მონაცემთა ინჟინერია - კურსდამთავრებულთა შთაბეჭდილებები

blog-detail-img

მონაცემთა ინჟინერია ერთ-ერთი ყველაზე მოთხოვნადი და სწრაფად მზარდი სფეროა ტექნოლოგიებში.
მისი მთავარი დანიშნულებაა დიდი მოცულობის მონაცემების შეგროვება, დამუშავება და სტრუქტურიზება, რათა კომპანიებმა მარტივად გამოიყენონ ისინი ანალიტიკისა და სტრატეგიული გადაწყვეტილებების მიღებისთვის. სწორედ მონაცემთა ინჟინრები ქმნიან იმ სისტემებსა და პროცესებს, რომლებიც ყოველდღიურად ამუშავებენ უზარმაზარ მონაცემებს — დაწყებული ბანკებიდან და ტექნოლოგიურ გიგანტებამდე, დამთავრებული სტარტაპებით.

commschool-ის მონაცემთა ინჟინერიის კურსი სრულადაა მორგებული თანამედროვე მოთხოვნებს: პროგრამა აერთიანებს როგორც თეორიულ საფუძვლებს, ისე პრაქტიკულ დავალებებს.

ამ ბლოგში გაგაცნობთ მონაცემთა ინჟინერიიის კურსის კურსდამთავრებულების – ლაშა ბერიშვილსა და ნატალია სარალიძის გამოცდილებებსა და შთაბეჭდილებებს.

გაიგე მეტი კურსის შესახებ

ნატალია სარალიძის განათლება და პროფესიული გამოცდილება მჭიდროდ უკავშირდება მონაცემებთან მუშაობას. წლებია ის სს „საქართველოს რკინიგზაში“ სისტემურ ანალიტიკოსად და ბილინგის მენეჯერად საქმიანობს, პარალელურად კი „Proxima Solutions“-ში ბიზნეს ანალიტიკოსის პოზიციას იკავებს და Odoo პლატფორმაზე პროგრამულ განვითარებას ეწევა, სადაც აქტიურად იყენებს Python-სა და PostgreSQL-ს.

ნატალია მონაცემთა ინჟინერიით დაინტერესდა პროფესიული პრაქტიკის დროს. მისი ყოველდღიური საქმიანობა მოიცავდა მონაცემთა ბაზებთან მუშაობას, მონაცემთა დამუშავებასა და ანალიტიკას. მრავალწლიანმა გამოცდილებამ და ტექნოლოგიებისადმი ინტერესმა ცოდნის გაღრმავებისა და თანამედროვე მიდგომების, ინსტრუმენტების შესწავლის სურვილი გაუჩინა. ამან მის პროფესიულ განვითარებაში ახალი შესაძლებლობების კარი გახსნა.

ლაშა ბერიშვილი მონაცემთა ინჟინერიით დაინტერესდა მაშინ, როდესაც გაიგო, რამდენად მნიშვნელოვანია მონაცემების სწორად ორგანიზება და დამუშავება.

გამოცდილება აქვს ფინანსური და ბიზნეს ანალიტიკის მიმართულებით, თუმცა სურდა უფრო ღრმად გაეცნო მონაცემთა არქიტექტურას, ETL პროცესებსა და ღრუბლოვან ტექნოლოგიებს. სწორედ ამიტომ გადაწყვიტა კურსის გავლა, რომელმაც მისი აზრით, პრაქტიკული უნარები გაუუმჯობესა.

წარმოდგენა და მოლოდინები

ნატალია commschool-ის კურსით დაინტერესდა მისი პრაქტიკული მიდგომისა და თანამედროვე ტექნოლოგიებზე ორიენტირებული პროგრამის გამო. მისთვის გადამწყვეტი აღმოჩნდა არა მხოლოდ სასწავლო მასალის შინაარსი, არამედ ლექტორის რეალური პროფესიული გამოცდილება, რაც სწავლას კიდევ უფრო ღირებულს ხდიდა. გადაწყვეტილების მიღებისას დიდი გავლენა იქონია კურსდამთავრებულთა პოზიტიურმა რეკომენდაციებმა.

"commschool-ის კურსი მიმზიდველი იყო თავისი პრაქტიკული და აქტუალურ ტექნოლოგიებზე ორიენტირებული პროგრამით."

ნატალია სარალიძე

კურსმა სრულად გაამართლა ნატალიას მოლოდინები. სწავლის პროცესში მან არა მხოლოდ ტექნიკური უნარები განივითარა, არამედ საფუძველი ჩაუყარა პროფესიული განვითარების ახალ ეტაპს. მისთვის, განსაკუთრებით ღირებული აღმოჩნდა რეალურ მონაცემებთან და Cloud ტექნოლოგიებთან მუშაობის შესაძლებლობა. კურსის განმავლობაში ნატალიამ გაიღრმავა ცოდნა Python-ში, ETL პროცესებში, Airflow-სა და Docker-ში, ასევე Data Warehouse არქიტექტურებში. მიუხედავად სირთულეებისა, მიღებულმა გამოწვევებმა მას მნიშვნელოვანი პროფესიული გამოცდილება შესძინა.

ლაშამ commschool-ის კურსი იმიტომ შეარჩია, რომ პროგრამა მოიცავდა მონაცემთა ინჟინერისთვის აუცილებელ ძირითად თემებს და სწავლების პროცესი მაქსიმალურად პრაქტიკაზე იყო ორიენტირებული, რეალური ქეისების დამუშავებითა და გამოყენებით.

კურსმა სრულად გაამართლა მისი მოლოდინები. განსაკუთრებულად სასარგებლო აღმოჩნდა AWS-ის სერვისებთან მუშაობის გამოცდილება, მათ შორის S3-ის გამოყენება. ლაშამ ყველაზე ღირებულად პრაქტიკული დავალებები მიიჩნია, რადგან მათი საშუალებით შეძლო თეორიული ცოდნის რეალურ სამუშაო გარემოში გამოყენება.

მისი თქმით გამოწვევებსაც გადააწყდა, ზოგიერთი კონცეფცია თავდაპირველად რთულად აღსაქმელი ჩანდა, თუმცა სწორი მიდგომისა და ლექტორის მხარდაჭერის შედეგად მან შეძლო მათში სიღრმისეულად გარკვევა. ფიქრობს, რომ მიღებული გამოცდილება პირდაპირ უწყობს ხელს მისი კარიერული განვითარების პროცესს მონაცემთა ინჟინერიის მიმართულებით.

გამოწვევები და წარმატების გასაღები

ნატალიას აზრით, მონაცემთა ინჟინერიის სფეროში წარმატებისთვის აუცილებელია როგორც ტექნიკური, ისე ანალიტიკური უნარები. ტექნიკურ მიმართულებებში განსაკუთრებით მნიშვნელოვანია SQL, Python, ETL პროცესების მართვა, Cloud ტექნოლოგიები და ვერსიის კონტროლი. ამასთანავე, კრიტიკულად საჭიროა ანალიტიკური აზროვნება და პრობლემების გადაჭრის უნარი, რაც საშუალებას აძლევს სპეციალისტს სწორად იმუშაოს მონაცემებთან და მოარგოს ისინი ბიზნესის საჭიროებებს. ნატალია ფიქრობს, რომ კურსის განმავლობაში შეძლო ყველა ამ მიმართულებით განვითარება.

ლაშას აზრით, აღნიშნული სფეროსთვის აუცილებელია ისეთი უნარები, როგორებიცაა SQL და მონაცემთა ბაზებთან მუშაობა, ETL პროცესები და მონაცემთა მოდელირება, ღრუბლოვანი სერვისების ცოდნა, ასევე პრობლემების ანალიზისა და ლოგიკური აზროვნების უნარი. კურსის განმავლობაში მან მნიშვნელოვნად გააუმჯობესა მონაცემთა ბაზებთან მუშაობის უნარები. ერთ-ერთ მთავარ მიმართულებას წარმოადგენდა ETL პროცესები და მონაცემთა მოდელირება, განსაკუთრებული ყურადღება დაეთმო ღრუბლოვან სერვისებს, განსაკუთრებით AWS-ს, რაც ლაშას დაეხმარა თანამედროვე ტექნოლოგიების უკეთ ათვისებაში. გარდა ამისა, კურსის ფარგლებში შესრულებულმა დავალებებმა და პროექტებმა განუვითარა პრობლემების ეფექტურად გადაჭრის უნარი.

"გამოწვევები, რა თქმა უნდა, იყო – ზოგიერთი კონცეფცია თავიდან რთულად აღსაქმელი ჩანდა, მაგრამ სწორი მიდგომით და ლექტორის დახმარებით შევძელი მათში გარკვევა."

ლაშა ბერიშვილი

ფინალური პროექტი

ნატალიას ფინალური პროექტის მიზანი იყო მონაცემთა ინჟინერიის სხვადასხვა კომპონენტის გამოყენებით მონაცემთა ნაკადის ორგანიზება. პროექტის ფარგლებში მან დაამუშავა სინთეტიკური მონაცემები და გამოიყენა სხვადასხვა მეთოდი მათ წასაკითხად, გარდასაქმნელად და დასასაწყობებლად. ნატალიამ შექმნა მონაცემთა დაგროვების pipeline-ი და PostgreSQL ბაზა.

პროექტი აგებული იყო Medallion Architecture-ის პრინციპით (Bronze, Silver, Gold ფენები), რაც უზრუნველყოფდა მონაცემთა ხარისხის ეტაპობრივ გაუმჯობესებასა და ტრანსფორმაციას. ღრუბლოვანი ნაწილი დაფუძნებული იყო AWS სერვისებზე – მონაცემები იტვირთებოდა S3 ბაკეტებში, ხოლო მათი ავტომატური დამუშავება ხორციელდებოდა Lambda ფუნქციების მეშვეობით.

ინფრასტრუქტურის მართვისთვის ნატალიამ გამოიყენა Terraform და Terragrunt, რამაც მისცა შესაძლებლობა სრულად ავტომატიზებული გარემო შეექმნა როგორც დეველოპმენტისთვის, ისე პროდაქშენისთვის. პროექტის განხორციელების პროცესში იგი აქტიურად სარგებლობდა ლექტორის რეკომენდაციებით, რაც მნიშვნელოვნად დაეხმარა საბოლოო შედეგის მიღწევაში.

ლაშას ფინალური პროექტი მოიცავდა სრულ ETL პროცესს. პროექტზე მუშაობისას მან გამოიყენა SQL, Python, AWS, ETL pipeline და სხვა შესაბამისი ინსტრუმენტები. ლექტორისგან მიღებული უკუკავშირი მისთვის ძალიან მნიშვნელოვანი აღმოჩნდა, რადგან პრაქტიკული რჩევები დაეხმარა პროცესის დახვეწაში. საბოლოოდ, პროექტმა აჩვენა, რომ ლაშას მონაცემთა ინჟინერიაში მიღებული ცოდნის პრაქტიკაში გამოყენება უკვე შეუძლია.

რჩევები მომავალ სტუდენტებს

ნატალია თვლის, რომ მონაცემთა ინჟინერიის შესწავლის მსურველებისთვის აუცილებელია ძლიერი მოტივაცია და მზადყოფნა მუდმივად შეისწავლონ ახალი ტექნოლოგიები. მისი აზრით, ასევე დიდი მნიშვნელობა აქვს ლოგიკურ და ანალიტიკურ აზროვნებას, რომელიც პროფესიულ განვითარებას უწყობს ხელს.

"მნიშვნელოვანია ჰქონდეთ ძლიერი მოტივაცია და მზადყოფნა მუდმივად ისწავლონ ახალი ტექნოლოგიები. მნიშვნელოვანია ლოგიკური და ანალიტიკური აზროვნება."

ნატალია სარალიძე

მისი ზოგადი გამოცდილება commschool-ის მონაცემთა ინჟინერიის კურსთან დაკავშირებით დადებითია. ნატალიას შთაბეჭდილებით, მკაფიო და სტრუქტურირებული სწავლება, ასევე მუდმივი უკუკავშირი, ხელს უწყობდა ცოდნის ეფექტურ ათვისებას. იგი განსაკუთრებულად აფასებს ლექტორის პროფესიონალიზმს და commschool-ის პრაქტიკულ მიდგომას, რის გამოც კურსს რეკომენდაციას უწევს.

კურსის დასრულების შემდეგ, ნატალია მონაცემთა ინჟინერიის ცოდნას ახალი კარიერული გზის დასაწყისად აღიქვამს. მისი მიზანია მომავალში კიდევ უფრო გააღრმავოს ცოდნა Cloud ტექნოლოგიებსა და მონაცემთა არქიტექტურაში და ამ მიმართულებით განვითარდეს, როგორც პროფესიონალი.

ლაშა ხაზს უსვამს, რომ მონაცემთა ინჟინერიის მიმართულებით დაინტერესებულმა ადამიანებმა პირველ რიგში ფუნდამენტურად უნდა შეისწავლონ SQL და მონაცემთა ბაზები. მისი აზრით, განსაკუთრებული ყურადღება უნდა დაეთმოს პრაქტიკას, რადგან მხოლოდ თეორიული ცოდნა საკმარისი არ არის. მისი თქმით, მონაცემთა ინჟინერია ასევე მოითხოვს ღრუბლოვანი ტექნოლოგიების, მაგალითად AWS ან GCP-ის, შესწავლას, რაც თანამედროვე მონაცემთა ინჟინერიისთვის კრიტიკულად მნიშვნელოვანია. ლაშა კურსით დაინტერესებულებს ურჩევს , რომ გამოწვევების არ უნდა შეეშინდეთ, რადგან პრობლემების გადაჭრის უნარი ამ სფეროში ერთ-ერთი მთავარი კომპონენტია.

"ნუ შეგეშინდებათ გამოწვევების – მონაცემთა ინჟინერია მოითხოვს პრობლემების გადაჭრის უნარს, არც ერთ პრობლემას არ უნდა შეუშინდეთ."

ლაშა ბერიშვილი

მისი გამოცდილებით, მონაცემთა ინჟინერიის კურსი ძალიან კარგად იყო სტრუქტურირებული. ლექტორი პროფესიონალი და მაქსიმალურად ხელმისაწვდომი აღმოჩნდა, მზად იყო ნებისმიერ შეკითხვაზე პასუხის გასაცემად. сommschool-ის მიდგომა პრაქტიკაზე ორიენტირებული იყო, რამაც სასწავლო პროცესი გაცილებით პროდუქტიული და სასარგებლო გახადა.

კურსის დასრულების შემდეგ, ლაშა გეგმავს განამტკიცოს მიღებული ცოდნა და უფრო ღრმად შეისწავლოს ის ტექნოლოგიები, რომლებსაც კურსი მოიცავდა. ასევე აპირებს, რომ ეს ცოდნა რეალურ პროექტებში გამოიყენოს, რაც მის კარიერულ განვითარებას მნიშვნელოვნად შეუწყობს ხელს.

მონაცემთა ინჟინერიის კურსი

commschool-ის მონაცემთა ინჟინერიის კურსი სტუდენტებს აძლევს შესაძლებლობას დაეუფლონ მონაცემთა ინჟინერიის საფუძვლებს და განივითარონ პრაქტიკული უნარები. კურსის დასრულების შემდეგ ისინი შეძლებენ მონაცემების ანალიზს და ტრანსფორმაციას Python-ის გამოყენებით, მუშაობას მონაცემთა ბაზებთან და თანამედროვე ბიბლიოთეკებთან, ასევე მაღალი წარმადობის სისტემების არქიტექტურის დიზაინს. პროგრამა მოიცავს ETL და ELT პროცესების იმპლემენტაციას, მონაცემთა ტრანსფორმაციისა და ანალიზის სისტემების შექმნას, Redis-სა და PostgreSQL-თან მუშაობას, FastAPI-ზე დაფუძნებული ვებ სერვისების განვითარებას და მონაცემთა ნაკადების ორკესტრაციას Apache Airflow-ის მეშვეობით.

განსაკუთრებული ყურადღება ეთმობა Apache Kafka-ს, როგორც მონაცემთა ნაკადებისა და Message Broker-ის ინსტრუმენტს, ასევე Data Warehousing-ისა და Data Mart-ის კონცეფციებს. კურსი აერთიანებს თეორიასა და პრაქტიკას და ამზადებს სტუდენტებს მონაცემთა ინჟინერიის რეალური პროექტების დამოუკიდებლად განხორციელებისთვის.

თუ გინდა, რომ დაეუფლო მონაცემთა ინჟინერიის საფუვლებს commshcool-ის მონაცემთა ინჟინერიის კურსი შენთვისაა!

დარეგისტრირდი
გაუზიარე მეგობრებს
რელევანტური ბლოგები

რელევანტური ბლოგები

შესაძლოა გაინტერესებდეს

საშუალო
1400₾
AI Agents & Automations
აგენტური ხელოვნური ინტელექტი მსოფლიოში დღეს ყველაზე გავრცელებულ და მოთხოვნად ტექნოლოგიად ითვლება. ის შექმნილია იმისთვის, რომ იმოქმედოს ავტონომიურად და მიიღოს გადაწყვეტილებები ადამიანის მინიმალური ჩარევით. ანუ, მას შეუძლია შეასრულოს კომპლექსური ამოცანები, როგორიცაა დაგეგმვა, პრობლემის გადაჭრა და კომუნიკაცია. AI აგენტები და no-code ავტომატიზაცია საშუალებას გვაძლევს, შევქმნათ სისტემები, რომლებიც აზროვნებენ, მოქმედებენ და რეაგირებენ ცვლად, დინამიურ გარემოზე. კურსის დასრულების შემდეგ სტუდენტები შეძლებენ პერსონალურ საჭიროებებზე მორგებული AI სისტემების დაგეგმვასა და პროცესების ავტომატიზაციას ისე, რომ ნაკლები დროითი დანახარჯით მეტ ეფექტურობას მიაღწიონ.
8 ლექცია
24 საათი
საშუალო
1400₾
AI in Content Creation
ხელოვნური ინტელექტი (AI) აქტიურად ცვლის კონტენტის შექმნისა და მარკეტინგის პროცესებს. თანამედროვე ციფრულ გარემოში, სადაც ცვლილებები სწრაფად მიმდინარეობს, AI-ის გამოყენება უკვე აუცილებელიც კი გახდა. ის მნიშვნელოვნად ამცირებს კონტენტის შექმნაზე დახარჯულ დროს, ზრდის შემოქმედებით შესაძლებლობებს და ხელს უწყობს კონტენტის პერსონალიზაციასა და ოპტიმიზაციას. AI ხელსაწყოები ამარტივებს როგორც იდეების გენერირების, ისე მისი აღსრულების პროცესს. კურსის განმავლობაში ვისწავლით, სწრაფად და მარტივად, ეფექტური ფოტო და ვიდეო ვიზუალური კონტენტის შექმნას სხვადასხვა AI ხელსაწყოების დახმარებით.
10 ლექცია
25 საათი
დამწყები
1400₾
AI ბიზნესის განვითარებაში
ხელოვნური ინტელექტი აღარ არის მხოლოდ ტექნოლოგიური ტრენდი - ის დღითიდღე უფრო მნიშვნელოვან როლს თამაშობს თანამედროვე ბიზნეს სამყაროში. AI ეხმარება ბიზნესებს, გააანალიზონ დიდი მოცულობის მონაცემები, გააუმჯობესონ გადაწყვეტილებების მიღების პროცესი, გაზარდონ ეფექტურობა, შეამცირონ ხარჯები და შექმნან ინოვაციური პროდუქტები თუ მომსახურებები. მეტიც, კომპანიები, რომლებიც AI-ის იყენებენ, შემოსავლების 2.5-ჯერ, ხოლო პროდუქტიულობის 50%-მდე ზრდას აჩვენებენ. სწორედ ამიტომ, AI ტექნოლოგიების ცოდნა და მათი ბიზნეს პროცესებში ინტეგრაციის უნარი დღეს კრიტიკულად მნიშვნელოვანია ნებისმიერი ორგანიზაციის წარმატებისა და კონკურენტუნარიანობისთვის.  ამ პროგრამის ფარგლებში თქვენ შეისწავლით, თუ როგორ შეარჩიოთ და მოარგოთ ხელოვნური ინტელექტის ხელსაწყოები თქვენი ბიზნესის უნიკალურ საჭიროებებს, როგორ გაამარტივოთ და გააუმჯობესოთ სამუშაო პროცესები AI-ის დახმარებით და რაც მთავარია, ტექნიკური ექსპერტიზის გარეშე, შეძლებთ, თქვენი კომპანიის მონაცემები სტრატეგიულ უპირატესობად აქციოთ.
12 ლექცია
36 საათი

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დაწყება