ლექტორები

ვრცლად ლექტორებზე

AI გრაფიკულ დიზაინში - გაეცანი კურსის ლექტორის, ჯონი კვეზერელის პორტფოლიოს

ხელოვნური ინტელექტი (AI) თანდათან ყველა სფეროში იმკვიდრებს თავს და ადამიანებს მარტივი ოპერაციების სწრაფად გადაწყვეტაში ეხმარება. ეს კი მათ საშუალებას აძლევს, დაზოგილი დრო უფრო ეფექტიანად გამოიყენონ. ამიტომ შრომის ბაზარზე AI ხელსაწყოების ცოდნა უკვე ერთ-ერთ მნიშვნელოვან და აუცილებელ უნარად ითვლება. ხელოვნურმა ინტელექტმა კრეატიულ სფეროშიც შეაბიჯა და AI გრაფიკულ დიზაინში საკმაოდ საინტერესო შესაძლებლობებს აჩენს - შრომატევადი და რუტინული საქმისთვის დახარჯული დროის შემცირება და კრეატიული ფიქრისთვის დროის გაზრდა.არსებული ტენდენციებიდან გამომდინარე Commschool-ში ახალი კურსი შევიმუშავეთ - AI გრაფიკულ დიზაინში, რომელსაც ჯონი კვეზერელი გაუძღვება. გაეცანი ბლოგს და გაიგე, რა პერსპექტივები არსებობს ხელოვნური ინტელექტის გრაფიკულ დიზაინში ინტეგრირების მიმართულებით. ჯონის კარიერა კინორეჟისურით დაიწყო - მას ყოველთვის აინტერესებდა ვიზუალზე მუშაობა და დაკვირვება იმაზე, თუ როგორ გავლენას ახდენს ხელოვნება ადამიანებზე. მისი პირველი სამუშაო გამოცდილება სარეკლამო სააგენტოში იყო, სადაც უკეთ გაეცნო, თუ როგორ ხდება მომხმარებლის საჭიროებების და სურვილების გათვალისწინება და იდეების რეალიზაცია. უფრო მეტი დამოუკიდებლობისა და კრეატიული თავისუფლებისთვის ჯონიმ ფრილანსერის კარიერა დაიწყო. ამ გზით შესაძლებლობა ჰქონდა, ემუშავა სხვადასხვა პროექტზე, რომლებიც მისი უნარ-ჩვევების დახვეწასა და საკუთარი სტილის შექმნაში ეხმარებოდა. შემდგომ ჯონის ინტერესმა გრაფიკულ დიზაინში გადაინაცვლა.მას ბავშვობიდანვე ხიბლავდა ვიზუალური ხელოვნება და მისი შემოქმედებითი პროცესები. ყოველთვის ხატავდა, ქმნიდა და ეძებდა ახალ საშუალებებს მისი იდეების უკეთ გამოსახატად. ამჯერად იგი Redberry-ში მუშაობს. პარალელურად კი გატაცებულია ხელოვნური ინტელექტის გამოყენებით ვიზუალურ ხელოვნებაში. ხელოვნური ინტელექტი ყოველდღიურ საქმიანობაში მას შემდეგ, რაც 2018-2019 წლებში ვიზუალის დასაგენერირებლად ბაზარზე პრიმიტიული მოდელები გაჩნდა, ხელოვნური ინტელექტის გამოყენება ჯონის ყოველდღიური საქმიანობის ნაწილი გახდა. ბავშვობაში, ალბათ, ყველას გვიოცნებია ისეთ აბსტრაქტულ ხელსაწყოებზე, რომლებიც საშუალებას მოგვცემდა, ნაფიქრი ან გააზრებული ვიზუალი ფურცელზე მარტივად გადმოგვეტანა. სწორედ ეს ბავშვური ოცნება გახდა რეალობა, როდესაც პირველად დავაგენერირე ფოტო, რომელიც იყო 200 პიქსელი 200 პიქსელზე. თითქმის შეუძლებელი იყო იმის გარჩევა, თუ რა ეხატა ვიზუალზე. თუმცაღა, აშკარა იყო, რომ ცოტა მეტი დახვეწის შემდეგ ეს ხელსაწყოები გახდებოდა გაცილებით უფრო მნიშვნელოვანი, ვიდრე ეს ერთი შეხედვით ჩანდა. პირველი რიგში, ჯონიმ დაიწყო Stable Diffusion-ის და სხვა ხელოვნური ინტელექტის ინსტრუმენტების გამოყენება, რომლებიც შესაძლებელს ხდიდა ვიზუალური მასალების ავტომატურ გენერირებასა და მოდიფიკაციას. თავდაპირველად, ეს იყო მხოლოდ მცდელობა, გაეგო, რამდენად შეიძლებოდა ამ ტექნოლოგიების გამოყენება დიზაინში. დროთა განმავლობაში კი შეამჩნია, რომ AI ხელსაწყოები არა მხოლოდ ამარტივებდნენ მუშაობას, არამედ მნიშვნელოვნად აუმჯობესებდნენ შედეგებს და ტოვებდნენ დიდ დროს კრეატიული ფიქრისთვის.ხელოვნური ინტელექტი მან წარმატებით გამოიყენა ერთ-ერთ საინტერესო ქართულ პროექტზე მუშაობისას. ჯონიმ საქართველოს ფოსტისთვის Stable Diffusion-ის გამოყენებით შექმნა AI-ის მიერ დაგენერირებული პირველი საფოსტო მარკა საქართველოში. პროექტის სირთულე მდგომარეობდა იმაში, რომ საჭირო იყო უკვე არსებული ვიზუალების სინთეზი და რაღაც ახლის მიღება, რისი გაკეთებაც რთულია ბაზარზე არსებული ხელსაწყოებითაც კი. AI გრაფიკულ დიზაინში 8 ლექცია | 24 საათი | 4 კვირა იხილე სილაბუსი Reddit-ი ერთ-ერთი საუკეთესო ადგილია, სადაც AI ტექნოლოგიების შესახებ ვკითხულობ სიახლეებს და დისკუსიებს. იქიდან ხშირად ვიღებ მნიშვნელოვან ინფორმაციას, რომელიც მეხმარება, გავიგო, როგორ იყენებენ სხვები AI ტექნოლოგიებს და როგორ შეიძლება ეს მიდგომები ჩემს სამუშაო პროცესში გამოვიყენო. YouTube, Pinterest, Behance, Reddit - ეს იმ პლატფორმების ჩამონათვალია, რომლებსაც ჯონი შთაგონებისთვის მიმართავს. მისი აზრით, გარშემო უსაზღვრო რესურსები არსებობს, რის დანახვასაც ხანდახან ვერ ვახერხებთ. ინსპირაციის წყაროები კი უსაზღვროა, თუ მას სწორად ეძებ. მნიშვნელოვანია, რომ რეფერენსებს ეძებდე ყველგან, სადაც შესაძლებელია – იქნება ეს მუზეუმი, ბუნება, არქიტექტურა, თუ ყოველდღიური ცხოვრება. რატომ გახდა საჭირო AI-ის გამოყენება გრაფიკულ დიზაინში? როგორც ჯონი აღნიშნავს, გრაფიკული დიზაინერების საქმიანობაში AI-ის გამოყენების საჭიროება წარმოიშვა რამდენიმე ძირითადი მიზეზის გამო:დროის ეკონომია და ეფექტურობა: დიზაინის პროცესები ხშირად მოითხოვს დიდ დროსა და შრომას, განსაკუთრებით, დეტალური სამუშაოებისთვის. AI-ის ინსტრუმენტები ავტომატიზაციას უკეთებენ ამ პროცესებს, რაც დიზაინერებს საშუალებას აძლევს, დროისა და რესურსების ეკონომია გააკეთონ და უფრო ეფექტურად შეასრულონ დავალებები.ხარისხის გაუმჯობესება: AI-ის მეშვეობით შესაძლებელია ვიზუალური მასალების უფრო მაღალი ხარისხით შექმნა. AI ტექნოლოგიები უზრუნველყოფენ ზუსტი და დეტალური ნამუშევრების წარმოებას, რაც ზრდის დიზაინერების ნამუშევრების პროფესიონალიზმსა და ხარისხს.კრეატიულობის გაფართოება: AI-ის ინსტრუმენტები დიზაინერებს საშუალებას აძლევს, შექმნან ახალი და უნიკალური ვიზუალური იდეები, რომლებიც ტრადიციული მეთოდებით, შესაძლოა, ძალიან რთული ან შრომატევადი იყოს; განსაკუთრებით მაშინ, როდესაც ბრეინშტორმინგის პროცესში ხარ და გინდა დატესტო ყველა შესაძლო ვარიანტი. ეს ზრდის დიზაინერების შემოქმედებითობასა და ინოვაციურობას.შთაგონების წყარო: AI-ს შეუძლია შექმნას მრავალფეროვანი ვიზუალური კონტენტი, რომელიც დიზაინერებს აძლევს ინსპირაციასა და იდეებს ახალი პროექტებისთვის. ეს ტექნოლოგიები ხელს უწყობენ ახალი სტილებისა და ტექნიკების აღმოჩენას. უნდა გვახსოვდეს, რომ AI არის ხელსაწყო რომელიც ჩვენი იდეების გარეშე უბრალოდ ცარიელი კოდია. ამიტომაც უფრო მეტად მნიშვნელოვანია, რომ ისწავლო დიზაინის პრინციპები, მუშაობის მეთოდები და მათი სწორად შერჩევა. AI ხელსაწყოები გრაფიკულ დიზაინში Generative AI-ის სფეროში ერთ-ერთი წამყვანი ინსტრუმენტი Stable Diffusion-ია, რომელიც სხვადასხვა ფუნქციონალით გამოირჩევა. Stable Diffusion-ი საშუალებას იძლევა, რომ ვიზუალური გამოსახულებები და ნიმუშები შექმნა მაღალი ხარისხითა და დეტალებით. ასევე გქონდეს უსაზღვროდ დიდი კონტროლი ვიზუალზე, რის შესაძლებლობასაც არ გაძლევს სხვა AI ხელსაწყოები. Stable Diffusion-ს შეუძლია დაამუშაოს როგორც ფოტოები, ასევე გრაფიკული გამოსახულებები. იგი გამოირჩევა სწრაფი და ეფექტური ალგორითმებით, რაც პროცესის ავტომატიზაციასა და ოპტიმიზაციას უწყობს ხელს.Stable Diffusion-ის გამოყენების დაწყება შეიძლება უმჯობესი იყოს მისი ძირითადი ფუნქციების შესწავლითა და პრაქტიკული მაგალითებით. ამ ინსტრუმენტის ეფექტურად გამოყენებისათვის საჭიროა გააცნობიერო მისი ინტერფეისი და შესაძლებლობები. რადგანაც Stable Diffusion-ი მრავალფეროვანი და მოქნილი ინსტრუმენტია, შეგიძლია დაიწყო ძირითადი ფუნქციების, როგორიცაა გამოსახულებების გენერირება, ხარისხის გაზრდა, კონცეფციების შექმნა, მანიპულაცია და სხვა. AI ინსტრუმენტები დიზაინერებს აძლევენ შესაძლებლობას, სცადონ ახალი ტექნიკები და სტილები, რითაც მათი პროფესიული განვითარება და კრეატიულობის ხარისხი იზრდება. კოლაბორაციული შესაძლებლობების გამარტივებით AI ხელს უწყობს გუნდურ მუშაობას, რაც უფრო მრავალფეროვან და ინოვაციურ ნამუშევრებს ქმნის. ამგვარად, AI ხელსაწყოები არა მხოლოდ არ ზღუდავს, არამედ მნიშვნელოვნად აძლიერებს დიზაინერების შემოქმედებითობას, რაც მათ ნამუშევრებს უფრო მაღალ დონეზე აყენებს. AI ხელსაწყოები ნამდვილად ზრდის დიზაინერების შემოქმედებითობას. პირველ რიგში, ავტომატიზაციის საშუალებით ისინი ზოგავენ დროსა და რესურსებს, რაც დიზაინერებს შესაძლებლობას აძლევს, მეტი დრო და ენერგია მოახმარონ კრეატიულ პროცესებს. AI ტექნოლოგიები ასევე უზრუნველყოფენ ინსპირაციის წყაროს, აგენერირებენ უნიკალურ იდეებს და ხელს უწყობენ ახალი მიმართულებების აღმოჩენას. ეს ტექნოლოგიები რთული და კომპლექსური დავალებების შესრულებასაც აადვილებენ, რაც დიზაინერებს საშუალებას აძლევს, უფრო თამამი და ამბიციური პროექტები განახორციელონ. AI გრაფიკულ დიზაინში - კურსის შესახებ როგორც უკვე გითხარი, Commschool-ში ახალი კურსის - AI გრაფიკულ დიზაინში - აღმოჩენა შეგიძლია, რომელიც იქნება ერთგვარი გზამკვლევი გრაფიკული დიზაინერებისთვის, თუ როგორ გამოიყენონ AI მათ საქმიანობაში. ჯონის თქმით, კურსი იქნება საკმაოდ პრაქტიკული და ინტენსიური, რათა სტუდენტებმა მაქსიმალურად აითვისონ AI ტექნოლოგიების გამოყენების უნარები გრაფიკულ დიზაინში. პროგრამა მოიცავს როგორც თეორიულ, ასევე პრაქტიკულ ნაწილებს, რათა მონაწილეებმა შესწავლილი თეორიული საფუძვლები პრაქტიკულად გამოცადონ რეალურ პროექტებზე.კურსის ფარგლებში გაეცნობი ძირითად თეორიულ კონცეფციებს AI-ისა და გრაფიკული დიზაინის შესახებ. შეისწავლი AI ინსტრუმენტების მუშაობის პრინციპებს, მაგალითად, როგორ მუშაობს Stable Diffusion და როგორ შეგიძლია მისი გამოყენება დიზაინში. იმუშავებ რეალურ ბრიფებსა და პროექტებზე, რომლებიც მიმართულია სხვადასხვა დიზაინერული უნარ-ჩვევების განვითარებაზე. შექმნი სხვადასხვა ვიზუალურ მასალებს, რომლებიც შეიძლება იყოს პოსტერი, ლოგო, სოციალური მედიის პოსტები და ა.შ. თითოეული პროექტი შემუშავებული იქნება რეალური ბრიფის მიხედვით, რაც საშუალებას მოგცემს, უკეთ გაიგო, როგორ მუშაობს AI ინსტრუმენტები პრაქტიკულ გარემოში. ჩემი აზრით, კურსის დასრულების შემდეგ ამ ადამიანებს ექნებათ უნარი, დამოუკიდებლად გაიკვლიონ გზა AI სამყაროში; მარტივად შეძლებენ მოსაწყენი და განმეორებადი დავალებების შესრულებას, რის გამოც მეტი დრო დარჩებათ სწავლისთვისა და კრეატიული უნარ-ჩვევების გამომუშავებისთვის. აქვე გაგიზიარებ ჯონის მიერ რეკომენდებულ YouTube არხებს, სადაც საინტერესო ინფორმაციებს გაეცნობი ხელოვნური ინტელექტისა და გრაფიკული დიზაინის შესახებ:"Two Minute Papers" - წარმოადგენს AI-ისა და ტექნოლოგიების უახლეს კვლევებსა და მიღწევებს მარტივი და გასაგები ფორმატით;"The Futur" - ფოკუსირებულია დიზაინზე, მარკეტინგსა და კრეატიულობაზე და ხშირად განიხილავს AI-ის გამოყენებას ამ სფეროებში. თუკი გრაფიკული დიზაინის სფეროში მოღვაწეობ და შენს საქმიანობაში AI-ის დანერგვა გსურს, ეს კურსი შენთვისაა. აუცილებლად გამოიყენე ეს შესაძლებლობა და შემოგვიერთდი Commschool-ში! შეისწავლე AI გრაფიკულ დიზაინში. დარეგისტრირდი კურსზე

ის გახსოვს, თამუნა ბუდაღაშვილი რომ ჩვენი ლექტორი გახდა?

დღეს გრაფიკული დიზაინი არა მხოლოდ ხელოვნების ნიმუში, არამედ ვიზუალური კომუნიკაციის საშუალებაა. ბრენდის ლოგოდან დაწყებული აპლიკაციების ინტერფეისით დამთავრებული, რომლებსაც ყოველდღიურად ვამჩნევთ და ვიყენებთ, იგი ჩვენი ციფრული და ფიზიკური სამყაროს განუყოფელი ნაწილია. ამიტომ, მნიშვნელოვანია, კომპანიებმა სამიზნე აუდიტორიასთან ეფექტური ვიზუალური კომუნიკაცია დაამყარონ და მათი მთავარი გზავნილი საინტერესოდ მიაწოდონ მომხმარებლებს.გაინტერესებს, როგორ შეგიძლია შექმნა საუკეთესო სამომხმარებლო გამოცდილება გრაფიკული გამოსახულებების საშუალებით, ამ ბლოგს გაეცანი. თამუნა ბუდაღაშვილი, Commschool-ის ლექტორი, საკუთარი პროფესიისა და გამოცდილების შესახებ გესაუბრება. თამუნა ბავშვობიდან ხატავს და ყოველთვის სურდა, მისი მომავალი პროფესია ხატვასა და ხელოვნებასთან ყოფილიყო დაკავშირებული. მისი ოცნება სამხატვრო აკადემიაში სწავლის შესაძლებლობა იყო. მედიახელოვნების ფაკულტეტმა დაანახა ბევრი გზა, სადაც ხატვასთან ერთად მრავალი სხვა რამის გაკეთება შეეძლო. თამუნამ ანიმაცია შეისწავლა, თუმცა, საბოლოოდ, საქმიანობა გრაფიკული დიზაინისა და ილუსტრაციის მიმართულებით გააგრძელა ხელოვნების სამყაროში თამუნას მოგზაურობა საკმაოდ მრავალფეროვანი გამოდგა. ანიმაცია, ფოტოგრაფია, ვიდეო, Motion Design, UI/UX დიზაინი, Art Direction, Editorial Design (ჟურნალების მიმართულებით). რადგანაც წერა უყვარდა, ქოფირაითერობაც უცდია, რაც მის ბოლო პროექტშიც გამოიხატა – შეძლო, წერისა და ხატვის სიყვარული გაეერთიანებინა და ყველაზე დასამახსოვრებელი და მნიშვნელოვანი მომენტები შეექმნა. ამჟამად თამუნა უცხოურ კომპანიაში წამყვანი დიზაინერის პოზიციას იკავებს და საკუთარ გუნდთან ერთად მუშაობს. ხანდახან ადამიანებს ჰგონიათ, რომ ხატვა და დიზაინი მარტივი რამეა. არადა, როგორც სხვა ნებისმიერი საქმე, ესეც მოითხოვს მუშაობას, დროს, ჩართულობასა და მოკვლევას. ამიტომ აუცილებლად დააფასეთ თქვენი დრო პროფესია - გრაფიკული დიზაინერი როგორც თამუნა იხსენებს, თავდაპირველად ძალიან დაბნეული იყო მანამ, სანამ გაიგებდა, თუ რას ნიშნავს გრაფიკული დიზაინი. თუმცა ეს მისთვის ეტაპობრივად გამოწვევად იქცა. მისი თქმით, გრაფიკული დიზაინერის ძირითადი ამოცანა ადამიანებისთვის ესთეტიკურად გადამუშავებული ინფორმაციის მიწოდებაა. სწორედ ამიტომ, თამუნას აზრით, ხანდახან კარგი დიზაინი ცუდ პროდუქტსაც კი ყიდის. თუ თან გახლავს ძლიერი სურვილი, რაც შეუძლებელად გეჩვენება, იმის დაძლევაც კი შეგიძლია. გრაფიკული დიზაინერისთვის საჭირო მთავარ უნარად თამუნა მონდომებას მიიჩნევს. მნიშვნელოვანია ნებისყოფის ქონაც – ეს დაგეხმარება ხანდახან ერთი და იგივე მანიპულაცია რამდენჯერმე გაიმეორო, სანამ საუკეთესო შედეგს არ მიაღწევ. გარემოზე დაკვირვება კი ყოველთვის შთაგონების კარგი წყაროა. თამუნა სხვა არაერთ პლატფორმას მიმართავს შემოქმედების პროცესში: Instagram; Artstation – ილუსტრაციისა და ციფრული ხატვის მიმართულებით; Pinterest – აქ ყველაფრის ინსპირაციისა და ესთეტიკის მოძებნა არის შესაძლებელი; It’s Nice that – თანამედროვე ტრენდების გასაცნობად. კარიერული გზა და შესაძლებლობები გრაფიკულ დიზაინს ბევრი მიმართულება აქვს. ეს შეიძლება იყოს ბრენდინგი, ფოტომანიპულაცია, პოლიგრაფიული დიზაინი, პოსტერები, შეფუთვა თუ ტიპოგრაფია. ამიტომ ეს სფერო მრავალ შესაძლებლობებს იძლევა და კარიერული გზაც საკმაოდ საინტერესო და მრავალფეროვანია. თამუნა აღნიშნავს, რომ Commschool-ის კურსი საბაზისო ცოდნას მოიცავს, რის შემდეგაც სტუდენტები მიხვდებიან, თუ რომელი მიმართულებაა მათთვის საინტერესო. წლიდან წლამდე უფრო და უფრო მეტ ადამიანს უჩნდება გრაფიკული დიზაინის სწავლის სურვილი, რაც, ბუნებრივია, რომ კონკურენციას ზრდის. ამას ამძაფრებს ხელოვნური ინტელექტის აქტიურად შემოსვლაც, თუმცა ადამიანური რესურსი ყოველთვის საჭირო იქნება. სწორედ ამიტომ ყველაზე მთავარი რამ საკუთარ თავზე მუშაობა და განვითარებაა, რაც პორტფოლიოში საგრძნობ განსხვავებას იძლევა. გრაფიკული დიზაინის მიმართულება დისტანციური მუშაობის საშუალებასაც მოგცემს. თამუნას შემთხვევაში ეს ერთ-ერთი დიდი სარგებელია. ის სახლიდან მუშაობს და ძალიან მოქნილი გრაფიკი აქვს, რის გამოც მისი სამუშაო დღეები ყველანაირი სტრესის გარეშე გადის და ბევრი თავისუფალი დროც რჩება. ამ დროს ყველაზე მეტად არის პროდუქტიულიც და დროის მენეჯმენტის მხრივაც უკეთესი შედეგები აქვს. გრაფიკული დიზაინი: კურსის შესახებ რაც შეეხება გრაფიკული დიზაინის კურსს, თამუნას თქმით, შეეცდება, რომ სტუდენტებს მისი 10+ წლიანი გამოცდილება და დაგროვებული ცოდნა გაუზიაროს. კურსის გავლა ყველა სტუდენტისთვის გამოწვევა იქნება, განსაკუთრებით მათთვის, ვისაც გადაწყვეტილი აქვს, რომ გრაფიკული დიზაინერი გახდეს. პროგრამა ასევე დააინტერესებს მათ, ვისაც შეხება აქვს სოციალურ მედიასთან და კონტენტთან, ფოტოგრაფებს, სტარტაპებისა ან ბიზნესის მფლობელებს, ვისაც სურს, თავად შეფუთონ საკუთარი პროდუქტი; ან სულაც მათ, ვისაც სურს, საკუთარი შვილის ნახატები ციფრულ პოსტერებად აქციოს.ამასთანავე, თამუნა თავადაც მოელის, რომ სტუდენტებისგან უამრავ რამეს ისწავლის - ბევრ რამეს სხვანაირად შეხედავს და ეს მისთვისაც უდიდესი გამოწვევა იქნება. გრაფიკული დიზაინი 14 ლექცია | 42 საათი | 7 კვირა იხილე კურსი ძალიან ბუნებრივია ტექნიკური პრობლემები, განსაკუთრებით მათთვის, ვინც პირველად იყენებს გრაფიკულ პროგრამებს. შეიძლება ჩამოყალიბებული იდეა გქონდეს, მაგრამ ტექნიკურად თავი ვერ გაართვა. სწორედ ამაში დაგვეხმარება ეს კურსი - ვისწავლოთ გრაფიკული პროგრამების ენა, რათა შემდეგში სხვადასხვა პლატფორმაზე მოძიებული სასწავლო ვიდეოები სრულიად გასაგები იყოს ყველასთვის. თუ შენც დაინტერესდი ამ პროგრამით, გეტყვი, რომ კურსის განმავლობაში ისწავლი Adobe Photoshop-სა და Adobe Illustrator-ის გამოყენებას, დიზაინის ტექნიკურად, სტილისტურად და შინაარსობრივად გამართვას, ბრენდისთვის ვიზუალის შექმნასა და დიზაინ-პროექტების სწორად დაგეგმვა. პრაქტიკაზე დაფუძნებული სწავლების მეთოდი კი მნიშვნელოვანი გამოცდილების დაგროვების საშუალებას მოგცემს. გარდა ამისა, Commschool-სგან კარიერულ მხარდაჭერასაც მიიღებ - ფინალური პროექტის შედეგების მიხედვით საუკეთესო კურსდამთავრებული გარანტირებულ სტაჟირებას გაივლის ერთ-ერთ პარტნიორ კრეატიულ სააგენტოში.ასე რომ, თუ კრეატიულ სამყაროში სამოგზაუროდ მზად ხარ, ეს შესაძლებლობა აუცილებლად უნდა გამოიყენო. შემოგვიერთდი Commschool-ში! გაიგე მეტი კურსის შესახებ

გაიცანი Data-Driven Marketing-ის ლექტორი, გიორგი ბერეჩიკიძე

ციფრულ სივრცეში მომხმარებლის ნებისმიერი ქცევა მონაცემია, მისი სწორად გამოყენების უნარი კი – კონკურენტებზე უპირატესობის მოპოვების უმთავრესი საშუალება. ის გვეხმარება, მივიღოთ ჭკვიანური გადაწყვეტილებები, დაფუძნებული ფაქტებზე და არა ვარაუდებზე.სეგმენტაციის, მომხმარებლის გამოცდილების პერსონალიზაციისა და სტრატეგიების რეალურ დროში გაუმჯობესების გზით, Data-Driven მარკეტინგი არის თანამედროვე მარკეტინგული გზა მეტი გაყიდვისა და მომხმარებელთან უკეთესი ურთიერთობების დასამყარებლად. თუ გსურს ციფრული მარკეტინგის პროფესიონალურ დონეზე ცოდნა, სწორ ადგილას მოხვედი. ამ ბლოგში გაგაცნობ Data-Driven მარკეტინგის ლექტორს - გიორგი ბერეჩიკიძეს, რომელიც გვიზიარებს საკუთარ მრავალწლიან გამოცდილებასა და სფეროს უპირატესობებს. გიორგის 10 წლიანი გამოცდილება აქვს ციფრულ მარკეტინგში, ციფრულ ანალიტიკასა და ციფრული პროექტების მართვაში, ბოლო რამდენიმე წელი აღმასრულებელ პოზიციებზე. მას უმუშავია ციფრული პროდუქტების, ორგანიზაციული დიჯიტალიზაციის და ციფრული მარკეტინგის კონსულტანტად და ტრენერად სხვადასხვა საერთაშორისო ორგანიზაციის პროექტებში, როგორიცაა UNDP BIOFIN, PMCG, EBRD, USAID Zrda activity in Georgia. განათლებით ანალიტიკოსისთვის, ჩემი პირველი სამსახურებრივი გადაკვეთა მარკეტინგთან იყო მარკეტინგის ანალიტიკოსად მუშაობა. Მანდ მივხვდი, რომ ერთი შეხედვით მშრალი და არაფრისმომცემი მონაცემები როგორ შეიძლება გადაიქცეს ძალიან ძლიერ ხელსაწყოდ და მართებული, შედეგზე ორიენტირებული კამპანიების განხორციელების საძირკველი იყოს. 2021 წლიდან გიორგი შეუერთდა ქართული e-commerce სტარტაპის, VELI.store-ის გუნდს, როგორც ციფრული მარკეტინგის ხელმძღვანელი და აქტიურად არის ჩართული კომპანიის ზრდისთვის საჭირო უმნიშვნელოვანეს პროცესებში. ცხადი გახდა, რომ ის, რასაც ვაკეთებ, ძალიან შედეგიანი და სასარგებლოა ორგანიზაციისთვის და ჩემთვის, როგორც ამ საქმის პროფესიონალისთვის. Ამ ყველაფერმა კი მომცა იმის საშუალება, რომ ეს ცოდნა გავაზიარო და დავეხმარო მარკეტერებს, ეფექტურობის ხარჯზე სწორად განავითარონ კომპანია და მისი ზრდა. Data-Driven მაკრეტინგის პროგრამა 14 ლექცია | 42 საათი | 7 კვირა გაიგე მეტი Data-Driven მარკეტინგისთვის მნიშვნელოვანი უნარები: გიორგი გვიზიარებს Data-driven მარკეტინგისთვის მნიშვნელოვან უნარებს:ციფრული მარკეტინგის ფუნქციონირების ცოდნა;ციფრული ხელსაწყოების გამოყენება;მონაცემების დამუშავება, ანალიზი და ინსაითების ამოღება;ტექნიკური ცოდნა;მარკეტინგის ავტომატიზაციის თუ მონაცემთა ვიზუალიზაციის ხელსაწყოებთან მუშაობა;ამ უნარებისა და ტექნიკების ცოდნით კი, მრავალი კარიერული პერსპექტივა არსებობს, რადგან მონაცემებზე დაფუძნებული მარკეტინგი მომავლის საქმე და პოზიციაა. Ამ მიმართულებით თვითგანვითარების შემდეგ შეიძლება გახდე ციფრული მარკეტინგის აღმასრულებელი მენეჯერი, მარკეტინგის ანალიტიკოსი, მარკეტინგის აღმასრულებელი მენეჯერი განსაკუთრებით ისეთ ორგანიზაციებში, სადაც მარკეტინგი კომპანიის ზრდაში წამყვან როლს ასრულებს. Data-driven მარკეტინგის შესწავლისთვის საჭიროა მინიმუმ ფრონტ-ენდის (HTML, CSS, JavaScript) ბაზისის ცოდნა, რომ გაიწეროს ივენტები Google Tag Manager-ში, თუმცა ძალიან დიდი უპირატესობაა, თუ მონაცემების დამუშავების ენებიც იცის მარკეტერმა, ისეთების, როგორიცაა Python ან SQL. https://www.youtube.com/watch?v=pTEwzK1UrhMრაც შეეხება კურსს, გიორგისთვის მთავარი მიზანია სტუდენტებს დაანახოს თუ როგორ შეიძლება გამოიყენონ მონაცემები სწორი გადაწყვეტილებების მისაღებად. ამას კი, ქეისების ინტერაქტიული განხილვითა და სავარჯიშოებით, შეეცდება, სადაც სტუდენტები შეისწავლიან მონაცემებზე დაფუძნებულ მარკეტინგულ სტრატეგიებსა და აქტივობების განხორციელების გზებს.Data Driven მარკეტინგში შენ შეიარაღებული იქნები მონაცემთა ნაკრებით, რომელიც მზად არის მხარი დაუჭიროს თითოეულ არგუმენტს, რომელის დამტკიცებასაც ცდილობ, რაც საფუძველია მტკიცე მარკეტინგული სტრატეგიისთვის. კურსის განმავლობაში შესწავლილი მომხმარებელთა სეგმენტაცია, ატრიბუციის მოდელირება, მარკეტინგის სამოქმედო გეგმა და ბიუჯეტის შემუშავება, სტრატეგიისა და ტაქტიკების შეფასება კი საშუალებას მოგცემს დაუკავშირდე შენთვის იდეალურ სამიზნე ჯგუფს საჭირო დროს, საჭირო შეთავაზებით, რომელიც შეესაბამება მათ ზუსტ სურვილებსა და საჭიროებებს.თითოეული საკითხი, რისი გავლაც კურსის განმავლობაში შეგეძლება, სამ კომპონენტად იქნება დაყოფილი:საკითხის არსი, აქტუალურობა და საჭიროება.კონკრეტული წარმატების თუ წარუმატებლობის ქეისებს, მომხდარის გაანალიზებითა და პროცესის შესწავლით. მიღებული ცოდნის გადატანა დავალებაში, რომელიც უმეტესად იქნება სურვილისამებრ შერჩეულ კომპანიასა თუ ორგანიზაციაზე. იხილე სილაბუსი რეკომენდაციები: Data-driven მარკეტინგის სპეციფიკის უკეთ გასაგებად, კი გიორგი რეკომენდაციას უწევს შემდეგ პლატფორმებს: GrowthHackers Community- ძალიან კარგი, ტექნიკური, შინაარსიანი პლატფორმაა ზრდაზე. Neil Patel არის ძალიან საინტერესო performance მარკეტერი, მისი პოდკასტი სპოტიფაიზე (Marketing School - Digital Marketing and Online Marketing Tips) არის მარტივად მოსანელებელი 5-10 წუთიანი ეპიზოდები, ძალიან ბევრ ციფრულ მარკეტინგის თემას ეხებიან, ისეთს, რომ აუცილებლად იპოვი შენთვის საინტერესოს. Measure What Matters- ძალიან კარგი წიგნი იმაზე, თუ როგორ შეიძლება მართებული მიდგომით და მეთოდოლოგიით შემუშავებული მიზნების დასახვით არათუ მიაღწიო, არამედ გადააჭარბო კიდეც ამ დასახულ მიზნებს.მე კი გეტყვი, რომ თუ გსურს ტექნოლოგიურ პროგრესს ფეხი აუწყო და ციფრული მარკეტინგის ცოდნა პროფესიულ დონეზე აიყვანო, Data-Driven მარკეტინგი არის ის, რასაც ეძებ. ამიტომ, Commschool-ში გელოდებით! შემოგვიერთდი. დარეგისტრირდი

გაიცანი მონაცემთა ანალიტიკის ლექტორი, ნატა ჯავახიშვილი

მონაცემთა ანალიტიკა ნედლი მონაცემების ღირებულ ინფორმაციად გადაქცევის პროცესია. იგი მნიშვნელოვან როლს თამაშობს ბიზნესის ეფექტიანად ფუნქციონირებაში. მონაცემთა მოძიებითა და დამუშავებით ანალიტიკოსი კომპანიებს ეხმარება სტრატეგიული და ოპტიმალური გადაწყვეტილებების მიღებაში.თუ გაინტერესებს, როგორ შეგიძლია დიდი რაოდენობით მონაცემისგან საინტერესო მიგნებების აღმოჩენა, მაშინ ამ ბლოგს გაეცანი. ნატალია ჯავახიშვილი, მონაცემთა ანალიტიკის ლექტორი, უკეთ გაგაცნობს ამ მიმართულებას, საჭირო უნარებსა და პროფესიული განვითარების შესაძლებლობებს. ნატალია Microsoft-ის სერტიფიცირებული Power BI მონაცემთა ანალიტიკოსია, რომელსაც საბანკო სფეროში მუშაობის 7 წლიანი გამოცდილება აქვს. ამ სექტორში მისი კარიერა კრედო ბანკში ბუღალტრის პოზიციიდან დაიწყო, რის შემდეგაც სისტემური მხარდაჭერის ოფიცრად გააგრძელა მუშაობა. მიკრო საფინანსო ორგანიზაციიდან ბანკად ტრანსფორმაციის პროცესში რეპორტინგისა და მონაცემთა საცავის შექმნა გახდა საჭირო. სწორედ ამ განყოფილების ჩამოყალიბების პროცესში ნატალიას სურვილი გაუჩნდა, კარიერა მონაცემთა ანალიტიკაში გაეგრძელებინა. ეს საშუალებას მისცემდა, ყველა საჭირო ხელსაწყოები, მათ შორის, SQL, საფუძვლიანად შეესწავლა. მისი თქმით, მიმზიდველი იყო ისიც, რომ მსგავსი განყოფილება ბანკში იქამდე არ არსებობდა. შესაბამისად, ყველა გამოცდილება, სტრატეგია, სამუშაო პროცესი ნატალიას მონაწილეობით მასთან ერთად ყალიბდებოდა. ბიზნეს გადაწყვეტილებები მონაცემებიდან მიღებულ ინფორმაციას ემყარებოდა, რაც რეალურად იმ დროს სიახლე იყო. მთავარი მამოტივირებელი იყო ის, რომ ბაზარზე ამ პოზიციისადმი მაღალი მოთხოვნა არსებობდა/არსებობს. იგი სხვადასხვა მიმართულებით მუშაობის საშუალებას იძლევა. საქმიანობის სფერო საბანკო სექტორს გასცდა და უკვე ჩვენს ქვეყანაშიც ბევრი მიმართულება იყენებს მონაცემთა ანალიტიკას. მონაცემთა ანალიტიკა SQL / Power BI გაიგე მეტი ნატალიამ მონაცემთა ანალიტიკაში მრავალფეროვანი გამოცდილება დააგროვა. მას უმუშავია რამდენიმე მსხვილ ფინანსურ ინსტიტუტში. სხვადასხვა დროს დაკავებული იყო ისეთი ამოცანების გადაჭრით, როგორებიცაა: ბანკის დღის დახურვის ოპერაციები, ეროვნულ ბანკთან წარსადგენი რეპორტების მომზადება, DWH-ის ასაშენებლად მოსამზადებელი ანალიტიკური სამუშაოები, სხვა ბანკის შეძენის შემდეგ ინფორმაციის მიგრაციისა და რეპორტინგის პროცესის შეუფერხებლად მუშაობის ანალიზის პროცესი. გარდა ამისა, ჩართული იყო მონაცემთა დამუშავებისა და ანალიზის პროცესში მსოფლიოში ისეთ ცნობილ საკონსულტაციო კომპანიის პროექტში, როგორიცაა McKinsey & Company. ამჟამად ის საქართველოს ბანკში მონაცემთა ანალიტიკის განყოფილებაში უფროსი მონაცემთა ანალიტიკოსის პოზიციას იკავებს. მისი საქმიანობა სხვადასხვა წყაროებიდან მონაცემების მოგროვებას, გაწმენდას, დამუშავებას და ამის საფუძველზე პროექტის შესაბამისი მოდელისთვის მიზნობრივი ცვლადების შექმნას მოიცავს. ასევე, მონაცემებიდან მიღებული მიგნებების საფუძველზე პროექტების სრული ანალიტიკური მხარდაჭერა. "ეს პოზიცია საერთაშორისო ბაზარზეც აქტუალურია. იმის გათვალისწინებით, რომ ტექნოლოგიები მუდმივად ვითარდება და იხვეწება, საჭიროა მუდმივად ახალი უნარებისა და ხელსაწყოების სწავლა, რაც ასევე ძალიან საინტერესოა." პროფესია - მონაცემთა ანალიტიკოსი მონაცემთა ანალიტიკოსის ძირითადი ამოცანა პროექტის მიზნებიდან გამომდინარე არის ბიზნეს საჭიროებების სწორად თარგმნა ტექნიკურ ამოცანად. შემდეგი ნაბიჯი უშუალოდ ამ ტექნიკური ამოცანის შესრულებაა. აკერძოდ, წყაროების იდენტიფიცირება, მონაცემების შეგროვება, გასუფთავება, ანალიზის საშუალებით სხვადასხვა მიგნებების და ტრენდების დაჭერა. შემდგომ კი მიღებული შედეგების ეფექტური ვიზუალიზაციის შექმნა და შესაბამისი კომუნიკაცია ჩართულ მხარეებთან. ეს პროფესია რეალურად გადამწყვეტ როლს თამაშობს, თუ როგორ მივიღოთ ინფორმირებული გადაწყვეტილებები ნედლი მონაცემებიდან ბიზნეს სტრატეგიის წარმართვის, პროცესების ოპტიმიზაციისა და ბაზარზე კონკურენტული უპირატესობის მოსაპოვებლად. Previous Next მათი პროფესიის ფარგლებში ანალიტიკოსებს არაერთ საინტერესო და განსხვავებულ პროექტებზე უწევთ მუშაობა. ეს კი მათ საქმიანობას უფრო დინამიკურს და მრავალფეროვანი გამოწვევებით სავსეს ხდის. ნატალიასთვის ერთ-ერთი გამორჩეული ბანკირებს დატვირთულობის პროექტი იყო. მან მონაცემები უამრავი განსხვავებული წყაროდან შეაგროვა, რის გამოც საკმაოდ მძიმე კოდი შეიმუშავეს. ამიტომ გადამწყვეტი მნიშვნელობა ოპტიმალურ წერასა და ტექნიკურად სწორი გადაწყვეტილებების მიღებას ჰქონდა. კოდის ოპტიმიზაციის კუთხით კი დიდი სამუშაო გაწიეს. საბოლოო ჯამში, ტექნიკური თვალსაზრისით საკმაოდ ღირებული ამოცანა აღმოჩნდა. ამჟამად ნატალია ძალიან საინტერესო პროექტზე მუშაობს, რომელიც მიზნად ისახავს პრემიული სეგმენტისთვის პოტენციური კლიენტების მოძიებას როგორც მოდელის, ასევე სხვადასხვა წესების საფუძველზე.მუშაობის პარალელურად აუცილებელია არსებული ცოდნისა და უნარების მუდმივი გაუმჯობესება. ამისთვის ნატალია სხვადასხვა გზას მიმართავს. ესწრება Data Fest-ებს, გაწევრიანებულია LinkedIn-ის დიდ ჯგუფებში, სადაც მონაცემებთან დაკავშირებულ ინფორმაციებს ეცნობა. ამასთან ერთად, სამსახურში ცოდნის გაზიარების სესიებში არის ჩართული, სადაც სხვადასხვა სიახლეებს მეცნიერებთან ერთად აქტიურად განიხილავენ. კარიერული პერსპექტივები მონაცემთა ანალიტიკაში როგორც ნატალია აღნიშნავს, მონაცემთა ანალიტიკოსის პროფესია უაღრესად პერსპექტიულია. სხვადასხვა ინდუსტრიაში მასზე მზარდი მოთხოვნაა. აშშ-ს შრომის სტატისტიკის ბიუროს თანახმად, მონაცემთა ანალიტიკოსის სამუშაო ბაზარი 23%-ით გაიზრდება 2022-დან 2032 წლამდე. ამას კი რამდენიმე ფაქტორი განაპირობებს. ბიზნესის მიერ გენერირებული მონაცემების მზარდი მოცულობისა და სირთულის გამო იზრდება მოთხოვნა კვალიფიციურ პროფესიონალებზე, რომლებსაც შეუძლიათ მათი ანალიზი და მიგნებების აღმოჩენა. ისეთი ინდუსტრიები, როგორებიცაა ფინანსები, ჯანდაცვა, ელექტრონული კომერცია, მარკეტინგი და ტექნოლოგია, გადაწყვეტილების მიღებისა და კონკურენტული უპირატესობის მოსაპოვებლად დიდწილად მონაცემთა ანალიტიკას ეყრდნობა. გარდა ამისა, ბიზნესის მიმდინარე ციფრულმა ტრანსფორმაციამ გამოიწვია მონაცემთა წყაროების და ტექნოლოგიების გამრავლება, რაც უზარმაზარ შესაძლებლობებს უქმნის მონაცემთა ანალიტიკოსებს. კომპანიები მონაცემთა ანალიტიკაში ინვესტიციას ზრდიან, რათა მონაცემებიდან ღირებული მიგნებები მიიღონ და ინოვაციები განახორციელონ. მონაცემების საფუძველზე გადაწყვეტილების მიღებაზე აქცენტი მზარდია. ზომისა თუ სფეროს მიუხედავად, იგი უკვე ყველა ორგანიზაციაში პოპულარულია. მონაცემთა ანალიტიკოსებს კი მონაცემთა დიდი მოცულობის ანალიზისა და რთული პატერნების გამოსავლენად მძლავრ ინსტრუმენტებსა და ტექნიკაზე აქვთ წვდომა. დისტანციური მუშაობისა და ციფრული თანამშრომლობის ინსტრუმენტების ფართო გამოყენებამ მონაცემთა ანალიტიკოსებისთვის სამუშაო შესაძლებლობები გეოგრაფიულ საზღვრებს მიღმა გააფართოვა. პროფესიონალებს შეუძლიათ, დისტანციურად იმუშაონ კომპანიებისთვის, რომლებიც მსოფლიოს ნებისმიერ წერტილში მდებარეობს. ამიტომ, ამ პროფესიაში მრავალფეროვანი კარიერული შესაძლებლობები არსებობს. სპეციალიზებული უნარებისა და სამუშაო ბაზარზე მაღალი მოთხოვნის გამო მონაცემთა ანალიტიკოსები კონკურენტულ ხელფასს ფლობენ. შემოსავალი შესაძლოა გამოცდილების, განათლების, ინდუსტრიისა და გეოგრაფიული მდებარეობის მიხედვით განსხვავდებოდეს.რაც შეეხება საჭირო უნარ-ჩვევებს, ნატალიას აზრით, ტექნიკური უნარების გარდა, გადამწყვეტი მნიშვნელობა პრობლემის გადაჭრის უნარს აქვს. ყოველდღიურ პროცესში დიდ მონაცემებთან მუშაობისას მნიშვნელოვანია, რომ შეძლოს ტრენდების ამოცნობა და მნიშვნელოვანი დასკვნები გამოიტანოს. ანალიტიკოსის პროფესია კარგი ანალიტიკური აზროვნების გარეშე წარმოუდგენელია. მას უნდა შეეძლოს სწორი კითხვების დასმა და ბიზნეს ამოცანის ტექნიკურად თარგმნა. კრიტიკული აზროვნება მნიშვნელოვანია მონაცემების ხარისხისა და დასკვნების მართებულობის შესამოწმებლად. ასევე, მნიშვნელოვანია კომუნიკაციის კარგი უნარიც, რათა საბოლოო დასკვნები და აღმოჩენები გადაწყვეტილებების მიმღებ პირებს სწორად და ეფექტურად გადაეცეს. საჭიროა ადაპტაციის უნარიც, ვინაიდან მონაცემთა ანალიტიკის სფერო დინამიკურია და მუდმივად ვითარდება ახალი ტექნოლოგიები, ინსტრუმენტები და სავსეა გამოწვევებით. მონაცემთა ანალიტიკა: კურსის შესახებ ახლა კი commschool-ის მონაცემთა ანალიტიკის კურსს გაგაცნობ, რომელსაც ნატალია გაუძღვება. ამ პროგრამის ფარგლებში გაეცნობი მონაცემთა ანალიზის სრულ ციკლს, მიიღებ საჭირო თეორიულ ცოდნას და გამომიმუშავებ შესაბამის უნარებს. ისწავლი, თუ როგორ ჩამოაყალიბო ბიზნეს პრობლემა ანალიტიკურ პრობლემად, მოიძიო შესაბამისი მონაცემები, გაწმინდო და დაამუშაო იგი SQL-ის გამოყენებით. ასევე, გაეცნობი შედეგების ვიზუალიზაციას Power BI-ს გამოყენებით, მიღებული მიგნებების კომუნიკაციასა და ანალიტიკაზე დაყრდნობით გადაწყვეტილებების მიღებას.აღნიშნული უნარების გასავითარებლად ნატალია პრაქტიკიდან რეალურ ქეისებს გამოიყენებს. მათზე მსჯელობით კი შეეცდება, სტუდენტებს ყურადღება გაამახვილებინოს დეტალებზე, ანალიტიკურ მსჯელობასა და სწორი კითხვების დასმაზე. ლექცია იქნება ინტერაქციული, კითხვა-პასუხის რეჟიმში, სავსე მაგალითებითა და პრაქტიკული სავარჯიშოებით. ჩემი აზრით, პრაქტიკოსისგან სწავლის მთავარი ღირებულება არის ის, რომ მას რეალურ პრობლემებსა და ქეისებზე მიუწვდება ხელი. წარმოსახვითი კომპანიის გაყიდვების ტრენდების ან პრობლემური ქეისების გარჩევის ნაცვლად, რომლებიც ინტერნეტში ხელმისაწვდომია, ადგილობრივ რეალობაზე მორგებული მაგალითებით კონკრეტული ამოცანის გადაჭრის გზები მათთვის უფრო გასაგები იქნება. შეასე რომ, თუ გსურს, სფეროს პროფესიონალი ლექტორის დახმარებით დაეუფლო ერთ-ერთ მოთხოვნად პროფესიას, ეს შესაძლებლობა აუცილებლად უნდა გამოიყენო. შეისწავლა მონაცემთა ანალიტიკა Commschool-ში! დარეგისტრირდი

გაიცანი მონაცემთა მეცნიერების ლექტორები - გუგა ბურდული, ნიკოლოზ მამისაშვილი, შოთა ელყანიშვილი

მონაცემთა მეცნიერება შეიძლება განვმარტოთ, როგორც მათემატიკის, ბიზნესის, ალგორითმებისა და მანქანური სწავლების (Machine Learning) ტექნიკების ერთობლიობა, რომელიც გვეხმარება, ვიპოვოთ მონაცემებში არსებული კანონზომიერებები და გავაკეთოთ აღმოჩენები, რომელიც ორგანიზაციებისთვის გადაწყვეტილების მიღებას მნიშვნელოვნად გაამარტივებს და ეფექტურს გახდის.თუ ეს სფერო შენთვისაც საინტერესოა და ამ მიმართულებით განვითარებას ფიქრობ, მინდა მონაცემთა მეცნიერების კურსის ლექტორები, შოთა ელყანიშვილი, გუგა ბურდული და ნიკოლოზ მამისაშვილი გაგაცნო, რომლებიც მონაცემთა მეცნიერებაზე გვესაუბრებიან. შოთა ელყანიშვილი თბილისის თავისუფალ უნივერსიტეტში მათემატიკისა და კომპიუტერული მეცნიერების ფაკულტეტზე სწავლობდა, როცა მუშაობა ქართულ Game Development სტარტაპ Happy Bat-ში დაიწყო, სადაც Reinforcement Learning-ის გამოყენებით დიდი PC თამაშისთვის ჭკვიან ბოტს აწყობდა.ამის შემდეგ შოთამ საქართველოს ბანკში მონაცემთა მეცნიერის პოზიციაზე დაიწყო მუშაობა, სადაც მუშაობდა ისეთ პროექტებზე, როგორებიცაა: ქართული ენის მოდელირება, რეკომენდაციის სისტემა და სხვადასხვა გრაფული ოპტიმიზაციები.საქართველოს ბანკში 6 თვიანი მუშაობის შემდეგ კი შოთამ არც მეტი და არც ნაკლები, Microsoft-ში დაიწყო მუშაობა! ვმუშაობდი Microsoft-ის სიეტლის ოფისში bing.com-ის knowledge card-პროექტზე, სადაც ბუნებრივი ენის დამუშავების (NLP) ალგორითმების გამოყენებით ვაანალიზებდი ინტერნეტში არსებულ უამრავ სტატიას და ვაგენერირებდი საინტერესო ფაქტებს ცნობილ ადამიანებზე, ლოკაციებზე, კომპანიებზე და სხვა ხშირად მოძებნად Entity-ებზე შოთას აზრით, მონაცემთა მეცნიერება სწორედ ის პროფესიაა, რომელიც აერთიანებს მათემატიკისა და პროგრამირების სფეროებს და კომპანიებს საშუალებას აძლევს უკეთ შეძლონ მომხმარებელზე პერსონალიზაცია.შოთა გირჩევს, რომ არ შეუშინდე სირთულეებს, რომელიც ამ პროფესიას ახლავს, წაიკითხო მაქსიმალურად ბევრი ინფორმაცია მანქანურ სწავლებაზე და ისწავლო ეფექტური კოდის წერა. დამწყები მონაცემთა მეცნიერი უნდა კონცეტრირდეს ზოგადი უნარჩვევების გაუმჯობესებაზე, მაგრამ კარიერის რაღაც მომენტში უნდა სპეციალიზირდეს. კარგ მონაცემთა მეცნიერს უნდა ჰქონდეს მონაცემების ალღო, რაც გულისხმობს იმას, რომ დომეინს კარგად უნდა იცნობდეს დამატებით გეტყვი, რომ ნოემბრიდან შოთა მუშაობას Microsoft Office 365-ის გუნდში გააგრძელებს მუშაობას! დროა გუგა ბურდული გაგაცნო, რომელმაც ელექტრო და კომპიუტერული ინჟინერიის ფაკულტეტი დაასრულა, მეორად პროფესიად კი პროგრამირება აირჩია.ამის შემდეგ კი გუგამ Fullbright-ის დაფინანსებით სწავლა ფილადელფიაში, Temple University-ში, გამოთვლითი მონაცემთა მეცნიერების (Computational Data Science) სამაგისტრო პროგრამაზე განაგრძო. ფილადელფიაში ყოფნის დროს გამოქვეყნებული აქვს რამდენიმე სტატია სხვადასხვა სამეცნიერო ჟურნალში თემაზე, მათ შორის უკანასკნელი ეხებოდა მის სამაგისტრო თეზისს - “Time management in a chess game through machine learning”გუგა ამჟამად საქათველოს ბანკში მონაცემთა მეცნიერის პოზიციაზე მუშაობს.გუგამ არჩევანი მონაცემთა მეცნიერებაზე მაქსიმალურად მრავალფეროვანი სამუშაო გამოცდილების მიღების მიზნით შეაჩერა: მონაცემთა მეცნიერება ყველაფერშია, შეუძლებელია შენი საქმე რუტინული გახდეს, რადგან ყოველთვის რაღაცის ანალიზი გიწევს. ასევე შესაძლებელია ერთ დღეს სამედიცინო სფეროში მუშაობდე და მეორე დღეს სპორტის ინდუსტრიაში ან ბანკში აღმოჩნდე გუგას აზრით, მონაცემთა მეცნიერება ძალიან წააგავს ისტორიის სწავლას, რადგან როგორც ადამიანები ოდითგანვე ვსწავლობთ ისტორიას, რათა გავაანალიზოთ ის და შეცდომებსა თუ წარმატებებზე ვისწავლოთ, ისე უწყობს მონაცემთა მეცნიერება ციფრულ ეპოქაში პრობლემების აღმოფხვრას ხელს. მონაცემთა მეცნიერება არის ხელსაწყო, რომელიც გვეხმარება გავაანალიზოთ და გავიაზროთ ეს დაგროვებული დატა/ცოდნა. ვისწავლოთ და გავარჩიოთ, რა არის კარგი და ცუდი. გავაანალიზოთ შეცდომები და აღარ გავიმეოროთ ისინი. ასევე გავაანალიზოთ წარმატებები და გამოვიკვლიოთ მიზეზები, რამ გამოიწვია ჩვენი ეს წარმატება. ამ ცოდნაზე დაყრდნობით კი შევქმნათ რაღაც ახალი რადგან კარიერულ განვითარებაზე ორიენტირება წარმატების აუცილებელი პირობაა, გუგა გვიზიარებს იმ მრავალფეროვან შესაძლებლობებს, რომელსაც ეს პროფესია გთავაზობს: ძალიან დიდი რაოდენობის Remote სამსახურებია, სადაც შეგიძლია იმუშაო ნებისმიერი ადგილიდან, მათ შორის სახლიდანაც. ისეთ დიდ კომპანიებშიც კი, როგორებიცაა: GOOGLE, AMAZON, FACEBOOK თუ სხვა აქ ყველაფერი არ მთავრდება, რადგან ჯერ მონაცემთა მეცნიერების კურსის კიდევ ერთი ლექტორი, ნიკოლოზ მამისაშვილი მინდა გაგაცნო.ნიკოლოზი მონაცემთა მეცნიერებით ჯერ კიდევ ბაკალავრზე სწავლისას დაინტერესდა, თუმცა ამ პროფესიის დაუფლება საზღვარგარეთ გადაწყვიტა და ერასმუსის პროგრამით რომის უნივერსიტეტში ჩაირიცხა!საქართველოში დაბრუნების შემდეგ იგი მონაცემთა ანალიტიკოსად ფინანსურ სექტორში, კომპანია "ნოვა"-ში მუშაობდა, შემდეგ კი მუშაობა მონაცემთა მეცნიერად ლიბერთი ბანკში განაგრძო.დღეს ნიკოლოზი მონაცემთა მეცნიერად საქართველოს ბანკში და Caterpillar-ში მუშაობს, რომელიც რეიტინგით fortune 500 ჩამონათვალში 49-ე ადგილს იკავებს.ნიკოლოზი გვიზიარებს,რომ მონაცემთა მეცნიერება ყველა დარგში ეტაპობრივად იკიდებს ფეხს: კომერციულად ერთ-ერთი ყველაზე მომგებიანია მონაცემთა მეცნიერების რეკლამების განთავსებაში (ad placing) გამოყენება. მონაცემთა მეცნიერები მანქანური სწავლების გამოყენებით აგებენ სარეკომენდაციო სისტემებს, რომლებსაც შეუძლიათ მიზნობრივი აუდიტორიის ავტომატურად შერჩევა და შესაბამისი რეკლამის ყველაზე ეფექტურად შეთავაზება. ამის მაგალითია Google Ads და მისი გამოყენება, მაგალითად, Youtube-ში რეკლამების განსათავსებლად როგორც იცი, მონაცემთა მეცნიერება ნამდვილად საჭიროებს განსაკუთრებულ მონდომებას, ამიტომ ნიკოლოზი გირჩევს, რომ იქონიო მათემატიკის, კოდის წერისა და კითხვების დასმის უნარი. მთავარი ბარიერი ამ პროფესიის შესწავლისას არის კოდის წერის უნარები. კარიერის დასაწყისში მიფიქრია, რომ კოდის წერას საერთოდ ვერ შევძლებდი და უნდა დამენებებინა თავი მონაცემთა მეცნიერების სწავლისთვის, მაგრამ საკმარისია სულ რაღაც რამდენიმე კვირა გავუძლოთ ამ შეგრძნებას და ეს უნარი თითქოს ბუნებრივად, თავისით პოულობს ჩვენში ადგილს აირჩიე მონაცემთა მეცნიერება დარწმუნებული ვარ, ჩვენი ლექტორების წარმატების ისტორიების გაცნობის შემდეგ საკმარისი მოტივაციით შეიარაღდი, ამიტომ, თუ ფიქრობ, რომ მონაცემთა მეცნიერება სწორედ ის პროფესიაა, რომელიც გაინტერესებს, დროა Data Science-ის კურსზე შემოგვიერთდე, რომელსაც 16 ნოემბერს ვიწყებთ! გაიგე მეტი DATA SCIENCE-ის კურსის შესახებ

"ბრენდინგი არის პროცესი იმის აღმოჩენისა, თუ რა არის ადამიანურობა" - გაიცანი უჩა ურუშაძე, SENSE OF BRANDING-ის ლექტორი

უჩა ურუშაძე Commschool-ში “Sense of Branding”-ის ქრეშ-კურსს წაიყვანს. უჩა ფილოსოფოსია, რომელიც ქმნის ბრენდებს, დანარჩენზე კი ბლოგში თავად მოგვიყვება:"ჩემი კომპეტენციის სფეროებია სტრატეგიული ბრენდინგი და მარკეტინგული კომუნიკაციების სტრატეგია. პირველი გულისხმობს ბრენდების მარკეტინგული კონცეფციების შექმნასა და მათი სამოქმედო გეგმების დასახვას, ხოლო მეორე - კომერციული ინტერესით მოტივირებული მხარის მიერ საზოგადოების კონკრეტული ჯგუფებისადმი ხმის მიწვდენის ტექნოლოგიას" - ამბობს უჩა.თუ წელს Spotlight-ზე არ ყოფილხარ, მაშინ მინდა ერთი საინტერესო კითხვა დაგისვა უჩას გამოსვლიდან - "თაფლი ბოსტნეულია?". უცნაურად ჟღერს არა? უჩას თქმით სწორედ ასე იწყება ბრენდინგი "რაც არ ვიცით, სწორედ იმისგან შეიძლება მაგარი ბრენდის გაკეთება “ ფოტო - რეზი ყენია უჩა 2014 წლიდან HOLMES&WATSON-ში სტრატეგიებს უძღვება, სადაც მან სხვადასხვა ისეთი წარმატებული პროექტი განახორციელა, როგორებიცაა “თიბისი”-ს ბრენდის სტრატეგია და სარეკლამო კამპანიები „გამარჯობა“ და „შენ“, ასევე – “თიბისი დაზღვევის” კამპანია - “შეცდომები მოსულა”. და მაინც, რა არის ბრენდინგი? - უჩა განმარტავს:"ბრენდინგი არის პროცესი იმის აღმოჩენისა, თუ რა არის ადამიანურობა. კარგია ბრენდი, რომელიც ცდილობს შემოაღწიოს ჩემს სამყაროში - მე უნდა ვგრძნობდე, რომ ბრენდი ცდილობს გამიგოს." ხოლო ვინ არის სტრატეგი, უჩა ამბობს:"რამდენადაც, მეტ-ნაკლებად, ყველა ადამიანს აქვს წარმოსახვისა და კომუნიკაციის უნარი, ხალხს მიაჩნია, რომ რასაც გააკეთებს ან იტყვის, ყველასათვის მისაღები და გასაგები იქნება. სტრატეგი არის პროფესიონალი, რომელიც აუდიტორიის თვალით და ყურით აღიქვამს კონკრეტულ მოქმედებას თუ განაცხადს. ის განსაზღვრავს, თუ რა იქნებოდა საზოგადოდ საინტერესო, ორიგინალური და რელევანტური და არა - უბრალოდ, რა მოუხდებოდა, მაგალითად, რომელიმე ბრენდს". როგორც ვთქვით, უჩას არაერთ პროექტზე უმუშავია, რომელთაგან თავად რამდენიმეს გამოარჩევს:"პირველი ყველაზე შთამბეჭდავი პროექტი იყო ‘თელია სონერას’ მიერ ‘ჯეოსელის’ რებრენდინგის შედეგად მისი ლოკალიზაციის პლატფორმის შექმნა და მასთან დაკავშირებული ხანგრძლივი საკომუნიკაციო აქტივობის შთაგონება. რეალურად, ‘ჯეოსელი’ იყო პირველი გამბედავი ბრენდი, რომელმაც დაარღვია ჩვენთვის ჩვეული მეტყველების წესი. ამას მოჰყვა კიდევ უფრო გამბედავი ‘თიბისი’, რომელმაც უკვე პარადიგმატულად შეცვალა ბრენდის მხრიდან ადამიანისადმი დამოკიდებულების დამკვიდრებული კულტურა. ასევე საინტერესო იყო ‘ელიტ ელექტრონიქსთან’ და ‘ნიკორასთან’ ურთიერთობა, თუმცა, ვფიქრობ, მათთან მეტის გაკეთებაც შეიძლებოდა. ფორმალურად, მეამაყება, რომ ‘სილქნეტის’ ბრენდის კონცეფცია თავის დროზე ჩემი შექმნილია. არ შემიძლია, არ ვახსენო შინაარსობრივად ჩემთვის ყველაზე საინტერესო - ‘სულაკაურის გამომცემლობა’, რომლისადმი სიყვარულის გამო, მზად ვარ, წიგნებში გავუცვალო გამოცდილება". უჩა თვლის, რომ ქრეშ-კურსის ფარგლებში სტუდენტების მაქსიმალურ დაბუსტვაზე იქნება ორიენტირებული, თანაც მინიმალურ დროში:"რადგან ჩვენს ქვეყანაში ხალხს, ზოგადად, ეზარება წერა-კითხვა, ამ მოცემულობის გათვალისწინებით, აუცილებლად მიმაჩნია, ისეთი პროფესიულ-საგანმანათლებლო ღონისძიების ორგანიზება, სადაც მათ არაფრის წაკითხვა არ მოუწევთ და მაინც შეიძენენ სიღრმისეულ წარმოდგენას იმაზე, თუ მართლა, რა არის ბრენდი და რა შესაძლებლობები აქვს მას. ამას გარდა, იქვე შეძლებენ, გაგებულის გათავისებას და საბოლოო ჯამში, ჩამოუყალიბდებათ, ამ სიტყვის პირდაპირი მნიშვნელობით, ბრენდინგის განცდა. როგორც იტყვიან, ვიღაცა დაგიღეჭავს, თავში ჩაგიდებს და სადაც გაგიხარდება, იქ გამოიყენებ". უჩას თქმით, ბრენდინგის სფეროში განვითარებისთვის და ბრენდის წარმატებულად მართვისთვის მთავარი თვისება რადიკალურობაა და არამარტო:"ადამიანისთვის, რომელიც ბრენდის მართვას აპირებს, უპირველეს ყოვლისა, მიუღებელი უნდა იყოს ნებისმიერი ტრადიცია. ის უნდა იყოს რადიკალური, სულსწრაფი და ცოტა არანორმალურიც. ეს თვისებები შეძენადია". Sense of Branding: კურსის შესახებ Sense of Branding-ის ქრეშ-კურსი 18 მარტს იწყება და ჩატარდება შაბათ-კვირას, 18-19 + 25-26 რიცხვებში. კურსი ოთხ შეხვედრას მოიცავს და თითოეული მათგანი ხუთსაათიანია. უჩა ამ ოთხი შეხვედრის განმავლობაში სიღრმისეულად განიხილავს ბრენდინგს ოთხი მიმართულებით, როგორიცაა: ბრენდისა და პროდუქტის/სერვისის/კომპანიის თვისობრივი განსხვავება, ბრენდის ჰუმანიზაცია, ბრენდის კომუნიკაცია და ბრენდის ინოვაცია. კურსზე სწავლისთვის კი მარკეტინგის საფუძვლებზე ზოგადი წარმოდგენაც საკმარისია.https://youtu.be/kRW0EEwZjhg მაშ ასე, თუ შენც გაინტერესებს Sense of Branding, გაითვალისწინე, რომ პროგრამაზე ადგილები ლიმიტირებულია, რეგისტრაცია კი უკვე დაიწყო. ქრეშ-კურსზე ჩარიცხვა

გაიცანი INTRODUCTION TO PROGRAMMING-ის ლექტორი არტურ ზახარიანი

ტექნოლოგიების ეპოქაში, როდესაც ციფრული პროდუქტების შექმნის საჭიროება განსაკუთრებით იზრდება, პროგრამული უზრუნველყოფა უფრო და უფრო საჭირო ხდება, მაგალითად დეველოპერის პოზიციაზე გამოცხადებული ვაკანსიის წილი საქართველოში 66%-ია, ხოლო Back-End დეველოპერის საშუალო თვიური ანაზღაურება 3500 ლარს უტოლდება.თუ შენც ფიქრობ პროგრამირების 0-დან შესწავლას, მაშინ მინდა Introduction to Programming-ის ლექტორი, არტურ ზახარიანი გაგაცნო. დამწყები დეველოპერებისთვის საკმარისია მონდომება, შრომისმოყვარეობა და ინტერესი სფეროსადმი, დანარჩენ უნარებს კი დროთა განმავლობაში პრაქტიკაში გამოიმუშავებს არტურს WEB Development-ში 5 წლიანი გამოცდილება აქვს, ამჟამად კი იგი DataArt-ის .Net დეველოპერის პოზიციას იკავებს. მოცემული პერიოდის განმავლობაში კი უმუშავია როგორც ადგილობრივ, ისე საერთაშორისო პროექტებზე. ასევე, უთანამშრომლია TBC Pay-სა და Credo Bank-თან. არტურის გამოცდილება მოიცავს საბანკო-საფინანსო, სადაზღვევო და ERP და სხვა აპლიკაციების შექმნას. არტური გვიზიარებს მიზეზებს, თუ რატომ აირჩია პროგრამირება პროფესიად და რა მნიშვნელოვანი უნარ-ჩვევების გამომუშავება შეძლო სწავლის პროცესში: "სულ მიზიდავდა კომპლექსურ ამოცანებზე მუშაობა და მინდოდა ჩემი საქმიანობაც დაკავშირებული ყოფილიყო რთული და საინტერესო ამოცანების გადაჭრასთან, ამიტომ გადავწყვიტე პროგრამირება მესწავლა." არტური ყველა დამწყებ პროგრამისტს ურჩევს, რომ არ შეუშინდნენ კომპლექსურ ამოცანებს, რადგან მიუხედავად სირთულისა, ამოცანები იქნება მრავალფეროვანი და საინტერესო. ასევე სტუდენტებს ურჩევს, რომ იყვნენ მუდმივად განვითარებაზე ორიენტირებული, რათა შეძლონ კარიერული განვითარება. საწყის ეტაპზე მთავარია არ შეუშინდე დაბრკოლებებს და ამ დაბრკოლებების გამო არ შეეშვა პროგრამირების შესწავლას რაც შეეხება კარიერულ განვითარებას, შეიძლება ითქვას, რომ 2022 წელი ტექნოლოგიების წელია, შესაბამისად მოთხოვნა აპლიკაციებსა და ვებ-საიტებზე დღითიდღე იზრდება. ამასთანავე არტური გვეუბნება, რომ მსოფლიო ბაზარზე არაერთი უცხოური კომპანია ინტერესდება საქართველოში მცხოვრები დეველოპერებით, რაც ხსნის გზას საერთაშორისო კომპანიებში მუშაობის გამოცდილებისკენ.https://www.youtube.com/watch?v=7fsXgyIlwKU&t=5s Introduction to Programming: კურსის შესახებ თუ ეს სფერო შენთვისაც საინტერესო და გინდა პროგრამირება 0-დან ისწავლო პროგრამირება და Back-end Development C# ბაზაზე, მაშინ გეტყვი, რომ Introduction to Programming-ის კურსის დასრულების შემდეგ შეგეძლება:კომპიუტერული მეცნიერების თეორიის პრაქტიკაში გამოყენება Software Development-ის საფუძვლების პრაქტიკაში გამოყენება C# -ის როგორც პროგრამირების ენის დამოუკიდებლად გამოყენება პატარა და საშუალო ზომის აპლიკაციების დამოუკიდებლად შექმნა .Net 5 -ზე მონაცემთა ბაზებთან დამოუკიდებლად მუშაობა Microsoft Visual Studio-ს გამოყენება Microsoft SQL Server-ის გამოყენება WEB API-ს შექმნა და მასთან მუშაობა აპლიკაციის შემუშავებისას საუკეთესო მიდგომების და სტანდარტების არჩევა მანამდე გაეცანი Introduction to Programming-ის კურსდამთავრებულების შეფასებებს: კურსის განმავლობაში მიღებულ ცოდნას ფინალურ პროექტში მოეყარა თავი. ფინალური პროექტისთვის მუშაობა ჩემთვის იმდენივეს მომცემი აღმოჩნდა, რამდენსაც რეალურ პროექტზე მუშაობა მომცემდა. ბექა კავლელაშვილიJunior .Net Developer at SoftChef შევისწავლე SOLID პრინციპები, MS SQL, JWT და CQRS Design Pattern-ი MediatR-ის გამოყენება. ლექტორი პრაქტიკული მაგალითების გაზიარებით გვაძლევდა საშუალებას უფრო სიღრმისეულად შეგვესწავლა პროგრამირების საფუძვლები. გოჩა დარჯანიაJunior Developer at BDO პროგრამირების სწავლა მართლაც 0-დან დავიწყეთ. მართალია, რთული და ყოვლისმომცველი იყო მასალა, მაგრამ ლექტორთან ერთად ყველაფერი გვიმარტივდებოდა. მიშო ჯაფარიძეJunior Developer at TBC Insurance Previous Next ამდენად, თუკი Introduction to Programming-ის შესწავლა შენთვის საინტერესო ჩანს და ამ მიმართულებით ახალი ცოდნისა და გამოცდილების შეძენა გსურს, შემოგვიერთდი, კურსი 22 აპრილს იწყება! შემოიტანე განაცხადი

გაიცანი Intro to Front-End Development-ის ლექტორი - გიორგი აფხაძე

კომპიუტერული მეცნიერებებისა და ტექნოლოგიების ეპოქაში Front-end Development ერთ-ერთი ყველაზე საინტერესო და მოთხოვნადი პროფესიაა, რადგან ის აკავშირებს ანალიტიკურ და ტექნიკურ უნარებს შემოქმედებით ხელოვნებასთან, დიზაინთან. მისი სრულფასოვნად დაუფლებისთვის კი კარგი მენტორი გჭირდება. ამიტომ ამ ბლოგში მინდა Intro to Front-End Development-ის პროგრამის ლექტორი, გიორგი აფხაძე გაგაცნო. გიორგი უკვე 5 წელია ამ სფეროში საქმიანობს. ამ დროის განმავლობაში ის მუშაობდა ისეთი ტიპის პროექტებზე, როგორიცაა Enterprise Resource Planning (ERP), Learning Management System (LMS), Gambling, Crypto trading E-Commerce. ამჟამად იგი ჩეხურ კომპანია Digi Soul-ში მუშაობს Senior React Developer-ის პოზიციაზე. ალბათ საკმაოდ საინტერესო და უცნაური გზა გავიარე იმისთვის, რომ აქ მოვსულიყავი. ვიმუშავე როგორც Front-end, ასევე Back-end მიმართულებით, ბოლოს კი იქ აღმოვჩნდი, სადაც თავს ყველაზე კარგად ვგრძნობ. გიორგი მზად არის საკუთარი ცოდნა და გამოცდილება სტუდენტებს გაუზიაროს კურსის ფარგლებში. Intro to Front-end Development-ის კურსის გავლის შემდეგ შეგეძლება: ისეთი ტექნოლოგიების გამოყენება, როგორებიცაა HTML, CSS და Javascriptვებ-გვერდის აწყობა bootstrap-ის დახმარებითVisual Studio Code-ის გამოყენებაFramework-ების გარჩევა, შესწავლაასევე შეძლებ გაეცნო ახალი ტექნოლოგიებს, რაც უკეთ დაგეხმარება საკუთარი თავის რეალიზებაში.გიორგის თქმით, თანამედროვე ქართულ ბაზარზე ვებ დეველოპმენტზე მოთხოვნა მუდმივად იზრდება, კომპანიებს სჭირდებათ გამოცდილი, კვალიფიციური კადრები. კურსის გავლის შემდგომ მიღებული ცოდნა და გამოცდილება მუდმივი განვითარების შესაძლებლობას იძლევა, რადგან უსასრულოა თავად სფეროს მრავალფეროვნება. ქართული ბაზარი უცნაურად გაიზარდა ამ ბოლო პერიოდში Front-end-ის მიმართულებით და თითქმის ყველა დიდ კომპანიას მუდმივად აქვს გამოცხადებული სტაჟირება დამეთანხმებით, ყველა კომპანიას სჭირდება გამართული ვებ-გვერდი. ამ პროცესში კი დეველოპერის ჩართულობა აუცილებელია. გიორგი ასევე გვესაუბრა უშუალოდ დამწყებ Front-end დეველოპერების კარიერულ პოტენციალზეც: პოტენციალი უსაზღვროა. კომპანიები ეძებენ ფრონტ ენდ დეველოპერებს. მუდმივად განახლებადი სტაჟირებებია როგორც საქართველოში, ისე უცხოეთში. კარიერული გზა კი საკმაოდ დიდია, ასევე დიდია არჩევანი Framework-ის არჩევისას. ამ ეტაპზე 3 მთავარი Framework-ია აქტუალური: React - Angular - Vue კითხვაზე, თუ რა თვისებებია საჭირო დამწყები დეველოპერისთვის, გიორგი გამოყოფს კომუნიკაციისა და გუნდური მუშაობის უნარს, თავდაჯერებულობასა და დროის სწორ მენეჯმენტს, რადგან აღნიშნული სფერო გარკვეულ ძალისხმევასა და შრომას მოითხოვს. ცოტა რთული გზაა გასავლელი და არ შეგეშინდეს, არ მოგერიდოს კითხვების დასმა. ყველასგან შეგიძლია რაღაცის სწავლა და რაც მთავარია, თუ ერთმა კომპანიამ უარი გითხრათ ან ათმა, არ მიაქციოთ ყურადღება და არ გაჩერდეთ, პირიქით, უკუკავშირი მოითხოვეთ, რომ თქვენს შეცდომებზე ისწავლოთ. ამდენად, თუ Intro to Front-end Development-ის შესწავლა შენთვის საინტერესო ჩანს და ამ მიმართულებით ახალი ცოდნისა და გამოცდილების შეძენა გსურს, გადადგი პირველი ნაბიჯები და შემოგვიერთდი, Intro to Front-end Development-ის კურსზე! იხილე კურსის სილაბუსი

გაუზიარე გამოცდილება სტუდენტებს