ძველ ვერსიაზე გადასასვლელად დააჭირე აქ

Sense of Illustration

  • 5.0 შეფასება

  • 4 ლექცია

  • 20 საათი

  • 2 კვირა

დიზაინის სფეროში ნიჭი და კრეატიული უნარები დღეს საკმარისი აღარ არის ფრილანს კარიერის დასაწყებად ან/და განსავითარებლად. რეალურად დაბრკოლებები მაშინ იწყება, როცა თითქოს ყველა საჭირო ტექნიკური უნარი გაქვს, მაგრამ არ იცი, როგორ შეადგინო ბიუჯეტი და თაიმლაინი, ააწყო პორტფოლიო, გქონდეს ინდივიდუალური ნიშა და რაც მთავარია, შეძლო ბაზარზე საკუთარი თავის სწორად პოზიციონირება. კონკურენცია ძალიან მაღალია, დამოუკიდებლად მუშაობა კი კიდევ უფრო რთული. ამ პირობებში საკმაოდ ბუნდოვანია ილუსტრატორის ანაზღაურების შესახებ ინფორმაციაც. Sense of (Freelance) Illustration-ის ქრეშ-კურსიც სწორედ ამ გამოწვევების დაძლევისთვის საჭირო გზამკვლევია, რომელიც წლების განმავლობაში მიღებულ ანანოს პირად გამოცდილებას ეფუძნება. კურსის ფარგლებში მონაწილეები გაივლიან ილუსტრაციის შექმნის სრულ ციკლს – ინსპირაციის პოვნის, ბრიფის ანალიზის, სკეჩების დახატვისა და დახვეწის ჩათვლით. რაც მთავარია, შეეძლებათ ბრიფზე დაყრდნობით იმუშაონ პროექტზე/სავარჯიშოებზე, რომლის პრაქტიკაში დანერგვაც დაეხმარებათ გადალახონ ცარიელი ფურცლის შიში. კურსს ფრილანს ილუსტრატორი, ანანო მიმინოშვილი გაუძღვება. მისი პორტფოლიო 200-მდე ფრილანს პროექტს და ისეთ კლიენტებს მოიცავს, როგორებიც არიან: The New York Times, Chanel, BAFTA, FILA, Adobe, Meta, Airbnb, The Washington Post, The New Yorker, The Hollywood Reporter და მრავალი სხვა. შეხვედრებს უმასპინძლებს სასტუმრო Stamba.

კურსის დასრულების შემდეგ შეგეძლება

დამატებითი უნარები: Conceptual Thinking, Freelancing, Client Relationship.

  • "2 weekend-ის შემდეგ, თითქოს ბევრად მიზანდასახული და მოტივირებული გავხდი, ზუსტად ვიცი, ჩემი მომავალი 1 წლის გეგმები და მიზნები და ამაში დიდი წვლილი მიუძღვის ქრეშ-კურსს"

  • "სანამ ამ კურსს გავივლიდი, ყოველთვის ვწვალობდი ილუსტრაციებისთვის კონცეპტების და იდეების მოფიქრებაში, მაგრამ ნასწავლი ხერხების სამადლობლოდ, ვიცი, მომავალში მსგავსი პრობლემა როგორ გადავჭრა."

  • "მთლიანად კურსზე მიღებულმა ცოდნამ და გამოცდილებამ სულ ახლიდან დამმუხტა და მომცა ხედვა, თუ როგორ წავწიო წინ ჩემი, როგორც ილუსტრატორის კარიერა."

  • "ყველაზე ღირებული ჩემთვის ის იყო, რომ თანამოაზრეები აღმოვაჩინე საკმაოდ ბევრი და მათთან ურთიერთობა ძალიან სასიამოვნო იყო"

  • "კურსმა გააფართოვა ჩემი ცნობიერება ილუსტრაციაზე, მის გამოყენებაზე, კლიენტთან ურთიერთობაზე და ბიუჯეტირებაზე"

  • "მადლობა, რომ ცოტა ხალისი და უფრო მეტი მოტივაცია მომეცით, გავაგრძელო საკუთარ ნამუშევრებზე მუშაობა"

  • "ყველაზე დიდი გამოწვევა ჩემთვის ხელით ხატვა იყო. ბრიფზე მუშაობის პროცესი დავიწყეთ იდეების გენერირებით, შემდეგ იყო სკეჩი, რეფერენსების მოძებნა და დიჯითალ ნამუშევრის შექმნა. "

  • "გავიარეთ ისეთი მნიშვნელოვანი საკითხები, როგორებიცაა საკუთარი თავის, როგორც დიზაინერის/ილუსტრატორის პრეზენტაბელურობა, შენი თავის სწორად პოზიციონირება, სამუშაო პროცესის ოპტიმიზირება"

  • "ძალიან საინტერესო და საჭირო ინფორმაცია მივიღე სამუშაო ანაზღაურების, პორტფოლიოს მნიშვნელობის შესახებ, რაც დამეხმარება მომავალში სწორად განვსაზღვრო, თუ რაზე მსურს ვიმუშაო და რა მიმართულებით გავხადო ჩემი სტილი მოთხოვნადი."

13 მაისი 1500₾

შაბ-კვი 14:00-19:00

4 მარტი 1500₾

შაბ-კვი 14:00-19:00

წინასწარ ჩაწერა
გადაანაწილე გადასახადი
TBC განვადება
BOG განვადება

ვისთვის არის კურსი

პროფესიონალებისთვის

კურსი განკუთვნილია მათთვის, ვისაც მინიმალური გამოცდილება აქვს დიზაინის ან/და ილუსტრაციის სფეროში და სურთ ახალი ტექნიკების აღმოჩენა და დიზაინერული უნარების განვითარება.

ფრილანსერებისთვის

მათთვის, ვისაც აინტერესებს ინდუსტრიის შესახებ მეტი ინფორმაციის მიღება და ფრილანსერობის სფეროში მუშაობის სტრატეგიები.

დამწყებებისთვის

პირებისთვის, ვისაც სჭირდება გამბედაობის მოკრება და ახალი ნაბიჯების გადადგმა დიზაინისა და ილუსტრაციის მიმართულებით.

პროგრამა მოიცავს

კურსდამთავრებულთა კლუბი

ფინალური გამოცდის წარმატებით ჩაბარების შემთხვევაში, კურსდამთავრებული ავტომატურად ირიცხება Alumni Club-ში, შემდეგ კი იღებს წვდომას ექსკლუზიურ ივენთებზე, კონტენტზე და შემოთავაზებებზე ჩვენი პარტნიორი კომპანიებიდან.

პრაქტიკული პროექტები

პრაქტიკაზე დაფუძნებულ სწავლება, რაშიც იგულისხმება დავალებები / სავარჯიშოები და ინდივიდუალური პროექტი.

ორენოვანი სერტიფიკატი

კურსის წარმატებით დასრულების შემდეგ სტუდენტი მიიღებს ორენოვან სერტიფიკატს.

კურსდამთავრებულები

5.0 Rate

სილაბუსი

წარმოსახვის განვითარება | ინსპირაცია | სფეროს მიმოხილვა


14:00-16:00 ინტერაქციული ლექცია
16:00-17:00 Networking / Coffee Break
17:00-19:00 Workshop

ბრიფის ამოხსნა | ჩანახატი | კომპოზიცია | შინაარსი


14:00-16:00 ინტერაქციული ლექცია
16:00-17:00 Networking / Coffee Break
17:00-19:00 Workshop

ილუსტრაციის ტექნიკურად გამართვა | ესთეტიკა | ხარისხი


14:00-16:00 ინტერაქციული ლექცია
16:00-17:00 Networking / Coffee Break
17:00-19:00 Workshop

პლატფორმები | კლიენტებთან ურთიერთობა | ბიუჯეტის განსაზღვრა | ილუსტრაციის ლიცენზია


14:00-16:00 ინტერაქციული ლექცია
16:00-17:00 Networking / Coffee Break
17:00-19:00 Workshop

აარჩიე შენთვის სასურველი დრო

ლექტორები

ანანო მიმინოშვილი

Sense of Illustration

ანანო მიმინოშვილი

Sense of Illustration

ანანო უკვე მე-5 წელია ფრილანს ილუსტრატორია და მუშაობს ისეთ კლიენტებთან, როგორიცაა: The New York Times, Chanel, BAFTA, FILA, Adobe, Meta, Airbnb, The Washington Post, The New Yorker, The Hollywood Reporter და მრავალი სხვა. კომერციული პროექტების გარდა, ანანო დიდ დროს უთმობს პერსონალურ ნამუშევრებსა და ჩანახატებს. ის არის Young Guns 19-ის ფინალისტი და Communication Arts Excellence Award 2022-ისა და Communication Arts Excellence Award 2023-ის მფლობელი. პორტფოლიოს ბმული: anamiminoshvili.com

Linkedin

ხშირად დასმული კითხვები კურსის შესახებ

A: Sense of Illustration არის უნიკალური შესაძლებლობა განავითაროთ თქვენი მხატვრული უნარები და შექმნათ გამორჩეული ილუსტრაციები. ეს კურსი გასწავლით როგორც ტრადიციულ, ისე ციფრულ ტექნიკებს, რაც საშუალებას მოგცემთ იმუშაოთ სხვადასხვა პროექტზე - წიგნების ილუსტრაციებიდან დაწყებული, ციფრული კონტენტით დამთავრებული.

Your search Digital Designer did not match any documents

ვერ მიიღე შენთვის საინტერესო ინფორმაცია?

ჩაეწერე უფასო კონსულტაციაზე

შესაძლოა გაინტერესებდეს

საშუალო
1100₾
AI გრაფიკულ დიზაინში
დიზაინის ტრადიციული მეთოდები შრომატევადია და დიდ დროის რესურსს მოითხოვს, რაც, ხშირ შემთხვევაში, ზღუდავს შემოქმედობითობას და მოსაწყენს ხდის დიზაინერის ყოველდღიურობას. თუმცა, გენერაციული AI არის ის რევოლუციური გადაწყვეტა, რაც საშუალებას მისცემს დიზაინერებს გადალახონ ამგვარი დაბრკოლებები და მეტიც  იყონ მეტად ეფექტურები ყოველდღიურ საქმიანობაში. კურსი დატვირთულია პრაქტიკული დავალებებით და ფინალური პროექტით, რაც  მოგცემს საშუალებას  დააგროვო პორტფოლიო და შეიძინო ცოდნა, რომელსაც  პრაქტიკაში გამოიყენებ
8 ლექცია
24 საათი
საშუალო
1300₾
Art Direction
ნებისმიერი ვიზუალური გადაწყვეტის მიღმა, იქნება ეს პოსტერი, ანიმაცია, ლოგო და თუ სხვა, დგას ძლიერი კონცეფცია და ექსპერიმენტული მიდგომები. Art direction-ის ეს კურსი გაძლევთ შესაძლებლობას დაინახოთ და გაიაროთ იგივე გზა რაც წარმატებული ნამუშევრების საფუძველია. პროგრამის განმავლობაში თქვენ ისწავლით ინდივიდუალურობის შენარჩუნებას კონკურენტულ გარემოში, ძლიერი კონცეფციების შექმნას თანამედროვე ვიზუალურ სამყაროში და ამბის თხრობის გაძლიერებას კონცეფციის ისეთი ელემენტებით, როგორიცაა პერსონაჟი, სიუჟეტი, ტონი და ვიზუალური მხარე. კურსი ფოკუსირებულია პრაქტიკულ გამოცდილებაზე, სადაც იმუშავებთ კამპანიის შექმნის სრულ პროცესზე, რაც მოგცემთ ინდუსტრიაში არსებული გამოწვევების გადაჭრის გამოცდილებას. თქვენ შეისწავლით კლიენტის პრობლემის ვიზუალურ გადაწყვეტას და ჩაერთვებით კრეატიული კამპანიის შექმნის მთლიან პროცესში - მიღებული ბრიფის შემოქმედებითი გადაწყვეტიდან -მის აღსრულებამდე. კურსის ბოლოს შეასრულებთ ფინალურ პროექტს, რომელიც გამოავლენს თქვენს შეძენილ უნარებს. ეს კურსი არის მათთვის, ვისი საქმიანობაც დაკავშირებულია შემოქმედებით ინდუსტრიასთან ან კარიერულ განვითარებას ამ მიმართულებით ხედავს. მათთვის, ვისაც სურს ახლებურად შეხედოს ყოველდღიურ სამუშაო პროცესს და გააუმჯობესოს ვიზუალური პროექტების მართვის უნარი.
14 ლექცია
42 საათი
საშუალო
1300₾
Motion Design
Motion Design ერთ-ერთი ყველაზე მოთხოვნადი და პოპულარული პროფესიაა მსოფლიოში, რომელიც აქტიურად გამოიყენება სარეკლამო რგოლებში, მუსიკალურ კლიპებში, სატელევიზიო შოუებსა თუ პრომო ვიდეოებში, მხატვრულ თუ დოკუმენტური ფილმებში. ასევე,  სოციალურ ქსელებში (ციფრული ბანერები, პოსტები, სთორი, ა.შ). კურსის განმავლობაში მთავარი აქცენტი გაკეთდება, არამხოლოდ After Effect-ის ტექნიკური ცოდნის მიღებაზე, არამედ ანიმაციის იმ პრინციპებზე, მეთოდებსა და ხელსაწყოებზე, რომლებსაც აქტიურად იყენებენ ამ სფეროში მომუშავე პროფესიონალები სხვადასხვა სირთულის პროექტის შესაქმნელად. Პროგრამა სრულად დაფუძნებულია პრაქტიკულ სამუშაოებზე, რომლის განმავლობაშიც სტუდენტებს შეეძლებათ სხვადასხვა ტიპის ანიმაციის შექმნა რეალური პროექტებიდან და ბრიფიდან გამომდინარე.  რაც ყველაზე მთავარია, მიიღებენ  ჯანსაღ კრიტიკასა და რჩევებს გაუმჯობესებისთვის.
15 ლექცია
45 საათი
ექსპერტი
1500₾
Sense of Illustration
დიზაინის სფეროში ნიჭი და კრეატიული უნარები დღეს საკმარისი აღარ არის ფრილანს კარიერის დასაწყებად ან/და განსავითარებლად. რეალურად დაბრკოლებები მაშინ იწყება, როცა თითქოს ყველა საჭირო ტექნიკური უნარი გაქვს, მაგრამ არ იცი, როგორ შეადგინო ბიუჯეტი და თაიმლაინი, ააწყო პორტფოლიო, გქონდეს ინდივიდუალური ნიშა და რაც მთავარია, შეძლო ბაზარზე საკუთარი თავის სწორად პოზიციონირება. კონკურენცია ძალიან მაღალია, დამოუკიდებლად მუშაობა კი კიდევ უფრო რთული. ამ პირობებში საკმაოდ ბუნდოვანია ილუსტრატორის ანაზღაურების შესახებ ინფორმაციაც. Sense of (Freelance) Illustration-ის ქრეშ-კურსიც სწორედ ამ გამოწვევების დაძლევისთვის საჭირო გზამკვლევია, რომელიც წლების განმავლობაში მიღებულ ანანოს პირად გამოცდილებას ეფუძნება. კურსის ფარგლებში მონაწილეები გაივლიან ილუსტრაციის შექმნის სრულ ციკლს – ინსპირაციის პოვნის, ბრიფის ანალიზის, სკეჩების დახატვისა და დახვეწის ჩათვლით. რაც მთავარია, შეეძლებათ ბრიფზე დაყრდნობით იმუშაონ პროექტზე/სავარჯიშოებზე, რომლის პრაქტიკაში დანერგვაც დაეხმარებათ გადალახონ ცარიელი ფურცლის შიში. კურსს ფრილანს ილუსტრატორი, ანანო მიმინოშვილი გაუძღვება. მისი პორტფოლიო 200-მდე ფრილანს პროექტს და ისეთ კლიენტებს მოიცავს, როგორებიც არიან: The New York Times, Chanel, BAFTA, FILA, Adobe, Meta, Airbnb, The Washington Post, The New Yorker, The Hollywood Reporter და მრავალი სხვა. შეხვედრებს უმასპინძლებს სასტუმრო Stamba.
4 ლექცია
20 საათი
დამწყები
1400₾
UI დიზაინი
დიზაინის აქტიური გაციფრულების ერაში ჩნდება მზარდი და გადაუდებელი საჭიროება ისეთი პროდუქტების, სისტემებისა და სერვისების შექმნის, რომელიც ადამიანებს კომპიუტერთან ინტერაქციას გაუმარტივებს.ინტერფეისის დიზაინი, როგორც დისციპლინა, შეისწავლის ადამიანის ქცევას და უნივერსალური გამოსახულების მეთოდებს, რათა შეიმუშაოს ინტერაქციის ისეთი პრაქტიკები, რომლებიც უკეთ მოერგება მომხმარებლის ინტუიციას, პრინციპებს, საჭიროებებსა და გადაწყვეტილებებს.კურსის ფარგლებში სრულად განვიხილავთ და გავივლით ყველა იმ ეტაპს და მეთოდს, რასაც ინტერფეისის დიზაინერის მოვალეობა და სამუშაოს სპეციფიკა ითვალისწინებს: ბრიფისა და კონცეფციის ანალიზიდან დაწყებული, კომპლექსური wireframe-ის, დიზაინ სისტემის, flow-ს, სტრუქტურის შემუშავებით, ტესტინგით და პროტოტაიპის პრეზენტაციით დასრულებული.
14 ლექცია
42 საათი
საშუალო
1700₾
UX კვლევა & დიზაინი
მას შემდეგ, რაც ციფრულმა პროდუქტებმა ბევრი ყოველდღიური საქმე ჩაანაცვლა, გაჩნდა საჭიროება, რომ ეს პროდუქტები მაქსიმალურად მორგებული იყოს ადამიანების მოთხოვნებს და შესაძლებლობებს. პროდუქტებიდან მიღებული გამოცდილება(UX) ერთ-ერთი გადამწყვეტი ფაქტორია წარმატებისთვის. შესაბამისად, მნიშვნელოვანია ამ სფეროში კომპეტენტური კადრის ყოლა.კურსი დაფუძნებულია მომხმარებელზე ორიენტირებული დიზაინის (HCD), კერძოდ, კი Design Thinking-ის პროცესზე (Framework-ზე) და იძლევა ცოდნას ყველა იმ მეთოდზე, რომელიც ციფრული პროდუქტების შექმნაში გამოიყენება.
21 ლექცია
63 საათი
დამწყები
1250₾
გრაფიკული დიზაინი
ფინალური პროექტის შედეგების მიხედვით, საუკეთესო კურსდამთავრებული გაივლის გარანტირებულ სტაჟირებას პარტნიორი კრეატიული სააგენტოდან ერთ-ერთში. პროგრამა სრულად მოიცავს პრაქტიკაზე დაფუძნებულ სწავლებას, რომლის განმავლობაშიც სტუდენტებს საშუალება ექნებათ, გაეცნონ სხვადასხვა ტიპის პროექტზე მუშაობის პროცესს, ვიზუალის კეთების სწორ პრინციპებსა და დიზაინის მიმართულებებს; 0-დან შეისწავლიან გრაფიკული რედაქტორების იმ აუცილებელ ტექნიკურ ნაწილს, რომელიც საჭიროა სხვადასხვა მიმართულებით სამუშაოდ. Adobe Photoshop-ისა და Adobe Illustrator-ის ტექნიკური ცოდნის მიღებით, ისწავლიან ვიზუალების შექმნას სხვადასხვა მედია არხისთვის, ბრიფის სწორად გაანალიზებას, მუდბორდების შექმნას და დიზაინ-პროექტების დაგეგმვას.პროგრამის განმავლობაში თითოეული ლექციის შემდეგ სტუდენტები დამოუკიდებლად შეასრულებენ შესაბამის პრაქტიკულ სავარჯიშოს. ასევე,  მიიღებენ რჩევებს/კონსულტაციებს კარიერული განვითარების კუთხით, კურსის დასასრულს კი შექმნიან ინდივიდუალურ პროექტს, რომლითაც შეკრავენ კურსის განმავლობაში შექმნილ პორტფოლიოს.
14 ლექცია
48 საათი

რელევანტური რესურსები

იხილე სრულად

5 მიზეზი, რატომ უნდა გახდე UX დიზაინერი

ინტერესი, ალბათ, ბევრი სფეროს მიმართ გაგჩენია, მაგრამ მხოლოდ ინტერესი ვერ აღმოჩენილა საკმარისი, რომ ეს სფერო შენს პროფესიად გექცია. ბლოგში სწორედ იმ 5 მიზეზს გაგაცნობთ, რომლებმაც UX დიზაინერი, შესაძლოა, შენთვის სასურველ პროფესიად დაგანახოს. რატომ უნდა გახდე UX დიზაინერი? 1. მოთხოვნადიადავიწყოთ იმით, რომ Linkedin-ის  რეკომენდაციით UX დიზაინი იმ 20 TOP უნარს შორისაა, რომლის სწავლაც პრიორიტეტულია, ამის მიზეზი კი UX დიზაინერებზე მოთხოვნის მნიშვნელოვანი ზრდაა. ეს ტრენდი კიდევ უფრო მყარი შეიძლება გახდეს, რადგან UX Google-ის საძიებო სისტემის ranking ფაქტორებს შორის არის. ეს ნიშნავს, რომ რაც უფრო უკეთესია საიტის UX დიზაინი, Google მას მით უფრო წინ დააყენებს ძიების შედეგებში. შედეგად, კონკურენტულობის შესანარჩუნებლად ბიზნესებს კიდევ უფრო მეტი ყურადღების მიქცევა შეიძლება დასჭირდეთ კარგ UX დიზაინზე. 2. მაღალანაზღაურებადიაის, რაც ასეთი მოთხოვნადი და მნიშვნელოვანია, დღევანდელ ბაზარზე სათანადოდ ანაზღაურებადიც არის: საქართველოში UX დიზაინერის საშუალო ყოველთვიური ხელფასი 2600 ლარია. ესეც არ იყოს, ეს ისეთი პროფესიაა, რომელიც დისტანციურად მუშაობის საშუალებასაც გაძლევს. ამდენად, არა მხოლოდ საქართველოს, არამედ საერთაშორისო პროექტებიც შეგიძლია აიღო ისეთი ფრილანს პლატფორმების საშუალებით, როგორიც Upwork, Toptal, Freelancer და სხვაა. Upwork-ზე კი UX დიზაინერის საშუალო საათობრივი ანაზღაურება 25$-75$ შუალედშია.პერსპექტიულია პანდემიამ სხვადასხვა სფეროს გაციფრულების პროცესი ძალიან დააჩქარა. InVision-ის კვლევა სწორედ ამას ადასტურებს: კვლევის რესპონდენტებისგან, კომპანიების მენეჯერებისგან, ირკვევა, რომ მათმა 70%-მა გასული 2020 წლის განმავლობაში ციფრული პროდუქტების დიზაინზე მომუშავე გუნდები გაზარდა. ამდენად, არაპროგნოზირებად სამყაროში UX დიზაინი, პროგნოზირებადად სტაბილურ პროფესიად გვევლინება.გაძლევს მრავალმხრივი განვითარების საშუალებასკვლევის ჩატარება, შედეგების ანალიზი, პროტოტიპის შექმნა თუ გატესტვა, არ არის ისეთი უნარები, რომლებიც მხოლოდ UX დიზაინერისთვისაა გამოსადეგი. UX დიზაინერობის ერთ-ერთი პლუსი სწორედ ისაა, რომ დამატებითი პროფესიებისკენაც გიხსნის გზას, იქნება ეს დეველოპმენტი თუ ფროდაქთ მენეჯმენტი, შესამაბისად მრავალ მხრივ შეგიძლია განვითარდე და ახალ პროფესიებსაც დაეუფლო.ხელმისაწვდომიაზემოთ მოყვანილი ფაქტებიდან შენთვის, ალბათ, უკვე აშკარაა, რამდენად პოპულარულია დღეს UX დიზაინის სფერო. იქ კი, სადაც ამხელა ინტერესი და მოთხოვნაა ინფორმაციაზე, უამრავი რესურსი და სასწავლო მასალა ჩნდება თვითგანვითარებისთვის. მრავალი რესურსი კი ხელს გიწყობს მეტი ცოდნა/გამოცდილება დააგროვო, რაც მუშაობას უფრო საინტერესოსა და გამოწვევებით სავსეს ხდის. UX კვლევა & დიზაინი: კურსის შესახებ თუმცა, ინტერნეტ რესურსებიდან სწავლა შეიძლება რთული აღმოჩნდეს - უამრავი მასალა, შესაბამისად მეტი დახარჯული დრო და ენერგია, მათ შორის კომპეტენტური ადამიანებისგან მიღებული რჩევების ნაკლებობა შეიძლება ნაკლები მოტივაციის მიზეზი გახდეს.UX Research & Design-ის კურსის ფარგლებში, რომელიც 24 სამსაათიან ლექციას მოიცავს, ლექტორები თავიან გამოცდილებას თეორიულ მასალასთან ერთად პრაქტიკული დავალებებით გაგიზიარებენ. პროგრამის განმავლობაში კი მთელ UX პროცესს გადიხარ: მომხმარებლის კვლევის ჩატარება მიღებული ინსაითების გამოყენებით პროტოტიპის აწყობა Figma-სა და XD-ში Usability ტესტიტების ჩატარება კარიერულ წინსვლაში კი Commschool-ის Alumni Club-ის წევრობა დაგეხმარება, რაც ჩვენი პარტნიორი კომპანიების ექსკლუზიურ ვაკანსიებსა და სტაჟირების შესაძლებლობებზე წვდომას გულისხმობს. პარტნიორი კომპანიები კი  Adjarabet, Space, Adjara Sport, GPI Holding-ისა და ლიბერთი ბანკი არიან. იმისთვის, რომ კურსამთავრებულთა კლუბის შემოთავაზებებით ისარგებლო, მხოლოდ ნებისმიერი პროგრამის, მათ შორის UX Research & Design-ის წარმატებით დასრულება გჭირდება.ასე რომ, თუ UX დიზაინი გაინტერესებს, მისი სრული პროცესი გინდა გაიარო და თან კარიერული განვითარების შესაძლებლობები მიიღო, შემოგვიერთდი. პროგრამაზე ჩარიცხვა

გზამკვლევი პროფესიაში: UI დიზაინერი

დღეს მრავალი კომპანია ციფრული პროდუქტების დახმარებით ახორციელებს საკუთარ საქმიანობას. ისინი ქმნიან არაერთ აპლიკაციასა თუ ვებ-გვერდს, რომელთა საშუალებით მათ პროდუქციას წარუდგენენ მომხმარებლებს და ერთმანეთთან აკავშირებენ. იმისთვის, რომ შექმნან ისეთი წარმატებული პლატფორმა, რომლის გამოყენებაც მარტივია და სასიამოვნო გამოცდილებასთან ასოცირდება, საჭიროა არაერთი პროფესიის ადამიანის ჩართულობა. მათ შორის, ერთ-ერთი ყველაზე მნიშვნელოვანი მიმართულება UI Design არის.ვინ არის UI დიზაინერი? UI დიზაინი (User Interface Design) მოიცავს პროდუქტის ინტერფეისის ყველა ვიზუალურ და ინტერაქციულ ელემენტს, მაგალითად, ღილაკებს, ტიპოგრაფიას, ფერთა სქემას და სხვა. UI დიზაინერის მიზანია, შექმნას ისეთი გამოცდილება, რომელიც მომხმარებლის ზედმეტ ფიქრს არ საჭიროებს. კერძოდ კი, იგი მუშაობს ინტერაქციის დიზაინსა და ციფრული პროდუქტის ესთეტიკურ მხარეზე.აქვე გეტყვი, რომ პროფესიონალ UI დიზაინერზე მოთხოვნა დიდია. მაღალია მათი ანაზღაურებაც. Indeed-ის მიხედვით, ამერიკაში UI დიზაინერის წლიური საშუალო ხელფასი 77 832$-ია. საქართველოში კი ეს მონაცემი თვიურად 2500 ლარს შეადგენს.UI დიზაინის დაუფლება ნებისმიერი სფეროს წარმომადგენელს შეუძლია განსხვავებული დისციპლინებიდან. ამის მიღწევა კი შემდეგი ეტაპების გავლის შემდეგ შეგიძლია: 1. ისწავლე დიზაინის მთავარი პრინციპები დიზაინერები თავიანთ საქმიანობაში იყენებენ სხვადასხვა ფუნდამენტურ პრინციპს. ეს ცოდნა მოიცავს ფერების, ხაზების, ფორმების, ფოტოსურათების და სხვა გამომსახველობითი საშუალების გამოყენებით, როგორ განალაგონ ორგანიზებულად ინფორმაცია, ჩართონ მომხმარებლები ვიზუალურად და ინტელექტუალურად, მიიპყრონ მათი ყურადღება ან/და აღძრან მათში გარკვეული ემოცია.ამგვარად, პირველი ნაბიჯი UI დიზაინში სწორედ ამ ტექნიკების შესწავლით უნდა გადადგა. დიზაინი არის ხელოვნება და არა მეცნიერება. აქ არ არსებობს სწორი პასუხები. ამიტომ საკუთარი ცოდნისა და უნარების გაუმჯობესება ამ პროფესიის თანმდევი მუდმივი პროცესია და მისი ამოწურვა შეუძლებელია. 2. ჩაეწერე UI Design კურსზე დიზაინის ტექნიკის შესწავლის გარდა აუცილებელია სხვა პროფესიული და სპეციალიზებული უნარების ფლობაც. იმისთვის, რომ UI დიზაინერმა შექმნას სასიამოვნო ვიზუალი და მისი საშუალებით მიაწოდოს ინფორმაცია მომხმარებელს, ის იყენებს ბალანსს, განლაგებას, კონტრასტს, შეხამებას.თუ როგორ გამოიყენო სწორად ვიზუალური საშუალებები ციფრული პროდუქტის შინაარსობრივი მხარის საუკეთესოდ წარმოჩენისთვის, შეისწავლი UI დიზაინის კურსებზე. Commschool სწორედ ამის შესაძლებლობა გეძლევა. UI Design კურსის ფარგლებში გაივლი ყველა იმ ეტაპსა და მეთოდს, რასაც ინტერფეისის დიზაინერის მოვალეობა და სამუშაოს სპეციფიკა ითვალისწინებს.თანაც, სწავლების მეთოდი ძირითადად პრაქტიკაზე არის დაფუძნებული. პროგრამის განმავლობაში შეასრულებ არაერთ სავარჯიშოსა და ფინალურ ინდივიდუალურ პროექტს. ეს დაგეხმარება ათვისებული მასალისა და უნარების დახვეწასა და გაუმჯობესებაში. 3. ისწავლე UI დიზაინის მთავარი ხელსაწყოები UI Design-ის კურსი დაგეხმარება, რომ დიზაინისთვის საჭირო სხვადასხვა ხელსაწყოთი მუშაობის გამოცდილება მიიღო. შემდეგ კი თავად გააგრძელო ამ მიმართულებით განვითარება.გარდა ამისა, პროფესიულ ზრდაში დაგეხმარება იმ ხელსაწყოების შესწავლაც, რომელსაც UX ან სხვა დიზაინერები იყენებენ. ესენია Photoshop, Sketch, Illustrator, InVision Studio, Adobe XD, Axure, ProtoPie, Framer, Principle. მათი გამოყენების საფუძვლიანი ცოდნა აუცილებელი არ არის, რადგან მრავალი პროცესის წარმართვა სხვადასხვა პლატფორმების გამოყენებით არის შესაძლებელი. თუმცა ფართოდ გავრცელებული აპლიკაციების ცოდნა მხოლოდ გაამარტივებს შენს საქმიანობას. 4. იმუშავე ინდივიდუალურ UI Design პროექტებზე ცოდნის მიღებასთან ერთად აუცილებელია, რომ პრაქტიკაში გამოცადო შენი შესაძლებლობები. დაიწყე UI დიზაინის განსხვავებულ ეტაპებზე მუშაობა. როგორც კი უფრო ახლოს გაეცნობი Wireframing და პროტოტიპის შექმნის პროცესს, მზად იქნები, დამოუკიდებლად იმუშაო UI პროექტზე.ამ შემთხვევაში საუკეთესო გზა არის არა არსებული დიზაინების ხელახლა გაკეთება, არამედ ორიგინალურ პროექტებზე მუშაობა. ასევე, თუკი დიზაინის გუნდის სხვა წევრებთან ერთად იმუშავებ, განივითარებ რბილ უნარებსაც. მიიღებ კომუნიკაციის და თანაგუნდელებთან ერთად მუშაობის საინტერესო გამოცდილებას. ეს იქნება ერთგვარი გამოწვევა და ყოველ ეტაპზე შენი უნარების გამოცდა პრაქტიკაში. ხოლო როდესაც შენს პროექტს სხვებს წარუდგენ უკუკავშირის მისაღებად, ეს დაგეხმარება, უკეთ გაიგო, როგორ ურთიერთქმედებს შენ მიერ შექმნილ დიზაინთან მომხმარებელი. 5. შექმენი UI პორტფოლიო შენზე, როგორც UI დიზაინერზე, ყველაზე კარგად პორტფოლიო მეტყველებს. ამიტომ, შექმენი მისი საუკეთესო ვერსია. მოიფიქრე შენთვის საინტერესო პროექტის იდეა, იმუშავე მის განხორციელებაზე და შემდგომ გამოაქვეყნე იგი საჯარო პლატფორმაზე, მაგალითად, GitHub-ზე. ეს დაგეხმარება დიდი აუდიტორიისთვის შენი ნამუშევრების გაცნობაში და სოციალური კავშირების გაფართოებაში.რაც შეეხება ვაკანსიაზე განაცხადის გაკეთებას, გირჩევ, რომ შენი პორტფოლიო შესაბამისი კომპანიის საქმიანობასა და მიზნებს მოარგო. ამით დამსაქმებელს დაარწმუნებ, რომ კარგი არჩევანი ხარ ისეთ პროექტებზე სამუშაოდ, რომელთა განხორციელებაც მათთან მომავალში მოგიწევს. პორტფოლიოში კი შეგეძლება წარმოაჩინო შენი ძლიერი მხარეები და კრეატიულობა. გახდი UI დიზაინერი! როგორც უკვე გითხარი, Commschool-ში შესაძლებლობა გექნება, შეისწავლო UI დიზაინი. კურსი განკუთვნილია მათთვის, ვისაც სურს UI დიზაინის ბაზისის შესწავლა ან ამ სფეროში უკვე არსებული ცოდნის, უნარ-ჩვევების გაღრმავება. გარდა ამისა, პროგრამის დასრულების შემდეგ გექნება კარიერული მხარდაჭერა და პარტნიორი კომპანიებისგან ექსკლუზიური სამუშაო შემოთავაზებებისა და სტაჟირებების მიღების საშუალება.ასე რომ, თუკი მრავალფეროვანი გამოცდილების დაგროვება და წარმატებული კარიერის დაგეგმვა გსურს, აირჩიე UI Design და შემოგვიერთდი Commschool-ში! გამოჩნდი UI დიზაინში

AI გრაფიკულ დიზაინში - გაეცანი კურსის ლექტორის, ჯონი კვეზერელის პორტფოლიოს

ხელოვნური ინტელექტი (AI) თანდათან ყველა სფეროში იმკვიდრებს თავს და ადამიანებს მარტივი ოპერაციების სწრაფად გადაწყვეტაში ეხმარება. ეს კი მათ საშუალებას აძლევს, დაზოგილი დრო უფრო ეფექტიანად გამოიყენონ. ამიტომ შრომის ბაზარზე AI ხელსაწყოების ცოდნა უკვე ერთ-ერთ მნიშვნელოვან და აუცილებელ უნარად ითვლება. ხელოვნურმა ინტელექტმა კრეატიულ სფეროშიც შეაბიჯა და AI გრაფიკულ დიზაინში საკმაოდ საინტერესო შესაძლებლობებს აჩენს - შრომატევადი და რუტინული საქმისთვის დახარჯული დროის შემცირება და კრეატიული ფიქრისთვის დროის გაზრდა. არსებული ტენდენციებიდან გამომდინარე Commschool-ში ახალი კურსი შევიმუშავეთ - AI გრაფიკულ დიზაინში, რომელსაც ჯონი კვეზერელი გაუძღვება. გაეცანი ბლოგს და გაიგე, რა პერსპექტივები არსებობს ხელოვნური ინტელექტის გრაფიკულ დიზაინში ინტეგრირების მიმართულებით. ჯონის კარიერა კინორეჟისურით დაიწყო - მას ყოველთვის აინტერესებდა ვიზუალზე მუშაობა და დაკვირვება იმაზე, თუ როგორ გავლენას ახდენს ხელოვნება ადამიანებზე. მისი პირველი სამუშაო გამოცდილება სარეკლამო სააგენტოში იყო, სადაც უკეთ გაეცნო, თუ როგორ ხდება მომხმარებლის საჭიროებების და სურვილების გათვალისწინება და იდეების რეალიზაცია. უფრო მეტი დამოუკიდებლობისა და კრეატიული თავისუფლებისთვის ჯონიმ ფრილანსერის კარიერა დაიწყო. ამ გზით შესაძლებლობა ჰქონდა, ემუშავა სხვადასხვა პროექტზე, რომლებიც მისი უნარ-ჩვევების დახვეწასა და საკუთარი სტილის შექმნაში ეხმარებოდა. შემდგომ ჯონის ინტერესმა გრაფიკულ დიზაინში გადაინაცვლა.მას ბავშვობიდანვე ხიბლავდა ვიზუალური ხელოვნება და მისი შემოქმედებითი პროცესები. ყოველთვის ხატავდა, ქმნიდა და ეძებდა ახალ საშუალებებს მისი იდეების უკეთ გამოსახატად. ამჯერად იგი Redberry-ში მუშაობს. პარალელურად კი გატაცებულია ხელოვნური ინტელექტის გამოყენებით ვიზუალურ ხელოვნებაში. ხელოვნური ინტელექტი ყოველდღიურ საქმიანობაში მას შემდეგ, რაც 2018-2019 წლებში ვიზუალის დასაგენერირებლად ბაზარზე პრიმიტიული მოდელები გაჩნდა, ხელოვნური ინტელექტის გამოყენება ჯონის ყოველდღიური საქმიანობის ნაწილი გახდა. ბავშვობაში, ალბათ, ყველას გვიოცნებია ისეთ აბსტრაქტულ ხელსაწყოებზე, რომლებიც საშუალებას მოგვცემდა, ნაფიქრი ან გააზრებული ვიზუალი ფურცელზე მარტივად გადმოგვეტანა. სწორედ ეს ბავშვური ოცნება გახდა რეალობა, როდესაც პირველად დავაგენერირე ფოტო, რომელიც იყო 200 პიქსელი 200 პიქსელზე. თითქმის შეუძლებელი იყო იმის გარჩევა, თუ რა ეხატა ვიზუალზე. თუმცაღა, აშკარა იყო, რომ ცოტა მეტი დახვეწის შემდეგ ეს ხელსაწყოები გახდებოდა გაცილებით უფრო მნიშვნელოვანი, ვიდრე ეს ერთი შეხედვით ჩანდა.   პირველი რიგში, ჯონიმ დაიწყო Stable Diffusion-ის და სხვა ხელოვნური ინტელექტის ინსტრუმენტების გამოყენება, რომლებიც შესაძლებელს ხდიდა ვიზუალური მასალების ავტომატურ გენერირებასა და მოდიფიკაციას. თავდაპირველად, ეს იყო მხოლოდ მცდელობა, გაეგო, რამდენად შეიძლებოდა ამ ტექნოლოგიების გამოყენება დიზაინში. დროთა განმავლობაში კი შეამჩნია, რომ AI ხელსაწყოები არა მხოლოდ ამარტივებდნენ მუშაობას, არამედ მნიშვნელოვნად აუმჯობესებდნენ შედეგებს და ტოვებდნენ დიდ დროს კრეატიული ფიქრისთვის. ხელოვნური ინტელექტი მან წარმატებით გამოიყენა ერთ-ერთ საინტერესო ქართულ პროექტზე მუშაობისას. ჯონიმ საქართველოს ფოსტისთვის Stable Diffusion-ის გამოყენებით შექმნა AI-ის მიერ დაგენერირებული პირველი საფოსტო მარკა საქართველოში. პროექტის სირთულე მდგომარეობდა იმაში, რომ საჭირო იყო უკვე არსებული ვიზუალების სინთეზი და რაღაც ახლის მიღება, რისი გაკეთებაც რთულია ბაზარზე არსებული ხელსაწყოებითაც კი. AI გრაფიკულ დიზაინში 8 ლექცია | 24 საათი | 4 კვირა იხილე სილაბუსი Reddit-ი ერთ-ერთი საუკეთესო ადგილია, სადაც AI ტექნოლოგიების შესახებ ვკითხულობ სიახლეებს და დისკუსიებს. იქიდან ხშირად ვიღებ მნიშვნელოვან ინფორმაციას, რომელიც მეხმარება, გავიგო, როგორ იყენებენ სხვები AI ტექნოლოგიებს და როგორ შეიძლება ეს მიდგომები ჩემს სამუშაო პროცესში გამოვიყენო. YouTube, Pinterest, Behance, Reddit - ეს იმ პლატფორმების ჩამონათვალია, რომლებსაც ჯონი შთაგონებისთვის მიმართავს. მისი აზრით, გარშემო უსაზღვრო რესურსები არსებობს, რის დანახვასაც ხანდახან ვერ ვახერხებთ. ინსპირაციის წყაროები კი უსაზღვროა, თუ მას სწორად ეძებ. მნიშვნელოვანია, რომ რეფერენსებს ეძებდე ყველგან, სადაც შესაძლებელია – იქნება ეს მუზეუმი, ბუნება, არქიტექტურა, თუ ყოველდღიური ცხოვრება. რატომ გახდა საჭირო AI-ის გამოყენება გრაფიკულ დიზაინში? როგორც ჯონი აღნიშნავს, გრაფიკული დიზაინერების საქმიანობაში AI-ის გამოყენების საჭიროება წარმოიშვა რამდენიმე ძირითადი მიზეზის გამო: დროის ეკონომია და ეფექტურობა: დიზაინის პროცესები ხშირად მოითხოვს დიდ დროსა და შრომას, განსაკუთრებით, დეტალური სამუშაოებისთვის. AI-ის ინსტრუმენტები ავტომატიზაციას უკეთებენ ამ პროცესებს, რაც დიზაინერებს საშუალებას აძლევს, დროისა და რესურსების ეკონომია გააკეთონ და უფრო ეფექტურად შეასრულონ დავალებები. ხარისხის გაუმჯობესება: AI-ის მეშვეობით შესაძლებელია ვიზუალური მასალების უფრო მაღალი ხარისხით შექმნა. AI ტექნოლოგიები უზრუნველყოფენ ზუსტი და დეტალური ნამუშევრების წარმოებას, რაც ზრდის დიზაინერების ნამუშევრების პროფესიონალიზმსა და ხარისხს. კრეატიულობის გაფართოება: AI-ის ინსტრუმენტები დიზაინერებს საშუალებას აძლევს, შექმნან ახალი და უნიკალური ვიზუალური იდეები, რომლებიც ტრადიციული მეთოდებით, შესაძლოა, ძალიან რთული ან შრომატევადი იყოს; განსაკუთრებით მაშინ, როდესაც ბრეინშტორმინგის პროცესში ხარ და გინდა დატესტო ყველა შესაძლო ვარიანტი. ეს ზრდის დიზაინერების შემოქმედებითობასა და ინოვაციურობას. შთაგონების წყარო: AI-ს შეუძლია შექმნას მრავალფეროვანი ვიზუალური კონტენტი, რომელიც დიზაინერებს აძლევს ინსპირაციასა და იდეებს ახალი პროექტებისთვის. ეს ტექნოლოგიები ხელს უწყობენ ახალი სტილებისა და ტექნიკების აღმოჩენას.   უნდა გვახსოვდეს, რომ AI არის ხელსაწყო რომელიც ჩვენი იდეების გარეშე უბრალოდ ცარიელი კოდია. ამიტომაც უფრო მეტად მნიშვნელოვანია, რომ ისწავლო დიზაინის პრინციპები, მუშაობის მეთოდები და მათი სწორად შერჩევა.​ AI ხელსაწყოები გრაფიკულ დიზაინში Generative AI-ის სფეროში ერთ-ერთი წამყვანი ინსტრუმენტი Stable Diffusion-ია, რომელიც სხვადასხვა ფუნქციონალით გამოირჩევა. Stable Diffusion-ი საშუალებას იძლევა, რომ ვიზუალური გამოსახულებები და ნიმუშები შექმნა მაღალი ხარისხითა და დეტალებით. ასევე გქონდეს უსაზღვროდ დიდი კონტროლი ვიზუალზე, რის შესაძლებლობასაც არ გაძლევს სხვა AI ხელსაწყოები. Stable Diffusion-ს შეუძლია დაამუშაოს როგორც ფოტოები, ასევე გრაფიკული გამოსახულებები. იგი გამოირჩევა სწრაფი და ეფექტური ალგორითმებით, რაც პროცესის ავტომატიზაციასა და ოპტიმიზაციას უწყობს ხელს. Stable Diffusion-ის გამოყენების დაწყება შეიძლება უმჯობესი იყოს მისი ძირითადი ფუნქციების შესწავლითა და პრაქტიკული მაგალითებით. ამ ინსტრუმენტის ეფექტურად გამოყენებისათვის საჭიროა გააცნობიერო მისი ინტერფეისი და შესაძლებლობები. რადგანაც Stable Diffusion-ი მრავალფეროვანი და მოქნილი ინსტრუმენტია, შეგიძლია დაიწყო ძირითადი ფუნქციების, როგორიცაა გამოსახულებების გენერირება, ხარისხის გაზრდა, კონცეფციების შექმნა, მანიპულაცია და  სხვა. AI ინსტრუმენტები დიზაინერებს აძლევენ შესაძლებლობას, სცადონ ახალი ტექნიკები და სტილები, რითაც მათი პროფესიული განვითარება და კრეატიულობის ხარისხი იზრდება. კოლაბორაციული შესაძლებლობების გამარტივებით AI ხელს უწყობს გუნდურ მუშაობას, რაც უფრო მრავალფეროვან და ინოვაციურ ნამუშევრებს ქმნის. ამგვარად, AI ხელსაწყოები არა მხოლოდ არ ზღუდავს, არამედ მნიშვნელოვნად აძლიერებს დიზაინერების შემოქმედებითობას, რაც მათ ნამუშევრებს უფრო მაღალ დონეზე აყენებს. AI ხელსაწყოები ნამდვილად ზრდის დიზაინერების შემოქმედებითობას. პირველ რიგში, ავტომატიზაციის საშუალებით ისინი ზოგავენ დროსა და რესურსებს, რაც დიზაინერებს შესაძლებლობას აძლევს, მეტი დრო და ენერგია მოახმარონ კრეატიულ პროცესებს. AI ტექნოლოგიები ასევე უზრუნველყოფენ ინსპირაციის წყაროს, აგენერირებენ უნიკალურ იდეებს და ხელს უწყობენ ახალი მიმართულებების აღმოჩენას. ეს ტექნოლოგიები რთული და კომპლექსური დავალებების შესრულებასაც აადვილებენ, რაც დიზაინერებს საშუალებას აძლევს, უფრო თამამი და ამბიციური პროექტები განახორციელონ. AI გრაფიკულ დიზაინში - კურსის შესახებ როგორც უკვე გითხარი, Commschool-ში ახალი კურსის აღმოჩენა შეგიძლია, რომელიც იქნება ერთგვარი გზამკვლევი გრაფიკული დიზაინერებისთვის, თუ როგორ გამოიყენონ AI მათ საქმიანობაში. ჯონის თქმით, კურსი იქნება საკმაოდ პრაქტიკული და ინტენსიური, რათა სტუდენტებმა მაქსიმალურად აითვისონ AI ტექნოლოგიების გამოყენების უნარები გრაფიკულ დიზაინში. პროგრამა მოიცავს როგორც თეორიულ, ასევე პრაქტიკულ ნაწილებს, რათა მონაწილეებმა შესწავლილი თეორიული საფუძვლები პრაქტიკულად გამოცადონ რეალურ პროექტებზე. კურსის ფარგლებში გაეცნობი ძირითად თეორიულ კონცეფციებს AI-ისა და გრაფიკული დიზაინის შესახებ. შეისწავლი AI ინსტრუმენტების მუშაობის პრინციპებს, მაგალითად, როგორ მუშაობს Stable Diffusion და როგორ შეგიძლია მისი გამოყენება დიზაინში. იმუშავებ რეალურ ბრიფებსა და პროექტებზე, რომლებიც მიმართულია სხვადასხვა დიზაინერული უნარ-ჩვევების განვითარებაზე. შექმნი სხვადასხვა ვიზუალურ მასალებს, რომლებიც შეიძლება იყოს პოსტერი, ლოგო, სოციალური მედიის პოსტები და ა.შ. თითოეული პროექტი შემუშავებული იქნება რეალური ბრიფის მიხედვით, რაც საშუალებას მოგცემს, უკეთ გაიგო, როგორ მუშაობს AI ინსტრუმენტები პრაქტიკულ გარემოში.   ჩემი აზრით, კურსის დასრულების შემდეგ ამ ადამიანებს ექნებათ უნარი, დამოუკიდებლად გაიკვლიონ გზა AI სამყაროში; მარტივად შეძლებენ მოსაწყენი და განმეორებადი დავალებების შესრულებას, რის გამოც მეტი დრო დარჩებათ სწავლისთვისა და კრეატიული უნარ-ჩვევების გამომუშავებისთვის. აქვე გაგიზიარებ ჯონის მიერ რეკომენდებულ YouTube არხებს, სადაც საინტერესო ინფორმაციებს გაეცნობი ხელოვნური ინტელექტისა და გრაფიკული დიზაინის შესახებ: "Two Minute Papers" - წარმოადგენს AI-ისა და ტექნოლოგიების უახლეს კვლევებსა და მიღწევებს მარტივი და გასაგები ფორმატით; "The Futur" - ფოკუსირებულია დიზაინზე, მარკეტინგსა და კრეატიულობაზე და ხშირად განიხილავს AI-ის გამოყენებას ამ სფეროებში. თუკი გრაფიკული დიზაინის სფეროში მოღვაწეობ და შენს საქმიანობაში AI-ის დანერგვა გსურს, ეს კურსი შენთვისაა. აუცილებლად გამოიყენე ეს შესაძლებლობა და შემოგვიერთდი Commschool-ში! დარეგისტრირდი კურსზე