დღის განმავლობაში ადამიანი საშუალოდ 7 საათს ატარებს ონლაინ სივრცეში (DataReportal 2022) – ახორციელებს ტრანზაქციებს, გეგმავს ონლაინ შეხვედრებს, სხვადასხვა პლატფორმაზე ეძებს მისთვის საინტერესო ინფორმაციებს. ამ პროცესში მომხმარებლისთვის მნიშვნელოვანია მისი მოთხოვნები დროულად და უხარვეზოდ შესრულდეს.

სრულყოფილი გამოცდილების მისაღებად აუცილებელია ციფრული პროდუქტი იყოს სწრაფი, მოსახერხებელი და პრაქტიკული, რადგან წინააღმდეგ შემთხვევაში მისი ჩანაცვლება უკვე ძალიან მარტივია. ამის გათვალისწინებით, ხარისხის უზრუნველყოფის პროფესიონალებზე (QA) მოთხოვნა დღითიდღე იზრდება, რადგან სწორედ ისინი არიან პასუხისმგებელი ხარვეზების დროულად აღმოჩენასა და გამოსწორებაზე. მათი მთავარი მოვალეობაა, გამოიკვლიონ და შეისწავლონ რამდენად გამართულად მუშაობს პლატფორმის თითოეული ფუნქციონალი.

კურსის ფარგლებში მთავარი აქცენტი გაკეთდება ხარისხის მართვის სრულ პროცესზე, ტესტირებაში დამხმარე სხვადასხვა ინსტრუმენტზე და ტესტერის როლზე პროდუქტის დეველოპმენტის პროცესში.

კურსი განკუთვნილია ყველა იმ ადამიანისთვის, ვისაც სურვილი აქვს ჩაერთოს ციფრული პროდუქტების განვითარების პროცესებში და 0-დან შეისწავლოს ან/და გაიღრმავოს არსებული ცოდნა ამ სფეროში. ვისაც აქვს მოტივაცია, პირველი ნაბიჯები გადადგას IT ინდუსტრიაში ან უკვე საქმიანობს ამ მიმართულებით და სურს ახალი უნარები შეიძინოს.

კურსზე მოსახვედრად ინგლისური ენის საბაზისო დონეზე ცოდნა აუცილებელია, რაც გულისხმობს ტექნიკური დოკუმენტაციის წაკითხვასა და გააზრებას.

კურსი მოიცავს პრაქტიკაზე დაფუძნებულ სწავლებას, რაშიც იგულისხმება დავალებები / სავარჯიშოები და ინდივიდუალური პროექტი.

პროგრამის განმავლობაში მიიღებ რჩევებსა და კონსულტაციებს კარიერული დაგეგმვის კუთხით. მისი წარმატებით დასრულების შემთხვევაში კი გექნება კარიერული მხარდაჭერა Commschool-ის პარტნიორი კომპანიებისგან, რაც გამოიხატება ექსკლუზიურ სამუშაო შემოთავაზებებსა და სტაჟირებაში.

კურსის წარმატებით დასრულების შემდეგ სტუდენტი მიიღებს ორენოვან სერტიფიკატს.