კონტენტ მარკეტინგის კურსის ლექტორი, ირინა ბერიაშვილი პროფესიისა და გამოცდილების შესახებ
დღეს ერთგული მომხმარებლების მოზიდვის ერთ-ერთი საუკეთესო გზა კონტენტ მარკეტინგია. კონტენტი არის ყველაფერი ის, რასაც ციფრული არხების დახმარებით ადამიანებს აწვდი. გარდა ინფორმირებისა, მისი მიზანია მომხმარებლებში ემოციების აღძვრა, დაინტერესება და მათ საჭიროებებზე პასუხის გაცემა.
თუ უფრო დეტალურად გაინტერესებს, როგორ შეგიძლია მარკეტინგული ამოცანების შემოქმედებითად გადაჭრა, ამ ბლოგს გაეცანი. ირინა ბერიაშვილი, კონტენტ მარკეტინგის კურსის ლექტორი მოგიყვება როგორია კონტენტის შექმნისა და მართვის შიდა სამზარეულო.
ირინას კონტენტ მარკეტინგის სფეროში მრავალწლიანი გამოცდილება აქვს. მან კონტენტის შექმნა თავდაპირველად ძალიან მცირე ბიზნესისთვის დაიწყო, რის შემდეგაც კრეატიულ სააგენტო Redberry-ში აღმოჩნდა. სწორედ Redberry-ში გაიღრმავა ცოდნა და შეიძინა უამრავი უნარი იმისთვის, რომ კონტენტ კრეატორობა საბოლოოდ მის სრულფასოვან პროფესიად ქცეულიყო. Redberry-ში გატარებული 4 წლის შემდეგ ირინა სააგენტო Leavingstone-ში ციფრული კრეატიული დირექტორის პოზიციას იკავებდა. ამჟამად, უკვე მესამე წელია, რაც Eserti Content Studio-ს თანადამფუძნებელია.
Eserti სტუდიის ლიანასთან ერთად შექმნა, ალბათ, ერთ-ერთი ყველაზე სწორი და გაბედული გადაწყვეტილება იყო ჩემს კარიერაში, რადგან დღეს ვაკეთებთ იმას, რაც ყველაზე მეტად გვიყვარს, თანაც ყოველგვარი შეზღუდვის გარეშე.
მნიშვნელოვანი პროექტები
ირინა აზრით, ყველაზე დასამახსოვრებელი პროექტები ისინია, რომლებზე მუშაობის დროსაც განსაკუთრებით დიდ გამოწვევებთან და პრობლემებთან მოუხდათ გამკლავება.
ამ სფეროს ერთ-ერთი ყველაზე დიდი უცნაურობა და პარადოქსი კი ისაა, რომ რაც უფრო დიდია პრობლემა, მით უფრო საინტერესო კრეატიულ გადაწყვეტილებებსა და გადაჭრის ხერხებს ბადებს. მაგალითისთვის ირინა იხსენებს, რომ ერთ-ერთი ბრენდის მთავარი პრობლემა სოციალურ ქსელებში, მომხმარებლის მხრიდან დიდი ოდენობით კრიტიკა იყო, რისი გადაჭრის ხერხიც თვითირონიული ტონის შექმნა აღმოჩნდა. ყოფილა ისეთი შემთხვევაც, როდესაც მთავარი გამოწვევა ძალიან შეზღუდული ბიუჯეტი ყოფილა და მთელმა სააგენტომ ერთი დღე მობილურებით მარტივი TikTok ვიდეოების გადაღებას დაუთმო დრო, რითაც საუკეთესო შედეგებზეც გავიდნენ.
საინტერესო იყო კომპანია ‘კამპას‘ საზაფხულო კამპანიაზე მუშაობის პროცესიც. ირინას თქმით, ბრიფში კონკრეტული პრობლემა არ იყო მოცემული, თუმცა მუშაობის პროცესში მიხვდნენ, რომ მათი ყველა იდეა უკვე განხორციელებული იყო, ახალსა თუ საინტერესოს ვერაფერს იტყოდნენ. ყველა ბრენდი ისედაც საუბრობდა იმაზე, რომ წვენი გემრიელია, ზაფხულში აგრილებს და სანაპიროსა თუ ზაფხულის არდადეგებს განსაკუთრებით უხდება. სწორედ ამ ფიქრმა უბიძგათ, ეპოვათ პრობლემოს ამოხსნის ისეთი გზები, რომლებიც აქამდე მოფიქრებული არ იყო. კერძოდ, მიეძღვნათ კამპანია არა ზაფხულის მოტრფიალე, შვებულებაში კარგად დასვენებული ადამიანებისთვის, რომლებიც წვენს ლამაზად მოსვამენ და ნეტარი სახით თვალებს დახუჭავენ, არამედ მათთვის, ვინც ზაფხულში მუშაობს, ზაფხულის სიცხეს ვერ უძლებს, ქალაქიდან გასვლას მხოლოდ ორი დღით ახერხებს და ა.შ. სწორედ აქედან დაიბადა კამპანიის გზავნილიც: გააწურინე ზაფხულს.
ნებისმიერ პროექტზე მუშაობისას მიდგომა დაახლოებით ასეთია: იპოვე ძირითადი პრობლემა და აქციე ის შთაგონების მთავარ წყაროდ.
პროფესია - კონტენტ მენეჯერი/კრეატორი
კონტენტ მარკეტინგის მიმართულებაზე შეიძლება ბევრ სხვადასხვა ჭრილში ვისაუბროთ. ალბათ, ყველა ვინც კონტენტ კრეატორად მოიაზრებს თავს, ამ პროფესიის სხვადასხვა აღწერას შემოგვთავაზებს. ეს დამოკიდებულია იმაზე, ბრენდის მხარეს მუშაობ, კრეატიულ სააგენტოში, საკუთარი მცირე ბიზნესისთვის ქმნი კონტენტს, თუ თვითდასაქმებული კონტენტ კრეატორი, ანუ ინფლუენსერი ხარ.
ირინასთვის კონტენტ მარკეტინგი რამდენიმე მიმართულებას მოიცავს: ბრენდის სასაუბრო ენისა და ხასიათის გათავისებას, ბრენდის აუდიტორიის გაგებას, მათ ქცევაზე დაკვირვებას. შემდგომ კი ამ ორის გაერთიანებით, საინტერესო გზების ძიებას, თუ რა ფორმატის, ვიზუალისა და შინაარსის კონტენტის შექმნა იქნება რელევანტური და დასამახსოვრებელი.
რა თქმა უნდა, არსებობენ ისეთი ბრენდებიც, რომლებიც არ ფიგურირებენ სოციალურ მედიაში. მათ შესახებ ინფორმაცია word of mouth-ით ვრცელდება და ისინი მარკეტინგული ხარჯის შემცირების გზით, უფრო ინოვაციურ და დახვეწილ პროდუქტს სთავაზობენ საკუთარ მომხმარებელს. თუმცა, ასეთი კომპანიები ნამდვილად გამონაკლისია და თითზე ჩამოსათვლელია ბრენდები, რომლებისთვისაც ასეთი სტრატეგია შეიძლება გამართლებული იყოს.
სოციალური მედია არხების გამოყენება ბრენდებისთვის ფუნდამენტურია, რადგან მნიშვნელოვანია ბრენდი იმავე სივრცეში იყოს, სადაც მისი მომხმარებელია. სწორი კონტენტი კომპანიას არა მხოლოდ ახალი მომხმარებლების მოზიდვაში ეხმარება, არამედ საკუთარი აუდიტორიისთვის გრძელვადიანი ნდობის საფუძვლის შექმნაშიც.
რა უნდა გავითვალისწინოთ კონტენტის შექმნისას?
არ არსებობს ერთი სწორი ფორმულა, რომელიც ნებისმიერ ბრენდსა თუ კომპანიას მოერგება. მთავარია, საქმის კეთება ავტომატურ რეჟიმში არ გადავიდეს, რადგან სწორ კონტენტს დეტალები ქმნის, რომელთა გააზრება და მოფიქრება ყოველ ჯერზე თავიდანაა საჭირო. საუბარია ისეთ მარტივ დეტალებზეც კი, როგორიცაა, მობილურით უნდა გადავიღოთ კონტენტი თუ პროფესიონალური კამერით, რომელ პლატფორმაზე განვათავსოთ და ა.შ.
საჭირო უნარები და კარიერული გზა კონტენტ მარკეტინგის სფეროში
ირინას ყველა საყვარელმა კრეატორმა ამ სფეროში კარიერა უბრალოდ საინტერესო იდეებით, მათი განხორციელების არ დაზარებითა და სოციალურ მედიაში განთავსებით დაიწყო. შეიძლება, წარმატება მაშინვე არ მოსულა, თუმცა სისტემატურობის შენარჩუნებითა და ინდივიდუალური ხედვით, ბევრი მათგანი დღეს შეკვეთებს ისეთი ბრენდებისგანაც იღებს, როგორებიცაა Nike, Hermes და ა.შ. ყველაზე საინტერესო კი ისაა, რომ დიდი ბრენდები თავად აგნებენ ხოლმე ამ
კრეატორებს, რადგან მათ არ სჭირდებათ სტანდარტული, ტრენდული კონტენტი, არამედ ზუსტად ის ნიშური მიმართულებები, რასაც ეს კონტენტ კრეატორები ქმნიან.
კარიერის მანძილზე კონტენტ კრეატორი ბევრ საინტერესო უნარსა და ცოდნას იძენს. თუმცა დასაწყებად უბრალოდ ერთი საინტერესო იდეა და მობილურიც სრულიად საკმარისია, დანარჩენი კი დროთა განმავლობაში თავად მოვა.
როგორც ირინამ აღნიშნა, კონტენტი ბევრ სხვადასხვა მიმართულებასა და ფორმატს აერთიანებს. შეიძლება საინტერესო კონტენტის შექმნა საკუთარ პლატფორმაზე დაიწყო, კონკრეტული ცოდნის ან გამოცდილების გაზიარება გსურდეს და ინფლუენსერობასაც კი უმიზნებდე. შეიძლება სააგენტოში მუშაობდე, სადაც ნელ-ნელა, უფრო და უფრო მეტი ბრენდი მოდის არა დიდი კამპანიის შექმნის სურვილით, არამედ TikTok არხის სამართავად. შეიძლება მცირე ბიზნესი გქონდეს და როგორც მისმა შემქმნელმა, ყველაზე კარგად იცოდე, თუ რა არის საუკეთესო შენი ბრენდისთვის და უბრალოდ ტექნიკური ცოდნა არ გყოფნიდეს იმისთვის, რომ საკუთარ ხედვას ფრთები შეასხა.
კონტენტ მარკეტინგის მიმართულებით კი ყველაზე საინტერესოდ ირინა მიიჩნევს იმას, რომ ნებისმიერი რამ შეიძლება იქცეს შთაგონების წყაროდ. რადგან ხშირად უწევს ფოტოებისა და ვიდეოების გადაღება, ინსპირაცია ხშირად ფილმებიდან, ფოტოგრაფების ნამუშევრებიდანაც მოდის. თუმცა კარგი კონტენტი არ ნიშნავს მხოლოდ ლამაზ და ესთეტიკურ კადრს და მთავარი, როგორც სხვა ყველაფერში, შინაარსია. შთაგონება ხშირად საკუთარ თავსა და გარშემო მყოფ ადამიანებზე დაკვირვებით და პატარა ინსაითების შემჩნევითაც იბადება. რაც შეეხება უფრო პრაგმატულ მიდგომას ამ პროფესიაში, ძირითადად TikTok, Instagram და Pinterest არის ის პლატფორმები, რომლებზეც ირინა მისთვის საინტერესო კონტენტს ათვალიერებს და სამომავლო რეფერენსებისთვის ინახავს.
უმეტეს შემთხვევაში, სოციალური მედია თავად გვიბიძგებს, რომ ავყვეთ ტრენდებს, დავაკოპიროთ ის კონტენტი, რაც იმ მომენტში, ყველაზე პოპულარულია. შესაბამისად, ხშირად ამ პროცესში ინდივიდუალიზმიც იკარგება. საქმის სპეციფიკიდან გამომდინარე, ტრენდებზე აყოლა, მართლაც, ძალიან მნიშვნელოვანია. თუმცა უდიდესი მოცულობის კონტენტში, რომელსაც ყოველდღიურად ვეცნობით, დღის ბოლოს მხოლოდ ის გვამახსოვრდება, რომელიც განსხვავებული, კრეატიული და რამე ნიშნით გამორჩეულია.
კონტენტ მარკეტინგი: კურსის შესახებ
ახლა კი ცოტა რამ კონტენტ მარკეტინგის კურსის შესახებ. ირინას თქმით, ეს პროგრამა ერთგვარი shortcut-ია კონტენტ კრეატორის კარიერის გზაზე. ყველაზე მნიშვნელოვანი, რა თქმა უნდა, პრაქტიკა და რეალურ სამყაროში ცოდნის გამოყენება, პრობლემების გადაჭრისთვის აუცილებელი, კრეატიული გზების მოფიქრებაა. ამ დროს სტუდენტები განივითარებენ მნიშვნელოვან უნარებს, გაეცნობიან ბევრ საინტერესო ინსპირაციულ მასალას, შეიძენენ ინდივიდუალურ ხედვას და ა.შ.
კურსის ფარგლებში ამ შთაგონების ერთბაშად მიღება, ყველა საჭირო რესურსის ერთგვარ ბიბლიოთეკად დახარისხება და თეორიული ცოდნის გამართულად მიღება კარიერის ნებისმიერ ეტაპზე ბევრად უფრო დიდ შესაძლებლობებს დაბადებს.
კონტენტ მარკეტინგის კურსის შემთხვევაში ყველაზე მნიშვნელოვანი ბალანსია; ბალანსი თეორიულ ცოდნასა და პრაქტიკას, ინსპირაციის მიღებასა და ტექნიკურ უნარებს შორის. იდეალურ შემთხვევაში, სტუდენტები პროგრამის განმავლობაში სწორედ ამ ბალანსს დაინახავენ და ახალი ცოდნითა და შთაგონებით გააგრძელებენ მუშაობას მარკეტინგის თუ სხვა სფეროში.
ამგვარად, თუ ახალ, საინტერესო და შთამაგონებელ თავგადასავლებს ეძებ, კონტენტ მარკეტინგის კურსი სწორედ შენთვისაა. გაეცანი პროგრამის სილაბუსს და შემოგვიერთდი Commschool-ში!
რელევანტური ბლოგები
-
-
-
ხელოვნური ინტელექტი პრაქტიკაში – გაიცანი ლექტორი, შოთა ნათენაძე...
-
-
Data-Driven მარკეტინგის მოგზაურობა: როგორ შეიძინა სანდრომ ახალი უნარები და გამოცდილება...
-
AI გრაფიკულ დიზაინში - გაეცანი კურსის ლექტორის, ჯონი კვეზერელის პორტფოლიოს...
-
როგორ გავართვათ თავი გასაუბრებას მონაცემთა ანალიტიკოსის პოზიციაზე? - ლელა გაიხარაშვილი...
-
IT პროექტების მენეჯმენტი - გაიცანი ლექტორი გაგი ნინოშვილი...
-
კონტენტ მარკეტინგის კურსიდან კონტენტ კრეატორის პოზიციამდე...
-
ნინი მოდებაძე მონაცემთა ანალიტიკოსის პროფესიის, საჭირო უნარებისა და კურსის შესახებ...
შესაძლოა გაინტერესებდეს
დამწყები
საშუალო
ექსპერტი
შესვლა Google-ით
შესვლა Facebook-ით
