ამ ბლოგში მინდა ხარისხის უზრუნველყოფის ინჟინერის პროფესიის, უნარებისა და კარიერული გზის შესახებ გიამბო, რომელსაც ხშირად QA Engineer-ს, QA Tester-ის სახელითაც იცნობენ.
ციფრულ პროდუქტებზე მოთხოვნა დღითიდღე იზრდება, ადამიანი ცხოვრების მნიშვნელოვან ნაწილს, დღეში დაახლოებით, შვიდ საათს, ონლაინ სივრცეში ატარებს, სწორედ აქ გეგმავს და ახორციელებს ონლაინ შეხვედრებს, ვაჭრობს, იძიებს, განათავსებს ინფორმაციას და სწავლობს, ამიტომ მნიშვნელოვანია, რომ ეს ოპერაციები სწრაფად, ყოველგვარი შეფერხების გარეშე განხორციელდეს.
არც თუ ისე დიდი ხნის წინ, ტესტერისა და QA ინჟინერის როლებს დეველოპმენტის გუნდში სხვადასხვა როლები ითავსებდნენ, იქნებოდა ეს ბიზნეს ანალიტიკოსი, პროექტების მენეჯერი თუ Product Owner.
დღეს კი პროდუქტის შექმნის პროცესში ერთ-ერთი უმნიშვნელოვანესი პოზიცია პროგრამის უზრუნველყოფის ინჟინერს უკავია, რადგან სწორედ იგია ციფრული პროდუქტის მარტივ, შეუფერხებელ და სასიამოვნო მოხმარებაზე პასუხისმგებელი პირი.
სხვაგვარად რომ ვთქვათ, QA ინჟინერის მთავარი მოვალეობაა, გამოიკვლიოს და შეისწავლოს რამდენად გამართულად მუშაობს პლატფორმის თითოეული ფუნქციონალი.
იმისათვის რომ QA ტესტერი გახდე აუცილებელია ფლობდე ისეთ უნარებს, როგორებიცაა:
● კომუნიკაცის კარგი უნარი
● დეტალებზე ორიენტირებულობა
● მიზანდასახულობა და შრომისმოყვარეობა
● საბაზისო ცოდნა ინგლისურ ენაში, რათა შეძლო დოკუმენტებისა და მასალების ათვისება.
როგორც იცი მოთხოვნა ციფრული პროდუქტების შექმნის პროცესში ჩართულ პირებზე დღითიდღე იზრდება, ამიტომ გასაკვირი არ იქნება თუ გეტყვი, რომ საქართველოში ხარისხის უზრუნველყოფის ინჟინერის პოზიციაზე საშუალო ყოველთვიური ანაზღაურება 3000 ლარია; ხოლო თუ ფრილანს პლატფორმებსაც გამოიყენებ, კიდევ უფრო გაზრდი შენს შემოსავალს, მაგალითად, Upwork-ზე QA ინჟინერის საშუალო საათობრივი ანაზღაურება 25 დოლარია.
თუ ამ ყველაფრის წაკითხვის შემდეგ ამ პროფესიით დაინტერესდი, მნიშვნელოვანია ისიც იცოდე, თუ როგორი კარიერული გზა გელის წინ. QA Tester-ის პროფესიის ერთ-ერთი მნიშვნელოვანი უპირატესობა მრავალფეროვან სამუშაო გამოცდილებაში მდგომარეობს, შესაბამისად ამ პროფესიის დაუფლების შემდეგ შენ შეგიძლია გახდე:
● Test Architect – გეგმავს, ხელმძღვანელობს და სტრატეგიულ მიმართულებას აძლევს ტესტირებას კონკრეტული პროდუქტისთვის (ან ორგანიზაციულ დონზე), ასევე არჩევს ტესტირებისთვის საჭირო ხელსაწყოებს და მართავს სატესტო მონაცემებს.
● Test Analyst – ადამიანი, რომელმაც ყველაზე კარგად იცის პროდუქტი. ის ქმნის ტესტირების დიზაინს, მის საფუძველზე ამზადებს ტეტს ქეისებს და ტესტირების პაკეტებს, რაც დამხმარეა ცდომილებების აღმოჩენის პრევენციისთვის.
● Test Manager – ტესტირების აქტივობებისა და რესურსების მართვაზე პასუხისმგებელი პირი, რომელიც აფასებს გასატესტ პროდუქტს, გეგმავს, ხელმძღვანელობს და მართავს მის ტესტირებას.
● QA Team Lead – ფაქტობრივი ლიდერი ზემოთ ჩამოთვლილი განხრებისა, რომელიც პასუხისმგებელია კადრების აყვანასა და გუნდის ეფექტურად მუშაობაზე
ასე და ამგვარად, თუ გინდა უკეთესად გაიგო რატომ უნდა ისწავლო Digital Product Testing & QA, ქვემოთ კიდევ ერთი საინტერესო ბლოგის ბმულს გიტოვებ
