გაიცანი Scrum-ის ლექტორი, მარიამ კუხიანიძე

blog-detail-img

თანამედროვე, სწრაფად ცვალებად ბიზნესგარემოში კომპანიებს სჭირდებათ მუშაობის მოქნილი და ეფექტიანი მეთოდები. ამ მხრივ, პროექტების მართვის მიმართულებით Agile მიდგომა საუკეთესო არჩევანია. მისი ერთ-ერთი გამორჩეული მეთოდოლოგია, Scrum გამოიყენება მაშინ, როდესაც კომპანიას კომპლექსური პროდუქტების შექმნა სურს. მიზეზი მარტივია – იგი იძლევა თვითორგანიზების, გამოცდილებისგან სწავლისა და ცვლილებებთან ადაპტაციის შესაძლებლობას.

გამომყევი და გაიცანი მარიამ კუხიანიძე, commschool-ის ახალი კურსის, Scrum-ის ლექტორი.

ამ ბლოგში, მარიამი პროექტების მართვით დაინტერესებულ ადამიანებს, საკუთარ პრაქტიკულ გამოცდილებაზე დაყრდნობით, Agile სამყაროს საუკეთესო მიდგომებს გაგიზიარებთ.

მარიამის მოღვაწეობა IT სფეროში, 2018 წელს დაიწყო, მას შემდეგ, რაც წარმატებით გაიარა 6 თვიანი სტაჟირების პროგრამა. ძალიან მოკლე ვადაში, მოიპოვა ISTQB სერტიფიკატი (ერთგვარი ლიცენზია ხარისხის ტესტერის პოზიციაზე დასაქმებულთათვის) და დასაქმდა უნგრეთში არსებულ კომპანია CodingLab-ში. 

ჩემი ინტერესებიდან, უნარ-ჩვევებიდან და განვითარების პერსპექტივიდან გამომდინარე, ხარისხის ტესტერის როლის შემდეგ, გადავედი პროექტ მენეჯერად. ეს იყო ჩემთვის უდიდესი გამოცდილება. მქონდა შეხება სხვადასხვა ქვეყანაში მცხოვრებ დამკვეთებთან. ჩემი კოლეგები იყვნენ სხვადასხვა კულტურისა და გამოცდილების მქონე ადამიანები. ეს ფაქტორები დამეხმარა კომუნიკაციის უნარების განვითარებასა და სწრაფად ადაპტაციაში.

მარიამ კუხიანიძე

მარიამმა საზღვარგარეთ 3 წელი იმუშავა. საქართველოში დაბრუნებისთანავე, მუშაობა Scrum Master-ის პოზიციაზე, კომპანია Crocobet-ში განაგრძო. ამ დროის განმავლობაში, მას ჰქონდა შესაძლებლობა, კომპანიის Agile ტრანსფორმაციის ნაწილი ყოფილიყო.

ამჟამად, მარიამი Flutter International-ის წევრ, საერთაშორისო კომპანია Singular-ში, გადახდების ინტეგრაციების გუნდის ხელმძღვანელის პოზიციას იკავებს.  


რატომ Scrum?

Scrum არის Agile-ის ყველაზე გავრცელებული მეთოდოლოგია, რომელიც აერთიანებს პროექტის/პროდუქტის განვითარებისთვის საჭირო პრაქტიკებს.

თანამედროვე სამყაროში, ციფრული პროდუქტების ყველა მოთხოვნა წინასწარ არ არის განსაზღვრული. თითქმის ყველა კომპანია, რომელიც მომხმარებლებს ციფრულ პროდუქტებს სთავაზობს, მუდმივად ცდილობს, მოერგოს მომხმარებლის საჭიროებებს, დროულად უპასუხოს მათ უკუკავშირს და შესთავაზოს კონკურენტებისგან განსხვავებული სიახლეები რაც შეიძლება მოკლე ვადებში.

ამ მეთოდოლოგიის ყველა პრაქტიკა, სწორედ ამ სისწრაფესა და მოქნილობაზეა მორგებული. ამიტომ არ არის გასაკვირი, რომ იგი დიდი პოპულარობით სარგებლობს და ისეთი კომპანიები, როგორებიცაა Facebook, Google, Amazon, პროდუქტების განვითარებისთვის სწორედ ამ მეთოდს მიმართავენ.

როგორც მთელ მსოფლიოში, ისე საქართველოშიც არის პროდუქტების გაციფრულების და Agile ტრანსფორმაციის ტრენდი. Agile მეთოდით მომუშავე გუნდების 80%, Scrum მეთოდოლოგიას იყენებს.

ეს იწვევს Scrum Master-ის როლზე მოთხოვნის გაზრდას და ამ მიმართულებით დასაქმების ძალიან დიდი პერსპექტივა ჩნდება. ეს პოზიცია სხვადასხვა პროფილის მქონე დიდ ორგანიზაციებშია საჭირო, იქნება ეს საბანკო, მომსახურების, თამაშის, თუ სხვა ციფრული პროდუქტებისა და სერვისების მწარმოებელი კომპანიები.

მაღალი ანაზღაურებაც ერთ-ერთი ფაქტორია, რაც შეიძლება ამ პროფესიის დაუფლებისთვის კიდევ  ერთი დამატებითი მოტივატორი იყოს. საქართველოში, ამ როლის საშუალო ხელფასი 2000-2500 ლარიდან იწყება და 10000 ლარამდე მერყეობს.

Scrum Master-ის პროფესია და საჭირო უნარები

როგორია კარიერული განვითარების პერსპექტივა?

ეს პროფესია გაძლევს საშუალებას, გახდე Agile გუნდის წევრი, რომელიც სხვადასხვა უნარისა და პროფილის მქონე ადამიანებისგან შედგება: დეველოპერები, ხარისხის უზრუნველყოფის ტესტერები, Product Owner, მონაცემთა/სისტემის ანალიტიკოსები, DevOps, არქიტექტორები, Agile Coach და ა.შ.

მარიამის თქმით, ეს გიხსნის გზას განვითარებისკენ – დაინტერესების და სურვილის შემთხვევაში შეგიძლია მარტივად აითვისო სხვა მიმართულებებიც. ბიზნესის წარმომადგენლებსა და გუნდთან ერთად მუშაობის გამოცდილება კი, გეხმარება კარიერულ წინსვლასა და განვითარებაში.

რადგანაც ეს მეთოდოლოგია არც თუ ისე დიდი ხანია, რაც ქართულ ორგანიზაციებში დამკვიდრდა, მუდმივად არის ამ მიმართულებით კადრების ნაკლებობა. ამიტომ ახლა ძალიან სწორი დროა ამ პროფესიის შესასწავლად.

მარიამ კუხიანიძე

Scrum: კურსის შესახებ

როგორც უკვე გითხარი, მარიამი Commschool-ის გუნდს შემოუერთდა და Scrum-ის კურსს გაუძღვება.

მარიამი აღნიშნავს, რომ კურსის შექმნის დროს, მისი მთავარი მისია იყო იმ ყველა მოცემულობის ღრმად გაანალიზება, რასთანაც გამკლავება შეიძლება დამწყებ Scrum Master-ს მოუხდეს.

სწორედ ამიტომ, ყველა ლექცია მაქსიმალურად იქნება ორიენტირებული თეორიული ცოდნის პრაქტიკაში დანერგვაზე.

სტუდენტები შეასრულებენ ინტერაქციულ დავალებებს, იმუშავებენ სიტუაციური ქეისების ამოხსნაზე და ჩაერთვებიან ვორქშოფებში. 

კურსის დასრულების შემდეგ, ყველა სტუდენტი მზად იქნება საერთაშორისოდ აღიარებული PSM1/2 სერტიფიკატის ასაღებად, რაც დიდი პოპულარობით სარგებლობს არამარტო საქართველოში, არამედ მსოფლიოშიც.

სტუდენტები პრაქტიკაშივე გამოცდიან სხვადასხვა ხელსაწყოსა და ტექნიკებს, რაც მისცემთ საშუალებას, თავისუფლად მართონ ცერემონიები, შეძლონ გუნდში შესაბამისი ფასეულობების დანერგვა, ფასილიტაცია, გუნდისა თუ ორგანიზაციის მასშტაბით მიმდინარე პროცესებში პოტენციური დაბრკოლებებისა თუ რისკების იდენტიფიცირება და მათი ეფექტურად მოგვარება. 

არ შეზღუდოთ და ჩარჩოებში არ მოაქციოთ Scrum Master-ის როლი. მუდმივად ეცადეთ განვითარებასა და გაფართოებას თეორიის, პროექტების განვითარების სხვადასხვა მეთოდოლოგიებისა და ჩარჩოების მიმართულებით. ეს მოგცემთ ანალიზის გაკეთების საშუალებას, თუ რომელ სიტუაციაში რომელი პრაქტიკა იქნება უკეთესი და ეფექტური გამოსაყენებლად.  გახდით გუნდისთვის მისაბაძი მაგალითი, როგორც მუდმივად განვითარების მაძიებელი.

მარიამ კუხიანიძე

აქვე გაგიზიარებ მარიამის რჩეულ ინფორმატიული ბმულებსა და რესურსებს Scrum მეთოდოლოგიის შესახებ:

ინფორმატიული ბმულები:

თემატური წიგნები:

ასე რომ, თუ გსურს, Agile ტრანსფორმაციის ნაწილი გახდე, ეს კურსი შენთვისაა. შემოგვიერთდი Commschool-ში!

გაეცანი კურსის სილაბუსს
გაუზიარე მეგობრებს
რელევანტური ბლოგები

რელევანტური ბლოგები

შესაძლოა გაინტერესებდეს

საშუალო
1400₾
AI Agents & Automations
აგენტური ხელოვნური ინტელექტი მსოფლიოში დღეს ყველაზე გავრცელებულ და მოთხოვნად ტექნოლოგიად ითვლება. ის შექმნილია იმისთვის, რომ იმოქმედოს ავტონომიურად და მიიღოს გადაწყვეტილებები ადამიანის მინიმალური ჩარევით. ანუ, მას შეუძლია შეასრულოს კომპლექსური ამოცანები, როგორიცაა დაგეგმვა, პრობლემის გადაჭრა და კომუნიკაცია. AI აგენტები და no-code ავტომატიზაცია საშუალებას გვაძლევს, შევქმნათ სისტემები, რომლებიც აზროვნებენ, მოქმედებენ და რეაგირებენ ცვლად, დინამიურ გარემოზე. კურსის დასრულების შემდეგ სტუდენტები შეძლებენ პერსონალურ საჭიროებებზე მორგებული AI სისტემების დაგეგმვასა და პროცესების ავტომატიზაციას ისე, რომ ნაკლები დროითი დანახარჯით მეტ ეფექტურობას მიაღწიონ.
8 ლექცია
24 საათი
დამწყები
1500₾
IT ბიზნეს ანალიტიკა
ციფრული პროდუქტების შექმნაში IT ბიზნეს ანალიტიკოსის როლი ერთ-ერთი უმნიშვნელოვანესია. ბიზნეს ანალიტიკოსი განსაზღვრავს და აღწერს ბიზნეს მოთხოვნებს – როგორ უნდა იფუნქციონიროს სისტემამ ან/და პროდუქტმა. ის აანალიზებს პროდუქტის დღევანდელ მდგომარეობას, განსაზღვრავს მის მომავალ განვითარებას, თითოეულ ბიზნეს მოთხოვნას თარგმნის ტექნიკური გუნდისთვის და აკონტროლებს მათ სრულ შესრულებამდე.  კურსის განმავლობაში თქვენ გაეცნობით ბიზნეს ანალიტიკოსის (BA) როლსა და პასუხისმგებლობებს – ეფექტურ კომუნიკაციას ყველა ბიზნეს სფეროს და პროექტის კრიტიკულ მოთამაშეს შორის. პრაქტიკული სავარჯიშოების საშუალებით თქვენ ისწავლით სამუშაოს ფარგლების განსაზღვრას და დაეუფლეთ მოთხოვნების შეგროვების განსხვავებულ ტექნიკებსა და მიდგომებს, რომელიც იმუშავებს სხვადასხვა პროექტისა და აუდიტორიისთვის. განსაზღვრავთ კლიენტების, დაინტერესებული მხარეებისა და IT დეპარტამენტის უნიკალურ საჭიროებებს, მოთხოვნების შექმნის, დოკუმენტირების, კომუნიკაციისა და მართვის თითოეულ ეტაპზე.
14 ლექცია
42 საათი
დამწყები
1500₾
IT პროექტების მენეჯმენტი
პროგრამა სრულად მოიცავს პრაქტიკაზე დაფუძნებულ სწავლებას, რომლის განმავლობაშიც სტუდენტს საშუალება ექნება, შეისწავლოს პროექტის მართვის ის მეთოდოლოგიები და ინსტრუმენტები (Jira, Confluence, Clickup, Trello, Miro), რომელიც ამჟამად გამოიყენება IT ინდუსტრიაში. კურსზე მიმოვიხილავთ პროექტის მართვის სხვადასხვა მიდგომას, თუმცა ძირითადი აქცენტი გაკეთდება Agile მეთოდოლოგიის Scrum Framework-ზე. სტუდენტები მიიღებენ მონაწილეობას სალექციო ვორქშოფებსა და სიმულაციებში, რომელიც მისცემთ საშუალებას, პრაქტიკაზე დაფუძნებით შეხვდნენ სამომავლო კარიერულ გამოწვევებს. პროგრამის განმავლობაში სტუდენტები დამოუკიდებლად იმუშავებენ ინდივიდუალურ პროექტზე, რომელიც მოიცავს პროექტის მართვის სრულ ციკლს. ამავდროულად გაეცნობიან ინდუსტრიაში გავრცელებულ მიდგომებს, გასაუბრების ტექნიკებს და ისწავლიან პროექტზე მომუშავე გუნდებთან სწორ კომუნიკაციას.
13 ლექცია
39 საათი

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დაწყება