ამბები Digital Advertising-ის კურსიდან

ციფრული მიგრაციის ეპოქაში რეკლამირების მთავარი უპირატესობა მისი გაზომვადობაა – შესაძლებელია თითოეული მარკეტინგული ინიციატივის შეფასება და ბიზნეს შედეგებში თარგმნა, სტრატეგიისა და ტაქტიკების დახვეწა რიცხვებზე დაყრდნობით. სწორედ ამაში გვეხმარება Digital Advertising, რომლის მიზანია მაქსიმალურად ეფექტურად მოხდეს კავშირის დამყარება ბიზნესა და მის მომხმარებელს შორის.

ამიტომ თუ შენთვისაც საინტერესოა ეს სფერო, მაშინ სწორ ადგილას შემოგიხედავს, რადგან ამ ბლოგში მინდა Digital Advertising-ის კურსდამთავრებული, ანა ბოლქვაძე გაგაცნო.

ალბათ, გეცოდინება, რომ ციფრული რეკლამა ყველა პლატფორმაზე გვხვდება. საკუთარი საქმიანობიდან გამომდინარე, ანასაც ჰქონია გარკვეული ტიპის შეხება ამ სფეროსთან, თუმცა პრაქტიკულად და დამოუკიდებლად რეკლამების შექმნა არ შეეძლო, სწორედ ამიტომ Digital Advertising-ის კურსის გავლა გადწყვიტა.

ჩემთვის მნიშვნელოვანი იყო, უფრო საფუძვლიანად შემესწავლა ციფრული რეკლამირების საფუძვლები,როგორც სამსახურეობრივი, ასევე პირადი საჭიროებიდან გამომდინარე

ანა კურსზე მიღებულ გამოცდილებასაც გვიზიარებს და ამბობს, რომ:

სალექციო პროცესი იყო ძალიან საინტერესო და დინამიური, რასაც პირველ რიგში განაპირობებდა ლექტორის მიდგომა, რომელიც მთელი მონდომებით, ენერგიით, დეტალურად და ჩვენთვის გასაგები ენით გვიხსნიდა მნიშვნელოვან საკითხებს, ხოლო თეორიულ ცოდნას პრაქტიკის (საკლასო და საშინაო დავალებების) საფუძველზე გვიმყარებდა.

აქვე გეტყვი, რომ კურსის განმავლობაში სტუდენტებს ულიმიტო წვდომა აქვთ გლობალური მონაცემების ბაზასთან – WARC, რაც კიდევ უფრო მრავალფეროვანს ხდის სწავლების პროცესს. ხოლო, კურსის ბოლოს, თითოეული კურსდამთავრებული დამოუკიდებლად მუშაობს ფინალურ პროექტზე, რაც ანასთვის ძალიან ამაღელვებელი და საინტერესო პროცესი იყო.

სრულად საკუთარ თავზე ხარ დამოკიდებული, ცდილობ შეაჯამო თეორიული და პრაქტიკული ცოდნა, ცოტას ნერვიულობ, არ იცი პირველი სერიოზული მცდელობისას რას როგორ გააკეთებ, მაგრამ როგორც კი რეკლამის აწყობას იწყებ უკვე ყველაფერი გილაგდება და საბოლოო ჯამში კმაყოფილი რჩები მიღებული შედეგით.

ასე რომ, თუ მზად ხარ შენი კრეატივი სწორ ადგილას, სწორ აუდიტორიაში, წარმატებულად განათავსო, აირჩიე Digital Advertising