გრაფიკული დიზაინის კურსი Commschool-ში: როგორია კურსდამთავრებულების გამოცდილება?
გრაფიკული დიზაინი დღეს ერთ-ერთი ყველაზე მოთხოვნადი და შემოქმედებითი პროფესიაა. ის აერთიანებს ვიზუალურ კომუნიკაციას, ბრენდინგს და ციფრულ ხელოვნებას. Commschool-ის გრაფიკული დიზაინის კურსი ამ სფეროს შესწავლისთვის ერთ-ერთი საუკეთესო გზაა, რადგან აერთიანებს როგორც თეორიულ ცოდნას, ასევე პრაქტიკულ დავალებებს, რაც კურსდამთავრებულებს რეალურ გამოცდილებას სძენს.
როგორია ეს გამოცდილება სტუდენტების თვალით? ამ ბლოგში გაეცნობი ანო რუხაძისა და მარიამ მამასახლისის შთაბეჭდილებებს – როგორ მოხვდნენ ისინი Commschool-ში, რა მოლოდინები ჰქონდათ და როგორ შეცვალა კურსმა მათი კარიერული გზა.
გრაფიკული დიზაინისკენ გადადგმული პირველი ნაბიჯები
"მე ვარ 25 წლის ანო და ყოველთვის მომწონდა ხელოვნება, თუმცა სულ სხვა სფეროში ვმუშაობდი. ერთ ადგილას დიდხანს ყოფნა არ მჩვევია, ამიტომ ყოველთვის ვცდილობ ახალი შესაძლებლობების აღმოჩენას. ბოლოს მივხვდი, რომ ეს ყველაფერი ისევ ხელოვნებას უნდა დაკავშირებოდა - ამიტომ გადავწყვიტე გრაფიკული დიზაინის შესწავლა."
ანოს ბავშვობიდან უყვარდა ხატვა და ფოტოგრაფია, ამიტომ ფიქრობდა, რომ დიზაინის სფეროს მარტივად აუღებდა ალღოს. თუმცა, როგორც ამბობს, კურსზე ნულოვანი გამოცდილებით მივიდა. მიუხედავად იმისა, რომ ონლაინ სწავლების მიმართ სკეპტიკურად იყო განწყობილი, Commschool-ის კურსმა მისი მოლოდინები გადააჭარბა.
"მგონია, რომ შემოქმედებითობა ადამიანისთვის ძვირფასი საჩუქარია. რამდენიმე წლის წინ ჩემი პროფესიული კომპასი 180 გრადუსით შევატრიალე და ეს გადაწყვეტილება არასდროს მინანია. ისეთი ცოდნის მიღება, რომელიც სიამოვნებას გვანიჭებს და პრაქტიკულ პროცესშიც დროის შეგრძნებას გვაკარგვინებს, საკუთარ თავში ახალ შესაძლებლობებს გვაჩენინებს."
მარიამისთვის გრაფიკული დიზაინი კარიერული ტრანსფორმაციის ნაწილი გახდა. მიუხედავად იმისა, რომ გარკვეული გამოცდილება უკვე ჰქონდა, კურსი დაეხმარა, რომ პროცესები სწორად დაეგეგმა და ინსპირაცია რეალურ პროექტებად ექცია.
ლექციები და პრაქტიკული გამოცდილება
ორივე კურსდამთავრებული აღნიშნავს, რომ Commschool-ის კურსი თეორიულ ცოდნასთან ერთად დიდ ყურადღებას პრაქტიკას უთმობს.
📌 „ლექტორი თავიდანვე გვაჩვევდა დავალებების ისე შესრულებას, რომ პორტფოლიოს გაკეთება გაგვმარტივებოდა. ახლა უკვე მაქვს რამდენიმე დასრულებული ნამუშევარი, რომლითაც ვამაყობ!“ – ამბობს ანო.
📌 „კურსის სილაბუსი იყო თანმიმდევრული და დავალებებით დახუნძლული. მიუხედავად იმისა, რომ რაღაც ცოდნა უკვე მქონდა, შევიძინე ახალი, უფრო გამოსადეგი უნარები პროექტებზე მუშაობისთვის.“ – აღნიშნავს მარიამი.
კურსის განმავლობაში სტუდენტები სწავლობენ Adobe Illustrator-სა და Photoshop-ს, დიზაინის ძირითად პრინციპებს, ბრენდინგსა და ვიზუალურ იდენტობას. ერთ-ერთი ყველაზე დიდი გამოწვევა ანოსთვის დროის მართვა და დავალებების სრულყოფილად შესრულება იყო, თუმცა გამოცდილებამ თავდაჯერებულობა და ახალი უნარები შესძინა.
ფინალური პროექტები – რეალური დიზაინერული გამოცდილება
ანოს პროექტი – კაფე „დანტეს“ რებრენდინგი
ფინალური პროექტისთვის ანომ ვინტაჟური სტილის კაფეს რებრენდინგი აირჩია. მისი მთავარი გამოწვევა იყო ლოგოს ილუსტრაციის შექმნა, რომელიც მინიმალისტური და თანამედროვე იქნებოდა, მაგრამ ამავდროულად ძველი ეპოქის ხასიათს შეინარჩუნებდა. მუშაობის პროცესში იგი მუდმივად იღებდა უკუკავშირს ლექტორისგან და ფინალური შედეგით კმაყოფილი დარჩა.
„მივხვდი, რომ არა მხოლოდ ტექნიკური უნარებია მნიშვნელოვანი, არამედ ის, თუ როგორ გადმოსცემ შინაარსს ვიზუალურად. მინდოდა, რომ კაფეს სიმყუდროვე და სიძველე ერთდროულად ყოფილიყო აღქმადი – და ვფიქრობ, რომ ეს დავალება სწორედ ისე შევასრულე, როგორც მქონდა ჩაფიქრებული!“
მარიამის პროექტი – „All Things Cheese“ ბრენდის შექმნა
მარიამმა რებრენდინგის ნაცვლად ახალი ბრენდის შექმნა აირჩია და ყველის მოყვარულებისთვის უნიკალური სივრცის კონცეფცია შეიმუშავა. ბრენდის სახე გახდა პერსონაჟი – მსუნაგი თაგუნია, რომელიც ყველგან ყველს დაატარებს. პროექტის მთავარი გამოწვევა იყო იდეების გაცხრილვა, რადგან მარიამს უამრავი კონცეფცია ჰქონდა.
„პრეზენტაციის შემდეგ ლექტორისგან მივიღე რჩევები, რომლებიც დამეხმარება ბრენდის იდენტობის კიდევ უფრო გასაგებად წარმოჩენაში.“
გაიცანი კურსის ლექტორი - მარიამ გოგიაშვილი
მარიამი სტუდენტებს პროექტების მართვის უნარებსა და დიზაინერულ აზროვნებას უყალიბებდა. როგორც ანო და მარიამი ამბობენ, ლექციები ხშირად გრძელდებოდა, რადგან სტუდენტებს მუდმივად რჩებოდათ კითხვები, რომელზეც ლექტორი ამომწურავ პასუხებს სცემდა.
📌 „ლექციას არ ვამთავრებდით იქამდე, სანამ ერთ სტუდენტს მაინც ჰქონდა კითხვა დარჩენილი!“
📌 „ლექტორი მუდამ გვიზიარებდა რჩევებს, ტექნიკურ ხრიკებს, ახალ მასალებს და არტისტებს, რომლებსაც უნდა დავკვირვებოდით.“
რა ხდება გრაფიკული დიზაინის კურსის დასრულების შემდეგ?
ანო – აქტიურად აგრძელებს პორტფოლიოზე მუშაობას და გეგმავს გრაფიკული დიზაინის სხვა მიმართულებების შესწავლას. მარიამი – აპირებს თავისი ბრენდის იდეის განვითარებას და კომუნიკაციის დიზაინის სხვა სფეროებშიც სცდის ძალებს.
ორივე კურსდამთავრებული აღნიშნავს, რომ Commschool-ის კურსი შესანიშნავი დასაწყისია მათთვის, ვინც გრაფიკულ დიზაინში თავის პოვნას ცდილობს.
თუ შენც გაინტერესებს დიზაინი და გინდა, რეალურ პროექტებზე მუშაობის გამოცდილება მიიღო, Commschool-ის კურსი შეიძლება სწორედ ის იყოს, რაც გჭირდება!
რელევანტური ბლოგები
-
-
-
მარიამ ნაკოევის ფინალური პროექტი კონტენტ მარკეტინგის კურსისთვის...
-
Reckless-ის კონტენტ კამპანია – კონტენტ მარკეტინგის კურსის ფინალური პროექტი...
-
-
რა არის Stable Diffusion და როგორ გამოიყენება გრაფიკულ დიზაინში?...
-
AI გრაფიკულ დიზაინში - გაეცანი კურსის ლექტორის, ჯონი კვეზერელის პორტფოლიოს...
-
-
-
UX კვლევა & დიზაინი - Case Study: აპლიკაცია ახალბედა დედებისთვის - “TinyTrade”...
შესაძლოა გაინტერესებდეს
საშუალო
1100₾
დიზაინის ტრადიციული მეთოდები შრომატევადია და დიდ დროის რესურსს მოითხოვს, რაც, ხშირ შემთხვევაში, ზღუდავს შემოქმედობითობას და მოსაწყენს ხდის დიზაინერის ყოველდღიურობას. თუმცა, გენერაციული AI არის ის რევოლუციური გადაწყვეტა, რაც საშუალებას მისცემს დიზაინერებს გადალახონ ამგვარი დაბრკოლებები და მეტიც იყონ მეტად ეფექტურები ყოველდღიურ საქმიანობაში.
კურსი დატვირთულია პრაქტიკული დავალებებით და ფინალური პროექტით, რაც მოგცემს საშუალებას დააგროვო პორტფოლიო და შეიძინო ცოდნა, რომელსაც პრაქტიკაში გამოიყენებ
8 ლექცია
24
საათი
საშუალო
1400₾
ნებისმიერი ვიზუალური გადაწყვეტის მიღმა, იქნება ეს პოსტერი, ანიმაცია, ლოგო და თუ სხვა, დგას ძლიერი კონცეფცია და ექსპერიმენტული მიდგომები. Art Direction-ის ეს კურსი გაძლევთ შესაძლებლობას დაინახოთ და გაიაროთ გზა რომელიც წარმატებული ნამუშევრების საფუძველია.
პროგრამის განმავლობაში თქვენ ისწავლით ინდივიდუალურობის შენარჩუნებას კონკურენტულ გარემოში, ძლიერი კონცეფციების შექმნას თანამედროვე ვიზუალურ სამყაროში და ამბის თხრობის გაძლიერებას კონცეფციის ისეთი ელემენტებით, როგორიცაა პერსონაჟი, სიუჟეტი, ტონი და ვიზუალური მხარე. შეისწავლით კლიენტის პრობლემის ვიზუალურ გადაწყვეტას და ჩაერთვებით კრეატიული კამპანიის შექმნის მთლიან პროცესში - მიღებული ბრიფის შემოქმედებითი გადაწყვეტიდან მის აღსრულებამდე.
კურსი ფოკუსირებულია პრაქტიკულ გამოცდილებაზე, სადაც იმუშავებთ კამპანიის შექმნის სრულ პროცესზე, რაც მოგცემთ ინდუსტრიაში არსებული გამოწვევების გადაჭრის გამოცდილებას.
13 ლექცია
39
საათი
საშუალო
1300₾
Motion Design ერთ-ერთი ყველაზე მოთხოვნადი და პოპულარული პროფესიაა მსოფლიოში, რომელიც აქტიურად გამოიყენება სარეკლამო რგოლებში, მუსიკალურ კლიპებში, სატელევიზიო შოუებსა თუ პრომო ვიდეოებში, მხატვრულ თუ დოკუმენტური ფილმებში. ასევე, სოციალურ ქსელებში (ციფრული ბანერები, პოსტები, სთორი, ა.შ).
კურსის განმავლობაში მთავარი აქცენტი გაკეთდება, არამხოლოდ After Effect-ის ტექნიკური ცოდნის მიღებაზე, არამედ ანიმაციის იმ პრინციპებზე, მეთოდებსა და ხელსაწყოებზე, რომლებსაც აქტიურად იყენებენ ამ სფეროში მომუშავე პროფესიონალები სხვადასხვა სირთულის პროექტის შესაქმნელად.
Პროგრამა სრულად დაფუძნებულია პრაქტიკულ სამუშაოებზე, რომლის განმავლობაშიც სტუდენტებს შეეძლებათ სხვადასხვა ტიპის ანიმაციის შექმნა რეალური პროექტებიდან და ბრიფიდან გამომდინარე. რაც ყველაზე მთავარია, მიიღებენ ჯანსაღ კრიტიკასა და რჩევებს გაუმჯობესებისთვის.
15 ლექცია
45
საათი
შესვლა Google-ით
შესვლა Facebook-ით