ძველ ვერსიაზე გადასასვლელად დააჭირე აქ

IT ბიზნეს ანალიტიკა: სოფიო გვიმრაძე

blog-detail-img

ბიზნეს ანალიტიკოსი კომპანიებს მომხმარებლების უკეთ გაცნობაში ეხმარება. მონაცემების მოპოვებით, ანალიზითა და ბიზნეს მოთხოვნების განსაზღვრით, ის ხელს უწყობს სწორ გადაწყვეტილებებსა და ეფექტური სტრატეგიების შემუშავებას, რაც ბიზნესის წარმატებისთვის კრიტიკულია.

ციფრული პროდუქტების ზრდასთან ერთად, IT ბიზნეს ანალიტიკოსის როლიც სულ უფრო მნიშვნელოვანია. თუ გაინტერესებს ტექნოლოგიური სფერო და გსურს, ანალიტიკის მიმართულებით ჩაერთო IT პროექტების მართვაში, ეს ბლოგი შენთვისაა. სოფიო გვიმრაძე, IT Business Analysis-ის კურსდამთავრებული, თავის გამოცდილებას გვიზიარებს.

სოფიო გვიმრაძე პროფესიით მათემატიკოსია, სპეციალიზირებულია მათემატიკურ მოდელირებაში და 20 წელზე მეტია საჯარო სექტორში მუშაობს. ბოლო სამი წლის განმავლობაში მისი საქმიანობა ერთ-ერთი დიდი ინფორმაციული სისტემის ანალიტიკას უკავშირდება. გუნდს სისტემის საკანონმდებლო და სამუშაო პროცესების ღრმა ცოდნის გამო შეუერთდა. ამიტომ, საჭიროდ ჩათვალა, ბიზნეს ანალიტიკა არა მხოლოდ პრაქტიკულად, არამედ თეორიული საფუძვლებითაც შეესწავლა მენტორის დახმარებით.

სოფიომ ინტერნეტში შესაბამისი კურსების ძიება დაიწყო და საბოლოოდ, კურსდამთავრებულთა რეკომენდაციის საფუძველზე, რამდენიმე სასწავლო ცენტრს შორის არჩევანი Commschool-ზე შეაჩერა. პროგრამისგან დიდი მოლოდინები ჰქონდა, რომლებიც სრულად გამართლდა:

"ჩემი მიზანი IT ბიზნეს ანალიტიკის მიმართულებით აკადემიური ცოდნის მიღება იყო. კურსის დასრულების შემდეგ ჩემი საქმიანობა სრულყოფილი გახდა და, რაც მთავარია, თავდაჯერებულობა შევიძინე. მიღებული ცოდნისა და გამოცდილების გამოყენებით ვაპირებ საქმიანობის გაგრძელებას და ნასწავლი მეთოდებისა და წესების დანერგვას ჩემს სამუშაო პროცესში."

რას მოიცავს IT ბიზნეს ანალიტიკის კურსი?

სოფიოს აზრით, IT ბიზნეს ანალიტიკოსის როლი ციფრული პროდუქტების შექმნის პროცესში ერთ-ერთი უმნიშვნელოვანესი და საპასუხისმგებლოა. ის ჯერ ბაზრის მოთხოვნებსა და საჭიროებებს იკვლევს, არსებული სიტუაციის ანალიზს ახორციელებს და მონაცემებს ამუშავებს. სწორედ ამის შემდეგ იწყება ციფრული პროდუქტის შექმნა. მისი წარმატებისთვის კი სწორი და ეფექტური ანალიზი კრიტიკულად მნიშვნელოვანია.

პროგრამის განმავლობაში შეიძენ ყველა საჭირო ცოდნასა და უნარს, რაც IT ბიზნეს ანალიტიკოსის წარმატებული კარიერისთვის აუცილებელია. ისწავლი, როგორ უზრუნველყო ეფექტური კომუნიკაცია ბიზნეს სფეროსა და პროექტის კრიტიკულ მოთამაშეებს შორის.

✅ პრაქტიკული სავარჯიშოებით გაეცნობი სამუშაოს ფარგლების განსაზღვრას
✅ დაეუფლები მოთხოვნების შეგროვების ტექნიკებსა და მიდგომებს, რომლებიც სხვადასხვა პროექტსა და აუდიტორიაზე იმუშავებს
✅ გაიგებ, როგორ განსაზღვრო და მართო კლიენტებისა და დაინტერესებული მხარეების უნიკალური საჭიროებები
✅ შეისწავლი მოთხოვნების შექმნის, დოკუმენტირების, კომუნიკაციისა და მართვის თითოეულ ეტაპს

IT ბიზნეს ანალიტიკის კურსი

Miro, Jira, Agile, Scrum
გაიგე მეტი

შეძენილი უნარებიდან განსაკუთრებით თავდაჯერებულობას გამოვყოფდი. ჩემთვის მნიშვნელოვანია, რომ ვიცოდე, ჩემი სამუშაოს წარმართვის მეთოდები და მიღებული გადაწყვეტილებები ანალიტიკოსის პროფესიულ სტანდარტებს შეესაბამება. ეს მაძლევს გამბედაობას და მოტივაციას გავაგრძელო განვითარება ამ სფეროში.

IT ბიზნეს ანალიტიკა - ფინალური პროექტი

IT ბიზნეს ანალიტიკის კურსი პრაქტიკულ სწავლებაზეა დაფუძნებული, რაც სტუდენტებს რეალურ სამუშაო პროცესთან ახლოს მყოფ გამოცდილებას აძლევს. პროგრამის განმავლობაში ისინი არაერთ პრაქტიკულ სავარჯიშოს ასრულებენ, ხოლო ინდივიდუალური პროექტი მიღებული ცოდნის შეჯამებას წარმოადგენს.

სოფიოსთვის ფინალური გამოცდა იყო საინტერესო გამოწვევა, რომელიც კურსის ყველა საკვანძო საკითხს მოიცავდა. პროექტი საკმაოდ მასშტაბური და სერიოზული დავალება აღმოჩნდა, თუმცა ლექციებზე მიღებული უკუკავშირის დახმარებით მან წარმატებით განახორციელა. ეს გამოცდილება კიდევ ერთხელ დაადასტურა, რამდენად მნიშვნელოვანია პრაქტიკა და სწორი ხელმძღვანელობა IT ბიზნეს ანალიტიკაში.

კურსის დასრულების შემდეგ უკვე კრიტიკულად ვაფასებ შესრულებულ და მიმდინარე პროცესებს. უკეთ ვხედავ დაშვებულ შეცდომებს და შეძენილ ცოდნას ვიყენებ მათი გამოსწორებისა და ახალი პროექტების უფრო პროფესიონალურად მართვისთვის.

სოფიო ურჩევს ამ პროფესიით დაინტერესებულებს, რომ გაიარონ კურსი, რადგან იგი საინტერესო და სტრუქტურირებულად შემუშავებული ლექციების მეშვეობით სრულყოფილ თეორიულ ცოდნას და პრაქტიკულ გამოცდილებას უზრუნველყოფს. მისი აზრით, საქმიანობაში არის მნიშვნელოვანი საკითხები და მცირე ნიუანსები, რომლებიც საუკეთესოა პრაქტიკოსი ლექტორის დახმარებით შეისწავლო.

ასე რომ, გამოიყენე ეს შესაძლებლობა, შეისწავლე ერთი ყველაზე მოთხოვნადი პროფესია და გახდი IT ბიზნეს ანალიტიკოსი. შემოგვიერთდი Commschool-ში და განივითარე უნარები, რომლებიც კარიერულ ზრდაში დაგეხმარება! 

გაუზიარე მეგობრებს
რელევანტური ბლოგები

რელევანტური ბლოგები

შესაძლოა გაინტერესებდეს

საშუალო
1350₾
[Tech] რეკრუტირება
ტექ. ტალანტებზე მოთხოვნა ასეთი მაღალი არასდროს ყოფილა, რაც თავისმხრივ ართულებს კომპანიების მიერ საუკეთესო ადამიანური რესურსების მოძიებას და მოზიდვას.  ამგვარ კონკურენტულ გარემოში, რეკრუტერებს სჭირდებათ არამარტო ტექ. ინდუსტრიის სიღრმისეული აღქმა, არამედ პრაქტიკული ექსპერტიზა, თუ როგორ იპოვონ, დააონბორდინგონ (Onboarding) და შეინარჩუნონ A+ ტექ პროფესიონალები. კურსი დატვირთულია პრაქტიკული სამუშაოებით და შედგენილია მიმდინარე ტრენდების, პლატფორმების, კვალიფიკაციების დეტალურად აღსაქმელად - ეს არის ტექნოლოგიურ სივრცეში ადამიანური რესურსების რეკრუტინგის მინი MBA. შესაბამისად, კურსის განმავლობაში სტუდენტები შეისწავლიან [Tech] რეკრუტინგის 360 გრადუსიან, სრულ პროცესს.
14 ლექცია
42 საათი
დამწყები
1050₾
AI პრაქტიკაში
ხელოვნური ინტელექტი თანამედროვე მენეჯერის განუყოფელი ნაწილი გახდა. შესაბამისად, რაც უფრო მეტად გვესმის რა ენაზე და როგორ ვესაუბროთ ხელოვნურ ინტელექტს მით უფრო მარტივია მისი ყოველდღიურობაში ინტეგრირება. რაც მთავარია, ხელოვნური ინტელექტის საშუალებით შესაძლებელია დროის ეფექტურად გამოყენება და რუტინული საქმეების თავიდან არიდება. ლექციების განმავლობაში დეტალურად შევისწავლით ისეთი პოპულარული AI სისტემების გამოყენებას, როგორიცაა ChatGPT, Claude.ai, და Gemini. პრაქტიკულ დავალებასა და ფინალურ ნაშრომზე მუშაობა კი დაგვეხმარება სიღრმისეული ცოდნა მივიღოთ AI ხელსაწყოების გამოყენებასა და მათ საკუთარ  ნებაზე “მოთვინიერებაში”.
6 ლექცია
18 საათი
დამწყები
1500₾
IT ბიზნეს ანალიტიკა
ციფრული პროდუქტების შექმნაში IT ბიზნეს ანალიტიკოსის როლი ერთ-ერთი უმნიშვნელოვანესია. ბიზნეს ანალიტიკოსი განსაზღვრავს და აღწერს ბიზნეს მოთხოვნებს – როგორ უნდა იფუნქციონიროს სისტემამ ან/და პროდუქტმა. ის აანალიზებს პროდუქტის დღევანდელ მდგომარეობას, განსაზღვრავს მის მომავალ განვითარებას, თითოეულ ბიზნეს მოთხოვნას თარგმნის ტექნიკური გუნდისთვის და აკონტროლებს მათ სრულ შესრულებამდე.  კურსის განმავლობაში თქვენ გაეცნობით ბიზნეს ანალიტიკოსის (BA) როლსა და პასუხისმგებლობებს – ეფექტურ კომუნიკაციას ყველა ბიზნეს სფეროს და პროექტის კრიტიკულ მოთამაშეს შორის. პრაქტიკული სავარჯიშოების საშუალებით თქვენ ისწავლით სამუშაოს ფარგლების განსაზღვრას და დაეუფლეთ მოთხოვნების შეგროვების განსხვავებულ ტექნიკებსა და მიდგომებს, რომელიც იმუშავებს სხვადასხვა პროექტისა და აუდიტორიისთვის. განსაზღვრავთ კლიენტების, დაინტერესებული მხარეებისა და IT დეპარტამენტის უნიკალურ საჭიროებებს, მოთხოვნების შექმნის, დოკუმენტირების, კომუნიკაციისა და მართვის თითოეულ ეტაპზე.
14 ლექცია
42 საათი

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დაწყება