გრაფიკული დიზაინი - კურსდამთავრებულები
გრაფიკული დიზაინი დღეს ერთ-ერთი ყველაზე მოთხოვნადი და სწრაფად მზარდი სფეროა, სადაც შემოქმედებითი ხედვა და ტექნიკური უნარები ერთიანდება ძლიერი ვიზუალური კომუნიკაციისთვის. commschool-ის გრაფიკული დიზაინის კურსი არის სივრცე, სადაც დამწყები დიზაინერები იღებენ საჭირო ცოდნასა და პრაქტიკულ გამოცდილებას რეალურ პროექტებზე მუშაობით. კურსის დამთავრების შემდეგ ისინი ხშირად აგრძელებენ კარიერას დიზაინის ინდუსტრიაში, ქმნიან ბრენდებს, ვიზუალურ კონცეფციებს და აცოცხლებენ იდეებს.
ამ ბლოგში გაგიზიარებთ გრაფიკული დიზაინის კურსის კურსდამთავრებულების — მარიამ ბენაშვილისა და ანი გურგენაშვილის — გამოცდილებასა და შთაბეჭდილებებს.
მარიამ ბენაშვილმა კავკასიის უნივერსიტეტის დამთავრების შემდეგ სარეკლამო კომპანიაში დაიწყო მუშაობა, სადაც დაინახა ვიზუალური კომუნიკაციის მნიშვნელოვანი როლი მარკეტინგში. სწორედ ამ გამოცდილებამ გააღვიძა მისი ინტერესი გრაფიკული დიზაინის მიმართ.
მან გადაწყვიტა საფუძვლიანად დაეწყო სწავლა და მეგობრების რჩევით commschool-ზე შეაჩერა არჩევანი, სადაც მისი მოლოდინები სრულიად გამართლდა. ვიზუალური კომუნიკაცია ნელ-ნელა მისი მთავარი ინტერესის სფერო გახდა და ახლა უკვე მიზნად აქვს ამ მიმართულებით პროფესიონალური განვითარება.
ანი გურგენაშვილი ამჟამად ევროპაბეთისთვის ვებ კონტენტს ქმნის, პარალელურად კი ფრილანს ვებდიზაინერია.
ანი სამედიცინო უნივერსიტეტში სწავლობდა, მაგრამ მესამე კურსზე მიხვდა, მის ინტერესებსა და მიზნებს ეს სფერო ვერ აკმაყოფილებდა. სხვადასხვა კურსის გავლა და საინტერესო ადამიანების გამოცდილების გაცნობა დაეხმარა უკეთ გაეაზრებინა საკუთარი მიზნები და ინტერესები. კონტენტ კრეატორის პროფესიით მუშაობისას აღმოაჩინა გრაფიკული დიზაინისადმი განსაკუთრებული ინტერესი, რაც მისი აზრით, ბავშვობიდან ხატვის, ფერთა სამყაროს და ვიზუალური კომუნიკაციის სიყვარულის გაერთიანებაა.
წარმოდგენა და მოლოდინები
მარიამისთვის სწავლა იყო ძალიან ორგანიზებული, პრაქტიკაზე ორიენტირებული და თანამედროვე სტანდარტებთან შესაბამისი. კურსის განმავლობაში ის დაეუფლა Adobe Illustrator-სა და Adobe Photoshop-ს, დაიწყო პორტფოლიოზე მუშაობა. ლექტორის მხარდაჭერამ მას მოტივაცია და თავდაჯერება აუმაღლა. ყველაზე მნიშვნელოვანი ნაწილი კი მისთვის, იყო რეალურ პროექტზე მუშაობა, რამაც მისცა შესაძლებლობა თეორიული ცოდნა პრაქტიკაში გამოეყენებინა.
ანის თქმით, კურსი თავიდანვე გამოირჩეოდა მეგობრული და პროფესიონალური ატმოსფეროთი. ლექტორი ყოველთვის იყო ყურადღებიანი, კითხვები არასდროს რჩებოდა უპასუხოდ, ხოლო ლექციები მაქსიმალურად იყო ფოკუსირებული პრაქტიკულ მიმართულებაზე. ანი აღნიშნავს, რომ კურსის განმავლობაში წარმოდგენილი დავალებები და ფინალური პროექტი განსაკუთრებულად საინტერესო იყო. ისინი სავსე იყო მრავალფეროვანი გამოწვევებით და ამასთან, მნიშვნელოვანი წვლილი შეიტანეს პრაქტიკული უნარების განვითარებაში.
ფინალური პროექტი
მარიამმა ფინალურ დავალებად აირჩია ქართული ბრენდის „ნატახტარის“ რებრენდინგი. მან საფუძვლიანი კვლევა ჩაატარა, შექმნა ახალი ვიზუალური კონცეფცია, განაახლა ლოგო და შეფუთვა, შემდეგ კი მოამზადა პრეზენტაცია. სამუშაო პროცესში აქტიურად გამოიყენა Illustrator და Photoshop. მიუხედავად სირთულეებისა, ლექტორისგან მიღებული დეტალური უკუკავშირის წყალობით პროექტი დახვეწა და მაღალი ხარისხით შეასრულა.
ანიმ ფინალური პროექტი კურსის ადრეულ ეტაპზევე შეარჩია და თავიდანვე გადაწყვიტა, რომ სალობიეს რებრენდინგზე იმუშავებდა. პროექტის განხორციელებისას, პირველ რიგში, მან განსაზღვრა ტიპოგრაფია და ფერების პალიტრა.განსაკუთრებულ მადლობას უხდის ლექტორს, რომლის ყურადღებიანი და დროული შენიშვნები და რეკომენდაციები მნიშვნელოვნად დაეხმარა პროცესში.
"გამოვყოფ ლექტორს, რომელიც სუპერ ყურადღებიანი და დროული იყო თავისი შენიშვნებითა და რეკომენდაციებით."
ინსპირაცია ანის მაშინ გაუჩნდა, როდესაც ქართულ პროდუქტსა და კომპანიაზე ფიქრობდა. მისთვის სალობიე განსაკუთრებით ქართული და მიმზიდველია თავისი უნიკალური ლოკაციითა და ისტორიული მნიშვნელობით. მიუხედავად იმისა, რომ ციფრული აქტივობა არ აქვს, დღემდე რჩება ბევრისთვის საყვარელ და პოპულარულ „go-to place“-ად. პროექტის ფარგლებში ანიმ ძირითადად ილუსტრატორზე იმუშავა, სადაც ქმნიდა პოსტერებსა და სრულ პრეზენტაციას. დამატებით, გამოიყენა ფოტოშოპი მოქაფებისთვის და ფიგმა — ანიმაციებისა და გიფების შექმნისთვის.
რჩევები მომავალ სტუდენტებს
გრაფიკული დიზაინის მიმართულებით კარიერის დაწყების მსურველებისთვის მარიამის მთავარი რჩევა შემდეგია:
"თუ გინდა, დიზაინი საფუძვლიანად ისწავლო, მხოლოდ პროგრამების ცოდნა არ არის საკმარისი. საჭიროა სივრცე, სადაც პრაქტიკის პარალელურად შეძლებ საკუთარი ხედვის განვითარებას - სწორედ ამის საშუალებას გაძლევს commschool-ი."
მისი აზრით, კურსზე მას პოზიტიური და მეგობრული ატმოსფერო დახვდა. ლექტორი მუდამ ჩართული იყო პროცესში და აშკარად იგრძნობოდა, რომ მისი მთავარი მიზანი სტუდენტებისთვის მაქსიმალური ცოდნისა და გამოცდილების გაზიარება იყო. მისთვის, განსაკუთრებით დასაფასებელი აღმოჩნდა ის, რომ სწავლის პროცესი არ შემოიფარგლებოდა მხოლოდ თეორიით.
"ყველაზე მეტად კი ის მომეწონა, რომ თეორია და პრაქტიკა თანაბრად იყო შერწყმული - არ გვიწევდა უბრალოდ მოსმენა, მუდმივად ვამუშავებდით ჩვენს დავალებებს და განვიხილავდით ინდივიდუალურად, რაც ძალიან დამეხმარა განვითარებაში."
დღეს, კურსის წარმატებით დასრულების შემდეგ, მარიამს უკვე აქვს გეგმაში ფრილანს პროექტებზე მუშაობა და დიზაინის სფეროში კარიერული განვითარება. ამავდროულად, ის სწავლობს commschool-ის „AI in Content Creation“-ის კურსზე, რათა თანამედროვე ტექნოლოგიების დახმარებით კიდევ უფრო გაიღრმავოს ცოდნა დიზაინში.
ანი გრაფიკული დიზაინის კურსზე მიღებულ გამოცდილებას განსაკუთრებულად აფასებს და მომავალ სტუდენტებს ურჩევს, მაქსიმალურად მიჰყვნენ დავალებებსა და ლექტორის რეკომენდაციებს. მისი თქმით, არ ღირს დაძაბვა — ეს იქნება შედეგიანი და „თერაპიული“ გამოცდილება, თუ ნამდვილად გაქვთ სურვილი და ინტერესი ამ სფეროს მიმართ.
"მაქსიმალურად შეძლებთ თავის გამოხატვას და უამრავ საინტერესო რამეს გაიგებთ ამიტომ თუ ყოყმანობთ - გაბედეთ!"
კურსის საერთო შთაბეჭდილება ანისთვის ფანტასტიკურია. მისი თქმით, კომუნიკაცია როგორც კურსის მოდერატორთან, ისე ლექტორებთან და მსგავსად მოაზროვნე მონაწილეებთან, ძალიან კომფორტული და სასიამოვნო იყო.
მისი აზრით, commschool-მა შექმნა კომფორტული და შთამაგონებელი გარემო, სადაც სწავლა ნამდვილ სიამოვნებად იქცა.
მიღებული ცოდნის გამოყენებას ანი მომავალში UI/UX დიზაინის მიმართულებით გეგმავს. მისი მიზანია ამ სფეროში კარიერის განვითარება და პარალელურად ფრილანს გრაფიკულ დიზაინერად საქმიანობა, რაც მის პროფესიულ გამოცდილებას კიდევ უფრო მრავალფეროვანს და კონკურენტუნარიანს გახდის.
გრაფიკული დიზაინის კურსი
commschool-ის გრაფიკული დიზაინის კურსი შექმნილია მათთვის, ვისაც სურს ნულიდან საფუძვლიანად აითვისოს გრაფიკული დიზაინის სფერო. კურსი მოიცავს დიზაინის პროცესის სრულ ციკლს — ბრიფის ანალიზიდან და მუდბორდის შექმნიდან დაწყებული, ლოგოს სკეჩირებითა და მრავალარხიანი ვიზუალური მასალების დამზადებით დასრულებული.
სწავლა დაფუძნებულია პრაქტიკულ სამუშაოებზე და ორიენტირებულია Adobe Photoshop-ისა და Adobe Illustrator-ის პროფესიულ გამოყენებაზე, რაც სტუდენტებს აძლევს შესაძლებლობას შექმნან ინდუსტრიაში მოთხოვნადი ნამუშევრები. ყოველი ლექციის შემდეგ ისინი ასრულებენ პრაქტიკულ დავალებებს, ხოლო კურსის ბოლოს ამზადებენ სრულფასოვან ინდივიდუალურ პროექტს საკუთარი პორტფოლიოსთვის.
კურსის დასრულების შემდეგ მონაწილეები იღებენ ორენოვან სერტიფიკატს და უერთდებიან commschool-ის Alumni Club-ს, რაც მათ საშუალებას აძლევს დაამყარონ პროფესიული კავშირები, მიიღონ კარიერული მხარდაჭერა და ისარგებლონ ახალი შესაძლებლობებით.
თუ გინდა, რომ შენი ნამუშევრები სხვებისთვის შთაგონების წყაროდ იქცეს — commschool-ის გრაფიკული დიზაინის კურსი შენთვისაა!
შესაძლოა გაინტერესებდეს
საშუალო
საშუალო
საშუალო
შესვლა Google-ით
შესვლა Facebook-ით