N1 მობაილ ფრეიმვორკი – რა, როგორ და რატომ Flutter?

კითხვით დავიწყებ: გაქვს გამოცდილება რომელიმე პროგრამირების ენასთან, როგორიცაა Java, C++, C#, Javascript, ან გესმის OOP კონცეფციების მნიშვნელობა, როგორიცაა კლასები, ობიექტები, მეთოდები, მემკვიდრეობითობა, აბსტრაქცია და ა.შ., ან გქონია შეხება ისეთი მობაილ დეველოპმენტის ფრეიმვორქთან, როგორიც არის Android, IOS, React Native, Xamarin ან სხვა?

თუ შენი პასუხი დადებითია, მაშინ იქნებ, იმაზეც გიფიქრია, რა ისწავლო შემდეგში, როგორ განვითარდე და კიდევ სად გამოიყენო საკუთარი უნარები? თუ, აქაც მომყვები, მაშინ ისევ გკითხავ – რას ფიქრობ Flutter-ზე?

თუ პირველად გესმის, ან არც თუ ისე დიდ ინფორმაციას ფლობ მასზე, მაშინ აგიხსნი – ეს არის ფრეიმვორკი, რომელიც გეხმარება შექმნა აპლიკაციები სხვადასხვა პლატფორმისთვის (Android, IOS და სხვა) მხოლოდ და მხოლოდ ერთი კოდით. თუ არ მენდობი, დაგუგლე. სხვათაშორის, Flutter-იც Google-ს მიერ შემუშავებული ფრეიმვორქია და სულ რაღაც ოთხი წლის არის. 

აბა, რას იტყვი? ვიდრე ამჯერადაც „ჰო“ ან „არა“-ზე შევჯერდებოდეთ, დაგისახელებ სხვა მიზეზებსაც, თუ რატომ შეიძლება დაინტერესდე Flutter-ით.

მოქნილია

იცი, რა არის Flutter-ის Biggest Flex? Flutter Cross-Platform ფრეიმვორკია, რაც გულისხმობს იმას, რომ მისი საშუალებით შეგიძლია Dart პროგრამირების ენის გამოყენებით აპლიკაცია სხვადასხვა პლატფორმისთვის შექმნა. FreeCodeCamp-ის 2020 წლის სტატიის მიხედვით, Flutter-ი შედარებით სხვა პროგრამირების ენებთან, მეტად განახლებული და გამარტივებულია.