თავისმხრივ ართულებს კომპანიების მიერ საუკეთესო ადამიანური რესურსების მოძიებას და მოზიდვას.  ამგვარ კონკურენტულ გარემოში, რეკრუტერებს სჭირდებათ არამარტო ტექ. ინდუსტრიის სიღრმისეული აღქმა, არამედ პრაქტიკული ექსპერტიზა, თუ როგორ იპოვონ, დააონბორდინგონ (Onboarding) და შეინარჩუნონ A+ ტექ პროფესიონალები. კურსი დატვირთულია პრაქტიკული სამუშაოებით და შედგენილია მიმდინარე ტრენდების, პლატფორმების, კვალიფიკაციების დეტალურად აღსაქმელად - ეს არის ტექნოლოგიურ სივრცეში ადამიანური რესურსების რეკრუტინგის მინი MBA. შესაბამისად, კურსის განმავლობაში სტუდენტები შეისწავლიან [Tech] რეკრუტინგის 360 გრადუსიან, სრულ პროცესს.
14 ლექცია
42 საათი
დამწყები
1100₾
AI პრაქტიკაში
ხელოვნური ინტელექტი თანამედროვე მენეჯერის განუყოფელი ნაწილი გახდა. შესაბამისად, რაც უფრო მეტად გვესმის რა ენაზე და როგორ ვესაუბროთ ხელოვნურ ინტელექტს მით უფრო მარტივია მისი ყოველდღიურობაში ინტეგრირება. რაც მთავარია, ხელოვნური ინტელექტის საშუალებით შესაძლებელია დროის ეფექტურად გამოყენება და რუტინული საქმეების თავიდან არიდება. ლექციების განმავლობაში დეტალურად შევისწავლით ისეთი პოპულარული AI სისტემების გამოყენებას, როგორიცაა ChatGPT, Claude.ai, და Gemini. პრაქტიკულ დავალებასა და ფინალურ ნაშრომზე მუშაობა კი დაგვეხმარება სიღრმისეული ცოდნა მივიღოთ AI ხელსაწყოების გამოყენებასა და მათ საკუთარ  ნებაზე “მოთვინიერებაში”.
8 ლექცია
16 საათი
დამწყები
1500₾
IT ბიზნეს ანალიტიკა
ციფრული პროდუქტების შექმნაში IT ბიზნეს ანალიტიკოსის როლი ერთ-ერთი უმნიშვნელოვანესია. ბიზნეს ანალიტიკოსი განსაზღვრავს და აღწერს ბიზნეს მოთხოვნებს – როგორ უნდა იფუნქციონიროს სისტემამ ან/და პროდუქტმა. ის აანალიზებს პროდუქტის დღევანდელ მდგომარეობას, განსაზღვრავს მის მომავალ განვითარებას, თითოეულ ბიზნეს მოთხოვნას თარგმნის ტექნიკური გუნდისთვის და აკონტროლებს მათ სრულ შესრულებამდე.  კურსის განმავლობაში თქვენ გაეცნობით ბიზნეს ანალიტიკოსის (BA) როლსა და პასუხისმგებლობებს – ეფექტურ კომუნიკაციას ყველა ბიზნეს სფეროს და პროექტის კრიტიკულ მოთამაშეს შორის. პრაქტიკული სავარჯიშოების საშუალებით თქვენ ისწავლით სამუშაოს ფარგლების განსაზღვრას და დაეუფლეთ მოთხოვნების შეგროვების განსხვავებულ ტექნიკებსა და მიდგომებს, რომელიც იმუშავებს სხვადასხვა პროექტისა და აუდიტორიისთვის. განსაზღვრავთ კლიენტების, დაინტერესებული მხარეებისა და IT დეპარტამენტის უნიკალურ საჭიროებებს, მოთხოვნების შექმნის, დოკუმენტირების, კომუნიკაციისა და მართვის თითოეულ ეტაპზე.
14 ლექცია
42 საათი

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დაწყება