ძველ ვერსიაზე გადასასვლელად დააჭირე აქ

ამბები SEO-ის კურსიდან: ნიკუშა ჩლაიძე

blog-detail-img
SEO kursi s3wavla nikoloz chlaidze

Google ყველაზე პოპულარული საძიებო სისტემაა მსოფლიოში. იცოდი, რომ იგი ყოველდღიურად 8.5 მილიარდ ძებნას ამუშავებს? მომხმარებლების 25% კი მიღებული შედეგებიდან პირველივე ვებ-გვერდზე გადადის. ეს მონაცემები კარგად მეტყველებს იმაზე, თუ როგორი მნიშვნელოვანია თითოეული ბიზნესისთვის SEO მიმართულების განვითარება. საძიებო სისტემების ოპტიმიზაცია მათ პროდუქტებსა თუ სერვისებს მომხმარებლებისთვის უფრო მარტივად ხელმისაწვდომს და პოპულარულს ხდის.

თუ ციფრული მარკეტინგი გაინტერესებს და გსურს, ამ სფეროს ერთ-ერთ ყველაზე მოთხოვნად მიმართულებას უფრო ახლოს გაეცნო, ეს ბლოგი დაგაინტერესებს. ნიკუშა ჩლაიძე, SEO-ის კურსდამთავრებული, საკუთარ შთაბეჭდილებებს გაგიზიარებს კურსის შესახებ.

ნიკუშა მარკეტინგის სპეციალისტია. მან ბაკალავრიატი და მაგისტრატურა კიევში გაიარა, სადაც მენეჯმენტისა და მარკეტინგის ფაკულტეტზე სწავლობდა. სამუშაო გამოცდილებაც იქ დააგროვა. კერძოდ, მუშაობდა Mastercard-სა და Glovo-ს მარკეტინგის გუნდებში. ასევე, სწრაფი კვების ბრენდის, ho-ho-ს, დამფუძნებელი იყო. საქართველოში კი კრწანისი ვილა-რეზიდენსში მარკეტინგის გუნდის უფროსის მოადგილის პოზიცია ეკავა. ამასთან ერთად, ჰქონდა სტარტაპი − ვირტუალური რეალობის კლუბი Cosmo VR.

ციფრული მარკეტინგი იყო ის, რითაც წლების განმავლობაში სხვადასხვა სამსახურში ვიყავი დაკავებული. ამ პროცესში SEO-ს მიმართულებით განვითარების საჭიროება დადგა. სწორედ ეს იყო მიზეზი, რის გამოც დავინტერესდი commschool-ის მიერ შემოთავაზებული კურსით

სოციალურ ქსელში ნიკუშა კურსის ლექტორების პოსტს გადააწყდა. ასე აღმოაჩინა მან commschool, სადაც უამრავი კმაყოფილი სტუდენტის შეფასებების წაკითხვის შემდეგ მაშინვე რეგისტრაცია გაიარა.

რას ისწავლი SEO-ის კურსზე?

კურსის მიმართ ნიკუშას მოლოდინები 100%-ით გამართლდა. მისი თქმით, ლექტორები თავიანთი საქმის უზადო პროფესიონალები არიან და SEO სამყაროში ნებისმიერი სირთულის გადალახვა შეუძლიათ. სწორედ მათი დახმარებით შეძლო, საჭირო ცოდნის შეძენა და დასაქმებაც კი. ის მალევე შეუერთდა SEO სააგენტო Rank Pilots, გუნდს, რომელსაც დიდი მიზნები აქვს და საერთაშორისო ასპარეზზე საკმაოდ კარგი სახელით სარგებლობს.

კურსის დასრულების შემდეგ თავდაჯერება მომემატა და ჩავთვალე, რომ საკმარისი ცოდნა მქონდა, SEO-ს მიმართულებით დამეწყო მუშაობა. შესაბამისად, შედეგიც მალე დადგა − რადგან მაღალი ქულა მქონდა მიღებული ფინალურ პროექტში, ლექტორებმა საკუთარ კომპანიაში, Rank Pilots-ში, დასაქმება შემომთავაზეს.

პროგრამის ყველაზე ღირებულ ნაწილად ნიკუშა მეგობრულ გარემოს ასახელებს. გარდა თეორიული მასალისა, ლექტორები თავიანთ გამოცდილებას დეტალურად უზიარებდნენ. პროცესი კი აგებული იყო კითხვა-პასუხის ფორმატზე. თითოეული სტუდენტიც საკუთარ გამოცდილებას უზიარებდა სხვებს, რაც საბოლოო ჯამში, ქმნიდა შთაბეჭდილებას, რომ თემა სრულიად ამოწურული იყო. ამიტომ, შემდეგი თემისთვისა თუ გამოწვევისთვის მაშინვე მზად იყვნენ.

ტექნიკური SEO-ს ნაწილი, რომელიც კურსის გავლამდე ნიკუშას რთული ეჩვენებოდა, ძალიან მარტივად აითვისა. ისწავლა ვებ-გვერდის ტექნიკური აუდიტი და ანალიზი, keywords-ის კვლევა, გვერდებისა და ტექსტების ოპტიმიზაცია საძიებო ფრაზების მიხედვით. Link Building კამპანიების შესრულება, გვერდის და კონტენტის ბრიფის გაწერა და სხვა მნიშვნელოვანი და საჭირო უნარ-ჩვევები.

ფინალური პროექტი

თუ არ იცი, გეტყვი, რომ commschool-ის კურსები პრაქტიკაზე დაფუძნებული მეთოდოლოგიით არის აწყობილი. ამ პროგრამის ფარგლებშიც სტუდენტები ყოველი ლექციის შემდეგ ასრულებდნენ დავალებებს, რომლებსაც ნიკუშა დიდი ენთუზიაზმით უდგებოდა. კურსის ბოლოს კი იმუშავა ფინალურ ინდივიდუალურ პროექტზე. ამ პროცესში კი ის ცოდნა, რაც პროგრამის ფარგლებში შეიძინა, მაქსიმალურად შეაჯამა და გამოიყენა.

იმდენად საინტერესო იყო პროცესი, რომ გარდა გავლილი მასალისა, მე თვითონ გამიჩნდა სურვილი, დამატებითი ინფორმაცია მომეძიებინა, მესწავლა და ჩემი ცოდნა გამეღრმავებინა. ვფიქრობ, რომ სწორედ ეს არის SEO-ს კურსის მთავარი წარმატება − დაგაინტერესოს, დაგაყენოს სწორ გზაზე და შემდეგ სამომავლო გეგმების განხორციელების პროცესში მუდმივად მხარი დაგიჭიროს.

როგორც ნიკუშა აღნიშნავს, SEO მომავლის ერთ-ერთი პროფესიაა და ამიტომაც არის დიდი დაინტერესება მის მიმართ. ეს არის საქმე, რომელიც შესაძლებლობას იძლევა, ადამიანმა იმუშაოს კომფორტულად, სახლიდან გაუსვლელად მსოფლიოს ნებისმიერი კომპანიისთვის. შესაძლოა რამდენიმე ბრენდსაც კი მოემსახუროს ერთდროულად, რაც თავისთავად ზრდის მეტი თანხის გამომუშავების შესაძლებლობას. კლიენტების მოძიების გზებს კი კურსის განმავლობაშიც შეისწავლი.

ამგვარად, ნიკუშა უკვე საკუთარი სპეციალობით მუშაობს საერთაშორისო სააგენტოში. წინ ბევრი გამოწვევა ელოდება, რისთვისაც უკვე მზად არის. თუ შენც გსურს, რომ ამ დინამიკური სამყაროს ნაწილი გახდე, დაიწყე შენი გზა SEO სპეციალისტობამდე commschool-ში. შემოგვიერთდი!

იხილე SEO-ს კურსის სილაბუსი
გაუზიარე მეგობრებს
რელევანტური ბლოგები

რელევანტური ბლოგები

შესაძლოა გაინტერესებდეს

დამწყები
1100₾
Creative Advertising
რეკლამას ერთი უცნაურობა ახასიათებს, როგორც წესი ვცდილობთ თავი ავარიდოთ მას, დავბლოკოთ, “დავსკიპოთ”, მეორე მხრივ კი შეიძლება მოუთმენლად ველოდებოდეთ საყვარელი ბრენდის ახალ კამპანიას და სიამოვნებით ვუყურებდეთ მაგალითად Nike-ის რგოლებს, McDonald’s-ის და Burger King-ის ორთაბრძოლებს, Coca-Cola-ს საახალწლო ქარავანს. როდის ხდება რეკლამა გასართობი და არა შემაწუხებელი? როგორ ახერხებს ამას ზოგიერთი ბრენდი? რა დგას ეფექტური სარეკლამო კამპანიის უკან? კურსის ფარგლებში ვეცდებით ამ კითხვებზე პასუხების პოვნას. ლექციებზე მიმოვიხილავთ სარეკლამო კომუნიკაციის საფუძვლებს, ძირითად პრინციპებს, ინსტრუმენტებს. გავეცნობით კრეატიული სააგენტოს მუშაობის მექანიკას, მოვალეობებსა და დამკვეთთან ჰარმონიულად ურთიერთობის წესებს. გავაანალიზებთ და განვიხილავთ გლობალურ თუ ქართულ ქეისებს. სტუდენტებს საშუალება ექნებათ შეიხედონ სარეკლამო ინდუსტრიის შიდა სამზარეულოში და გამოიმუშაონ კამპანიის დაგეგმვის, კრეატივის შეფასების და კრეატიულ გუნდთან მუშაობის მენეჯერული უნარ-ჩვევები.
11 ლექცია
33 საათი
საშუალო
1400₾
Data-Driven მარკეტინგი
ციფრულ სივრცეში მომხმარებლის ნებისმიერი ქცევა მონაცემია, მისი სწორად გამოყენების უნარი კი – კონკურენტებზე უპირატესობის მოპოვების უმთავრესი საშუალება, რადგან ის გვეხმარება, მივიღოთ ჭკვიანური გადაწყვეტილებები, დაფუძნებული ფაქტებზე და არა ვარაუდებზე.ტრადიციული მარკეტინგული მიდგომებისგან განსხვავებით, მონაცემებზე დაფუძნებული მარკეტინგი გეხმარება, უკეთ შეიცნო შენი მომხმარებლები, შეისწავლო მათი ქცევები, ესაუბრო მათთვისვე რელევანტური კომუნიკაციით, საჭიროებებზე დაყრდნობით განსაზღვრო, სად და როგორ „დახვდე“ მათ და გაზომო მარკეტინგული აქტივობების შედეგიანობა. კურსის განმავლობაში დეტალურად გავივლით მონაცემთა ანალიტიკას, მომხმარებელთა სეგმენტაციას, ატრიბუციის მოდელირებას, მარკეტინგის სამოქმედო გეგმის და ბიუჯეტის შემუშავებას, სტრატეგიისა და ტაქტიკების შეფასებას, და სხვა.
14 ლექცია
42 საათი
ექსპერტი
1200₾
Sense of Branding
თანამედროვე ბრენდი წარმოადგენს რაღაც პოზიციას. ის არის განაცხადი. მას შეუძლია, ადამიანს თვალსაწიერი გაუფართოვოს, გარკვეული მიმართულებით გაახედოს, ყურადღება გაუმახვილოს, სურვილი აღუძრას. სტრატეგიული ბრენდინგი განსაზღვრავს ყველაფერ იმას, რაც ბრენდმა ცხოვრებაში უნდა დაგვმართოს.ქრეშ-კურსის გავლის შემდეგ შეგეძლება ბრენდის ელემენტებში გარკვევა და მათით მანიპულირება.შეხვედრები ჩატარდება D Block Workspace//@ Stamba-ში
4 ლექცია
20 საათი

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დაწყება