UX Research & Design-ის კურსდამთავრებულის პროექტი

ცხოველების "ტინდერი" - UX Research & Design-ის კურსდამთავრებულის, ირაკლი ჭუმბურიძის ფინალური პროექტი

კატების “ტინდერის” შესახებ თუ გსმენია რამე? Commschool-ის UX Research & Design-ის კურსდამთავრებულმა, ირაკლი ჭუმბურიძემ თავის ფინალურ ნაშრომად სწორედ ეს იდეა აქცია ციფრულ პროდუქტად.

“ჩემს მეგობრებს ერთხელ კატისთვის დასჭირდათ პარტნიორის მოძებნა და ხუმრობით აღნიშნეს, რომ კარგი იქნებოდა, კატების „ტინდერი“ რომ არსებულიყო…”

ირაკლიმ UX Research & Design-ის კურსზე იდეის რეალობად ქცევისთვის სრული UX პროცესი გაიარა – ჩაატარა კვლევა, პროტოტიპი ააწყო და ბოლოს Usability Testing გააკეთა:

“გადავწყვიტე, ფინალურ ნაშრომად გამეკეთებინა გაცნობის აპლიკაცია, რომელიც მეპატრონეებს დაეხმარება, თავიანთი ცხოველისთვის იპოვონ შესაჯვარებელი პარტნიორი. საკმაოდ რთულია არსებულ სიტუაციაში ამის გაკეთება და მართლაც დგას საჭიროება, თან სახალისოც იქნებოდა და საკითხსაც ღრმად გამოვიკვლევდი.”

პროტოტიპი:

ფინალურ პროექტზე მუშაობა ირაკლისთვის მარტივი გამოცდილება არ ყოფილა. ერთ-ერთ პირველ სირთულედ ის კვლევის ჩატარების პროცესს იხსენებს:

“დიდი გამოწვევა იყო მომხმარებლებთან ინტერვიუები, რადგან არასდროს ჩამიტარებია და ცოტა ფეხსაც ვითრევდი თავიდან. მახსოვს ჩემი გაოცება პირველი საცდელი ინტერვიუს შემდეგ, როცა ჩემი თავი გამოვიჭირე იმაში, რომ რესპონდენტს თავად ვუბიძგებდი პასუხებისკენ და ვერ დავიცავი ობიექტურობა”

თუმცა, ირაკლის აზრით, ფინალურ პროექტზე მუშაობის სირთულეები მას, რეალურად, საკუთარ შეცდომებზე სწავლასა და დახვეწაში მიეხმარა:

“პროექტმა მასწავლა, რომ ერთგან დაშვებული შეცდომა - კვლევის არასწორად ჩატარება, პერსონების ან User flow-ს ცუდად შედგენა (რაც მე დამემართა), შემდგომში აგრევს. შეცდომის გამო პროტოტიპის გაკეთებასაც მეტი დრო მოვანდომე. მაგრამ ფინალური პროექტი ჯამურად კარგი გამოცდილება იყო - გზად სწავლობ შენსავე შეცდომებზე”

Commschool-ის UX კურსის ერთ-ერთი მთავარი დადებითი ირაკლისთვის სწორედ ფინალური პროექტია – ნაშრომი, რომელშიც სტუდენტს მთელი UX პროცესი პრაქტიკაში გადმოაქვს:

“ამ კურსში მთავარი ვფიქრობ ისაა, რომ ერთი პროექტის ყველა ეტაპს თავიდან ბოლომდე გადიხარ ისე, როგორც ჩვეულებრივ გადის UX მკვლევარი/დიზაინერი. იღებ პროფესიულ რჩევებს და უფრო ადვილია სირთულეების თავის გართმევა. ხედავ, საიდან იწყებ და სად მიდიხარ"

Usability Testing

ირაკლის აზრით, UX პროცესების ერთიანი სურათის დანახვაში მას კურსის სტრუქტურაც ძალიან მიეხმარა:

“ასეთ მოკლე კურსზე კარგად დალაგებული სილაბუსი იშვიათობაა. ახლა უკვე მშვიდად ვარ, თითქოს ჩონჩხის აგება მასწავლეს და დანარჩენს ჩემით უნდა შევასხა ხორცი. დანარჩენი, ვფიქრობ, პრაქტიკაში მოვა.”

მიუხედავად იმისა, რომ თავად დიზაინერია, ირაკლისთვის ყოველი ლექცია ახალი ინფორმაციით დატვირთული იყო:

“UX კურსის მომავალ სტუდენტებს ვურჩევდი, რომ სხვა ყველაფერი გადადონ და კურსი პრიორიტეტად აქციონ, რადგან საკმაოდ ინტენსიური მასალაა. ყველა გაკვეთილი ახალი ინფორმაციით დახუნძლული იყო ჩემთვის, იმისდა მიუხედავად, რომ დიზაინერი ვარ და ნაწილობრივ საკითხებში ვერკვევოდი”

საბოლოოდ, ირაკლის შეფასებით, კურსისგან ცოდნასთან ერთად მრავალი სარგებელი მიიღო:

“კურსმა მომცა ალღო, თუ როგორ განვავითრო ჩემი შესაძლებლობები პრაქტიკაში. დიდი პლიუსია ნაცნობების გაჩენა და კომუნიკაცია ერთი და იმავე საკითხით დაინტერესებულ ხალხთან და ლექტორებთან, რომლებიც პრაქტიკული რჩევებითა და დღევანდელობასთან შესაფერისი თეორიული მასალით გამარაგებენ.”

ირაკლის აზრით, კურსი ისეთ ადამიანებსაც დაეხმარება, რომლებიც ჯერ ზუსტად ვერ გამორკვეულან, რისი კეთება სურთ:

“თუ თავიდან ჩამოყალიბებული არ ხარ, არც ეგაა პრობლემა, ეს კურსი იმაშიც გეხმარება, გაერკვე, გინდა თუ არა და სად გინდა. მე ბევრი კითხვის ნიშანი გამიქრა - გავერკვიე პროცესებში, როლებში. გავიგე ვის რა ფუნქცია-მოვალეობა აკისრია და როგორ იქმნება ციფრული პროდუქტი A-დან B-მდე”

აირჩიე UX Research & Design

Commschool-ის კურსებზე თეორიული ცოდნისა და პრაქტიკული გამოცდილების მიღების გარდა, პროგრამის წარმატებით დასრულების შემთხვევაში კარიერულად განვითარების საშუალებაც გეძლება. ჩვენთან Alumni Club ფუნქციონირებს, სადაც ნებისმიერი კურსდამთავრებული ჩვენი პარტნიორი კომპანიების ექსკლუზიურ ვაკანსიებზე იღებს წვდომას. მათ შორის კი Adjarabet-ს, Redberry-ს, Space-ს, GPI Holding-სა და სხვა წამყვან კომპანიებს იპოვი. რაც მთავარია, შესაძლებლობების მიღებისთვის საკმარისია, ჩვენი ნებისმიერი კურსი, მაგალითად, UX Research & Design, წარმატებით დაამთავრო.

ალბათ, გაინტერესებს, ვის შეუძლია გაიაროს Commschool-ის UX Research & Design-ის კურსი. თუკი შენ UI ან დამწყები UX დიზაინერი ხარ, ანდა უშუალოდ მონაწილეობ ციფრული პროდუქტის შექმნაში (Product owner ან Product manager თუ ხარ) პროგრამამ შესაძლოა დაგაინტერესოს.

UX Research & Design-ის კურსზე კი სრულ UX პროცესს გაივლი, შესაბამისად, 24 სამსაათიანი ლექციის ბოლოს შეძლებ:

დამოუკიდებლად ჩაატარო კვლევა
მიღებული ინსაითების გათვალისწინებით შეიმუშავო პროდუქტის კონცეფცია და დიზაინი
კონცეფცია პროტოტიპად აქციო და მომხმარებელზე ორიენტირებული ციფრულ პროდუქტიც შექმნა.

ასე, რომ თუ UX-ის მიმართულებით გინდა განვითარდე, პრაქტიკული ცოდნა მიიღო და კარიერული შესაძლებლობებიც მიიღო, შემოგვიერთდი.

Tell your Friends

You may interest

Highlighted blogs

თბილისის კომუნიკაციის სკოლა Ad Black Sea-ს ფესტივალზე...

თბილისის კომუნიკაციის სკოლა Touch Platform-ის პარტნიორია...

მონაცემთა ანალიტიკა - რა არის და როგორ იყენებენ მას ბიზნესები...

You may interest

Intermediate

1100₾

AI გრაფიკულ დიზაინში

დიზაინის ტრადიციული მეთოდები შრომატევადია და დიდ დროის რესურსს მოითხოვს, რაც, ხშირ შემთხვევაში, ზღუდავს შემოქმედობითობას და მოსაწყენს ხდის დიზაინერის ყოველდღიურობას. თუმცა, გენერაციული AI არის ის რევოლუციური გადაწყვეტა, რაც საშუალებას მისცემს დიზაინერებს გადალახონ ამგვარი დაბრკოლებები და მეტიც იყონ მეტად ეფექტურები ყოველდღიურ საქმიანობაში. კურსი დატვირთულია პრაქტიკული დავალებებით და ფინალური პროექტით, რაც მოგცემს საშუალებას დააგროვო პორტფოლიო და შეიძინო ცოდნა, რომელსაც პრაქტიკაში გამოიყენებ

8 Lectures

24 hours

Intermediate

1300₾

Motion Design

Motion Design ერთ-ერთი ყველაზე მოთხოვნადი და პოპულარული პროფესიაა მსოფლიოში, რომელიც აქტიურად გამოიყენება სარეკლამო რგოლებში, მუსიკალურ კლიპებში, სატელევიზიო შოუებსა თუ პრომო ვიდეოებში, მხატვრულ თუ დოკუმენტური ფილმებში. ასევე, სოციალურ ქსელებში (ციფრული ბანერები, პოსტები, სთორი, ა.შ). კურსის განმავლობაში მთავარი აქცენტი გაკეთდება, არამხოლოდ After Effect-ის ტექნიკური ცოდნის მიღებაზე, არამედ ანიმაციის იმ პრინციპებზე, მეთოდებსა და ხელსაწყოებზე, რომლებსაც აქტიურად იყენებენ ამ სფეროში მომუშავე პროფესიონალები სხვადასხვა სირთულის პროექტის შესაქმნელად. Პროგრამა სრულად დაფუძნებულია პრაქტიკულ სამუშაოებზე, რომლის განმავლობაშიც სტუდენტებს შეეძლებათ სხვადასხვა ტიპის ანიმაციის შექმნა რეალური პროექტებიდან და ბრიფიდან გამომდინარე. რაც ყველაზე მთავარია, მიიღებენ ჯანსაღ კრიტიკასა და რჩევებს გაუმჯობესებისთვის.

15 Lectures

45 hours

Advance

1500₾

Sense of Illustration

დიზაინის სფეროში ნიჭი და კრეატიული უნარები დღეს საკმარისი აღარ არის ფრილანს კარიერის დასაწყებად ან/და განსავითარებლად. რეალურად დაბრკოლებები მაშინ იწყება, როცა თითქოს ყველა საჭირო ტექნიკური უნარი გაქვს, მაგრამ არ იცი, როგორ შეადგინო ბიუჯეტი და თაიმლაინი, ააწყო პორტფოლიო, გქონდეს ინდივიდუალური ნიშა და რაც მთავარია, შეძლო ბაზარზე საკუთარი თავის სწორად პოზიციონირება. კონკურენცია ძალიან მაღალია, დამოუკიდებლად მუშაობა კი კიდევ უფრო რთული. ამ პირობებში საკმაოდ ბუნდოვანია ილუსტრატორის ანაზღაურების შესახებ ინფორმაციაც. Sense of (Freelance) Illustration-ის ქრეშ-კურსიც სწორედ ამ გამოწვევების დაძლევისთვის საჭირო გზამკვლევია, რომელიც წლების განმავლობაში მიღებულ ანანოს პირად გამოცდილებას ეფუძნება. კურსის ფარგლებში მონაწილეები გაივლიან ილუსტრაციის შექმნის სრულ ციკლს – ინსპირაციის პოვნის, ბრიფის ანალიზის, სკეჩების დახატვისა და დახვეწის ჩათვლით. რაც მთავარია, შეეძლებათ ბრიფზე დაყრდნობით იმუშაონ პროექტზე/სავარჯიშოებზე, რომლის პრაქტიკაში დანერგვაც დაეხმარებათ გადალახონ ცარიელი ფურცლის შიში. კურსს ფრილანს ილუსტრატორი, ანანო მიმინოშვილი გაუძღვება. მისი პორტფოლიო 200-მდე ფრილანს პროექტს და ისეთ კლიენტებს მოიცავს, როგორებიც არიან: The New York Times, Chanel, BAFTA, FILA, Adobe, Meta, Airbnb, The Washington Post, The New Yorker, The Hollywood Reporter და მრავალი სხვა. შეხვედრებს უმასპინძლებს სასტუმრო Stamba.

4 Lectures

20 hours

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დაწყება