ამბები Digital Product Testing & QA-ის კურსიდან – ლიკუნა მარგველაშვილი

როდესაც QA კურსის ძიება დავიწყე, ბევრი არ მიფიქრია თუ სად გავივლიდი ამ კურსს. Commschool -ის შესახებ ჩემი მეგობრებისგან მანამდეც მსმენია, საკმაოდ კარგი რეპუტაციით სარგებლობდა, განსაკუთრებული ყურადღება მიიქცია იმან, რომ კურსდამთავრებულებს რეალურად ეძლეოდათ შანსი ეს ცოდნა პრაქტიკაში გამოეყენბინათ, ამიტომ არჩევანი სწორედ commschool- ზე შევაჩერე.

თუ ეძებ პრაქტიკაზე დაფუძნებულ კურსებს, სადაც განავითარებ ახალ უნარებსა და შეისწავლი ახალ თულებს, სწორ ადგილას მოხვედი. ამ ბლოგში Digital Product Testing & QA-ს კურსდამთავრებულს, ლიკუნა მარგველაშვილს გაგაცნობ.

აქვე გეტყვი, რომ პროდუქტის შექმნის პროცესში ერთ-ერთი უმნიშვნელოვანესი პოზიცია პროგრამის უზრუნველყოფის ინჟინერია, რადგან სწორედ ის არის ციფრული პროდუქტის მარტივ, შეუფერხებელ და სასიამოვნო მოხმარებაზე პასუხისმგებელი პირი. QA ინჟინერის მთავარი მოვალეობაა, გამოიკვლიოს და შეისწავლოს რამდენად გამართულად მუშაობს პლატფორმის თითოეული ფუნქციონალი.

ლიკუნას E-commerce-ში მუშაობის 2 წლიანი გამოცდილება აქვს, რომლის განმავლობაშიც უამრავი მომხმარებლის პრობლემის გადაჭრა მოუწია. სწორედ ამ გამოცდილებების გამო გაუჩნდა სურვილი QA შეესწავლა.

გამიჩნდა ინტერესი , თავად მენახა როგორ ხდებოდა ციფრულ პროდუქტში ამა თუ იმ ფუნქციონალის მომხმარებლამდე მიტანა, ხარვეზების გამოსწორება, ხარისხის უზრუნველყოფა, ამიტომ გადავწყვიტე QA მესწავლა.

მეგობრის რეკომენდაციით, ლიკუნა მაღალი მოლოდინებით მოვიდა commschool-ში და ეს მოლოდინები გამართლდა. ლექციებზე პრაქტიკისა და თეორიის სინთეზმა, ლიკუნას თქმით გამოუმუშავა ახალი უნარები, მაგალითად ლექტორისგან მიღებული ინფორმაციის პრაქტიკაში ავტომატურად გამოყენება.

კურსის დასრულების შემდეგ უკვე დამოუკიდებლად შემიძლია დავგეგმო და წარვმართო ხარისხის უზრუნველყოფის აქტივობები, როგორიცაა ტესტირების გეგმის შედგენა, ტესტ ქეისების დეველოპმენტი და QA პროცესების სწორი ინტეგრაცია პროექტში

თუ არ იცი, გეტყვი, რომ კურსის დასრულებისას სტუდენტები დამოუკიდებლად მუშაობენ ფინალურ პროექტზე, რომლის ფარგლებშიც ლიკუნამ ტვირთების გადაზიდვის სისტემისთვის შექმნა დეშბორდი და აპლიკაცია.

პროექტის თეორიულად წარმოდგენა არ გამჭირვებია, და მთლიანი პროექტის აწყობაც გამიმარტივდა, თუმცა უნდა აღინიშნოს, რომ ჩემი ლექტორი ყოველთვის ცდილობდა მოეცა სწორი მიმართულება და უკუკავშირი, რაც მეხმარებოდა პროექტის წარმატებით დაგეგმვაში და საბოლოოდ კმაყოფილი ვარ იმ შედეგით, რაც მივიღე.

ლიკუნას წარმატებულმა ფინალურმა პროექტმა გავლენა იქონია მის კარიერულ წინსვლაზეც. მომავალი თვიდან ის ჩვენი ლექტორის ერთ-ერთი პროექტის დეველოპმენტში, ხარისხის უზრუნველყოფის კუთხით იმუშავებს. იქიდან გამომდინარე, რომ ლიკუნა გეგმავს ამ სფეროში კარიერულ განვითარებას, ეს საკმაოდ კარგი დასაწყისია.

Digital Product Testing & QA-ით დაინტერესებულებს კი ლიკუნა გირჩევთ:

ვურჩევდი, რომ არასდროს დაკმაყოფილდნენ მიღებული შედეგით, რადგან ციფრული სამყარო და ზოგადად ეს სფერო ყოველდღიურად ვითარდება, და საჭიროა სიახლეებს ფეხი ავუწყოთ.

მე კი გეტყვი, რომ იმისთვის, რომ სიახლეებს ფეხი აუწყო, საჭიროა ამ სფეროში პირველი ნაბიჯი გადადგა. თუ დაინტერესებული ხარ სფეროთი, რომელიც დღითიდღე უფრო პოპულარული და მოთხოვნადი ხდება, შემოგვიერთდი!