მონაცემთა ანალიტიკა: მარიამ მინდელი და გიორგი პირველი კურსის შესახებ
დღეს მონაცემები ბიზნესებისთვის ერთ-ერთი ყველაზე მნიშვნელოვანი აქტივია, რაც ეხმარება ეფექტური გადაწყვეტილებების მიღებას. თუმცა, მონაცემთა უზარმაზარი გროვა მხოლოდ უშინაარსო რიცხვებია. მათი ღირებულება მატულობს მონაცემთა ანალიტიკის საშუალებით, რომელიც ამ ინფორმაციას კონკრეტულ მიგნებებად და დასკვნებად თარგმნის.
მონაცემთა ანალიტიკოსის პროფესია დღითიდღე უფრო პოპულარული ხდება. თუ ანალიტიკური აზროვნებით გამოირჩევი და ახალი უნარების შესწავლა გსურს, ეს ბლოგი შენთვისაა. მარიამ მინდელი და გიორგი პირველი, Commschool-ის კურსდამთავრებულები, საუბრობენ თავიანთ გამოცდილებაზე.
მარიამმა კარიერა ფინანსურ ინდუსტრიაში დაიწყო, და მისი გამოცდილება უკვე 10 წელს ითვლის. ამჟამად ის ფინანსური რეპორტინგის მიმართულებით მუშაობს. სწორედ ამ პოზიციაზე მუშაობისას მარიამი მიხვდა, რომ Excel-ის მხოლოდ გამოყენება არ იყო საკმარისი, რათა რეპორტები სრულად და ამომწურავად შეექმნა. მას სურდა, რომ უფრო სიღრმისეულად შეესწავლა SQL და სხვა საჭირო ხელსაწყოები, რომლებიც მონაცემების ეფექტურად დამუშავებისა და ანალიზისთვის გამოიყენებოდა.
კურსის სილაბუსი და ლექტორი იდეალურად შეირჩა, რათა მოკლე პერიოდში შეისწავლო მონაცემთა ანალიზისთვის საჭირო ინსტრუმენტები.
მონაცემთა ანალიტიკა: რას მოიცავს კურსი?
პროგრამის ფარგლებში მარიამმა შეისწავლა, როგორ მოიძიოს, შეაგროვოს და გაწმინდოს მონაცემები SQL-ის გამოყენებით, ხოლო შემდეგ, როგორ შექმნას მარტივად აღსაქმელი ვიზუალები Power BI-ის დახმარებით. მარიამის აზრით, ამ ხელსაწყოებისა და ტექნიკების სიღრმისეული ცოდნა არის სასურველი შედეგის გარანტია.
კურსის მიმდინარეობისას, მარიამისთვის ძალიან მნიშვნელოვანი იყო პროგრამის პრაქტიკული ამოცანები, რომლებსაც ლექტორი სტუდენტებს ყოველ ლექციაზე უზიარებდა. ლექტორი გვასწავლიდა ერთი და იმავე ქეისის გადაჭრის სხვადასხვა გზას. კერძოდ, მათი გამოცდილება აჩვენებდა, რომ SQL და Power BI ორი განსხვავებული ინსტრუმენტია, რომლებსაც შეუძლიათ ამოცანის გადაჭრა სხვადასხვა ლოგიკით და აზროვნებით.
ასევე, მნიშვნელოვანი იყო რეალურ ბაზებთან მუშაობა და ისეთი დავალებების შესრულება, რომლებიც შემდგომში პრაქტიკაშიც აუცილებლად გამოადგება.
ამ კურსის გავლა ყველა სტუდენტს დაანახებს, რომ ახალი გამოწვევები, მუდმივი კარიერული განვითარება და სხვადასხვა ამოცანების გადაჭრა საკმაოდ დაინტერესებული პროცესია. თუ ამ პროცესის ნაწილი გახდები და ის გსიამოვნებს, მაშინ მონაცემთა ანალიტიკა და ბაზებთან მუშაობა ნამდვილად შენი პროფესიაა!
მარიამს უკვე დამოუკიდებლად შეუძლია ბიზნეს ამოცანის სწორად გაანალიზება და ანალიტიკურ/ტექნიკურ ამოცანად თარგმნა. ამისთვის განსაკუთრებული მნიშვნელობა ჰქონდა ფინალურ ინდივიდუალურ პროექტს, რომელიც კურსის ერთგვარ შეჯამებას წარმოადგენს. პროექტზე მუშაობამ მარიამს აჩვენა, რომ რამდენიმე კვირაში შესაძლებელია მაღალი ხარისხის ცოდნის მიღება და მისი რეალობაში გადატანა.
ამ პროცესმა ასევე დაეხმარა მარიამს მეტად იმუშავოს საკუთარ შესაძლებლობებზე და კრეატიულ აზროვნებაში. ახლა ის მზადაა გააგრძელოს განვითარება მონაცემთა ანალიტიკის სფეროში და მიაღწიოს უფრო დიდ წარმატებებს.
პროფესია - მონაცემთა ანალიტიკოსი
ამჯერად გიორგის გაგაცნობ, რომელიც ISET-ის პროგრამის მესამე კურსის სტუდენტია. მისი ძირითადი ინტერესის სფერო ეკონომიკა და მასთან დაკავშირებული საკითხებია. ცოტა ხნის წინ, გიორგი დაასრულა სტაჟირება “USAID-ის პროგრამის დამსაქმებლები პროფესიული განათლებისთვის”, რაც მისთვის პირველი და ძალიან მნიშვნელოვანი სამუშაო გამოცდილება იყო.
სტაჟირებაზე მუშაობის შემდეგ, გიორგი გადაწყვიტა, რომ Commschool-ში კურსი დაეწყო და გარკვეული პერიოდი მხოლოდ სწავლაზე კონცენტრირებულიყო.
გიორგი ასახელებს რამდენიმე მნიშვნელოვან მიზეზს, რის გამოც მონაცემთა ანალიტიკის კურსის გავლა გადაწყვიტა. პირველ რიგში, ის სურდა ასეთი მიმართულების არჩევა, რომელიც დაახლოებული იქნებოდა ეკონომიკასთან, რათა უნივერსიტეტში შეძენილი ცოდნა ყოფილიყო გამოსადეგი არჩეულ პროფესიაში. მეორე მხრივ, მას მიაჩნია, რომ ამ პროფესიის პერსპექტივა დიდია, რადგან დღეს შრომის ბაზარზე მონაცემთა ანალიტიკოსებზე მოთხოვნა საკმაოდ დიდი და მზარდია. კომპანიები უფრო და უფრო ხვდებიან, რომ მონაცემების სწორად გამოყენება და დამუშავება აუცილებელია.
გარდა ამისა, მონაცემთა ანალიტიკოსის საქმე არ არის რუტინული, რაც გიორგისთვის დამატებითი მოტივაცია აღმოჩნდა ამ მიმართულების არჩევაში.
მონაცემებში სხვადასხვა კავშირის აღმოჩენა და ბიზნეს ამოცანების გადაჭრა მოითხოვს ანალიტიკურ აზროვნებას, რაც მუშაობის პროცესს უფრო საინტერესოს ხდის. განვითარების მრავალ გზა არსებობს, განსაკუთრებით მონაცემთა ანალიტიკაში, სადაც შესაძლებელია სხვადასხვა ხელსაწყოს გაცნობა. სურვილის შემთხვევაში კი შესაძლებელია მონაცემთა სამყაროში უფრო ღრმად შესვლა და მონაცემთა ინჟინრად, მეცნიერდ ან არქიტექტორად ჩამოყალიბება.
გიორგისთვის ყველაზე დასამახსოვრებელი SQL-ის ნაწილი იყო, რომელსაც კურსის პირველი ნახევარი დაეთმო. მონაცემებში სხვადასხვა კავშირის აღმოჩენა და მანიპულაცია მისთვის საინტერესო და სახალისო აღმოჩნდა. კურსს კიდევ უფრო მიმზიდველს ხდიდა სხვა სტუდენტების საინტერესო კითხვები, აზრები და მიგნებები, რაც გიორგიზეც მოქმედებდა და მის მოტივაციას კიდევ უფრო აძლიერებდა.
ფინალური პროექტი
გიორგის ფინალური პროექტი ფინანსური ინსტიტუტების სიმულაციურ მონაცემთა ბაზას მოიცავდა, რაც დავალებას კიდევ უფრო საინტერესოს ხდიდა, რადგან მომავალში ერთ-ერთ პოტენციურ დასაქმების ადგილად სწორედ ბანკებს მოიაზრებს. ფინანსური ინსტიტუტები დღეს ერთ-ერთი დიდი დამსაქმებელია ბაზარზე, რაც პროექტს დამატებით აქტუალობას სძენდა.
პროექტის მიზანი იყო, რაც შეიძლება მეტი შესწავლილი ტექნიკური საკითხის გამოყენება და ისეთი რეპორტის შექმნა, რომელიც არჩეული თემის გარშემო მაქსიმალურად ბევრ შეკითხვას გასცემდა პასუხს. გიორგი დეტალურად აღწერდა ბანკის მომხმარებლებს ისეთი მახასიათებლებით, როგორიცაა შემოსავალი, ასაკობრივი ჯგუფი, საცხოვრებელი ადგილი, ასევე დროისა და პროდუქტის ჭრილში მათი რაოდენობის ცვლილება.
თავდაპირველად პროექტის სტრუქტურამ შემაშინა, თუმცა პროცესშივე მივხვდი, რომ სავსებით რეალური იყო ყველა იმ ნასწავლი და მოთხოვნილი საკითხის ინტეგრაცია, რომლებიც 7 კვირაში დავფარეთ. და კი, 7 კვირაში ამ კურსმა ძალიან ბევრი საკითხი და თემა მოიცვა; ვფიქრობ, სრულიად საკმარისიც, რათა დასრულებისთანავე სამსახურის ძიებას თამამად შეუდგე.
თუკი ახლა იწყებ მონაცემთა ანალიტიკის შესწავლას, გიორგი კურსზე მიღებული ცოდნისა და შესწავლილი პროგრამების შემდეგ გირჩევს, დამოუკიდებლად შეისწავლო ისეთი პროგრამები, როგორებიცაა Tableau, Python, Google Analytics, R. მეტიც, განვითარდე და გადაინაცვლო მონაცემთა ინჟინერიასა თუ მეცნიერებაში. ამიტომ ამ მიმართულების შესწავლა მრავალმხრივ განვითარების პერსპექტივას გთავაზობს.
თავად გიორგი ამჟამად Python-ის შესწავლით არის დაკავებული, რომელიც ასევე ძალიან მოთხოვნადია ანალიტიკაში. შემდგომ კი აქტიურად აპირებს სამსახურის ძიებას უმცროსი მონაცემთა ანალიტიკოსის პოზიციაზე. პარალელურად კი არ შეწყვიტოს სწავლა და გაიუმჯობესოს ის უნარები, რომლებიც მნიშვნელოვანია მონაცემთა ინჟინერიასა თუ მეცნიერებაში თავის დასამკვიდრებლად.
ამგვარად, კურსმა გიორგის მოლოდინები გაამართლა და კიდევ უფრო გაუძლიერა მოტივაცია, რომელიც პროგრამის დაწყებისას ჰქონდა. თუ მზად ხარ ახალი გამოწვევებისთვის, დაიწყე მონაცემთა ანალიტიკის შესწავლა Commschool-ში!
რელევანტური ბლოგები
-
ხელოვნური ინტელექტი პრაქტიკაში – გაიცანი ლექტორი, შოთა ნათენაძე...
-
ციფრული რეკლამირება: ანი იმედაშვილი და სალომე ჯინჭარაძე კურსზე მიღებული გამოცდილების შესახებ...
-
-
ხელოვნური ინტელექტი პრაქტიკაში – გაიცანი ლექტორი, შოთა ნათენაძე...
-
მარიამ ნაკოევის ფინალური პროექტი კონტენტ მარკეტინგის კურსისთვის...
-
-
თბილისის კომუნიკაციის სკოლა DataFest Tbilisi 2024-ის პარტნიორია...
-
-
-
პრაქტიკული უნარები ხელოვნური ინტელექტის (AI-ის) გამოყენებისთვის...
შესაძლოა გაინტერესებდეს
დამწყები
საშუალო
საშუალო
შესვლა Google-ით
შესვლა Facebook-ით