ფინალურ ნაშრომზე მუშაობის პროცესი ირინას თავისი მიმართულების პოვნაში დაეხმარა:

“რებრენდინგზე მუშაობის პროცესმა მოგვცა შესაძლებლობა, აღმოგვეჩინა საკუთარი თავი ამ პროფესიაში. მე პირადად ძალიან დამეხმარა საბოლოო მიმართულების ჩამოყალიბებაში.”

ორთვიანი კურსი საკმარისი აღმოჩნდა, რომ ირინას ხედვა განვითარებოდა:

“დავიწყე ფიქრი ისე, როგორც დიზაინერმა: უბრალოდ ქუჩაში სეირნობის დროსაც კი საგნებს სხვა თვალით ვუყურებ, ვაფასებ – ინსპირაცია ყველგან არის.”

მისი აზრით, ეს უნარი ერთ-ერთი მნიშვნელოვანი უნარია, რაც კურსისგან მიიღო:

“დიზაინერის თვალით ხედვა, ვფიქრობ, განსაკუთრებული მიგნებაა საკუთარ თავში. ერთია, რომ შეისწავლო პროგრამები და გქონდეს ამისი ტექნიკური განხორციელების უნარი და მეორე, და უფრო მნიშვნელოვანი, იფიქრო და იაზროვნო, როგორც დიზაინერმა.“

გრაფიკულ დიზაინთან შეხება ირინას კურსის გავლამდეც ჰქონია-გრაფიკულ დიზაინერებთან მუშაობა მისი საქმის ნაწილია:

“ჩემი პროფესია მეტწილად დაკავშირებულია გრაფიკულ დიზაინთან: ყოველდღიურად მიწევს გრაფიკულ დიზაინერებთან ერთად სხვადასხვა შემოქმედებით პროცესში ჩართულობა.”

სწორედ ამის გამო ირინასთვის განსაკუთრებული მნიშვნელობა ჰქონდა დიზაინერის ხედვის განვითარებას:

“კურსის გავლის შემდეგ, ჩემი სამუშაო სტილი შეიცვალა: ახლა ბევრად მარტივი მეჩვენება სწორი აქცენტების დასმა და გადაწყვეტილებების მიღება.”

საერთო ჯამში, ირინას კურსმა საკუთარი შემოქმედებითი უნარები აღმოაჩენინა:

“Commschool-ში მომეცა შესაძლებლობა, საკუთარი თავი აღმომეჩინა შემოქმედებითი თვასაზრისით.”

ირინას აზრით, Commschool-ის გრაფიკული დიზაინის კურსი იდეალურია ნებისმიერი ადამიანისთვის, რომელსაც ამ პროფესიაში განვითარება უნდა:

“ვიცი, რომ ამ პროფესიის სრულად დაუფლებას ძალიან დიდი შრომა და დრო სჭირდება, მაგრამ ამისათვის საუკეთესო საწყისები Commschool-ში აღმოვაჩინე. “Commschool-ს და, განსაკუთრებით, გრაფიკული დიზაინის კურსს ვურჩევ ყველა ადამიანს, ვისაც უფიქრია ამ პროფესიის დაუფლება.