ძველ ვერსიაზე გადასასვლელად დააჭირე აქ

“Doppio Zero”-ს რედიზაინი - ნიკა მსხილაძის ფინალური პროექტი

blog-detail-img

“სწავლის პროცესში აუცილებლად აწყდები იმ სირთულეებს, რაც შემდგომში, ამ პროფესიით მუშაობისას შეიძლება, შეგხვდეს. ე.ი. კურსი სრულად გამზადებს ამ სფეროში შემდეგი ნაბიჯის გადასადგმელად.” – ამბობს ნიკა მსხილაძე, გრაფიკული დიზაინის კურსდამთავრებული, რომელიც თავისი ფინალური ნაშრომით TOP 4 საუკეთესო კურსდამთავრებულს შორის მოხვდა. ამ ბლოგში კი მის ნაშრომს გაგაცნობთ.

გრაფიკული დიზაინის კურსის ბოლოს სტუდენტები ფინალურ პროექტად მათთვის საინტერესო ბრენდის რედიზაინს აკეთებენ. ნიკას შემთხვევა ამ მხრივ გამორჩეულია – მან თავისივე ბიზნეს-წამოწყების დიზაინზე იმუშავა:

“ზოგადად ფინალურ ნაშრომზე მუშაობის პროცესი ერთდროულად ძალიან სასიამოვნო და სტრესული იყო. ფინალური პროექტისთვის ავარჩიე ჩემი და ჩემი მეგობრების წამოწყება, პიცერია “Doppio Zero”-ს ბრებდინგი – შესაძლოა, ენთუზიაზმი ამანაც მომმატა.

ნიკას აზრით, ფინალურ პროექტზე მუშაობა ტექნიკური ცოდნასთან ერთად თვით-დისციპლინასაც მოითხოვდა, რამაც მიღებული გამოცდილება კიდევ უფრო სასარგებლო გახადა:

“შექმნის პროცესში მთლიანი არსებით ვიყავი ჩართული, ეს არ იყო მხოლოდ ტექნიკური ან კრეატიული პროცესი, არამედ ამასთან ერთად მიწევდა საკუთარი თავის მართვაც. საერთო ჯამში, ძალიან საინტერესო გამოცდილება იყო.”

ზოგადად სწავლის პროცესი, მიუხედავად ნიკას საბოლოო წარმატებისა, მისი თქმით, იოლი არ ყოფილა. შემოქმედებითი პროცესის თავისებურებიდან გამომდინარე, ნიკას ერთ-ერთი გამოწვევა დროის მენეჯმენტი იყო:

“ჩემთვის სტრესული იყო დროის მენეჯმენტი. თუ სხვა, არაშემოქმედებითი საგნის შესწავლისას, იცი რა დრო დაგჭირდება კონკრეტული მასალის დასამუშავებლად, აქ, რაკი საქმე შექმნას ეხება, წინასწარ ვერ განსაზღვრავ, რა დროში მოახერხებ ამას.”

ესეც არ იყოს, საქმის დაწყებისას სასურველი დიზაინის საბოლოო სახის წარმოდგენაც არ იყო ხოლმე მარტივი საქმე, თუმცა, საბოლოოდ, ნიკამ ეს უნარიც გამოიმუშავა:

“მიჭირდა ხოლმე დაწყება – თეთრი ფურცლით იწყებ და ნელ-ნელა ისეთ შედეგამდე უნდა მიხვიდე, რაც ნამდვილად მოგწონს. რთულია, მაშინვე დაინახო რა გინდა და პირდაპირ ის შექმნა. თუმცა, კურსის განმავლობაში სხვადასხვა დავალებების შესრულებით ამასაც ავუღე ალღო.”

საერთო ჯამში სირთულეებს ნიკასთვის ხელი არ შეუშლიათ. პირიქით, მისი აზრით, კურსის განსაკუთრებულობა სწორედ იმაშია, რომ ის შესაძლო პროფესიული გამოწვევებისთვის წინასწარ გამზადებს:

“განსაკუთრებული მიზეზი, რატომაც სხვებს აუცილებლად ვურჩევდი ამ კურსის გავლას ისაა, რომ კურსის აგებულების წყალობით, სწავლის პროცესში აუცილებლად აწყდები იმ სირთულეებს, რაც შემდგომში, ამ პროფესიით მუშაობისას შეიძლება, შეგხვდეს. ე.ი. კურსი, Commschool-ისა და ლექტორის დამსახურებით, სრულად გამზადებს ამ სფეროში შემდეგი ნაბიჯის გადასადგმელად.”

მეტიც, სირთულეების დაძლევის პარალელურად, დიზაინის შექმნის პროცესიდან ნიკა სიამოვნებასა და საკუთარი შესაძლებლობის რწმენას იღებდა:

“სიამოვნებას მგვრიდა ყოველი ახალი მიგნება და ჩემთვის მოსაწონი დიზაინის ელემენტის შექმნა. ამ დროს თავდაჯერებული ხდები შენს შესაძლებლობებში და მოტივაციაც გემატება.”

საერთო ჯამში, ნიკას შეფასებით, კურსის სტრუქტურა ეფექტურად მოერგო მისი, როგორც სრულიად დამწყები დიზაინერის საჭიროებებს:

“თვითონ კურსი, ჩემთვის, როგორც დამწყებისთვის, რომელსაც აქამდე არანაირი კავშირი არ ჰქონია ვიზუალური კომუნიკაციის სფეროსთან, ძალიან შთამბეჭდავი იყო. რაც მთავარია, იყო კარგად ორგანიზებული, ინფორმაციული და ჩამთრევიც კი – თითქოს თეთრ კურდღელს ჩავყევი საოცრებათა სამყაროში.”

გრაფიკული დიზაინის 14 სამსაათიანი ლექციის განმავლობაში, უამრავი დავალების დახმარებით მრავალი უნარის შეძენა შეგიძლია. კურსის ბოლოს Adobe Photoshop-ისა და Adobe Illustrator-ის გამოყენებასთან ერთად შეგეძლება ბრენდისთვის შექმნა ვიზუალი, გააკეთო ლოგოს სკეჩები და დრაფტ ვერსიები, მოარგო ვიზუალი სხვადასხვა მედია არხს, სწორად გააანალიზო ბრიფი, შექმნა მუდბორდები და სწორად დაგეგმო დიზაინ-პროექტები. რაც მთავარია, კურსი არის დამწყებთათვის, მისი გავლა ნებისმიერ მსურველს შეუძლია 0-დან და არანაირ წინაპირობას არ საჭიროებს.

იმასაც შეგახსენებ, რომ Commschool-ის წარმატებული კურსდამთავრებულები ავტომატურად Alumni Club-ის წევრებიც ხდებიან, რაც მათ ჩვენი კარიერული პარტნიორების ვაკანსიებზე ექსკლუზიურ წვდომას აძლევთ; პარტნიორებს შორის კი ისეთი კომპანიებია, როგორიცაა – Adjarabet, Redberry, Liberty, Space, Wandio, GPI Holding და ა.შ.

ნიკამ კურსის ბოლოს საკუთარი ბრენდისთვის შეძლო დიზაინის შექმნა და თავისი ფინალური ნაშრომით TOP 4 საუკეთესო სტუდენტს შორისაც მოხვდა. იმავე წარმატების მიღწევა შენც შეგიძლია. შემოგვიერთდი.

სილაბუსი


ავტორი: ანანო ფეიქრიშვილი

გაუზიარე მეგობრებს
რელევანტური ბლოგები

რელევანტური ბლოგები

შესაძლოა გაინტერესებდეს

საშუალო
1000₾
AI გრაფიკულ დიზაინში
დიზაინის ტრადიციული მეთოდები შრომატევადია და დიდ დროის რესურსს მოითხოვს, რაც, ხშირ შემთხვევაში, ზღუდავს შემოქმედობითობას და მოსაწყენს ხდის დიზაინერის ყოველდღიურობას. თუმცა, გენერაციული AI არის ის რევოლუციური გადაწყვეტა, რაც საშუალებას მისცემს დიზაინერებს გადალახონ ამგვარი დაბრკოლებები და მეტიც  იყონ მეტად ეფექტურები ყოველდღიურ საქმიანობაში. კურსი დატვირთულია პრაქტიკული დავალებებით და ფინალური პროექტით, რაც  მოგცემს საშუალებას  დააგროვო პორტფოლიო და შეიძინო ცოდნა, რომელსაც  პრაქტიკაში გამოიყენებ
8 ლექცია
24 საათი
საშუალო
1250₾
Motion Design
Motion Design ერთ-ერთი ყველაზე მოთხოვნადი და პოპულარული პროფესიაა მსოფლიოში, რომელიც აქტიურად გამოიყენება სარეკლამო რგოლებში, მუსიკალურ კლიპებში, სატელევიზიო შოუებსა თუ პრომო ვიდეოებში, მხატვრულ თუ დოკუმენტური ფილმებში. ასევე,  სოციალურ ქსელებში (ციფრული ბანერები, პოსტები, სთორი, ა.შ). კურსის განმავლობაში მთავარი აქცენტი გაკეთდება, არამხოლოდ After Effect-ის ტექნიკური ცოდნის მიღებაზე, არამედ ანიმაციის იმ პრინციპებზე, მეთოდებსა და ხელსაწყოებზე, რომლებსაც აქტიურად იყენებენ ამ სფეროში მომუშავე პროფესიონალები სხვადასხვა სირთულის პროექტის შესაქმნელად. Პროგრამა სრულად დაფუძნებულია პრაქტიკულ სამუშაოებზე, რომლის განმავლობაშიც სტუდენტებს შეეძლებათ სხვადასხვა ტიპის ანიმაციის შექმნა რეალური პროექტებიდან და ბრიფიდან გამომდინარე.  რაც ყველაზე მთავარია, მიიღებენ  ჯანსაღ კრიტიკასა და რჩევებს გაუმჯობესებისთვის.
15 ლექცია
45 საათი
ექსპერტი
1500₾
Sense of Illustration
დიზაინის სფეროში ნიჭი და კრეატიული უნარები დღეს საკმარისი აღარ არის ფრილანს კარიერის დასაწყებად ან/და განსავითარებლად. რეალურად დაბრკოლებები მაშინ იწყება, როცა თითქოს ყველა საჭირო ტექნიკური უნარი გაქვს, მაგრამ არ იცი, როგორ შეადგინო ბიუჯეტი და თაიმლაინი, ააწყო პორტფოლიო, გქონდეს ინდივიდუალური ნიშა და რაც მთავარია, შეძლო ბაზარზე საკუთარი თავის სწორად პოზიციონირება. კონკურენცია ძალიან მაღალია, დამოუკიდებლად მუშაობა კი კიდევ უფრო რთული. ამ პირობებში საკმაოდ ბუნდოვანია ილუსტრატორის ანაზღაურების შესახებ ინფორმაციაც. Sense of (Freelance) Illustration-ის ქრეშ-კურსიც სწორედ ამ გამოწვევების დაძლევისთვის საჭირო გზამკვლევია, რომელიც წლების განმავლობაში მიღებულ ანანოს პირად გამოცდილებას ეფუძნება. კურსის ფარგლებში მონაწილეები გაივლიან ილუსტრაციის შექმნის სრულ ციკლს – ინსპირაციის პოვნის, ბრიფის ანალიზის, სკეჩების დახატვისა და დახვეწის ჩათვლით. რაც მთავარია, შეეძლებათ ბრიფზე დაყრდნობით იმუშაონ პროექტზე/სავარჯიშოებზე, რომლის პრაქტიკაში დანერგვაც დაეხმარებათ გადალახონ ცარიელი ფურცლის შიში. კურსს ფრილანს ილუსტრატორი, ანანო მიმინოშვილი გაუძღვება. მისი პორტფოლიო 200-მდე ფრილანს პროექტს და ისეთ კლიენტებს მოიცავს, როგორებიც არიან: The New York Times, Chanel, BAFTA, FILA, Adobe, Meta, Airbnb, The Washington Post, The New Yorker, The Hollywood Reporter და მრავალი სხვა. შეხვედრებს უმასპინძლებს სასტუმრო Stamba.
4 ლექცია
20 საათი

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დაწყება