ძველ ვერსიაზე გადასასვლელად დააჭირე აქ
რეგისტრაცია | 1600₾

UX კვლევა & დიზაინი

  • 5.0 შეფასება

  • 21 ლექცია

  • 63 საათი

  • 11 კვირა

მას შემდეგ, რაც ციფრულმა პროდუქტებმა ბევრი ყოველდღიური საქმე ჩაანაცვლა, გაჩნდა საჭიროება, რომ ეს პროდუქტები მაქსიმალურად მორგებული იყოს ადამიანების მოთხოვნებს და შესაძლებლობებს. პროდუქტებიდან მიღებული გამოცდილება(UX) ერთ-ერთი გადამწყვეტი ფაქტორია წარმატებისთვის. შესაბამისად, მნიშვნელოვანია ამ სფეროში კომპეტენტური კადრის ყოლა.

კურსი დაფუძნებულია მომხმარებელზე ორიენტირებული დიზაინის (HCD), კერძოდ, კი Design Thinking-ის პროცესზე (Framework-ზე) და იძლევა ცოდნას ყველა იმ მეთოდზე, რომელიც ციფრული პროდუქტების შექმნაში გამოიყენება.

კურსის დასრულების შემდეგ შეგეძლება

დამატებითი უნარები: Design Thinking, Miro, Figma, Research.

  • ციფრული პროდუქტის შექმნა დიზაინერული აზროვნების მეთოდოლოგიით

  • Მომხმარებლის კვლევის დამოუკიდებლად ჩატარება & ანალიზი

  • კვლევიდან მიღებული ინსაითების გათვალისწინებით პროდუქტის კონცეფციისა და დიზაინის შემუშავება/ გაუმჯობესება

  • პროტოტიპის შექმნა

  • Პროტოტიპის გამოყენებადობის ტესტირება და გაზომვა

  • ციფრული პროდუქტის გუნდთან მუშაობა

29 მაისი 1600₾

სამ-შაბ 20:00-23:00, 12:00-15:00

14 ნოემბერი 1600₾

ხუთ-შაბ 20:00-23:00, 12:00-15:00

რეგისტრაცია
გადაანაწილე გადასახადი
TBC განვადება
BOG განვადება

ვისთვის არის კურსი

დიზაინერებისთვის

პროგრამა გათვლილია დამწყები UX და UI დიზაინერებისთვის; მათთვის, ვისაც უკვე ჰქონია შეხება დიზაინის რომელიმე მიმართულებასთან ან/და უცდია დიზაინის ხელსაწყოების გამოყენება.

პროდუქტის მფლობელებისთვის

ვინც უშუალოდ მონაწილეობს ციფრული პროდუქტის შექმნაში (პროდუქტის მფლობელები, პროექტის მენეჯერები და ა.შ.)

პროგრამა მოიცავს

კურსდამთავრებულთა კლუბი

ფინალური გამოცდის წარმატებით ჩაბარების შემთხვევაში, კურსდამთავრებული ავტომატურად ირიცხება Alumni Club-ში, შემდეგ კი იღებს წვდომას ექსკლუზიურ ივენთებზე, კონტენტზე და შემოთავაზებებზე ჩვენი პარტნიორი კომპანიებიდან.

პრაქტიკული პროექტები

პრაქტიკაზე დაფუძნებულ სწავლება, რაშიც იგულისხმება დავალებები / სავარჯიშოები და ინდივიდუალური პროექტი.

ორენოვანი სერტიფიკატი

კურსის წარმატებით დასრულების შემდეგ სტუდენტი მიიღებს ორენოვან სერტიფიკატს.

კურსდამთავრებულები

5.0 Rate

სილაბუსი

ციფრული პროდუქტების მოკლე ისტორია და ტიპები
სამუშაო და გუნდის სტრუქტურები (ცენტრალიზებული, დეცენტრალიზებული, ჰიბრიდული)
UX კომპეტენციები და ერთმანეთთან კოლაბორაცია (UX მკვლევარი, UX დიზაინერი, UX მწერალი, ინფორმაციის არქიტექტორი, Product Owner)
კვლევის მნიშვნელობა ციფრულ პროდუქტებში: განსხვავებები მარკეტინგულ და UX კვლევას შორის
ბრიფის შედგენა და დავალება
კვლევის ძირითადი მეთოდების განხილვა: რაოდენობრივი და თვისებრივი კვლევა; ქცევისა და დამოკიდებულების კვლევა
UX კვლევის განსაზღვრა და როლი პროდუქტის განვითარებაში
UX კვლევის მეთოდების გაცნობა
ინტერაქტიული დიზაინის პრინციპები
მოწყობილობები
კონტენტის ზომები & ბადეები
ინტერფეისის ვიზუალიზაციის მაგალითები ნავიგაციის ელემენტები
ინტერფეისის სტანდარტული ელემენტები
Figma-ში Flows ორგანიზება
Figma-ში პროტოტიპის შექმნის დავალება
შესავალი ვიზუალურ დიზაინში
ვზუალური დიზაინის პრინციპები
ნახაზების ტიპები
ნახაზების შექმნის თულები (Figma, XD, Sketch)
Figma მიმოხილვა
Figma-ში ინტერფეისის შექმნის დავალება
მოკლე მიმოხილვა
ორგანიზების სტრუქტურები & სქემები
ახალი კონტენტის შექმნა
არსებული კონტენტის აუდიტი
ინფორმაციის არქიტექტური ტესტირება & პრაქტიკული სავარჯიშოები

აარჩიე შენთვის სასურველი დრო

ლექტორები

სალი მაზანაშვილი

UX Research & Design

სალი მაზანაშვილი

UX Research & Design

Სალომეს კვლევის სფეროში რამდენიმეწლიანი გამოცდილება აქვს. ამ დროის განმავლობაში UX კვლევის მიმართულებით უმუშავია ისეთ კომპანიებში როგორებიცაა საქართველოს ბანკი და ბეთლაივი. Პარალელურად ჩართულია ფრილანსინგის მიმართულებით და კომპანიებს ეხმარება UX კვლევის სტრატეგიის შემუშავებასა და წარმართვაში. სალომე ამჟამად იკავებს თიბისის UX კვლევების ლიდერის პოზიციას.

Linkedin

გიორგი სოსებაშვილი

UX Research & Design

გიორგი სოსებაშვილი

UX Research & Design

გიორგი არის ციფრული პროდუქტების დიზაინერი +8 წლიანი გამოცდილებით. უმუშავია სხვადასხვა მიმართულებით სამთავრობო, ბანკინგის, კომერციულ და სოც. Მედიის პლატფორმებზე. ასევე აქვს ბიზნეს ადმინისტრირების ხარისხი და სერტიფიცირება UX კვლევაში Nielsen Norman Group-ისგან (NN/g-ისგან). 3 წლის განმავლობაში მუშაობდა ციფრული პროდუქტების ლიდ დიზაინერის პოზიციაზე არაერთ მნიშვნელოვან საერთაშორისო და ადგილობრივ ციფრულ პროდუქტზე. მათ შორის ერთ-ერთი გამორჩეული Feedc, TBC-ის ციფრული ბანკინგი და მის ეკო-სისტემაში მყოფი პლატფორმებია. ამჟამად, მუშაობას აგრძელებს TBC-ის მობილურ ბანკინგზე და ავითარებს სხვადასხვა ტიპის ფუნქციონალს.

Web

ხშირად დასმული კითხვები კურსის შესახებ

A: ეს არის სფერო, სადაც თქვენი ანალიტიკური და კრეატიული უნარები ერთიანდება მომხმარებელზე ორიენტირებული პროდუქტების შესაქმნელად. დღეს UX დიზაინერები განსაკუთრებით მოთხოვნადები არიან როგორც ტექნოლოგიურ კომპანიებში, ისე სტარტაპებში, რაც გაძლევთ მაღალანაზღაურებად და სტაბილურ კარიერულ შესაძლებლობებს.
A: არა, კურსი არ მოითხოვს სპეციფიკურ წინაპირობებს. სწავლა იწყება საფუძვლებიდან და მისი გავლა შეუძლია ნებისმიერ მსურველს, ვისაც აქვს ინტერესი UX დიზაინის მიმართულებით.

Your search Digital Designer did not match any documents

ვერ მიიღე შენთვის საინტერესო ინფორმაცია?

ჩაეწერე უფასო კონსულტაციაზე

შესაძლოა გაინტერესებდეს

საშუალო
1000₾
AI გრაფიკულ დიზაინში
დიზაინის ტრადიციული მეთოდები შრომატევადია და დიდ დროის რესურსს მოითხოვს, რაც, ხშირ შემთხვევაში, ზღუდავს შემოქმედობითობას და მოსაწყენს ხდის დიზაინერის ყოველდღიურობას. თუმცა, გენერაციული AI არის ის რევოლუციური გადაწყვეტა, რაც საშუალებას მისცემს დიზაინერებს გადალახონ ამგვარი დაბრკოლებები და მეტიც  იყონ მეტად ეფექტურები ყოველდღიურ საქმიანობაში. კურსი დატვირთულია პრაქტიკული დავალებებით და ფინალური პროექტით, რაც  მოგცემს საშუალებას  დააგროვო პორტფოლიო და შეიძინო ცოდნა, რომელსაც  პრაქტიკაში გამოიყენებ
8 ლექცია
24 საათი
საშუალო
1250₾
Motion Design
Motion Design ერთ-ერთი ყველაზე მოთხოვნადი და პოპულარული პროფესიაა მსოფლიოში, რომელიც აქტიურად გამოიყენება სარეკლამო რგოლებში, მუსიკალურ კლიპებში, სატელევიზიო შოუებსა თუ პრომო ვიდეოებში, მხატვრულ თუ დოკუმენტური ფილმებში. ასევე,  სოციალურ ქსელებში (ციფრული ბანერები, პოსტები, სთორი, ა.შ). კურსის განმავლობაში მთავარი აქცენტი გაკეთდება, არამხოლოდ After Effect-ის ტექნიკური ცოდნის მიღებაზე, არამედ ანიმაციის იმ პრინციპებზე, მეთოდებსა და ხელსაწყოებზე, რომლებსაც აქტიურად იყენებენ ამ სფეროში მომუშავე პროფესიონალები სხვადასხვა სირთულის პროექტის შესაქმნელად. Პროგრამა სრულად დაფუძნებულია პრაქტიკულ სამუშაოებზე, რომლის განმავლობაშიც სტუდენტებს შეეძლებათ სხვადასხვა ტიპის ანიმაციის შექმნა რეალური პროექტებიდან და ბრიფიდან გამომდინარე.  რაც ყველაზე მთავარია, მიიღებენ  ჯანსაღ კრიტიკასა და რჩევებს გაუმჯობესებისთვის.
15 ლექცია
45 საათი
ექსპერტი
1500₾
Sense of Illustration
დიზაინის სფეროში ნიჭი და კრეატიული უნარები დღეს საკმარისი აღარ არის ფრილანს კარიერის დასაწყებად ან/და განსავითარებლად. რეალურად დაბრკოლებები მაშინ იწყება, როცა თითქოს ყველა საჭირო ტექნიკური უნარი გაქვს, მაგრამ არ იცი, როგორ შეადგინო ბიუჯეტი და თაიმლაინი, ააწყო პორტფოლიო, გქონდეს ინდივიდუალური ნიშა და რაც მთავარია, შეძლო ბაზარზე საკუთარი თავის სწორად პოზიციონირება. კონკურენცია ძალიან მაღალია, დამოუკიდებლად მუშაობა კი კიდევ უფრო რთული. ამ პირობებში საკმაოდ ბუნდოვანია ილუსტრატორის ანაზღაურების შესახებ ინფორმაციაც. Sense of (Freelance) Illustration-ის ქრეშ-კურსიც სწორედ ამ გამოწვევების დაძლევისთვის საჭირო გზამკვლევია, რომელიც წლების განმავლობაში მიღებულ ანანოს პირად გამოცდილებას ეფუძნება. კურსის ფარგლებში მონაწილეები გაივლიან ილუსტრაციის შექმნის სრულ ციკლს – ინსპირაციის პოვნის, ბრიფის ანალიზის, სკეჩების დახატვისა და დახვეწის ჩათვლით. რაც მთავარია, შეეძლებათ ბრიფზე დაყრდნობით იმუშაონ პროექტზე/სავარჯიშოებზე, რომლის პრაქტიკაში დანერგვაც დაეხმარებათ გადალახონ ცარიელი ფურცლის შიში. კურსს ფრილანს ილუსტრატორი, ანანო მიმინოშვილი გაუძღვება. მისი პორტფოლიო 200-მდე ფრილანს პროექტს და ისეთ კლიენტებს მოიცავს, როგორებიც არიან: The New York Times, Chanel, BAFTA, FILA, Adobe, Meta, Airbnb, The Washington Post, The New Yorker, The Hollywood Reporter და მრავალი სხვა. შეხვედრებს უმასპინძლებს სასტუმრო Stamba.
4 ლექცია
20 საათი
დამწყები
1400₾
UI დიზაინი
დიზაინის აქტიური გაციფრულების ერაში ჩნდება მზარდი და გადაუდებელი საჭიროება ისეთი პროდუქტების, სისტემებისა და სერვისების შექმნის, რომელიც ადამიანებს კომპიუტერთან ინტერაქციას გაუმარტივებს.ინტერფეისის დიზაინი, როგორც დისციპლინა, შეისწავლის ადამიანის ქცევას და უნივერსალური გამოსახულების მეთოდებს, რათა შეიმუშაოს ინტერაქციის ისეთი პრაქტიკები, რომლებიც უკეთ მოერგება მომხმარებლის ინტუიციას, პრინციპებს, საჭიროებებსა და გადაწყვეტილებებს.კურსის ფარგლებში სრულად განვიხილავთ და გავივლით ყველა იმ ეტაპს და მეთოდს, რასაც ინტერფეისის დიზაინერის მოვალეობა და სამუშაოს სპეციფიკა ითვალისწინებს: ბრიფისა და კონცეფციის ანალიზიდან დაწყებული, კომპლექსური wireframe-ის, დიზაინ სისტემის, flow-ს, სტრუქტურის შემუშავებით, ტესტინგით და პროტოტაიპის პრეზენტაციით დასრულებული.
14 ლექცია
42 საათი
საშუალო
1600₾
UX კვლევა & დიზაინი
მას შემდეგ, რაც ციფრულმა პროდუქტებმა ბევრი ყოველდღიური საქმე ჩაანაცვლა, გაჩნდა საჭიროება, რომ ეს პროდუქტები მაქსიმალურად მორგებული იყოს ადამიანების მოთხოვნებს და შესაძლებლობებს. პროდუქტებიდან მიღებული გამოცდილება(UX) ერთ-ერთი გადამწყვეტი ფაქტორია წარმატებისთვის. შესაბამისად, მნიშვნელოვანია ამ სფეროში კომპეტენტური კადრის ყოლა.კურსი დაფუძნებულია მომხმარებელზე ორიენტირებული დიზაინის (HCD), კერძოდ, კი Design Thinking-ის პროცესზე (Framework-ზე) და იძლევა ცოდნას ყველა იმ მეთოდზე, რომელიც ციფრული პროდუქტების შექმნაში გამოიყენება.
21 ლექცია
63 საათი
დამწყები
1200₾
გრაფიკული დიზაინი
ფინალური პროექტის შედეგების მიხედვით, საუკეთესო კურსდამთავრებული გაივლის გარანტირებულ სტაჟირებას პარტნიორი კრეატიული სააგენტოდან ერთ-ერთში. პროგრამა სრულად მოიცავს პრაქტიკაზე დაფუძნებულ სწავლებას, რომლის განმავლობაშიც სტუდენტებს საშუალება ექნებათ, გაეცნონ სხვადასხვა ტიპის პროექტზე მუშაობის პროცესს, ვიზუალის კეთების სწორ პრინციპებსა და დიზაინის მიმართულებებს; 0-დან შეისწავლიან გრაფიკული რედაქტორების იმ აუცილებელ ტექნიკურ ნაწილს, რომელიც საჭიროა სხვადასხვა მიმართულებით სამუშაოდ. Adobe Photoshop-ისა და Adobe Illustrator-ის ტექნიკური ცოდნის მიღებით, ისწავლიან ვიზუალების შექმნას სხვადასხვა მედია არხისთვის, ბრიფის სწორად გაანალიზებას, მუდბორდების შექმნას და დიზაინ-პროექტების დაგეგმვას.პროგრამის განმავლობაში თითოეული ლექციის შემდეგ სტუდენტები დამოუკიდებლად შეასრულებენ შესაბამის პრაქტიკულ სავარჯიშოს. ასევე,  მიიღებენ რჩევებს/კონსულტაციებს კარიერული განვითარების კუთხით, კურსის დასასრულს კი შექმნიან ინდივიდუალურ პროექტს, რომლითაც შეკრავენ კურსის განმავლობაში შექმნილ პორტფოლიოს.
14 ლექცია
48 საათი

რელევანტური რესურსები

იხილე სრულად

5 მიზეზი რატომ უნდა გახდე UX დიზაინერი

ინტერესი, ალბათ, ბევრი სფეროს მიმართ გაგჩენია, მაგრამ მხოლოდ ინტერესი ვერ აღმოჩენილა საკმარისი, რომ ეს სფერო შენს პროფესიად გექცია. ბლოგში სწორედ იმ 5 მიზეზს გაგაცნობთ, რომლებმაც UX დიზაინერობა, შესაძლოა, შენთვის სასურველ პროფესიად დაგანახოს. 1. მოთხოვნადია დავიწყოთ იმით, რომ Linkedin-ის  რეკომენდაციით UX დიზაინი იმ 20 TOP უნარს შორისაა, რომლის სწავლაც პრიორიტეტულია, ამის მიზეზი კი UX დიზაინერებზე მოთხოვნის მნიშვნელოვანი ზრდაა. ეს ტრენდი კიდევ უფრო მყარი შეიძლება გახდეს, რადგან UX Google-ის საძიებო სისტემის ranking ფაქტორებს შორის არის. ეს ნიშნავს, რომ რაც უფრო უკეთესია საიტის UX დიზაინი, Google მას მით უფრო წინ დააყენებს ძიების შედეგებში. შედეგად, კონკურენტულობის შესანარჩუნებლად ბიზნესებს კიდევ უფრო მეტი ყურადღების მიქცევა შეიძლება დასჭირდეთ კარგ UX დიზაინზე. მაღალანაზღაურებადია ის, რაც ასეთი მოთხოვნადი და მნიშვნელოვანია, დღევანდელ ბაზარზე სათანადოდ ანაზღაურებადიც არის: საქართველოში UX დიზაინერის საშუალო ყოველთვიური ხელფასი 2600 ლარია. ესეც არ იყოს, ეს ისეთი პროფესიაა, რომელიც დისტანციურად მუშაობის საშუალებასაც გაძლევს. ამდენად, არა მხოლოდ საქართველოს, არამედ საერთაშორისო პროექტებიც შეგიძლია აიღო ისეთი ფრილანს პლატფორმების საშუალებით, როგორიც Upwork, Toptal, Freelancer და სხვაა. Upwork-ზე კი UX დიზაინერის საშუალო საათობრივი ანაზღაურება 25$-75$ შუალედშია.   პერსპექტიულია  პანდემიამ სხვადასხვა სფეროს გაციფრულების პროცესი ძალიან დააჩქარა. InVision-ის კვლევა სწორედ ამას ადასტურებს: კვლევის რესპონდენტებისგან, კომპანიების მენეჯერებისგან, ირკვევა, რომ მათმა 70%-მა გასული 2020 წლის განმავლობაში ციფრული პროდუქტების დიზაინზე მომუშავე გუნდები გაზარდა. ამდენად, არაპროგნოზირებად სამყაროში UX დიზაინი, პროგნოზირებადად სტაბილურ პროფესიად გვევლინება. გაძლევს მრავალმხრივი განვითარების საშუალებას კვლევის ჩატარება, შედეგების ანალიზი, პროტოტიპის შექმნა თუ გატესტვა, არ არის ისეთი უნარები, რომლებიც მხოლოდ UX დიზაინერისთვისაა გამოსადეგი. UX დიზაინერობის ერთ-ერთი პლუსი სწორედ ისაა, რომ დამატებითი პროფესიებისკენაც გიხსნის გზას, იქნება ეს დეველოპმენტი თუ ფროდაქთ მენეჯმენტი, შესამაბისად მრავალ მხრივ შეგიძლია განვითარდე და ახალ პროფესიებსაც დაეუფლო.  ხელმისაწვდომია ზემოთ მოყვანილი ფაქტებიდან შენთვის, ალბათ, უკვე აშკარაა, რამდენად პოპულარულია დღეს UX დიზაინის სფერო. იქ კი, სადაც ამხელა ინტერესი და მოთხოვნაა ინფორმაციაზე, უამრავი რესურსი და სასწავლო მასალა ჩნდება თვითგანვითარებისთვის. მრავალი რესურსი კი ხელს გიწყობს მეტი ცოდნა/გამოცდილება დააგროვო, რაც მუშაობას უფრო საინტერესოსა და გამოწვევებით სავსეს ხდის. თუმცა, ინტერნეტ რესურსებიდან სწავლა შეიძლება რთული აღმოჩნდეს - უამრავი მასალა, შესაბამისად მეტი დახარჯული დრო და ენერგია, მათ შორის კომპეტენტური ადამიანებისგან მიღებული რჩევების ნაკლებობა შეიძლება ნაკლები მოტივაციის მიზეზი გახდეს. UX Research & Design-ის კურსის ფარგლებში, რომელიც 24 სამსაათიან ლექციას მოიცავს, ლექტორები თავიან გამოცდილებას თეორიულ მასალასთან ერთად პრაქტიკული დავალებებით გაგიზიარებენ. პროგრამის განმავლობაში კი მთელ UX პროცესს გადიხარ: მომხმარებლის კვლევის ჩატარება მიღებული ინსაითების გამოყენებით პროტოტიპის აწყობა Figma-სა და XD-ში Usability ტესტიტების ჩატარება კარიერულ წინსვლაში კი Commschool-ის Alumni Club-ის წევრობა დაგეხმარება, რაც ჩვენი პარტნიორი კომპანიების ექსკლუზიურ ვაკანსიებსა და სტაჟირების შესაძლებლობებზე წვდომას გულისხმობს. პარტნიორი კომპანიები კი  Adjarabet, Space, Adjara Sport, GPI Holding-ისა და ლიბერთი ბანკი არიან. იმისთვის, რომ კურსამთავრებულთა კლუბის შემოთავაზებებით ისარგებლო, მხოლოდ ნებისმიერი პროგრამის, მათ შორის UX Research & Design-ის წარმატებით დასრულება გჭირდება. ასე რომ, თუ UX დიზაინი გაინტერესებს, მისი სრული პროცესი გინდა გაიარო და თან კარიერული განვითარების შესაძლებლობები მიიღო, შემოგვიერთდი. პროგრამაზე ჩარიცხვა ავტორი: ანანო ფეიქრიშვილი

ყველაფერი UX დიზაინერის პროფესიის შესახებ

ციფრულ სამყაროში ნებისმიერი პროდუქტისა თუ მომსახურების გამოყენება მომხმარებლის გამოცდილებას ქმნის (user experience). ეს შეიძლება იყოს მობილური აპლიკაციის ან ვებ-გვერდის გამოყენება, ახალი ფეხსაცმლის ჩაცმა და შეფასება, საზოგადოებრივი ტრანსპორტით სარგებლობა. მომხმარებლის გამოცდილება (UX) ადამიანსა და პროდუქტს/სერვისს შორის არსებული ურთიერთობის ყველა ასპექტს შეეხება. UX დიზაინერი კი ცდილობს, რომ ეს პროცესი მარტივი, სწრაფი, ეფექტური და სასიამოვნო გახადოს. სწორედ ამ გზით არის შესაძლებელი კომპანიის ერთგული მომხმარებლების შეძენა. თუ ციფრული სამყარო გაინტერესებს და გსურს, რომ დაეუფლო ერთ-ერთ მოთხოვნად და მაღალანაზღაურებად პროფესიას, აუცილებლად გაეცანი ბლოგს. აქ გაგაცნობ UX დიზაინის მიმართულებას და მოგიყვები, რა შესაძლებლობებს გთავაზობს იგი. ვინ არის UX დიზაინერი? UX დიზაინერის მიზანია, პროდუქტი/სერვისი გახადოს ხელმისაწვდომი, მარტივად გასაგები და გამოსაყენებელი. ამისთვის ისინი მიმართავენ მომხმარებელსა და პროდუქტს შორის ურთიერთობის ოპტიმიზაციას. ამ მიმართულებას მრავალი კომპანია იყენებს, თუმცა იგი უფრო ხშირად ვებ-გვერდებისა და აპლიკაციების ციფრულ დიზაინთან ასოცირდება. სანამ UX დიზაინის სხვა მნიშვნელოვან საკითხებზე მოგიყვები, გაეცანი ქვემოთ მოცემულ ტერმინებს. მათი ცოდნა ძალიან დაგეხმარება და გაგიმარტივებს ამ სფეროში ორიენტირებას. A/B ტესტირება - მეთოდი, რომელიც გამოიყენება პროდუქტის/სერვისის ორი ვარიანტის შესადარებლად. გეხმარება, განსაზღვრო, რომელი მათგანი იქნება უფრო წარმატებული. წვდომა (Accessibility) - იმის განსაზღვრაა, თუ რამდენად იქნება შესაძლებელი პროდუქტის/სერვისის გამოყენება ნებისმიერი შესაძლებლობის მქონე ადამიანისთვის. Card Sorting - ინფორმაციის ლოგიკურ ჯგუფებში გადანაწილება, რათა განსაზღვრო ინფორმაციის არქიტექტურა, აგებულება. საბოლოო მომხმარებელი (End user) - ადამიანი, რომელიც გამოიყენებს დასრულებულ პროდუქტს/სერვისს მისი გამოშვებისთანავე. ადამიანისა და კომპიუტერის ინტერაქცია (Human computer interaction) - შესწავლის სფერო, რომელიც იკვლევს კომპიუტერული ტექნოლოგიის დიზაინს და ადამიანებსა და კომპიუტერს შორის ინტერაქციას. ინფორმაციის არქიტექტურა (Information architecture) - ინფორმაციის სტრუქტურული დიზაინი, რომელიც უფრო გასაგებს ხდის მონაცემებს. მოდელი (Mockup) - ვებ-გვერდის/აპლიკაციის რეალისტური მოდელი, რომელიც გიჩვენებს, როგორი ვიზუალი ექნება საბოლოო პროდუქტს. პერსონა (Persona) - იდეალური მომხმარებლის გამოგონილი მოდელი, რომელიც გეხმარება გაიგო მათი საჭიროებები, სურვილები, მიზნები და შეისწავლო მათი ქცევა. პროტოტიპი (Prototype) - საბოლოო პროდუქტის ნიმუში ან სიმულაცია, რომელიც მისი ტესტირებისთვისა და უკუკავშირის მისაღებად გამოიყენება. User flow - დიაგრამა, რომელიც ასახავს ყველა იმ ეტაპს, რომელსაც მომხმარებელი გადის პროდუქტის/სერვისის გამოყენების პროცესში. Wireframe - ვებ-გვერდის დაგეგმარების სქემა ვიზუალური დიზაინის გარეშე. გამოიყენება მომხმარებლების საჭიროების მიხედვით ვებ-გვერდის ელემენტებისთვის პრიორიტეტების მისანიჭებლად.   UX Research & Design-ის პროგრამა 21 ლექცია / 63 საათი / 11 კვირა გაიგე მეტი UX დიზაინერის ამოცანები და მოვალეობები UX დიზაინერის პასუხისმგებლობაა, გაზარდოს პროდუქტით/სერვისით მომხმარებლების კმაყოფილება. წარმოიდგინე შენი თავი როგორც მომხმარებლის ადვოკატი, რომელიც მუდმივად ეძებს გზებს მათი გამოცდილების გასაუმჯობესებლად. ახლა კი, ჩამოგითვლი იმ ამოცანებსა და მოვალეობებს, რომელთა შესრულებაც მოგიწევს დიზაინის პროცესის განმავლობაში: მომხმარებლისა და ბრენდის უფრო ახლოს გაცნობა და გაგება:  იფიქრე, რა პრობლემის გადაწყვეტას ცდილობ მომხმარებლისთვის და როგორ ეხმიანება იგი ბრენდის მიზნებს. მომხმარებლის კვლევის ჩატარება: განსაზღვრე მომხმარებლის საჭიროებები, მიზნები, ქცევა და პრობლემები, რომლებსაც პროდუქტის გამოყენებისას აწყდებიან. კვლევის ჩასატარებლად შეიძლება გამოიყენო გამოკითხვები, პირისპირ გასაუბრება, ფოკუს ჯგუფები ან A/B ტესტი. აქვე გეტყვი, რომ ზოგიერთ კომპანიაში ამ პროცესს UX მკვლევარი უძღვება. მიღებული ინფორმაციის ანალიზი: ამ ეტაპზე შექმნი მომხმარებლის პერსონას ჩატარებული კვლევების საფუძველზე. ეს მოგცემს საშუალებას, გაიგო, რომელია პროდუქტის/სერვისის ყველაზე მნიშვნელოვანი ელემენტები. დაიწყე იმის განსაზღვრა,თუ რა სახე ექნება user flow-ს. დიზაინი: დიზაინის შენების დაწყებასთან ერთად შექმნი გეგმებს, wireframe-ს ან პროტოტიპებს. ეს შენ და შენს გუნდს უკეთეს წარმოდგენას შეგიქმნით, თუ როგორი სახის იქნება საბოლოო პროდუქტი. ამ ეტაპზე UI დიზაინერი ვიზუალურ ელემენტებს ამატებს. მომხმარებლის ტესტის ჩატარება: შეამოწმე პროდუქტი/სერვისი რეალურ მომხმარებლებთან. პრობლემების აღმოჩენის შემთხვევაში კი იმუშავე მათი გადაჭრის გზებზე. პრეზენტაცია: წარუდგინე შენ მიერ შესრულებული დიზაინი კლიენტს/კომპანიას. UX დიზაინერისთვის საჭირო უნარები ყოველდღიურ საქმიანობაში ამოცანების წარმატებით შესასრულებლად UX დიზაინერს ტექნიკური და სამუშაო გარემოს მრავალფეროვანი უნარების გამოყენება ესაჭიროება. მრავალი მათგანი სხვა სფეროებშიც აუცილებელი კომპონენტია. ამიტომ, თუ UX დიზაინის მიმართულებით ახლა იწყებ განვითარებას, ამ უნარებს, სავარაუდოდ, უკვე ფლობ. კონცენტრირდი მათ გაუმჯობესებაზე, რაც შენი კარიერის მყარი საფუძველი გახდება. სამუშაო გარემოს უნარები: კომუნიკაცია - დაგეხმარება, ეფექტურად ჩაატარო ინტერვიუ მომხმარებლებთან და წარუდგინო სხვადასხვა საკითხის გადაწყვეტის გზები კლიენტებს. თანაგრძნობა - შესაძლებლობას გაძლევს, იფიქრო პრობლემებსა და მათი გადაჭრის გზებზე მომხმარებლის თვალსაზრისით. თანამშრომლობა - უზრუნველყოფს გუნდთან მუშაობის ჰარმონიულობას, უკუკავშირის მიღებას, მსჯელობასა და ამოცანის ერთობლივ გადაწყვეტას. კრიტიკული აზროვნება - გიბიძგებს, გამოიწვიო შენი თავი, გადააფასო ვარაუდები და შეიმუშაო ახალი გზები. ტექნიკური უნარები: კვლევა - ინტერვიუების, კვლევებისა და დაკვირვებების ჩატარება. გეხმარება საუკეთესო გადაწყვეტილების მიღებაში. ინფორმაციის არქიტექტურა - დიდი და კომპლექსური ინფორმაციის ორგანიზება და პრიორიტეტების მინიჭება. Wireframing (ვებ-გვერდის/აპლიკაციის ჩონჩხის აგება) - გეხმარება, ეფექტურად შეისწავლო დიზაინის საკითხების გადასაჭრელად არსებული გზები. პროტოტიპის შექმნა - აუცილებელია პროდუქტის/სერვისის პრაქტიკულობის შესასწავლად და პრობლემების აღმოსაჩენად.           გარდა ამისა, ამ მიმართულებით ვიზუალური დიზაინისა და პროგრამირების საფუძვლების ცოდნა დაგეხმარება, უკეთესად გაიგო პროდუქტის განვითარების პროცესი და მასში დიზაინის როლი. UX დიზაინერი - სამსახურის ტიპები სამსახურის ძიებისას UX დიზაინის მიმართულებით შესაძლოა პოზიციის მრავალფეროვან დასახელებებს წააწყდე. მაგალითად, UX Designer, Product Designer, Interaction Designer, Service Designer. როგორც UX დიზაინერს, პატარა კომპანიაში მუშაობისას ზოგადი როლის შეთავსება მოგიწევს და დიზაინის პროცესის ყოველ ეტაპს თავად გაუძღვები. ხოლო დიდ ორგანიზაციაში კი შესაძლოა შენი მოვალეობა სპეციალიზებული იყოს და უფრო კონკრეტულ მიმართულებას მოიცავდეს. მაგალითად, ინფორმაციის არქიტექტურას, UX კვლევას, UX ინჟინერიას, ინტერაქციულ დიზაინს და ა. შ. როცა გამოცილებას დააგროვებ, შესაძლებლობა გექნება, დრო დაუთმო შენი სპეციალიზაციით განვითარებას ან დაიკავო მენეჯერის პოზიცია პროექტების, პროდუქტების მიმართულებით. შეიძლება ბლოგის კითხვისას გაგიჩნდა კითხვა, თუ რა განსხვავებაა UX და UI დიზაინერებს შორის. UI (User Interface) დიზაინერიც ასევე პროდუქტის განვითარების პროცესში მონაწილეობს. თუმცა მისი ფოკუსი მოიცავს გრაფიკულ დიზაინსა და ინტერფეისს. გაეცანი ბლოგს "რა განსხვავებაა UX დიზაინსა და UI დიზაინს შორის?" რატომ UX დიზაინი? თუკი ისევ ფიქრობ, თუ რატომ უნდა აირჩიო UX დიზაინი, გეტყვი, რომ ეს მიმართულება კრეატიულობისა და ანალიტიკური უნარების გამოყენების შესაძლებლობას გაძლევს სხვადასხვა დარგში, რომელიც შესაძლოა შენი ინტერესის სფეროს წარმოადგენდეს. შენი სამუშაო დღითიდღე, პროექტიდან პროექტამდე ცვალებადი და მრავალფეროვანი იქნება. კარიერის განმავლობაში კი მუდმივად სწავლისა და განვითარების საშუალება გექნება. ასევე, ტექნოლოგიურ სამყაროში არსებული მოთხოვნებიდან გამომდინარე, UX დიზაინერების ანაზღაურებაც საკმაოდ მომხიბლავად ჟღერს. აშშ-ში მათი საშუალო წლიური შემოსავალი $116,693-ის ტოლია. როგორც ხედავ, UX დიზაინი გამოწვევებით სავსე სფეროა. თუ შენს კარიერაში სიახლის შეტანა გსურს და თან ციფრული პროდუქტების განვითარება გაინტერესებს, დროა მისი შესწავლა დაიწყო. გაეცანი Commschool-ის კურსისUX Research & Design სილაბუსს და შემოგვიერთდი! გაეცანი UX Research & Design-ის კურსის სილაბუსს

UX Research & Design: გზამკვლევი კარიერაში

იმისთვის, რომ შექმნა მომხმარებელზე მორგებული აპლიკაცია ან ვებ-გვერდი, საჭიროა მისი ტექნიკური, ვიზუალური და შინაარსობრივი გამართვა. ამ მიზნის მისაღწევად თითოეული მიმართულებით მომუშავე ადამიანი სხვადასხვა ფუნქციას ასრულებს, რითაც წარმატებული ციფრული პროდუქტის შექმნას უწყობენ ხელს. ამჯერად, შენს ყურადღებას UX Research & Design-ზე შევაჩერებ და მოგიყვები, თუ რა როლი აქვს UX დიზაინერს ამ პროცესში. UX (User Experience) დიზაინერი მუშაობს აპლიკაციისა თუ ვებ-გვერდის შინაარსობრივ მხარეზე. ის შეისწავლის მომხმარებლებისა და ციფრული პროდუქტის ურთიერთქმედებასა და მომხმარებლის გამოცდილებას. განსაზღვრავს, რამდენად მარტივად არის შესაძლებელი მისი გამოყენება და სხვადასხვა ამოცანების შესრულება. აქედან გამომდინარე, UX დიზაინერის ამოცანაა, შექმნას მომხმარებელზე ორიენტირებული პლატფორმა, რომელიც იქნება მარტივად გასაგები, მოსახერხებელი და ინტერაქციული. UX დიზაინი საკმაოდ საინტერესოდ ჟღერს, არა? მაშინ მოგიყვები, რა ეტაპები უნდა გაიარო იმისთვის, რომ გახდე წარმატებული UX დიზაინერი. 1. ისწავლე და გამოიმუშავე UX Research & Design-თვის საჭირო ძირითადი უნარები ეს ცოდნა მოიცავს სხვადასხვა მნიშვნელოვან ტექნიკურ უნარს, როგორებიცაა, მაგალითად, მომხმარებლების კვლევა და მიღებული ინფორმაციის ანალიზი მომხმარებლის ინტერფეისის დიზაინი, ციფრული პროდუქტის გამოყენების ტესტირება, პროტოტიპების შექმნა. ამასთან ერთად, აუცილებელია რბილი უნარებიც: პროექტების მართვა, კომუნიკაცია, კოლაბორაცია და კრიტიკული აზროვნება. 2. ისწავლე, როგორ გამოიყენო დიზაინის მთავარი ხელსაწყოები მომხმარებლებისთვის საუკეთესო გამოცდილების შესაქმნელად UX დიზაინერები სხვადასხვა ციფრულ ხელსაწყოებს მიმართავენ. ესენია Sketch, Illustrator, InVision Studio, Adobe XD, Axure, Figma, Marvel. მათგან ყველაზე ფართოდ გავრცელებული Sketch არის. ინტერფეისის დიზაინისთვის კი უმეტესად Photoshop-ს მიმართავენ. აქვე გეტყვი, რომ UX პროექტის ფარგლებში ერთ-ერთი მნიშვნელოვანი და საჭირო კომპონენტი არის ციფრული პროდუქტის პროტოტიპის შექმნა. ამისთვის ხშირად გამოიყენება შემდეგი პროგრამები: Principle, Flinto, Framer და ProtoPie. ისინი დიზაინერს ეხმარება, შექმნას საბოლოო პროდუქტის ერთგვარი სიმულაცია და შეამოწმონ იგი ბაზარზე გამოშვებამდე. 3. იმუშავე ინდივიდუალურ UX პროექტებზე მართალია, თეორიული ცოდნა ძალიან მნიშვნელოვანია წარმატებული პროექტების განსახორციელებლად, თუმცა არანაკლებ საჭიროა პრაქტიკული გამოცდილებაც. ამიტომ, გირჩევ, რომ სწავლის პარალელურად აქტიურად იმუშაო საკუთარ UX პროექტებზე ინდივიდუალურად. ამ პროცესში შეძლებ რეალურად შექმნა სხვადასხვა ტიპის აპლიკაციისა თუ ვებ-გვერდის UX დიზაინი, გამოცადო შენი შესაძლებლობები, დახვეწო შესაბამისი უნარები. შეეცადე, რომ მოიცვა განსხვავებული სფეროს პროექტები. ეს გააძლიერებს შენ მიერ ათვისებულ UX დიზაინის ფუნდამენტურ უნარებს. ჩაერთვები UX დიზაინის შექმნის სრულ პროცესში: ისწავლი, როგორ შეიმუშაო სწორი სტრატეგია და ჩაატარო მომხმარებლის კვლევა, შექმნა შესაბამისი ინტერფეისი. ამასთან ერთად, შეძლებ შენი პორტფოლიოს მრავალფეროვანი პროექტებით გამდიდრებას, რაც სამსახურის ძიებისას აუცილებლად დაგეხმარება. 4. შექმენი UX პორტფოლიო როგორც კი განივითარებ UX Research & Design-თვის საჭირო ყველა ძირითად უნარს, დროა, შეუდგე პორტფოლიოს შექმნას. ვაკანსიაზე აპლიკაციის შევსებისას მისი გაგზავნა ერთ-ერთი ძირითადი მოთხოვნაა. კარგი პორტფოლიოს შესადგენად არ არის საჭირო მისი შევსება შენი ყველა ნამუშევრით. უკეთესი იქნება, თუ პირველ რიგში, მოიძიებ იმ კომპანიის შესახებ ინფორმაციას, რომლის ვაკანსიაზეც გსურს განაცხადის გაკეთება. შემდგომ კი, შესაბამისი სფეროს მიხედვით, შეარჩიო დაახლოებით 5 პროექტი, რომელიც საუკეთესოდ წარმოაჩენს კომპანიის საქმიანობას, მიღწევებს, მიზნებსა და შენს როლს ამ პროცესში. შენი UX პორტფოლიო უფრო დახვეწილი იქნება, თუკი იგი მაქსიმალურად დაახლოებული იქნება შენს პიროვნებასთან. იქნება ორიგინალური და ავთენტური. თითოეული დეტალი უნდა მეტყველებდეს შენზე და ჰყვებოდეს ისტორიას როგორც პროექტის შექმნის, ისე შენი უნიკალური უნარებისა და კრეატიულობის შესახებ. 5. შეიტანე განაცხადი შესაბამის ვაკანსიაზე UX დიზაინერები არაერთ განსხვავებულ სფეროში არიან დასაქმებულნი. ამიტომ მათ მიერ დაკავებული პოზიციები შესაძლოა სხვადასხვა დასახელების იყოს. ამიტომ შენთვის საინტერესო ვაკანსიის ძიებისას მათი ცოდნა გამოდგება. ეს მცირე ჩამონათვალია UX დიზაინის იმ პოზიციებისა, რომელსაც შესაძლოა ამ პროცესში გადააწყდე: UX Designer User Researcher UX Researcher Experience Designer Information Architect Interaction Designer UX Strategist UX Architect UX Product Manager UX Analyst UX Engineer UX Developer ახლა კი შენთვის კარგი ამბავი მაქვს. თუკი Commschool-ში UX Research & Design კურსზე დარეგისტრირდები, შესაძლებლობა გექნება, ეს ეტაპები თანმიმდევრულად და წარმატებით გაიარო. ჩვენთან შეისწავლი UX დიზაინისთვის საჭირო ყველა უნარს, იმუშავებ ინდივიდუალურ პროექტზე და ასევე, გექნება წვდომა პარტნიორი კომპანიების ექსკლუზიურ სამუშაო შეთავაზებებთან და სტაჟირებებთან. ასე რომ, თუკი მზად ხარ ახალი გამოწვევებისთვის და გსურს, დაეუფლო ერთ-ერთ ყველაზე მაღალანაზღაურებად პროფესიას, შემოგვიერთდი Commschool-ში! აირჩიე UX Research & Design