ძველ ვერსიაზე გადასასვლელად დააჭირე აქ
რეგისტრაცია | 1400₾

IT პროექტების მენეჯმენტი

  • 5.0 შეფასება

  • 13 ლექცია

  • 39 საათი

  • 7 კვირა

პროგრამა სრულად მოიცავს პრაქტიკაზე დაფუძნებულ სწავლებას, რომლის განმავლობაშიც სტუდენტს საშუალება ექნება, შეისწავლოს პროექტის მართვის ის მეთოდოლოგიები და ინსტრუმენტები (Jira, Confluence, Clickup, Trello, Miro), რომელიც ამჟამად გამოიყენება IT ინდუსტრიაში. კურსზე მიმოვიხილავთ პროექტის მართვის სხვადასხვა მიდგომას, თუმცა ძირითადი აქცენტი გაკეთდება Agile მეთოდოლოგიის Scrum Framework-ზე. სტუდენტები მიიღებენ მონაწილეობას სალექციო ვორქშოფებსა და სიმულაციებში, რომელიც მისცემთ საშუალებას, პრაქტიკაზე დაფუძნებით შეხვდნენ სამომავლო კარიერულ გამოწვევებს.

პროგრამის განმავლობაში სტუდენტები დამოუკიდებლად იმუშავებენ ინდივიდუალურ პროექტზე, რომელიც მოიცავს პროექტის მართვის სრულ ციკლს. ამავდროულად გაეცნობიან ინდუსტრიაში გავრცელებულ მიდგომებს, გასაუბრების ტექნიკებს და ისწავლიან პროექტზე მომუშავე გუნდებთან სწორ კომუნიკაციას.

კურსის დასრულების შემდეგ შეგეძლება

დამატებითი უნარები: Jira, Confluence, Clickup, Miro, Agile, Scrum

  • IT ინდუსტრიაში შემავალი კომპონენტების გარჩევა

  • IT პროექტების Agile მეთოდოლოგიით მართვა

  • პროექტის მართვისთვის საჭირო აქტუალური ხელსაწყოების გამოყენება (Jira, Confluence, Clickup, Trello, Miro)

  • პროექტის ფარგლებში კომუნიკაციების და ურთიერთობების მართვა

  • Scrum Framework-ის გამოყენება

  • პროექტზე მომუშავე გუნდებთან სწორი კომუნიკაცია

  • პროექტის რისკების იდენტიფიცირება და სამოქმედო გეგმის შედგენა

3 ოქტომბერი 1400₾

ორშ-ხუთშ 20:00-23:00

დეკემბერი 1400₾

სამ-ხუთ 19:30-22:30

რეგისტრაცია
1400₾

ორშ-ხუთ 19:30-22:30

წინასწარ ჩაწერა
გადაანაწილე გადასახადი
TBC განვადება
BOG განვადება

ვისთვის არის კურსი

დამწყები პირებისთვის

კურსი განკუთვნილია ყველა იმ ადამიანისთვის, ვისაც აინტერესებს IT პროექტების მენეჯმენტი, ახლა იწყებს IT ინდუსტრიაში შემოსვლას და სურს მეტი გაიგოს Agile-მართვის მეთოდოლოგიაზე

მენეჯერებისთვის

ვისაც სურს სიღრმისეული ცოდნა და პრაქტიკული გამოცდილება შეიძინო ციფრული პროდუქტების მართვის მიმართულებით

პროგრამა მოიცავს

კურსდამთავრებულთა კლუბი

ფინალური გამოცდის წარმატებით ჩაბარების შემთხვევაში, კურსდამთავრებული ავტომატურად ირიცხება Alumni Club-ში, შემდეგ კი იღებს წვდომას ექსკლუზიურ ივენთებზე, კონტენტზე და შემოთავაზებებზე ჩვენი პარტნიორი კომპანიებიდან.

პრაქტიკული პროექტები

პრაქტიკაზე დაფუძნებულ სწავლება, რაშიც იგულისხმება დავალებები / სავარჯიშოები და ინდივიდუალური პროექტი.

ორენოვანი სერტიფიკატი

კურსის წარმატებით დასრულების შემდეგ სტუდენტი მიიღებს ორენოვან სერტიფიკატს.

კურსდამთავრებულები

5.0 Rate

სილაბუსი

კურსის მიმოხილვა
რა არის პროექტი/IT პროექტი პროექტის მენეჯერის პასუხისმგებლობები
პროექტი VS პროდუქტი
ძირითადი როლები IT პროექტში
პროექტი/პროგრამა/პორტფოლიო განსაზღვრება
სავარჯიშო პრაქტიკული დავალება
IT ინდუსტრია ჩვენს ყოველდღიურობაში
IT Components: Hardware, Software Companies in the IT Industry – Freelancer, Service Provider, Service Receiver, Internal Service
IT პროექტის ტიპები (ტექნიკური, ციფრული, ტრანსფორმაციები)
სავარჯიშო პრაქტიკული დავალება
როგორ იქმნება პროგრამული უზრუნველყოფა?
IT ინდუსტრიაში არსებული როლები IT არქიტექტურის მიმოხილვა
რა ტიპის პროგრამირების ენები
არსებობს პრაქტიკული დავალება
მეთოდოლოგიების მიმოხილვა (Waterfall vs Agile)
მსგავსება და განსხვავება ამ ორ მეთოდოლოგიას და მათ სასიცოცხლო ციკლს შორის შორის
დადებითი და უარყოფითი მხარეები
პროექტის სასიცოცხლო ციკლი IT პროექტებისთვის
SDLS Agile – რა არის და რატომ ითვლება ის დღესდღეობით ყველაზე ოპტიმალურ მეთოდად IT ინდუსტრიაში.
Agile ფრეიმვორკების მიმოხილვა (Scrum, Kanban, Scaled Scrum)
Nexus VS Scrum Agile
ტრანსფორმაციები და მისი რეალური შედეგები
სავარჯიშო პრაქტიკული
Scrum Pillars
Scrum Value
Scrum Team
Scrum Events
Scrum Artifacts
PM-ის როლი სქრამში და სქრამ გუნდებთან სწორი კომუნიკაცია
პრაქტიკული დავალება

აარჩიე შენთვის სასურველი დრო

ლექტორები

ნინო კუჭაშვილი

IT Project Management

ნინო კუჭაშვილი

IT Project Management

ნინოს 10 წლიანი გამოცდილება აქვს როგორც hardware, ისე software პროექტების მართვაში. მისთვის კარიერის გამორჩეული პერიოდი Nokia-ში მუშაობაა, სადაც ტელეკომუნიკაციების მიმართულებით მართავდა პროექტებს. კარიერის სხვადასხვა ეტაპზე ასევე იკავებდა Product Owner-ის როლს და უძღვებოდა სხვადასხვა რეგულაციურ და საკანონმდებლო ცვლილების დანერგვას საქართველოს წამყვან ტექნოლოგიურ ორგანიზაციებში, ამჟამად კი საქართველოს ბანკში IT პროგრამ მენეჯერის პოზიციას იკავებს. ნინო PMP, PMI-ACP, PSM1 და PSPO1 სერთიფიკატებს ფლობს.

Linkedin

გაგი ნინოშვილი

IT Project Management

გაგი ნინოშვილი

IT Project Management

გაგის ციფრულ პროექტებსა და პროდუქტებზე მუშაობის 5 წლიანი გამოცდილება აქვს. ის წლების განმავლობაში იკავებდა როგორც Project, ისე Product Manager-ის პოზიციას ისეთ საერთაშორისო კომპანიებში, როგორებიცაა Space International, Setanta Sports, EPAM Systems, Singular (Flutter). უმუშავია ისეთ პროექტებზე, როგორებიცაა სპორტის სტრიმინგი 15 ქვეყანაში, 4 მილიონიანი საერთაშორისო ბანკის გადარიცხვები/გადახდები/ფულადი გზავნილები, შიდა კორპორატიული გამოყენების პროდუქტები. ამჟამად მუშაობს სტარტაპზე, Moiispro AI, რომელიც ჩვენს რეგიონში კომპანიებისთვის AI გადაწყვეტების ყოველდღიურ სამუშაო პროცესში დანერგვას ისახავს მიზნად. მომხმარებლებისთვის ახალი გამოცდილებების შექმნა არის ის, რასაც გაგი Project/Product Manager-ის როლში უმნიშვნელოვანესად მიიჩნვს. ფიქრობს, რომ ნებისმიერ პროექტში მნიშვნელოვანია ადამიანების მოწადინებულობა და დამოკიდებულება (Drive & Attitude) საქმის მიმართ. სწორედ ამ ორის იდეალური სინთეზით, უმცირესი რესურსითაც კი, შეიძლება საინტერესო ციფრული პროექტების შექმნა.

Linkedin

მარიამ ბაქრაძე

IT Project Management

მარიამ ბაქრაძე

IT Project Management

მარიამს IT სფეროში 6 წლიანი გამოცდილება აქვს, რომლის განმავლობაშიც სხვადასხვა დროს იკავებდა Product Owner-ის, პროექტ მენეჯერის, პროგრამ და პორტფოლიო მენეჯერის პოზიციებს. პროექტის მართვის მიმართულებით მარიამი საერთაშორისოდ სერტიფიცირებული პროფესიონალია (PMP). კარიერა თიბისი დაზღვევის დეველოპმენტ გუნდში დაიწყო. 2019 წლიდან მართავდა პროექტებს ისეთი მიმართულებებით, როგორებიცაა Software & Database Development, მომხმარებელთა და IT ოპერატიციები, გეიმინგი, მარკეტინგი, ფინანსები. 2021 წლიდან კომპანია აჭარაბეთში ხელმძღვანელობს პორტფოლიოების მართვის მიმართულებას. ის ასევე ფლობს PMI ინსტიტუტის The Complete Agile Project Manager-ისა და Bizpro Project Management Consultancy-ის Advanced Project Management-ის საერთაშორისო სერტიფიკატებს.

Linkedin

ხშირად დასმული კითხვები კურსის შესახებ

A: IT პროექტების მენეჯერი არის პროფესიონალი, რომელიც ხელმძღვანელობს ტექნოლოგიურ პროექტებს დაგეგმვიდან დასრულებამდე. მისი მთავარი მოვალეობებია გუნდის მართვა, პროექტის ვადების და ბიუჯეტის კონტროლი, რისკების მართვა და კომუნიკაცია დაინტერესებულ მხარეებთან. ეს კარიერა განსაკუთრებით მიმზიდველია იმ ადამიანებისთვის, ვისაც აქვს ლიდერული თვისებები და კარგი ორგანიზაციული უნარები. წარმატებული IT პროექტ მენეჯერისთვის მნიშვნელოვანია ძლიერი კომუნიკაციის უნარი, ინგლისური ენის ცოდნა, Agile და Scrum მეთოდოლოგიების ცოდნა, ასევე პროექტების მართვის ინსტრუმენტების გამოყენების გამოცდილება (Jira, Trello და სხვა).
A: IT პროექტების მენეჯერის პროფესია მაღალმოთხოვნადია შრომის ბაზარზე და ეს ტენდენცია მზარდია. მსხვილი კომპანიები და სტარტაპები მუდმივად ეძებენ გამოცდილ პროექტ მენეჯერებს, რადგან მათი როლი კრიტიკულად მნიშვნელოვანია პროექტების წარმატებით განხორციელებისთვის. კარიერული ზრდის შესაძლებლობები მრავალფეროვანია - შესაძლებელია როგორც ადგილობრივ, ისე საერთაშორისო კომპანიებში მუშაობა, მათ შორის დისტანციურად. ანაზღაურებაც სტაბილურად იზრდება გამოცდილებასთან ერთად. ტექნოლოგიური ინდუსტრიის სწრაფი განვითარების გამო, ეს პროფესია მომავალშიც შეინარჩუნებს მაღალ მოთხოვნადობას.

Your search Digital Designer did not match any documents

ვერ მიიღე შენთვის საინტერესო ინფორმაცია?

ჩაეწერე უფასო კონსულტაციაზე

შესაძლოა გაინტერესებდეს

საშუალო
1350₾
[Tech] რეკრუტირება
ტექ. ტალანტებზე მოთხოვნა ასეთი მაღალი არასდროს ყოფილა, რაც თავისმხრივ ართულებს კომპანიების მიერ საუკეთესო ადამიანური რესურსების მოძიებას და მოზიდვას.  ამგვარ კონკურენტულ გარემოში, რეკრუტერებს სჭირდებათ არამარტო ტექ. ინდუსტრიის სიღრმისეული აღქმა, არამედ პრაქტიკული ექსპერტიზა, თუ როგორ იპოვონ, დააონბორდინგონ (Onboarding) და შეინარჩუნონ A+ ტექ პროფესიონალები. კურსი დატვირთულია პრაქტიკული სამუშაოებით და შედგენილია მიმდინარე ტრენდების, პლატფორმების, კვალიფიკაციების დეტალურად აღსაქმელად - ეს არის ტექნოლოგიურ სივრცეში ადამიანური რესურსების რეკრუტინგის მინი MBA. შესაბამისად, კურსის განმავლობაში სტუდენტები შეისწავლიან [Tech] რეკრუტინგის 360 გრადუსიან, სრულ პროცესს.
14 ლექცია
42 საათი
დამწყები
950₾
AI პრაქტიკაში
ხელოვნური ინტელექტი თანამედროვე მენეჯერის განუყოფელი ნაწილი გახდა. შესაბამისად, რაც უფრო მეტად გვესმის რა ენაზე და როგორ ვესაუბროთ ხელოვნურ ინტელექტს მით უფრო მარტივია მისი ყოველდღიურობაში ინტეგრირება. რაც მთავარია, ხელოვნური ინტელექტის საშუალებით შესაძლებელია დროის ეფექტურად გამოყენება და რუტინული საქმეების თავიდან არიდება. ლექციების განმავლობაში დეტალურად შევისწავლით ისეთი პოპულარული AI სისტემების გამოყენებას, როგორიცაა ChatGPT, Claude.ai, და Gemini. პრაქტიკულ დავალებასა და ფინალურ ნაშრომზე მუშაობა კი დაგვეხმარება სიღრმისეული ცოდნა მივიღოთ AI ხელსაწყოების გამოყენებასა და მათ საკუთარ  ნებაზე “მოთვინიერებაში”.
6 ლექცია
18 საათი
დამწყები
1400₾
IT ბიზნეს ანალიტიკა
ციფრული პროდუქტების შექმნაში IT ბიზნეს ანალიტიკოსის როლი ერთ-ერთი უმნიშვნელოვანესია. ბიზნეს ანალიტიკოსი განსაზღვრავს და აღწერს ბიზნეს მოთხოვნებს – როგორ უნდა იფუნქციონიროს სისტემამ ან/და პროდუქტმა. ის აანალიზებს პროდუქტის დღევანდელ მდგომარეობას, განსაზღვრავს მის მომავალ განვითარებას, თითოეულ ბიზნეს მოთხოვნას თარგმნის ტექნიკური გუნდისთვის და აკონტროლებს მათ სრულ შესრულებამდე.  კურსის განმავლობაში თქვენ გაეცნობით ბიზნეს ანალიტიკოსის (BA) როლსა და პასუხისმგებლობებს – ეფექტურ კომუნიკაციას ყველა ბიზნეს სფეროს და პროექტის კრიტიკულ მოთამაშეს შორის. პრაქტიკული სავარჯიშოების საშუალებით თქვენ ისწავლით სამუშაოს ფარგლების განსაზღვრას და დაეუფლეთ მოთხოვნების შეგროვების განსხვავებულ ტექნიკებსა და მიდგომებს, რომელიც იმუშავებს სხვადასხვა პროექტისა და აუდიტორიისთვის. განსაზღვრავთ კლიენტების, დაინტერესებული მხარეებისა და IT დეპარტამენტის უნიკალურ საჭიროებებს, მოთხოვნების შექმნის, დოკუმენტირების, კომუნიკაციისა და მართვის თითოეულ ეტაპზე.
14 ლექცია
42 საათი
დამწყები
1400₾
IT პროექტების მენეჯმენტი
პროგრამა სრულად მოიცავს პრაქტიკაზე დაფუძნებულ სწავლებას, რომლის განმავლობაშიც სტუდენტს საშუალება ექნება, შეისწავლოს პროექტის მართვის ის მეთოდოლოგიები და ინსტრუმენტები (Jira, Confluence, Clickup, Trello, Miro), რომელიც ამჟამად გამოიყენება IT ინდუსტრიაში. კურსზე მიმოვიხილავთ პროექტის მართვის სხვადასხვა მიდგომას, თუმცა ძირითადი აქცენტი გაკეთდება Agile მეთოდოლოგიის Scrum Framework-ზე. სტუდენტები მიიღებენ მონაწილეობას სალექციო ვორქშოფებსა და სიმულაციებში, რომელიც მისცემთ საშუალებას, პრაქტიკაზე დაფუძნებით შეხვდნენ სამომავლო კარიერულ გამოწვევებს. პროგრამის განმავლობაში სტუდენტები დამოუკიდებლად იმუშავებენ ინდივიდუალურ პროექტზე, რომელიც მოიცავს პროექტის მართვის სრულ ციკლს. ამავდროულად გაეცნობიან ინდუსტრიაში გავრცელებულ მიდგომებს, გასაუბრების ტექნიკებს და ისწავლიან პროექტზე მომუშავე გუნდებთან სწორ კომუნიკაციას.
13 ლექცია
39 საათი
დამწყები
1400₾
ციფრული პროდუქტის ტესტირება (QA)
კურსი სრულად მოიცავს პრაქტიკაზე დაფუძნებულ სწავლებას, რომლის განმავლობაშიც სტუდენტს საშუალება ექნება, ისწავლოს ტესტ ქეისების სხვადასხვა დიზაინ ტექნიკის გამოყენებით შედგენა და ვებ და მობაილ აპლიკაციების გატესტვა. კურსის ფარგლებში მთავარი აქცენტი გაკეთდება ხარისხის მართვის სრულ პროცესზე, ტესტირებაში დამხმარე სხვადასხვა ინსტრუმენტზე და ტესტერის როლზე პროდუქტის დეველოპმენტის პროცესში. პროგრამა მოიცავს მენტორშიფს ლექტორისგან, რომელთან ერთადაც სტუდენტები სხვადასხვა რეალურ ქეისებზე და პრაქტიკულ სავარჯიშოებზე დაყრდნობით გამოიმუშავებენ manual ტესტერისთვის საჭირო ყველა ტექნიკურ უნარ-ჩვევას ხარვეზების დროულად აღმოჩენისა და გამოსწორებისთვის. კურსის განმავლობაში თითოეული ლექციის შემდეგ სტუდენტები დამოუკიდებლად შეასრულებენ შესაბამის პრაქტიკულ დავალებას, ასევე მიიღებენ რჩევებს/კონსულტაციებს კარიერული განვითარების კუთხით, კურსის დასასრულს კი შექმნიან ინდივიდუალურ პროექტს.
14 ლექცია
42 საათი

რელევანტური რესურსები

იხილე სრულად

IT პროექტების მენეჯმენტი: მარიამ ჩხოლარია კურსის შესახებ

ტექნოლოგიური ტრანსფორმაციის ერაში კომპანიები ცდილობენ, არ ჩამორჩნენ თანამედროვე ტენდენციებს და მათ მომხმარებლებს ციფრული პროდუქტები და სერვისები შესთავაზონ. ახალი იდეების წარმატებით განსახორციელებლად თუ არსებულის გასაუმჯობესებლად მათ IT პროექტების მენეჯმენტი ეხმარება. ეს მიმართულება ციფრული პროექტების ეფექტურად დაგეგმვასა და აღსრულებას უზრუნველყოფს. თუ ციფრული პროდუქტების შექმნისა და განვითარების პროცესებით ხარ დაინტერესებული, ამ ბლოგს გაეცანი. მარიამ ჩხოლარია, ჩვენი კურსდამთავრებული, საკუთარ შთაბეჭდილებებს გაგიზიარებს IT პროექტების მართვის პროგრამის შესახებ. მარიამი IT პროექტების მენეჯმენტის კურსით დიდი ხანია, რაც დაინტერესებული იყო. რეკომენდაცია მისი მეგობრისგან მიიღო და თავადაც გაუჩნდა სურვილი, რომ ეს სფერო შეესწავლა. "მახსოვს, როცა პირველად გავიგე ეჯაილ მეთოდოლოგიის შესახებ, აღფრთოვანებული ვიყავი, მომწონდა მისი ფილოსოფია და მინდოდა ამის ნაწილი მეც ვყოფილიყავი.  უბრალოდ სფეროს შეცვლა ხომ ასეთი მარტივი ამბავი არ არის? ბიზნესის ბაკალავრი და მაგისტრი ვარ, მეექვსე წელია მარკეტინგში ვარ და უცებ ჰოპ და სრულიად ახალ ინდუსტრიაში, არ არის მარტივი ნაბიჯი. მაგრამ ისიც მახსოვდა, რომ თანამედროვე ადამიანს არ უჭირს სფეროს შეცვლა, ის არ მიუძღვნის თავს ერთადერთ პროფესიას და უფრო მარტივად ლავირებადი იქნება, გაივლის ადაპტაციას, შეელევა კონკრეტული მიმართულებით დაგროვილ გამოცდილებას და ახალ საქმეში გადაეშვება თავით. ამიტომ მაინტერესებდა, რომელი პროფესია შეესაბამებოდა ამ სფეროში ჩემს უნარებსა და გამოცდილებას და დავიწყე ფიქრი, ინფორმაციის მოძიება. იქიდან გამომდინარე, რომ ექაუნთ მენეჯერი ვიყავი და ჩემი მთავარი ძალა კომუნიკაციის უნარი იყო, IT პროექტების მენეჯერის როლით დავინტერესდი. მივხვდი, რომ ბევრი აქვს საერთო ამ ორ პროფესიას, თითქოს ორივეში გჭირდება ვერბალური და წერითი კომუნიკაციის უნარები, ლიდერობა, გუნდებს შორის კოლაბორაცია, მონიტორინგი, შედეგების ანალიზის უნარი. ალბათ სხვა ბევრი საერთოც აქვს, თუმცა გადაწყვეტილების მისაღებად საკმარისი აღმოჩნდა." კურსის განმავლობაში ვიყენებდით ისეთ პლატფორმებსა და აპლიკაციებს, რომლებიც დღემდე მიმარტივებს ყოველდღიური ამოცანების გადაწყვეტას. IT პროექტების მენეჯმენტი: რას მოიცავს კურსი? კურსის მიმართ მარიამის მოლოდინები ნამდვილად გამართლდა და იმაზე მეტად საინტერესო გამოცდილება მიიღო კურსის განმავლობაში, ვიდრე ელოდა. მისი აზრით, ეს განაპირობა ყოველი ლექციის შემდეგ შესასრულებელმა დავალებებმა, რომლებიც მჭიდრო კავშირში იყო განვლილ თეორიულ მასალასთან. აღნიშნული სავარჯიშოებით სტუდენტები ცოდნას პრაქტიკაში ცდიდნენ და ხვეწავდნენ. მისი თქმით, ეს კურსი საკმაოდ თანმიმდევრული იყო და აქ დაგროვებული ცოდნა უკვე შეუძლია გამოიყენოს არა მხოლოდ IT პროექტების ჭრილში, არამედ ნებისმიერ საკითხში. IT პროექტების მართვა 13 ლექცია | 39 საათი | 7 კვირა იხილე კურსი მახსოვს პირველი სიმულაციური პროექტი, სადაც ყველას სხვადასხვა როლი გვქონდა განაწილებული. შეხვედრებს ისე რეალურად ვატარებდით და სიმულაციურ პროექტსაც ისე სერიოზულად ვუდგებოდით, მგონია, რომ უკვე სამუშაო გამოცდილებაც კი მაქვს ამ სფეროში. საინტერესო იყო სილაბუსიც და ლექტორიც. მარიამი აღნიშნავს, რომ შეიძლება ბევრი რამ წიგნებშიც და სხვა ელექტრონული წყაროებიდან ამოიკითხო, მაგრამ შეუფასებელია ის გამოცდილება, რომელსაც ლექტორი სტუდენტების უზიარებდა. ეს ცოდნა მხოლოდ მუშაობის პროცესში მოდის. მარიამისთვის სასიამოვნო იყო იმის აღმოჩენაც, რომ კურსის ფარგლებში ნასწავლი ტექნიკებისა და მიდგომების გამოყენება ნებისმიერი საკითხის გადასაჭრელად არის შესაძლებელი, იქნება ეს რისკების გაზომვა, თუ წინასწარი პროგნოზირება. ფინალური პროექტი ფინალურ ინდივიდუალურ პროექტზე სტუდენტების პროგრამის დასასრულს მუშაობენ, რომელიც მიღებული ცოდნის ერთგვარი შეჯამებაა. მარიამი აღნიშნავს, რომ საკმაოდ მოცულობითი დავალების მიუხედავად, მასზე მუშაობის პროცესი ძალიან სასიამოვნო აღმოჩნდა. პროექტს დიდ დროს უთმობდა, საათების განმავლობაში გაუჩერებლად მუშაობდა, ვერ შორდებოდა და ამავდროულად, პროცესში დიდ სიამოვნებას იღებდა. ვფიქრობ უკვე ბევრი რამ აღმოვაჩინე ამ სფეროშიც და საკუთარ თავშიც. არასდროსაა გვიან, ვიპოვოთ საყვარელი საქმე, შესაფერისი ინდუსტრია და გარემო. და არც ის არის პრობლემა, მივატოვოთ მას შემდეგ, რაც მოვიწყენთ. ძალიან მრავალფეროვან სამყაროში ვცხოვრობთ, განუსაზღვრელი შესაძლებლობებით და არასდროს უნდა შევწყვიტოთ საკუთარი თავის სხვადასხვა პერსპექტივიდან აღმოჩენა. ვისაც სფეროს სრულად შეცვლა უნდა და ფიქრობს, ღირს თუ არა ყველაფრის თავიდან დაწყება, მარიამი ამ ნაბიჯის გადადგმას აუცილებლად გირჩევთ. ჩვენ კი ახალი გამოწვევებისთვის Commschool-ში გელით! შემოგვიერთდი და დაიწყე ერთ-ერთი ყველაზე მოთხოვნადი პროფესიის შესწავლა პროფესიონალ ლექტორთან ერთად! დარეგისტრირდი კურსები მენეჯმენტის მიმართულებით: 1 400 ₾ რას იწავლი IT ინდუსტრიაში შემავალი კომპონენტების გარჩევა IT პროექტების Agile მეთოდოლოგიით მართვა პროექტის მართვისთვის საჭირო აქტუალური ხელსაწყოების გამოყენება (Jira, Confluence, Clickup, Trello, Miro) პროექტის ფარგლებში კომუნიკაციების და ურთიერთობების მართვა Scrum Framework-ის გამოყენება პროექტზე მომუშავე გუნდებთან სწორი კომუნიკაცია პროექტის რისკების იდენტიფიცირება და სამოქმედო გეგმის შედგენა IT პროექტების მენეჯმენტი კურსი განკუთვნილია ყველა იმ... 13 ლექცია 39 საათი 1 400 ₾ რას იწავლი ბიზნეს ანალიზის პროცესის დაგეგმვა ბიზნეს მოთხოვნების და საჭიროებების განსაზღვრა და მათი დამუშავება დეველოპმენტ გუნდის და სტეიკჰოლდერების მენეჯმენტი და მათთან ეფექტური კომუნიკაცია ბიზნეს ამოცანის ჩამოყალიბება / user story-ს შექმნა და ყველა საჭირო ტექნიკის შემუშავება ტექნიკური დოკუმენტის მომზადება აღსრულებისთვის, მონიტორინგი და გაშვება ფუნქციონალური და არაფუნქციონალური მოთხოვნების განსაზღვრა პროდუქტის ამჟამინდელი და სამომავლო მდგომარეობის ანალიზი და რისკების შეფასება IT ბიზნეს ანალიტიკა კურსი განკუთვნილია ყველა იმ... 14 ლექცია 42 საათი 1 350 ₾ რას იწავლი ქართული და საერთაშორისო ტექნოლოგიური ბაზრის აღქმა და ტენდენციებისთვის თვალის მიდევნება; ტექნოლოგიური ორგანიზაციის სტრუქტურების და დიზაინის გაგება; ორგანიზაციებში გამოყენებადი ტერმინების სრულად გაზრება და “ტექ ენაზე” საუბარი; ტექნოლოგიურ სივრცეში არსებული პროფილებისა და პრეფერენციების მოძიება და სწორად წაკითხვა; პროგრამული ენების, ჩარჩოების და მათი გამოყენების სივრცეების სიღრმისეული ცოდნა; ტექნიკური სამუშაო აღწერილობის შექმნა; “360 გრადუსიანი” რეკრუტინგის პროცესის წარმართვა: სტრატეგიის დაგეგმვა, წარდგენა და განხორციელება; რეკრუტირების პროცესის მეტრიკების დადგენა და გამოყენება; დამსაქმებლის ბრენდის შექმნა და მენეჯმენტი, რეკრუტმენტ მარკეტინგის წარმოება; ადგილობრივი და საერთაშორისო შრომითი კანონმდებლობის და ტრენდების აღქმა; Hiring Manager-ებთან მუშაობა, კონსულტირება, მოლოდინების მართვა და პარტნიორობა. [Tech] რეკრუტირება კურსი განკუთვნილია მათთვის,... 14 ლექცია 35 საათი

IT პროექტების მენეჯმენტი: შთაბეჭდილებები კურსიდან

IT ინდუსტრია დინამიკური სფეროა, სადაც მუდმივად ახალი ტექნოლოგიები იქმნება და სწრაფად ვითარდება. ეს ტენდენცია კი ბიზნესებს ტექნოლოგიური მიმართულების გაუმჯობესებისკენ უბიძგებენ. წარმატებული ციფრული პროდუქტების უკან კი ეფექტური IT პროექტების მენეჯმენტი დგას, რომელიც უზრუნველყოფს პროექტის დაგეგმარებას, ბიუჯეტის გაწერასა და მართვას.თუ მენეჯერული უნარ-ჩვევებით გამოირჩევი და თანამედროვე ტექნოლოგიები გიზიდავს, ეს სფერო აუცილებლად დაგაინტერესებს. ამ ბლოგში ჩვენ კურსდამთავრებულებს, ანა ასლანიშვილსა და ქრისტინე ჩხაიძეა გაგაცნობ. ისინი მიღებული ცოდნისა და გამოცდილების შესახებ მოგიყვებიან. ანას პროექტების მართვის სამ წლიანი გამოცდილება ჰქონდა, რომლის ფარგლებში დეველოპერებთან თანამშრომლობდა. ამის მიუხედავად, მიიჩნევდა, რომ მის გამოცდილებას თეორიული ცოდნა აკლდა. საბოლოოდ, გადაწყვიტა, პროფესიისთვის უფრო კონკრეტული მიმართულება მიეცა და ტექნოლოგიებთან დაეკავშირებინა. ამის შემდეგ კურსების ძიება დაიწყო და სილაბუსის გათვალისწინებით, Commschool-ის პროგრამა გამოარჩია. სილაბუსი დეტალურ თეორიულ მასალას, პრაქტიკულ დავალებებს მოიცავდა და კურსის ინტენსივობის გათვალისწინებითაც ჩემთვის ყველაზე მისაღები ვარიანტი იყო. IT პროექტების მენეჯმენტი: რას ისწავლი კურსზე? ანა აღნიშნავს, რომ კურსი ინტენსიური და ინფორმატიული იყო. მისი მოლოდინი, უკეთ შეესწავლა IT სფერო და პროექტების მართვა, გარკვეულიყო ტერმინებში და სხვადასხვა ხელსაწყოს დაუფლებოდა, სრულად გამართლდა. რაც შეეხება ლექტორს, ყოველ თემას დეტალურად ხსნიდა, კითხვებზე ამომწურავ პასუხებს სცემდა და სტუდენტებს კლასგარეშე მასალასაც აწვდიდა. ამასთანავე, საერთაშორისო სასერტიფიკატო გამოცდების მოძიებაში აქტიურად ეხმარებოდა. IT პროექტების მართვა 13 ლექცია | 39 საათი | 7 კვირა იხილე კურსი პროგრამის დასრულების შემდგომ ანას უკვე შეუძლია IT პროექტების Agile მეთოდოლოგიით მართვა შესაბამისი ხელსაწყოების (Jira, Confluence, Clickup, Trello, Miro) დახმარებით. ასევე, გუნდთან სწორი კომუნიკაციის დამყარება, რისკების იდენტიფიცირება და სამოქმედო გეგმის შედგენა. სამომავლოდ ჩემს თავს ამ სფეროში ვხედავ. დარწმუნებული ვარ, ამ კურსის განმავლობაში მიღებული თეორიული თუ პრაქტიკული ცოდნა აუცილებლად გამომადგება. ფინალური ინდივიდუალური პროექტის შესრულება ანასთვის ერთ-ერთი დიდი გამოწვევა აღმოჩნდა. მაგრამ მონდომებითა და ბევრი შრომით წარმატებულ შედეგს მაინც მიაღწია და დიდი პრაქტიკული გამოცდილებაც დააგროვა. სამომავლოდ კი საერთაშორისო სასერტიფიკატო გამოცდის ჩაბარებას აპირებს, რომელიც გაზრდის მის კომპეტენციას IT სფეროში. რაც შეეხება ქრისტინეს, მას კურსის გავლამდე გარკვეული გამოცდილება უკვე ჰქონდა. ის ხერხები თუ ხელსაწყოები, რომლებიც IT პროექტების მართვის განუყოფელი ნაწილია, რამდენიმე წელია მისი პროფესიული საქმიანობის ყოველდღიურობას შეადგენს. ზუსტად ისეთი საინტერესო, მრავლისმომცველი და ლოგიკური სფერო აღმოჩნდა, როგორსაც ველოდი. ეს კი ძალიან მახარებს. ფინალური პროექტი პრაქტიკაზე დაფუძნებული სწავლება Commschool-ს კურსების მნიშვნელოვანი ნაწილია. ქრისტინესთვის სწორედ პრაქტიკული დავალებები წარმოადგენდა პროგრამის ყველაზე ღირებულ კომპონენტს. მან შეძლო, რომ მისთვის საინტერესო არაერთი საკითხი და საჭირო ხელსაწყოები პრაქტიკულად შეესწავლა. მისი აზრით, ყველა საკითხი ბევრად უფრო გასაგები და ლოგიკურია, როცა პრაქტიკული თვალსაზრისით სფეროსთან უშუალო შეხება გაქვს, რადგან უფრო მეტი სწორი და საჭირო კითხვაც ჩნდება. ასევე დიდი როლი ითამაშა ლექტორმაც, რომელიც მისივე პროფესიული გამოცდილებიდან მოყვანილი მაგალითებით თეორიულ მასალას ბევრად უფრო ნათელსა და გასაგებს ხდიდა. ფინალური პროექტი, ქრისტინეს აზრით, კურსის ყველაზე საინტერესო ნაწილი იყო. მის ფარგლებში სტუდენტებმა IT პროექტის მართვაზე იმუშავეს. მიუხედავად გაწერილი გეგმისა და სტრუქტურისა, თითოეულ მათგანს მისი შექმნისას სრული თავისუფლება ჰქონდა. თავდაპირველად ჩამოაყალიბა პროექტის მიზანი და განსაზღვრა, თუ რა შედეგი უნდა მოეტანა მას. ამის შემდეგ კი მთელი დანარჩენი პროცესი გამარტივდა. პროექტი უნდა ყოფილიყო მარტივად აღსაქმელი, მოწესრიგებული სტრუქტურით, ყველასთვის გასაგები და შედეგზე ორიენტირებული. კურსმა ძალიან კარგი გამოცდილება მომცა და უკეთესად მომამზადა ამ მიმართულებით კარიერული წინსვლისთვის ნაბიჯების გადასადგმელად და საინტერესო ინიციატივებისთვის ახლანდელ სამსახურში. ქრისტინეს სამომავლო გეგმებიც საერთაშორისო სერტიფიკატებს და ახალ პროფესიულ გამოწვევებს უკავშირდება. თუ შენც მზად ხარ თვითგანვითარებისთვის და გსურს IT სფეროში შენი შესაძლებლობების გამოცდა, Commschool-ში შემოგვიერთდი! გაიგე მეტი კურსის შესახებ

რა არის IT Project Management?

ელ-ფოსტიდან და აპლიკაციებიდან დაწყებული, მონაცემთა მენეჯმენტითა და ლოჯისტიკით დამთავრებული, ტექნოლოგია დღეს აუცილებელია ყველა ბიზნესისთვის. იმ კომპანიებსაც კი, რომლებიც არ არიან ტექნოლოგიაზე ორიენტირებული, სჭირდებათ პროგრამული უზრუნველყოფა, რომ მართონ შესყიდვის შეკვეთები ან ქსელები და აქტიური იყვნენ ონლაინ პლატფორმებზე. ხოლო ორგანიზაციის ყველა ტექნიკური მიზანი უნდა იყოს სათანადოდ მართვადი ბიზნესის წარმატებისთვის. სწორედ აქ ერთვება IT Project Management. კონკრეტულად რა არის IT პროექტის მენეჯმენტი? ეს არის ნებისმიერი საინფორმაციო ტექნოლოგიების პროექტის წარმატებული ზედამხედველობა, რომელსაც ორგანიზაცია ახორციელებს. IT პროექტების მენეჯერები პასუხისმგებელნი არიან ამ პროექტების დაგეგმვაზე, ბიუჯეტირებაზე, შესრულებაზე, წარმართვაზე, პრობლემების აღმოფხვრასა და პროექტის ტექნიკურ მომსახურებაზე. IT პროექტის მენეჯერმა შეიძლება შეასრულოს შემდეგი სახის საქმეები: პროგრამული უზრუნველყოფის, ვებსაიტის და აპლიკაციის შემუშავება; ქსელების და მონაცემთა „ღრუბელში“ დამუშავების განახლება და/ან გავრცელება; მონაცემთა მართვისა და ბიზნეს ანალიტიკის გადაწყვეტილებების დანერგვა; დამხმარე სამაგიდო მომსახურება სხვა ტექნოლოგიური სერვისები; რა უნარები სჭირდებათ IT პროექტების მენეჯერებს? წარმატების მისაღწევად, IT პროექტის მენეჯერს სჭირდება სხვადასხვა ტექნიკური და 'რბილი' უნარები. პირველ რიგში, მას სჭირდება IT სფეროს ცოდნა და ამ სფეროში გამოცდილება; მან უნდა იცოდეს ტექნიკის, პროგრამული უზრუნველყოფის, ქსელის, ინფრასტრუქტურისა და მონაცემთა უსაფრთხოების შესახებ. ეფექტური გადაწყვეტილებების შესამუშავებლად კი სჭირდება მონაცემთა ანალიზისა და დასკვნების გამოტანის უნარი. ვინაიდან ის პასუხისმგებელია ბიუჯეტის შედგენაზე, რესურსების განაწილებაზე და მონაცემთა და პროექტის ვადების მართვაზე, IT პროექტის მენეჯერი ასევე უნდა იყოს შესანიშნავი და მაღალორგანიზებული დამგეგმავი. ტექნიკური უნარები არ არის ერთადერთი, რაც პროექტის მენეჯერს სჭირდება. როგორც თავისი პროექტის გუნდის დე ფაქტო ლიდერი, მას ასევე უნდა ჰქონდეს შესანიშნავი კომუნიკაციისა და ლიდერობის უნარები. ეს 'რბილი' უნარები აუცილებელია იმის გათვალისწინებით, რომ IT პროექტების მენეჯერმა შეიძლება იმუშაოს ორგანიზაციაში არსებულ სხვადასხვა გარე გუნდებთან, როგორიცაა ბიზნეს მონაცემები, უსაფრთხოება და შესყიდვები. IT Project Management: კომპონენტები ყველა იმ პროექტის მსგავსად, რომელსაც ორგანიზაცია ახორციელებს, IT პროექტები შედგება ხუთი განსხვავებული, მაგრამ ერთმანეთთან დაკავშირებული ეტაპისგან. ეს ეტაპები, როგორც წესი, იყოფა შემდეგნაირად: ინიცირება: პროექტის მიზნის იდენტიფიცირება და პროექტის შექმნა. ამ დროს ტარდება ტექნიკურ-ეკონომიკური შესწავლა იმის დასადგენად, არის თუ არა ფინანსურად მომგებიანი პროექტის განხორციელება. დაგეგმვა: შედგება პროექტის თითოეული ეტაპისთვის საჭირო ყველა დავალება და ხდება რესურსების სათანადოდ გადანაწილება. ზოგადად ვარაუდობენ, რომ IT პროექტებს ხშირად სჭირდებათ განახლება, ახალი ტექნოლოგიების განვითარებისა და პრიორიტეტების შეცვლასა ან მოულოდნელ ცვლადებზე დაყრდნობით.  IT პროექტის მენეჯერები, როგორც წესი, პროექტებს ციკლებში გეგმავენ. განხორციელება: ამ ფაზაში, IT პროექტის მენეჯერი ხელმძღვანელობს მთელ გუნდს პროექტის გეგმის თითოეულ საფეხურზე. ხოლო საბოლოო მიზანი არის პროდუქტის ან მომსახურების მიწოდება. მონიტორინგი და კონტროლი: IT პროექტის მენეჯერი პასუხისმგებელია სამუშაოს მონიტორინგსა და კონტროლზე, რათა უზრუნველყოს მისი დროულად და ბიუჯეტის ფარგლებში შესრულება, ასევე ხარისხის შენარჩუნება და რისკისების შემცირება. დახურვა: ეს საბოლოო ეტაპი უზრუნველყოფს ყველა სამუშაოს დასრულებას, დამტკიცებას და პროექტის გუნდიდან საკუთრების გადაცემას - ოპერაციების ჯგუფზე. ასე რომ, თუ დაინტერესებული ხარ და ხედავ საკუთარ თავს ამ სფეროში, ნუ დაკარგავ დროს, შემოგვიერთდი IT Project Management-ის კურსზე! გაიგე მეტი კურსის შესახებ

IT Project Management-ის კურსიდან Professional Scrum Master I-ის სერტიფიკატამდე - ნინო კვინიკაძე

ტექნოლოგიურ განვითარებასთან ერთად, IT პროფესიონალებზე მოთხოვნა იზრდება. IT პროექტების მენეჯერის კომპეტენციაში შედის დაინტერესებული მხარეების ინტერესების ისე გაითვალისწინება, რომ ყველა მხარე კმაყოფილი დარჩეს და საბოლოო IT პროდუქტი ყველასთვის მისაღები იყოს.PMI-ს გამოკითხვის მიხედვით, IT Project Management N1 პროფესიაა, რომელზე მოთხოვნაც ყველაზე სწრაფად იზრდება 33%-იანი მაჩვენებლით. საქართველოში კი IT პროექტების მენეჯერების საშუალო ყოველთვიური ანაზღაურება 5000₾-ია.თუ გსურს ერთ-ერთ ყველაზე მოთხოვნად პროფესიას დაეუფლო, სწორ ადგილას მოხვედი, რადგან ამ ბლოგში მოგიყვები IT PM-ის კურსდამთავრებულ - ნინო კვინიკაძეზე, რომელიც გვიამბობს 0-დან PSM I-ის (Professional Scrum Master I-ის) სერტიფიკატამდე გავლილ გზას. კურსის დაწყებისას ნინოსთვის აიტი სფერო სრულიად ახალი გამოწვევა იყო. მას შემდეგ რაც პროფესიის შეცვლა გადაწყვიტა, Commschool-ის კურსისა და ლექტორის დახმარებით შეძლო წარმატებით შეესრულებინა ფინალური პროექტი, რომელიც Commschool-ის კურსების განუყოფელი ნაწილია. ამ დრომდე, ამ მიმართულებით, არანაირი ცოდნა/გამოცდილება არ მქონია. სწავლა დავიწყე ნულიდან, თუმცა, კურსის ბოლოს, დავწერე პროექტი, რაც კურსის დასაწყისში შეუძლებლად მიმაჩნდა. თუ არ იცი გეტყვი, რომ ქომსქულის IT Project Management-ის კურსი მოიცავს მეთოდოლოგიებს, რომელიც ამჟამად გამოიყენება IT პროექტების მართვის პროცესში. აქცენტი კი გაკეთებულია Agile-ით პროექტის მართვის მიმდინარეობაზე Scrum Framework-ის მიხედვით, რომელსაც წამყვანი კომპანიები იყენებენ საქართველოს და მსოფლიოს ბაზარზე. გაეცანი კურსის დეტალებს 13 ლექცია | 7 კვირა | 39 საათი დარეგისტრირდი იქიდან გამომდინარე, რომ ქომსქულის კურსები პრაქტიკაზე დაფუძნებულ სწავლებას მოიცავს, ნებისმიერი დამწყებისთვის მარტივად ასათვისებელი და აღსაქმელია ახალი პროფესია. ნინოს თქმით, სწორედ პრაქტიკული დავალებები იყო ის, რამაც მას საშუალება მისცა დამოუკიდებლად ემუშავა ფინალურ პროექტზე, რამაც გაუჩინა სურვილი და მოტივაცია სწორედ ამ მხრივ განევითარებინა საკუთარი თავი. მსურს, მომავალში აღნიშნული მიმართულებით განვაგრძო მოღვაწეობა და განვვითარდე, სწორედ ამიტომ, ჩავაბარე Professional Scrum Master I-ის გამოცდა, რაშიც დიდი წვლილი მიუძღვის კურსს და კონკრეტულად ლექტორს. PSM I (Professional Scrum Master I) სერტიფიკატი საკმაოდ მნიშვნელოვანი საფეხურია IT PM-ის სფეროში, განსაკუთრებით მაშინ, როცა IT სფეროში პირველ ნაბიჯებს დგამ. PSM I აღიარებულია ინდუსტრიის მიერ, როგორც სერთიფიკატი, რომელიც აჩვენებს Scrum-ის ცოდნის ფუნდამენტურ დონეს. როგორც PSM I სერთიფიკატის მფლობელი, შენ ამტკიცებ, რომ გესმის Scrum Framework, როგორც თეორიულ, ისე პრაქტიკულ დონეზე - ანუ როგორ გამოიყენება ის Scrum Teams-ში. PSM I-ს მფლობელებს აქვთ Scrum-ისადმი თანმიმდევრული ტერმინოლოგია და მიდგომა.ასე რომ, თუ დაინტერესებული ხარ IT Project Management სფეროთი და გსურს მოკლე დროში 0-დან დაეუფლო ამ პროფესიას, დაიწყე სწავლა 3 ივნისიდან! შემოიტანე განაცხადი IT PM-ის კურსზე 1 400 ₾ რას იწავლი IT ინდუსტრიაში შემავალი კომპონენტების გარჩევა IT პროექტების Agile მეთოდოლოგიით მართვა პროექტის მართვისთვის საჭირო აქტუალური ხელსაწყოების გამოყენება (Jira, Confluence, Clickup, Trello, Miro) პროექტის ფარგლებში კომუნიკაციების და ურთიერთობების მართვა Scrum Framework-ის გამოყენება პროექტზე მომუშავე გუნდებთან სწორი კომუნიკაცია პროექტის რისკების იდენტიფიცირება და სამოქმედო გეგმის შედგენა IT პროექტების მენეჯმენტი კურსი განკუთვნილია ყველა იმ... 13 ლექცია 39 საათი 1 400 ₾ რას იწავლი ბიზნეს ანალიზის პროცესის დაგეგმვა ბიზნეს მოთხოვნების და საჭიროებების განსაზღვრა და მათი დამუშავება  დეველოპმენტ გუნდის და სტეიკჰოლდერების მენეჯმენტი და მათთან ეფექტური კომუნიკაცია ბიზნეს ამოცანის ჩამოყალიბება / user story-ს შექმნა და ყველა საჭირო ტექნიკის შემუშავება ტექნიკური დოკუმენტის მომზადება აღსრულებისთვის, მონიტორინგი და გაშვება ფუნქციონალური და არაფუნქციონალური მოთხოვნების განსაზღვრა პროდუქტის ამჟამინდელი და სამომავლო მდგომარეობის ანალიზი და რისკების შეფასება IT ბიზნეს ანალიტიკა კურსი განკუთვნილია ყველა იმ... 14 ლექცია 42 საათი 1 350 ₾ რას იწავლი ქართული და საერთაშორისო ტექნოლოგიური ბაზრის აღქმა და ტენდენციებისთვის თვალის მიდევნება; ტექნოლოგიური ორგანიზაციის სტრუქტურების და დიზაინის გაგება; ორგანიზაციებში გამოყენებადი ტერმინების სრულად გაზრება და “ტექ ენაზე” საუბარი; ტექნოლოგიურ სივრცეში არსებული პროფილებისა და პრეფერენციების მოძიება და სწორად წაკითხვა; პროგრამული ენების, ჩარჩოების და მათი გამოყენების სივრცეების სიღრმისეული ცოდნა; ტექნიკური სამუშაო აღწერილობის შექმნა; “360 გრადუსიანი” რეკრუტინგის პროცესის წარმართვა: სტრატეგიის დაგეგმვა, წარდგენა და განხორციელება; რეკრუტირების პროცესის მეტრიკების დადგენა და გამოყენება; დამსაქმებლის ბრენდის შექმნა და მენეჯმენტი, რეკრუტმენტ მარკეტინგის წარმოება; ადგილობრივი და საერთაშორისო შრომითი კანონმდებლობის და ტრენდების აღქმა; Hiring Manager-ებთან მუშაობა, კონსულტირება, მოლოდინების მართვა და პარტნიორობა. [Tech] რეკრუტირება კურსი განკუთვნილია მათთვის,... 14 ლექცია 35 საათი