ქეთი ფაღავა: ჩანაწერები UX Design-ის სწავლებიდან

ქეთი ფაღავა Commschool-ის ლექტორების გუნდს გასულ წელს შემოუერთდა. მას ციფრული პროდუქტის დიზაინის მიმართულებით 5 წლიანი გამოცდილება აქვს, ამჟამად კი პროდუქტის დიზაინის გუნდის ლიდერია Adjarabet-ში. ქეთი სერტიფიცირებულია Nielsen Norman Group-ისგან UX კვლევასა და UX მენეჯმენტში და აქვს ბიზნეს ადმინისტრირების ხარისხი.

ამ ბლოგში სწორედ ქეთის გამოცდილებაზე მოგიყვები, რომელიც UX Research & Design-ის კურსის სწავლებისას მიიღო.

როგორც ქეთი ამბობს, ლექტორობასა და საკუთარი კურსის შექმნაზე არასდროს უფიქრია, თუმცა იმ დროისთვის, ის იყო UX ლიდერი, რაც მოიცავდა დიზაინერების მხარდაჭერას, ხელმძღვანელობასა და მათთვის რჩევების მიცემას. სწორედ ამ გამოცდილებამ გადააწყვეტინა მას ახალ გამოწვევასთან შეჭიდებაც.

კურსის შექმნისა და კვლევის პროცესში, ქეთისთვის მთავარი რეალურ პროცესებსა და პროექტებზე ყურადღების გამახვილება გახდა, რაც მის კურსს ყველა სხვა კურსისგან განასხვავებდა. ქეთიმ ჩვენთან თანამშრომლობით შექმნა სილაბუსი, რომელიც მოიცავდა ყველა საჭირო ინფორმაციას, კვლევითი საქმიანობიდან მის ტესტირებამდე.

ამ ყველაფრის გათვალისწინებით, სასწავლო პროცესი საკმაოდ დატვირთული და ინფორმაციული აღმოჩნდა. UX Research & Design-ის კურსის მიმდინარეობისას, სტუდენტებმა ჩაატარეს რაოდენობრივი და თვისებრივი კვლევა, შექმნეს და გაავრცელეს გამოკითხვები, ჩაატარეს ინტერვიუები პოტენციურ მომხმარებლებთან. მათ გააანალიზეს თავიანთი კვლევითი შეხედულებები, შექმნეს პერსონები, ჩამოაყალიბეს იდეები თავიანთი პროდუქტების შესახებ. გაიგეს, ვისთვის ქმნიდნენ დიზაინს, შექმნეს მომხმარებლის მოგზაურობის რუკა მათი პერსონებისთვის, შეაფასეს შესაძლო ფუნქციები, დაადგინეს პრიორიტეტები და ,მთლიანობაში, შექმნეს მყარი საფუძველი თავიანთი პროექტებისთვის.

სტუდენტებმა შექმნეს პროტოტიპები Figma-ს გამოყენებით. გაიარეს ყველა ხელსაწყო და ტექნიკა, რომელთა გამოყენებაც მაკეტების გასაცოცხლებლად არის საჭირო.

შედეგად, სტუდენტებს შეუძლიათ ჩაერთონ და ითანამშრომლონ ნებისმიერი პროდუქტის შექმნის პროცესის ყველა ეტაპზე.

როგორც ქეთი ამბობს, მისი მთავარი აქცენტი ის იყო, რომ საკუთარი გამოცდილება, ყველასთვის გასაგებ ენაზე გაეზიარებინა და რაც მთავარია, გამოეყვანა სტუდენტები საკუთარი კომფორტის ზონიდან, რათა თითოეულს დახმარებოდა საკუთარი პოტენციალის დანახვაში.

ასე რომ, თუ წარმატების მისაღწევად გამოწვევებთან შეჭიდება და კომფორტის ზონიდან გამოსვლას არ უშინდები, ეძებ ადგილს სადაც გასცემ და მიიღებ მაქსიმუმს, გადმოდგი პირველი ნაბიჯი და აირჩიე UX Research & Design-ის კურსი.