ამბები Data Analytics-ის კურსიდან – მარიამ კალანდაძე

დღევანდელი ტექნოლოგიური ინოვაციების სამყარო მონაცემებზე დგას. მონაცემთა ეკოსისტემა ბევრ სხვადასხვა როლს, სპეციალიზაციას და უნარს აერთიანებს, რომელთა საშუალებითაც ხდება დიდი რაოდენობით ინფორმაციის ანალიზი. ეს საშუალებას აძლევს ადამიანებსა და კომპანიებს რეალური გავლენა მოახდინონ სხვადასხვა ინდუსტრიაზე. მონაცემთა ანალიტიკოსის პორფესიაც სწორედ ამას ემსახურება.

ამ ბლოგში კი გაგაცნობ Data Analytics-ის კურსდამთავრებულს, მარიამ კალანდაძეს, რომელიც ქომსქულში Power BI-ის საბაზისო ცოდნითა და ანალიტიკური რეპორტების განვითარების შესწავლის სურვილით მოვიდა და თავის გამოცდილებას გვიზიარებს.

მქონდა წარმოდგენა, რომ მონაცემებზე დაყრდნობით მნიშვნელოვან ინფორმაციას ყვებოდნენ, სწორედ ასე აღმოჩნდა

მარიამი გვესაუბრა ინტერაქციული ლექციების პროცესზე, რომელიც მეტწილად პრაქტიკაზე და საინტერესო მაგალითებზეა დაფუძნებული, რისი საშუალებითაც მარიამმა ყველაზე ღირებული გამოცდილება და ცოდნა შეიძინა, კერძოდ : როდის რა ვიზუალი გამოიყენება, როგორი რეპორტი უნდა შეიქმნას, როგორ მოერგოს მსმენელს და როგორ დაიწყოს მონაცემების სწორი ანალიტიკა.

SQL-ის კონკრეტულ ამოცანებზე მთელი დღეც მიფიქრია, რაც ჩემთვის ერთ-ერთი ყველაზე ღირებული პროცესი იყო მთელი კურსიდან - სწორედ ფიქრში და ცდაში ვითარდები და სწავლობ ყველაზე მეტს

სწორედ ამ ცდის პროცესს გადიან Commschool-ის სტუდენტები ფინალურ პროექტზე მუშაობისას, რომელიც კურსის განუყოფელი ნაწილია. მარიამის თქმით ფინალური პროექტი რთული და საინტერესო გამოწვევა იყო, რომლის დახმარებითაც მან მოახერხა ყველა წესის დაცვით, ნულიდან – შედეგებისა და რეკომენდაციების გაზიარებამდე მისულიყო.

მნიშვნელოვანია მიხვდე, რომ ანალიზში მნიშვნელოვანი არაა მხოლოდ თვალისმომჭრელი, ლამაზი ჩარტები, არამედ თითოეული ჩარტი უნდა ყვებოდეს ისტორიას და ატარებდეს ღირებულებას

როგორც მარიამი ამბობს, კურსმა მისი მოლოდინები გაამართლა – გაეცნო ახალ ხელსაწყოს SQL-ს და ახალი თვალით შეხედა Power BI-ს. თქვენ კი გირჩევთ, რომ: “თუ რაღაცის სწავლის დაწყება გინდა და შენით უბრალოდ არ გამოგდის – არ გყოფნის მოტივაცია, კურსის დროს ისე ერთვები პროცესში, ვერც იგებ – ამიტომ ვისაც უჭირს დამოუკიდებლად საქმის დაწყება ვურჩევდი მსგავსი კურსის აღებას.”

თუ შენც გიტაცებს მონაცემთა ანალიზი და გსურს მისი შესწავლა, გეტყვი, რომ ეს ერთ-ერთი ყველაზე მზარდი პროფესიაა 2020-2025 წლებში. ასე რომ, შეგიძლია ფეხი აუწყო ტექნოლოგიების საუკუნეს და შემოგვიერთდე!