ძველ ვერსიაზე გადასასვლელად დააჭირე აქ

ნატა ნოზაძის ფინალური პროექტი - UX Research & Design-ის კურსდამთავრებული

blog-detail-img

Commschool-ის UX Research & Design-ის კურსის განმავლობაში სტუდენტები კვლევის ჩატარებიდან პროტოტიპის შექმნა-გატესტვის ჩათვლით, მთელ UX პროცესს ნაბიჯ-ბანიჯ გადიან. კურსის ბოლოს ისინი ქმნიან ფინალურ პროექტს, რომელიც მიღებული ცოდნის პრაქტიკაში გადატანასა და რეალური ამოცანების გადაჭრას ემსახურება.

ამ ბლოგში UX-ის კურსდამთავებულის, ნატა ნოზაძის ფინალურ ნაშრომს გაგაცნობთ, რომელმაც სამოგზაურო აპლიკაციის პროტოტიპი შექმნა.

პროტოტიპი:

თუმცა მანამდე, შენთვის ერთ-ერთი  საინტერესო ნაწილი, ალბათ, კურსის შემდგომ შენი კარიერული პოტენციალია და ჩვენც ამით დავიწყებთ. Alumni Club-ის შესახებ, შესაძლოა, უკვე გსმენია კიდეც. მასში ჩვენი წარმატებული კურსდამთავრებულები ავტომატურად ირიცხებიან, ეს კი მათ Commschool-ის ისეთი პარტნიორი კომპანიების ვაკანსიაზე აძლევთ ექსკლუზიურ წვდომას, როგორიც Adjarabet, Redberry, JWT Metro, Space, GPI Holding, ლიბერთი ბანკი და ა.შ. არიან. კლუბში რომ მოხვდე, საკმარისია Commschool-ის ნებისმიერი კურსი წარმატებით დაამთავრო. ამდენად, UX-ის კურსის წარმატებით გავლის შემდეგ, შენც ამ კლუბის წევრი გახდები ისევე, როგორც ნატა. ახლა დროა, სწორედ ნატას ნაშრომი გაგიზიაროთ.

UX-ის სტუდენტებს ფინალური პროექტისთვის შეთავაზებული ალტერნატივების გარდა, თავისუფალი თემის აღების საშუალებაც აქვთ. ნატამ სწორედ ეს გააკეთა და გადაწყვიტა, მის ფარგლებში სამოგზაურო აპლიკაციაზე ემუშავა:

არჩევანი “თავისუფალ თემაზე” შევაჩერე და ვიმუშავე სამოგზაურო აპლიკაციის კვლევასა და დიზაინზე. ეს იდეა UX-ის კურსამდეც მქონდა და გადავწყვიტე, რომ Commschool მშვენიერი ადგილი იყო მიზნის განსახორციელებლად"

კვლევის მეთოდი:

ნატას მიზანი საქართველოს საკურორტო-საფეხმავლო ზონების შესახებ ტურისტულად საინტერესო დეტალების ერთ აპლიკაციაში თავმოყრა და მომხმარებელზე ორიენტირებული ტურის შედგენა იყო:

“უფრო კონკრეტულად, ჩემი საფინალო აპლიკაცია ეხება ტურიზმს საქართველოში. აპლიკაცია მომხმარებელს მისი ინტერესების შესაბამისად უგეგმავს ტურს. საქართველოს საფეხმავლო ადგილების შესახებ ხშირად რთულია ინფორმაციის მოძიება, ამ აპლიკაციის მეშვეობით კი მინდოდა ყველა ასეთი დეტალი ცნობილი გამხდარიყო.”

ერთ-ერთი პერსონა:

თუმცა ასეთი დეტალების იდენტიფიცირებისთვის, პირველ რიგში, მას კვლევა უნდა ჩაეტარებინა. ნატას თქმით, UX კვლევის პროცესი მთელი ფინალური პროექტის გამორჩეულად საინტერესო ნაწილი აღმოჩნდა:

“პროექტზე მუშაობა ძალიან საინტერესო გამოცდილება იყო, განსაკუთრებით უშუალოდ ინტერვიუს პროცესით მოვიხიბლე. იქიდან გამომდინარე, რომ ჩემი კვლევის თემა მოგზაურობა იყო, რესპონდენტები ხალისით მიყვებოდნენ თავიანთ ცუდ და კარგ გამოცდილებებს”

პროტოტიპი:

 

ნატას თქმით, კურსისა და ფინალური პროექტის დახმარებით მან მომხმარებლის საჭიროებების ობიექტურად შეფასებისა და აღმოჩენის უნარები შეიძინა:

”დიზაინერისთვის ძალიან მარტივია, მიჰყვეს საკუთარ შეხედულებს და გადაავიწყდეს მთავარი აუდიტორია – მომხმარებელები. ჩემთვის ეს კურსი ზუსტად იმ გზაზე დამაბრუნებელი იყო, სადაც ჩემს სუბიექტურ აზრს ბევრად ნაკლები მნიშნელობა აქვს, ვიდრე მათ აზრს, ვისთვისაც პროდუქტს ვქმნი.”

პროტოტიპი:

ამდენად, მან სწორედ თავისი კვლევის შედეგებზე დაყრდობით შეიმუშავა პროტოტიპი, რომელიც მაქსიმალურად იქნებოდა სამომხმარებლო საჭიროებებზე მიმართული:

“მომხმარებლების იმ საჭიროებების გათვალისწინებით, რომლებიც კვლევამ გამოავლინა, ვიმუშავე პროტორიპზე, რამაც გააღრმავა ჩემი ცოდნა და აღქმა იმისა, თუ რეალურად რა სურთ მათ, რაზე ღირს დროის ხარჯვა და რაზე – არა.”

რეკომენდაცია:

ნატას შეფასებით, ფინალური პროექტის სპეციფიკა მას მთელი კურსის განმავლობაში შეძენილი ცოდნის თავმოყრასა და ერთიან გააზრებაში მიეხმარა:

”ყველაზე მეტად კურსის პრაქტიკულობა მომეწონა. ლექციებზე მოსმენილი ყოველი ინფორმაცია გამოვიყენე და გავიაზრე საფინალო პროექტზე მუშაობისას. ასეთი პრაქტიკული დავალება ძალიან გამომადგა იმ ცოდნის შესაკრებად, რაც მეგონა, რომ აქა-იქ მეფანტებოდა ლექციების შემდგომ”

ამ ყველაფრის ფონზე, ნატა Commschool-ის UX-ის კურსს რეკომენდაციას უწევს:

“კურსს სხვებსაც აუცილებლად ვურჩევდი. ყველა ჩამოთვლილ მიზეზთან ერთად, მომწონდა, როცა ჩემგან კურსის შეფასება აინტერესებდათ – კურსის განვითარების მოტივაციას ვგრძნობდი “

ნატას გამოცდილებამ თუ შენც გაგიჩინა UX-ის მიმართ ინტერესი, მაშინ მოკლედ კურსის შესახებაც გეტყვით. კურსი 24 სამსაათიან ლექციას აერთიანებს და მისი გავლის შემდეგ შენ შეძლებ, დამოუკიდებლად ჩაატარო კვლევა, მიღებული ინსაითების გათვალისწინებით შეიმუშავო პროდუქტის კონცეფცია და დიზაინი, საბოლოოდ კი კონცეფცია პროტოტიპად აქციო და მომხმარებელზე ორიენტირებული ციფრული პროდუქტიც შექმნა.

თუკი შენ UI ან დამწყები UX დიზაინერი ხარ, ანდა უშუალოდ მონაწილეობ ციფრული პროდუქტის შექმნაში (product owner ან product manager ხარ), მაშინ წინაპირობებს აკმაყოფილებ და რეგისტრაციაც თავისუფლად შეგიძლია.

პროგრამაზე ჩარიცხვა


ავტორი: ანანო ფეიქრიშვილი

გაუზიარე მეგობრებს
რელევანტური ბლოგები

რელევანტური ბლოგები

შესაძლოა გაინტერესებდეს

საშუალო
1000₾
AI გრაფიკულ დიზაინში
დიზაინის ტრადიციული მეთოდები შრომატევადია და დიდ დროის რესურსს მოითხოვს, რაც, ხშირ შემთხვევაში, ზღუდავს შემოქმედობითობას და მოსაწყენს ხდის დიზაინერის ყოველდღიურობას. თუმცა, გენერაციული AI არის ის რევოლუციური გადაწყვეტა, რაც საშუალებას მისცემს დიზაინერებს გადალახონ ამგვარი დაბრკოლებები და მეტიც  იყონ მეტად ეფექტურები ყოველდღიურ საქმიანობაში. კურსი დატვირთულია პრაქტიკული დავალებებით და ფინალური პროექტით, რაც  მოგცემს საშუალებას  დააგროვო პორტფოლიო და შეიძინო ცოდნა, რომელსაც  პრაქტიკაში გამოიყენებ
8 ლექცია
24 საათი
საშუალო
1250₾
Motion Design
Motion Design ერთ-ერთი ყველაზე მოთხოვნადი და პოპულარული პროფესიაა მსოფლიოში, რომელიც აქტიურად გამოიყენება სარეკლამო რგოლებში, მუსიკალურ კლიპებში, სატელევიზიო შოუებსა თუ პრომო ვიდეოებში, მხატვრულ თუ დოკუმენტური ფილმებში. ასევე,  სოციალურ ქსელებში (ციფრული ბანერები, პოსტები, სთორი, ა.შ). კურსის განმავლობაში მთავარი აქცენტი გაკეთდება, არამხოლოდ After Effect-ის ტექნიკური ცოდნის მიღებაზე, არამედ ანიმაციის იმ პრინციპებზე, მეთოდებსა და ხელსაწყოებზე, რომლებსაც აქტიურად იყენებენ ამ სფეროში მომუშავე პროფესიონალები სხვადასხვა სირთულის პროექტის შესაქმნელად. Პროგრამა სრულად დაფუძნებულია პრაქტიკულ სამუშაოებზე, რომლის განმავლობაშიც სტუდენტებს შეეძლებათ სხვადასხვა ტიპის ანიმაციის შექმნა რეალური პროექტებიდან და ბრიფიდან გამომდინარე.  რაც ყველაზე მთავარია, მიიღებენ  ჯანსაღ კრიტიკასა და რჩევებს გაუმჯობესებისთვის.
15 ლექცია
45 საათი
ექსპერტი
1500₾
Sense of Illustration
დიზაინის სფეროში ნიჭი და კრეატიული უნარები დღეს საკმარისი აღარ არის ფრილანს კარიერის დასაწყებად ან/და განსავითარებლად. რეალურად დაბრკოლებები მაშინ იწყება, როცა თითქოს ყველა საჭირო ტექნიკური უნარი გაქვს, მაგრამ არ იცი, როგორ შეადგინო ბიუჯეტი და თაიმლაინი, ააწყო პორტფოლიო, გქონდეს ინდივიდუალური ნიშა და რაც მთავარია, შეძლო ბაზარზე საკუთარი თავის სწორად პოზიციონირება. კონკურენცია ძალიან მაღალია, დამოუკიდებლად მუშაობა კი კიდევ უფრო რთული. ამ პირობებში საკმაოდ ბუნდოვანია ილუსტრატორის ანაზღაურების შესახებ ინფორმაციაც. Sense of (Freelance) Illustration-ის ქრეშ-კურსიც სწორედ ამ გამოწვევების დაძლევისთვის საჭირო გზამკვლევია, რომელიც წლების განმავლობაში მიღებულ ანანოს პირად გამოცდილებას ეფუძნება. კურსის ფარგლებში მონაწილეები გაივლიან ილუსტრაციის შექმნის სრულ ციკლს – ინსპირაციის პოვნის, ბრიფის ანალიზის, სკეჩების დახატვისა და დახვეწის ჩათვლით. რაც მთავარია, შეეძლებათ ბრიფზე დაყრდნობით იმუშაონ პროექტზე/სავარჯიშოებზე, რომლის პრაქტიკაში დანერგვაც დაეხმარებათ გადალახონ ცარიელი ფურცლის შიში. კურსს ფრილანს ილუსტრატორი, ანანო მიმინოშვილი გაუძღვება. მისი პორტფოლიო 200-მდე ფრილანს პროექტს და ისეთ კლიენტებს მოიცავს, როგორებიც არიან: The New York Times, Chanel, BAFTA, FILA, Adobe, Meta, Airbnb, The Washington Post, The New Yorker, The Hollywood Reporter და მრავალი სხვა. შეხვედრებს უმასპინძლებს სასტუმრო Stamba.
4 ლექცია
20 საათი

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დაწყება