ძველ ვერსიაზე გადასასვლელად დააჭირე აქ

Digital Product Testing & QA-ის კურსიდან QA აგენტის პოზციამდე - ელენე ძნელაძე

blog-detail-img

ციფრული პროდუქტები ჩვენი ყოველდღიურობის განუყოფელ ნაწილად იქცა. მათი გამოყენებით არაერთი სახის ოპერაციებს ვასრულებთ. ცხოვრების დაჩქარებული ტემპის გამო კი მომხმარებლებისთვის მნიშვნელოვანია, რომ ციფრული პროდუქტები სწრაფად, გამართულად და ხარისხიანად მუშაობდნენ. მათი კმაყოფილება კი კომპანიების ერთ-ერთ პრიორიტეტს წარმოადგენს. ამიტომ, ისინი Digital Product Testing & QA-ის მიმართულების შექმნით ზრუნავენ, რომ ბაზარზე გამოსვლამდე მათი პროდუქტი სრულად იყოს შემოწმებული და შეუფერხებლად ასრულებდეს ფუნქციებს.

რადგანაც დღეს მრავალი ახალი ციფრული პროდუქტი იქმნება და ინოვაციებთან ერთად არსებული უმჯობესდება, ხარისხის უზრუნველყოფის ტესტერის პოზიციაც მოთხოვნადი ხდება. თუ ტექნოლოგიური სფერო გაინტერესებს და გსურს, მომავლის ერთ-ერთ მაღალანაზღაურებად უნარებს ფლობდე, ამ ბლოგს გაეცანი. აქ მოგიყვები ელენე ძნელაძის წარმატების შესახებ – მან Commschool-ში Digital Product Testing & QA-ის კურსი გაიარა, რის შემდეგაც Pulsar AI-ში QA Agent-ის პოზიციაზე დასაქმდა.

ელენეს სურვილი ჰქონდა, რომ მისთვის სრულიად უცხო სფერო შეესწავლა. ამ მოტივაციით, რამდენიმე ვარიანტის განხილვის შემდეგ, ხარისხის უზრუნველყოფის მიმართულება აღმოაჩინა. მიუხედავად იმისა, რომ QA-ს საქმიანობის შესახებ მხოლოდ ზოგადი წარმოდგენა ჰქონდა, გადაწყვიტა, ახალი ცოდნა და გამოცდილება მიეღო და ზაფხულიც პროდუქტიულად გამოეყენებინა. ამის შემდეგ კურსის არჩევის დრო დადგა:

QA კურსის გავლის გადაწყვეტილების მიღების შემდეგ ბევრი არც მიფიქრია, თუ სად მიმეღო ეს ცოდნა. ჩემ გარშემო წარმატებული ადამიანების გამოცდილებით და ინტერნეტში სხვადასხვა კურსის რეპუტაციის ძიების შედეგად, მარტივი შევაჩერე არჩევანი Commschool-ზე.

რადგანაც კურსის დაწყებამდე QA-ის შესახებ ზოგადი ცოდნა ჰქონდა, თავიდან ელენეს უჭირდა წარმოდგენა, თუ რამდენად მოახერხებდა საჭირო უნარების ათვისებას. თუმცა ყოველ ლექციაზე თითოეულ თემაზე სიღრმისეულ ცოდნას იღებდა. შეხვედრებზე ახალი საკითხის განხილვა და პრაქტიკული დავალებები კი მოდუნების საშუალებას არ აძლევდა. შედეგად, კურსის ბოლოს, უკვე სრულიად გააზრებული ჰქონდა QA-ს როლი და რა არის მნიშვნელოვანი წარმატებული ხარისხის კონტროლისთვის.

Digital Product Testing & QA-ის კურსი

14 ლექცია I 42 საათი I 7 კვირა
გაიგე მეტი პროგრამის შესახებ

რას ისწავლი Digital Product Testing & QA კურსზე?

Commschool-ის კურსებს პრაქტიკაზე დაფუძნებული სწავლება გამოარჩევს. ამ პროგრამის განმავლობაშიც სტუდენტს საშუალება ექნება, ისწავლოს ტესტ ქეისების სხვადასხვა დიზაინ ტექნიკის გამოყენებით შედგენა და ვებ და მობილური აპლიკაციების დატესტვა. ამასთანავე, იგი მოიცავს მენტორობას ლექტორისგანაც, რომელთან ერთადაც სხვადასხვა რეალური ქეისების განხილვის შესაძლებლობა გექნება. პრაქტიკულ სავარჯიშოებზე დაყრდნობით გამოიმუშავებ manual ტესტერისთვის საჭირო ყველა ტექნიკურ უნარ-ჩვევას ციფრული პროდუქტის ხარვეზების დროულად აღმოჩენისა და გამოსწორებისთვის.

გარდა ამისა, პროგრამის განმავლობაში შეასრულებ არაერთ პრაქტიკულ სავარჯიშოს, დასასრულს კი იმუშავებ ინდივიდუალურ ფინალურ პროექტზე. ეს უკანასკნელი საშუალებას მოგცემს, სრულად შეკრა ის ცოდნა და უნარები, რომლებიც კურსის ფარგლებში შეიძინე. ასეთი იყო ელენეს გამოცდილება მასზე მუშაობის პროცესში:

ფინალური პროექტი აპლიკაციისთვის ტესტ გეგმის და manual ტესტირებისთვის ტესტ ქეისების შექმნას მოიაზრებდა. პროექტში დამჭირდა როგორც პრაქტიკული, ასევე თეორიული ცოდნის გამოყენებაც. ლექციებიდან გამომდინარე, ფინალური პროექტისთვის ჩემთვის გაუგებარი საკითხი არ დარჩენილა. თუმცა ლექტორი მუდმივად მზად იყო, როგორც ლექციაზე, ასევე მის გარეთაც, დამატებითი დროის დასათმობად.

სწორედ სწავლების მაღალი დონის, ლექტორისა და კოორდინატორის უშუალო და პროფესიონალური დამოკიდებულება გახდა ელენესთვის Commschool-ში გატარებული დროის სასიამოვნო გამოცდილებად ქცევის მიზეზი. კურსის მსველელობისას მუდმივად გრძნობდა მათ ყურადღებასა და მხარდაჭერას.

კარიერული წინსვლა - Commschool-დან Pulsar AI-მდე

კიდევ ერთი მნიშვნელოვანი სარგებელი, რომელსაც Commschool-ის სტუდენტები იღებენ, კარიერული მხარდაჭერაა. მათ წვდომა აქვთ პარტნიორი კომპანიების მიერ გამოცხადებულ სტაჟირებებსა და ვაკანსიებთან. სწორედ ეს შესაძლებლობა გამოიყენა ელენემ და კურსის დასრულებიდან ორი კვირის შემდეგ Pulsar AI-ში QA Agent-ის ვაკანსიაზე გააკეთა განაცხადი.

გავაგზავნე CV, რომელიც Commschool-ის კურსის გავლის შემდეგ, მთლიანად შევცვალე და QA პოზიციას მოვარგე. მალევე დამიკავშირდნენ Pulsar AI-დან და გასაუბრების შემდეგ, ერთ კვირაში დავიწყე მუშაობა QA Agent-ის პოზიციაზე

ამ წარმატების გადამწყვეტი მიზეზი ელენესთვის კურსის განმავლობაში მიღებული ცოდნა და გამოცდილება აღმოჩნდა. ფინალური პროექტის შესრულების შემდეგ უფრო მეტად თავდაჯერებული გახდა. გადაწყვიტა, რეალურად ეცადა ამ სფეროში პირველი ნაბიჯის გადადგმა, რაც იქამდე მისთვის არც ისე მარტივად წარმოსადგენი იყო. შედეგად კი, დარგის ერთ-ერთ წამყვან კომპანიაში დაიწყო მუშაობა.

მათ, ვინც QA-ის მიმართულებით ხართ დაინტერესებული, ელენეს რჩევას გაგიზიარებთ:

ჩემი რჩევა იქნება ის, რასაც თავად ლექტორი გვეუბნებოდა თითქმის ყოველ ლექციაზე - ამ სფეროში ყველაზე მნიშვნელოვანია მუდმივი შრომა და თვითგანვითარება. შესაბამისად, აუცილებელია საკუთარ თავზე მუშაობა, სიახლეების გაცნობა, გამოცდილების მიღება, თუნდაც დამოუკიდებლად სხვადასხვა ვებ-გვერდის დატესტვით. ასევე, დამწყებებს ვურჩევდი, რომ მუდმივად ეძებონ დეფექტები არა მარტო აპლიკაციასა და ვებ-გვერდზე, არამედ ყველგან და ყველაფერში, რადგან სწორედ მათი აღმოჩენაა QA-ს ღირებულება.

ასეთია ელენეს წარმატების ისტორია. თუ შენც გსურს, რომ ერთ-ერთ მოთხოვნად და მაღალანაზღაურებად პროფესიულ უნარებს ფლობდე, აუცილებლად გაეცანი კურსის დეტალებს. შემოგვიერთდი Commschool-ში!

გაეცანი კურსის სილაბუსს
გაუზიარე მეგობრებს
რელევანტური ბლოგები

რელევანტური ბლოგები

შესაძლოა გაინტერესებდეს

საშუალო
1350₾
[Tech] რეკრუტირება
ტექ. ტალანტებზე მოთხოვნა ასეთი მაღალი არასდროს ყოფილა, რაც თავისმხრივ ართულებს კომპანიების მიერ საუკეთესო ადამიანური რესურსების მოძიებას და მოზიდვას.  ამგვარ კონკურენტულ გარემოში, რეკრუტერებს სჭირდებათ არამარტო ტექ. ინდუსტრიის სიღრმისეული აღქმა, არამედ პრაქტიკული ექსპერტიზა, თუ როგორ იპოვონ, დააონბორდინგონ (Onboarding) და შეინარჩუნონ A+ ტექ პროფესიონალები. კურსი დატვირთულია პრაქტიკული სამუშაოებით და შედგენილია მიმდინარე ტრენდების, პლატფორმების, კვალიფიკაციების დეტალურად აღსაქმელად - ეს არის ტექნოლოგიურ სივრცეში ადამიანური რესურსების რეკრუტინგის მინი MBA. შესაბამისად, კურსის განმავლობაში სტუდენტები შეისწავლიან [Tech] რეკრუტინგის 360 გრადუსიან, სრულ პროცესს.
14 ლექცია
42 საათი
დამწყები
950₾
AI პრაქტიკაში
ხელოვნური ინტელექტი თანამედროვე მენეჯერის განუყოფელი ნაწილი გახდა. შესაბამისად, რაც უფრო მეტად გვესმის რა ენაზე და როგორ ვესაუბროთ ხელოვნურ ინტელექტს მით უფრო მარტივია მისი ყოველდღიურობაში ინტეგრირება. რაც მთავარია, ხელოვნური ინტელექტის საშუალებით შესაძლებელია დროის ეფექტურად გამოყენება და რუტინული საქმეების თავიდან არიდება. ლექციების განმავლობაში დეტალურად შევისწავლით ისეთი პოპულარული AI სისტემების გამოყენებას, როგორიცაა ChatGPT, Claude.ai, და Gemini. პრაქტიკულ დავალებასა და ფინალურ ნაშრომზე მუშაობა კი დაგვეხმარება სიღრმისეული ცოდნა მივიღოთ AI ხელსაწყოების გამოყენებასა და მათ საკუთარ  ნებაზე “მოთვინიერებაში”.
6 ლექცია
18 საათი
საშუალო
1600₾
Android Development
თანამედროვე სამყაროში ნებისმიერი ციფრული პროდუქტი ან მომსახურება არ ითვლება სრულყოფილად, თუ მას მობილური აპლიკაცია არ აქვს. მსოფლიოს მობილური მომხმარებლების დაახლოებით 86% კი ანდროიდის მომხმარებელია,  რაც მას ყველაზე პოპულარულ მიმართულებად ხდის მობაილ დეველოპმენტში.მობილური აპლიკაციები პროგრამული უზრუნველყოფის ერთ-ერთი სახეობაა, ამიტომაც კურსის საწყის ეტაპზე აქცენტი კეთდება პროგრამირების ენებისა და მიდგომების შესწავლაზე. ამის შემდეგ გადავდივართ ანდროიდის სპეციფიკური ფრეიმვორკის, ინსტრუმენტებისა და აპლიკაციის შექმნის პროცესზე.
24 ლექცია
72 საათი

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დაწყება