7 მიზეზი, რატომ არის პროგრამული უზრუნველყოფის ტესტირება აუცილებელი

blog-detail-img

პროგრამული უზრუნველყოფის ტესტირება არის არის მეთოდის იმის დასადგენად, აკმაყოფილებს თუ არა რეალური პროგრამული პროდუქტი მოსალოდნელ მოთხოვნებს და თავისუფალია თუ არა დეფექტებისგან. ის გულისხმობს ხელით ან ავტომატური ხელსაწყოების გამოყენებით პროგრამული სისტემის კომპონენტების გაშვებას, რათა შეაფასოს მათი თვისებები.

პროგრამული უზრუნველყოფის ტესტირების მიზანია იპოვოს შეცდომები, ხარვეზები ან დაკარგული მოთხოვნები. როდესაც პროგრამული უზრუნველყოფის განვითარების პროექტი მიმდინარეობს, უნდა იცოდე, რომ შეცდომები შეიძლება გამოჩნდეს ამ ციკლის ნებისმიერ ფაზაში. ამრიგად, ხარისხის უზრუნველყოფის მნიშვნელობა არ შეიძლება იგნორირებული იყოს.

პროგრამული უზრუნველყოფის ტესტირების წინაპირობაა პრობლემების იდენტიფიცირება კრიტიკული გარემოს გაჩენამდე. სწორად შემოწმებული პროგრამული პროდუქტი უზრუნველყოფს საიმედოობას, უსაფრთხოებას და მაღალ შესრულებას, რაც იწვევს დროის დაზოგვას, ხარჯების ეფექტურობასა და მომხმარებელთა კმაყოფილებას.

მისი საჭიროებიდან გამომდინარე, პროგრამული უზრუნველყოფის ტესტირება საკმაოდ აქტუალური პროცესია. ამიტომაც, ამ ბლოგში გაიგებ იმ ძირითადი მიზეზების შესახებ, რის გამოც პროგრამული უზრუნველყოფის ტესტირება მართლაც მნიშვნელოვანია:

1. გვეხმარება ფულის დაზოგვაში

პროგრამული უზრუნველყოფის ტესტირებას აქვს უპირატესობების ფართო სპექტრი. იმ შემთხვევაში, თუ ადრეულ ფაზაში რაიმე ხარვეზს აღმოაჩენ, მათი გამოსწორება ნაკლები თანხა ჯდება. აქედან გამომდინარე, პროექტის ხარჯების ეფექტურობა არის ერთ-ერთი მთავარი მიზეზი, რის გამოც კომპანიები მიმართავენ პროგრამული უზრუნველყოფის ტესტირების სერვისებს.

როდესაც ქირაობ ხარისხის ანალიტიკოსებს ან ტესტერებს, რომლებსაც აქვთ დიდი გამოცდილება და გავლილი აქვთ ტექნიკური განათლება პროექტებისთვის, ისინი არიან ინვესტიციები და პროექტი მიიღებს სარგებელს.

2. უსაფრთხოება

უსაფრთხოება არის ერთ-ერთი მნიშვნელოვანი მიზეზი, თუ რატომ უნდა იქნას გათვალისწინებული პროგრამული უზრუნველყოფის ტესტირება. არსებობს უამრავი სიტუაცია, როდესაც მომხმარებელთა ინფორმაციასა და დეტალებს იპარავენ და მათ სხვა სარგებლობისთვის იყენებენ, ამიტომაც ადამიანები ეძებენ კარგად შემოწმებულ და საიმედო პროდუქტებს.

როდესაც კონკრეტული პროდუქტი გადის ტესტირებას, მომხმარებელს შეუძლია დარწმუნდეს, რომ ის მიიღებს სანდო პროდუქტს, რომელიც იქნება დაცული.

3. პროდუქტის ხარისხი

კონკრეტული პროდუქტის სიცოცხლისუნარიანობის უზრუნველსაყოფად, ის უნდა მუშაობდეს თანმიმდევრულად. პროდუქტის მოთხოვნილებების დაცვა არის წინაპირობა, რომელიც ხელს უწყობს წინასწარი შედეგების მიღებას. პროდუქტმა ყოველთვის უნდა მოიტანოს შედეგი მომხმარებლისთვის, აქედან გამომდინარე, ის სრულად უნდა ფუნქციონირებდეს, რათა ეფექტურად უზრუნველყოს  მომხმარებელთა გამოცდილება. 

ასევე აუცილებელია მოწყობილობის თავსებადობის შემოწმება. მაგალითად, იმ შემთხვევაში, თუ გეგმავ აპლიკაციის გაშვებას, აუცილებელია შეამოწმო მისი თავსებადობა ოპერაციული სისტემებთან და მოწყობილობების ფართო სპექტრთან.

4. მომხმარებლის კმაყოფილება

პროდუქციის მფლობელის უპირველესი მიზანია – მომხმარებლის კმაყოფილება. მიზეზები, რის გამოც აუცილებელია პროგრამული უზრუნველყოფის ტესტირებაზე არჩევანის გაკეთება, განპირობებულია იმით, რომ ის წინასწარ გთავაზობს  სრულყოფილ მომხმარებლის გამოცდილებას (User Experience). 

კლიენტის ნდობის მოპოვება, რა თქმა უნდა, არ არის ადვილი ამოცანა, პირველ რიგში, იმ შემთხვევაში, თუ პროდუქტი ზოგიერთ შემთხვევაში ფუნქციონირებს, ზოგჯერ კი – არა. დარწმუნებული ვარ, ასეთი გამოცდილება შენც გქონია, რის გამოც შესაძლოა ეს აპლიკაცია წაგიშლია. 

დღესდღეობით ბაზარი მართლაც გაჯერებულია. აქედან გამომდინარე, პირველი შთაბეჭდილება ნამდვილად მნიშვნელოვანია და თუ შენ ვერ სთავაზობ მომხმარებელს ამას, ის სხვა პროდუქტს იპოვის, რომელიც დააკმაყოფილებს მის ყველა მოთხოვნას.

5. განვითარების პროცესის გაძლიერება

ხარისხის უზრუნველყოფის დახმარებით, შეგიძლია იპოვო შეცდომების ფართო სპექტრი, რათა შემდეგ მათი რეპროდუქცია მოხდეს. როდესაც შეცდომას აღმოაჩენ, მისი გამოსწორება უკვე მარტივია. გარდა ამისა, პროგრამული უზრუნველყოფის ტესტერები პარალელურად უნდა მუშაობდნენ დეველოპმენტის გუნდთან, რაც მეტად აჩქარებს განვითარების პროცესს.

6. მარტივს ხდის ახალი ფუნქციების დამატებას

რაც უფრო ურთიერთდაკავშირებულია და ძველია კოდი, მით უფრო რთულია მისი შეცვლა. ტესტირება ეწინააღმდეგება ამ ტენდენციას და დეველოპერებს საშუალებას აძლევს დამაჯერებლად დაამატონ ახალი ფუნქციები. ახალი დეველოპერისთვის კოდების ბაზის ძველი ნაწილების შეცვლა შეიძლება რთული იყოს, მაგრამ ტესტირების საშუალებით, ეცოდინებათ, დაარღვიეს თუ არა რაიმე მნიშვნელოვანი. ეს კი დაეხმარებათ პროგრამული უზრუნველყოფის წინსვლასა და კონკურენციის დამარცხებაში.

7. პროგრამული უზრუნველყოფის მუშაობის განსაზღვრა

დაბალი შესრულების მქონე კომიუტერულ პროგრამას ან აპლიკაციას შეუძლია ბაზარზე შენი რეპუტაციის შემცირება. იმ შემთხვევაში, თუ ბაზარზე ტესტირების გარეშე შეიტან კომპიუტერულ პროგრამას, და ამის შემდეგ პროგრამული უზრუნველყოფის შესრულება არ დააკმაყოფილებს კლიენტების მოლოდინებს ან მოთხოვნებს, მომავალში მათი დარწმუნება და ნდობის მოპოვება უფრო გაგიჭირდება. 

ასე რომ, პროგრამული უზრუნველყოფის ტესტირების დახმარებით შეძლებ, შეამოწმო პროდუქტის თითოეული ასპექტი. მაგალითად, პროგრამული უზრუნველყოფის ტესტირების დახმარებით, შესაძლებელია იმის მონიტორინგი, შეესაბამება თუ არა პროგრამა შენს ბრაუზერს. ამრიგად, თუ ტესტირებისას შეცდომას აღმოაჩენ, საშუალება გაქნება, რომ მაშინვე გამოასწორო, რაც შეამცირებს მომხმარებელთა უკმაყოფილებას.

ამდენად, თუკი Digital Product Testing & QA-ის შესწავლა შენთვის საინტერესო ჩანს და ამ მიმართულებით ახალი ცოდნის, უნარებისა და გამოცდილების შეძენა გინდა, Commschool-ში შემოგვიერთდი!

გაუზიარე მეგობრებს

შესაძლოა გაინტერესებდეს

დამწყები
1200₾
თანამედროვე ტექნოლოგიების ეპოქაში ხელოვნური ინტელექტი (AI), განსაკუთრებით მისი გენერაციული ფორმა, გახდა მნიშვნელოვანი ინსტრუმენტი, რომელსაც შეუძლია გააუმჯობესოს, გაამარტივოს და უფრო ეფექტური გახადოს როგორც პირადი, ისე პროფესიული ცხოვრება.გენერაციული AI არა მხოლოდ ამარტივებს და აჩქარებს ყოველდღიურ პროცესებს, არამედ ეხმარება ადამიანებს რესურსების სწრაფად მოძიებაში, კვლევის ჩატარებასა და ანალიზში, შემოქმედებითი იდეების გენერირებაში, სამუშაოების ავტომატიზაციასა და კომუნიკაციის ხარისხის ამაღლებაში.კურსის მიზანია, მონაწილეებს მიაწოდოს პრაქტიკული ცოდნა და გამოცდილება, რათა შეძლონ AI ტექნოლოგიების ეფექტურად გამოყენება ყოველდღიურ საქმიანობაში, რაც მნიშვნელოვნად დაზოგავს მათ დროს, გააუმჯობესებს პროდუქტიულობას და დაეხმარება თანამედროვე ცხოვრების სწრაფ ტემპთან ადაპტაციაში.
9 ლექცია
22.5 საათი
საშუალო
1400₾
ხელოვნური ინტელექტი (AI) აქტიურად ცვლის კონტენტის შექმნისა და მარკეტინგის პროცესებს. თანამედროვე ციფრულ გარემოში, სადაც ცვლილებები სწრაფად მიმდინარეობს, AI-ის გამოყენება უკვე აუცილებელიც კი გახდა. ის მნიშვნელოვნად ამცირებს კონტენტის შექმნაზე დახარჯულ დროს, ზრდის შემოქმედებით შესაძლებლობებს და ხელს უწყობს კონტენტის პერსონალიზაციასა და ოპტიმიზაციას. AI ხელსაწყოები ამარტივებს როგორც იდეების გენერირების, ისე მისი აღსრულების პროცესს. კურსის განმავლობაში ვისწავლით, სწრაფად და მარტივად, ეფექტური ფოტო და ვიდეო ვიზუალური კონტენტის შექმნას სხვადასხვა AI ხელსაწყოების დახმარებით.
12 ლექცია
36 საათი
დამწყები
1400₾
ხელოვნური ინტელექტი აღარ არის მხოლოდ ტექნოლოგიური ტრენდი - ის დღითიდღე უფრო მნიშვნელოვან როლს თამაშობს თანამედროვე ბიზნეს სამყაროში. AI ეხმარება ბიზნესებს, გააანალიზონ დიდი მოცულობის მონაცემები, გააუმჯობესონ გადაწყვეტილებების მიღების პროცესი, გაზარდონ ეფექტურობა, შეამცირონ ხარჯები და შექმნან ინოვაციური პროდუქტები თუ მომსახურებები. მეტიც, კომპანიები, რომლებიც AI-ის იყენებენ, შემოსავლების 2.5-ჯერ, ხოლო პროდუქტიულობის 50%-მდე ზრდას აჩვენებენ. სწორედ ამიტომ, AI ტექნოლოგიების ცოდნა და მათი ბიზნეს პროცესებში ინტეგრაციის უნარი დღეს კრიტიკულად მნიშვნელოვანია ნებისმიერი ორგანიზაციის წარმატებისა და კონკურენტუნარიანობისთვის.  ამ პროგრამის ფარგლებში თქვენ შეისწავლით, თუ როგორ შეარჩიოთ და მოარგოთ ხელოვნური ინტელექტის ხელსაწყოები თქვენი ბიზნესის უნიკალურ საჭიროებებს, როგორ გაამარტივოთ და გააუმჯობესოთ სამუშაო პროცესები AI-ის დახმარებით და რაც მთავარია, ტექნიკური ექსპერტიზის გარეშე, შეძლებთ, თქვენი კომპანიის მონაცემები სტრატეგიულ უპირატესობად აქციოთ.
12 ლექცია
36 საათი

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დაწყება