Motion Design-ის კურსიდან Redberry-ში – ვაჟა დესპოტაშვილის კარიერული განვითარების გზა

“სწორი გადაწყვეტილება მივიღე, როცა Commschool-ის კურსებზე შევაჩერე არჩევანი, რომელმაც, საბოლოო ჯამში, გარდამტეხი როლი ითამაშა ჩემს კარიერულ განვითარებაში” – ამბობს ვაჟა დესპოტაშვილი, Motion Design-ის კურსდამთავრებული, რომელიც კურსდამთავრებულთა კლუბის ფარგლებში Redberry-ის გუნდს შეუერთდა.

კურსდამთავრებულთა კლუბზე რომ მოგიყვე, კლუბის ფარგლებში სტუდენტები დასაქმებისა და სტაჟირების სხვადასხვა შესაძლებლობებს იღებენ ისეთი პარტნიორი კომპანიებისგან, როგორებიცაა: Holmes & Watson, Adjarabet, Redberry, JWT Metro და სხვა.

ვაჟამ, კურსის დასრულებისთანავე, Commschool-ისგან სამუშაო შეთავაზებები მიიღო:

“Motion Design-ის კურსის დასრულების შემდეგ, რამდენიმე დღეში დამიკავშირდნენ Commschool-ის წარმომადგენლები და ჩემთვის საინტერესო სამი წინადადება შემომთავაზეს, რამაც კიდევ უფრო სასიამოვნოდ გამაოცა და მიმახვედრა ის რომ, მივიღე სწორი გადაწყვეტილება, როდესაც არჩევანი შევაჩერე Commschool-ის კურსებზე“.

ვაჟა კი საბოლოოდ Redberry-ს გუნდს შეუერთდა:

“შემოთავაზებული წინადადებების გაცნობის დროს, დავინახე Redberry, მაშინვე გავიფიქრე – “Wubba-Lubba, Dub-Dub! შევუერთდი სწორედ იმ ჯგუფს, რომელიც ორიენტირებულია გუნდურობაზე, განვითარებაზე, წინსვლაზე და რაც ყველაზე მეტად მნიშვნელოვანია, საქმისა და ერთმანეთისადმი სწორი დამოკიდებულება.”

ვაჟას კურსის გავლა კარიერულ განვითარებასთან ერთად სხვადასხვა უნარის დახვეწაში დაეხმარა, მიღებულმა გამოცდილებამ კი რთულ პროექტებზე მუშაობა გაუმარტივა:

“ამ კურსის გავლის შემდეგ მიღებულმა ცოდნამ უფრო თავდაჯერებული გამხადა, უკვე დამოუკიდებლად შემიძლია ავაწყო თიმფლეითი, რაც კურსის გავლამდე ჩემთვის დიდ შემაფერხებელ ფაქტორს წარმოადგენდა და სწორედ ამ მიზეზით, უარი მითქვამს გარკვეულ პრეოქტებზე. ახლა კი ნებისმიერი სახის სირთულეები ჩემთვის წინაღობას აღარ წარმოადგენს“.

რაც შეეხება Motion Design-ის პროგრამას, Commschool-ში ამ კურსის ფარგლებში სტუდენტებს რეალურ ბრიფებზე მუშაობა უწევთ, რაც დამკვეთებისგან მიღებული პროექტების შესრულებას გაუმარტივებთ. ასევე, Motion Design-ის პროგრამის გავლის შემდეგ, რომლის ხანგრძლივობაც სულ 2 თვეა და მაქსიმალურად პრაქტიკაზეა ორიენტირებული, კურსდამთავრებულები საბოლოოდ შეძლებენ სხვადასხვა გრაფიკული გამოსახულების გაცოცხლებას, სარეკლამო რგოლების შექმნას, ვიდეო, ფოტო და აუდიო მასალასთან მუშაობას After Effects-ში და სხვა მრავალს. 

თუკი შენც გაინტერესებს Motion Design და გინდა მიიღო რეალური დასაქმების შესაძლებლობა, შემოგვიერთდი და თავადაც გახდი წარმატებული Commschool-ელი!