რას მოიცავს SEO სპეციალისტის პროფესია და რა როლს თამაშობს ის კომპანიის წარმატებაში?
დღეს, ტექნოლოგიურ ერაში ბიზნესის შესახებ ცნობიერების ასამაღლებლად ციფრული არხები გადამწყვეტ როლს თამაშობს. ონლაინ გამოცდილების 93% კი საძიებო სისტემებით იწყება. ამიტომ მნიშვნელოვანია, რომ კომპანიის ვებ-გვერდი საძიებო შედეგების გვერდზე მაღალ პოზიციას იკავებდეს, რათა მისი პროდუქტით მეტი მომხმარებელი დააინტერესოს. ამისთვის კი SEO, ანუ საძიებო სისტემის ოპტიმიზაცია არის საჭირო.
თანამედროვე პროფესიებს შორის SEO სპეციალისტი ერთ-ერთი მოთხოვნადი და მაღალანაზღაურებადი პროფესიაა. თუ გსურს, მეტი შეიტყო ამ მიმართულებისა და კარიერული პერსპექტივების შესახებ, სწორ ადგილას მოხვდი. ნიკო სამხარაძე, SEO კურსის ლექტორი, მოგიყვება, რას მოიცავს ეს პროფესია და როგორ ეხმარება იგი ბიზნესს წარმატების მიღწევაში.
პროფესია - SEO სპეციალისტი
ნიკო სფეროს ერთ-ერთი წამყვანი სპეციალისტია, 5 წელზე მეტი გამოცდილებით SEO-ს მიმართულებით. მისი პორტფოლიო 20+ პროექტს მოიცავს როგორც ლოკალურ, ისე გლობალურ ბაზარზე ისეთ ინდუსტრიებში, როგორებიცაა Adtech, Igaming, ტურიზმი, ფინანსური სექტორი, E-commerce, ჯანდაცვა, ონლაინ მედია და სხვ. ამჟამად, ნიკო კომპანია Upgaming-ში SEO სპეციალისტად, ხოლო ციფრული ტრანსფორმაციის სააგენტო Redberry-ში ფრილანს SEO სპეციალისტად მუშაობს.
მისი, როგორც SEO სპეციალისტის, ძირითადი ამოცანა შემდეგია: კომპანიისთვისა თუ ფიზიკური პირისთვის მათ პროდუქტებზე/სერვისებზე გაზარდოს კონვერტაციები საძიებო სისტემებიდან. გარდა ამისა, ძალიან მნიშვნელოვანია, რომ პროექტზე მუშაობისას მიაკვლიო რაიმე ახალ ტრენდს ინდუსტრიაში, მოთხოვნად სერვისსა თუ პროდუქტს, რომელიც დამკვეთს არ გააჩნია. ამის შესახებ კი ინფორმაცია დამკვეთს მიაწოდო და რეალურად მას ბიზნესის ზრდაში დაეხმარო.
SEO სპეციალისტი ყოველდღიურად მუშაობს დეველოპერებთან, დიზაინერებთან, მარკეტინგის გუნდის სხვადასხვა დეპარტამენტებთან. ზუსტად ამ კომუნიკაციების მთავარი მიზანი უნდა იყოს, გავხადოთ ჩვენი ვებ-გვერდი უკეთესი, უფრო სასარგებლო მათთვის, ვინც გვეძებს და ეს პროცესი ერთგვარ ციკლში უნდა იყოს მოქცეული.
საჭირო უნარ-ჩვევები
ნიკოს აზრით, SEO სპეციალისტისთვის საჭიროა შემდეგი უნარ-ჩვევების ქონა:
- სტრატეგიული აზროვნება – რათა შეძლოს მთლიანი სურათის დანახვა პროექტთან მიმართებაში და განჭვრიტოს, დაახლოებით რა შედეგები მოყვება ამა თუ იმ ქმედებას;
- პრობლემის გადაჭრის მიმართ მიზანდასახულობა – ძალიან მნიშვნელოვანია, რომ SEO სპეციალისტს შეეძლოს ერთი და იმავე პრობლემის სხვადასხვა პრიზმიდან დანახვა და ინდივიდუალური გამოსავლების ძიება;
- ანალიტიკური აზროვნება – რეალურად SEO სპეციალისტებს ყოველდღიურად უწევთ უამრავი სხვადასხვა მოცემულობის გაანალიზება, რათა სტრატეგიაში შეიტანონ ცვლილებები, ადაპტირდნენ და პროექტს ანალიზის შედეგად მიღებული პასუხები მოარგონ.
- გამართული კომუნიკაციის უნარი – SEO სპეციალისტებს ხშირად უწევთ დამკვეთებთან კომუნიკაცია. მნიშვნელოვანია, რომ სტრატეგიები, იდეები, სამუშაოები და რეპორტები მათთან სწორი, მარტივი და გასაგები ფორმით მიიტანოს.
კარიერული პერსპექტივები
როგორც საერთაშორისო, ასევე ქართულ ბაზარზე SEO სპეციალისტებზე მოთხოვნა მუდმივად მზარდი იქნება. ყოველდღიურად ახალი ბიზნესები იქმნება, არსებულები კი იზრდებიან. ვებ-გვერდების რაოდენობა ვებ-სივრცეში იმატებს და არ იკლებს. შესაბამისად, რამდენი ვებ-გვერდიც არსებობს, პოტენციურად ყველას სჭირდება SEO სპეციალისტი.
სტატისტიკაც რომ მოვიშველიოთ, Google Trends-ის მიხედვით, SEO სერვისებზე მოთხოვნის დინამიკა მუდმივად მზარდია. 2020 წელს გლობალურად მოთხოვნის მკვეთრი მატება პანდემიით იყო გამოწვეული, თუმცა მას მერე ჩვეულ მზარდ დინამიკას დაუბრუნდა. რაც შეეხება საქართველოს, ნიკოს დაკვირვებით, კომპანიების მხრიდან SEO მიმართ ინტერესი რამდენიმე წლის წინ ისეთ დონეზე არ იყო, როგორც ახლა. SEO-ს აქტუალობა აქაც პანდემიის გამო წამოიწია და მას მერე მოთხოვნა მხოლოდ იზრდება.
ნიკო აღნიშნავს, რომ დამწყები სპეციალისტები ხშირად ეჯახებიან ორ პრობლემას: სწორხაზოვან მიდგომებსა და ცრუ იმედგაცრუებებს. SEO-ს ერთი წინასწარ განსაზღვრული ფორმულა არ არსებობს და ყველა პროექტს ინდივიდუალურად მიდგომა ესაჭიროება.
აუცილებელია, რომ SEO სპეციალისტმა კარგად იცოდეს და კარგად ჰქონდეს გათავისებული, თუ სისტემურად როგორ მუშაობს SEO. იმ მეთოდებისა და ტექნიკების დაზეპირება, რომლებიც უშუალოდ სამუშაო პროცესში მოუწევთ, არაპროდუქტიულია. შესაძლებელია, ბევრი დრო დაკარგონ ისეთი პრობლემის მოგვარებაში, რომელზეც საერთოდ არ ღირს დიდი დროის დახარჯვა და უბრალოდ უგულებელყოფა შეიძლებოდა.
მნიშვნელოვანია, სისტემურად გათავისებული გვქონდეს, როგორ მუშაობს SEO და ამის შემდეგ შეგვიძლია, არ ვიყოთ შებოჭილები და გავხდეთ თავისუფლები სამუშაო პროცესში.
ცრუ იმედგაცრუებების შესახებ კი ნიკო ამბობს, რომ SEO-ში შედეგები მყისიერად არ დგება. შეიძლება პროექტში ჩადებულმა შრომამ შედეგი არც 2, არც 3 ან 6 თვეში არ გამოიღოს. მეტიც, შესაძლოა, ხანდახან ტრაფიკის კლება და პოზიციების დაკარგვაც მოჰყვეს, თუმცა ამან არ უნდა შეგაშინოს და გული არ უნდა აგიცრუვდეს. მთავარია, იცოდე, რომ სწორად აკეთებ, რასაც აკეთებ და სასურველი შედეგები აუცილებლად დადგება.
SEO: კურსის შესახებ
Commschool-ში SEO-ს კურსს ნიკო გაუძღვება. ეს პროგრამა განკუთვნილია დამწყები და გამოცდილი ციფრული მარკეტებისთვის, ასევე მცირე და საშუალო ბიზნესის მფლობელთათვის, რომლებიც თავად მუშაობენ საკუთარი ვებ-გვერდების გაუმჯობესებაზე. კურსის განმავლობაში შეისწავლი ყველა იმ მნიშვნელოვან საკითხს, რომელიც საძიებო სისტემებში მაღალ პოზიციებზე გამოჩენაში დაგეხმარება. პრაქტიკაზე დაფუძნებული სწავლების დახმარებით, რეალურ მაგალითებზე დაყრდნობით შეაფასებ ვებ-გვერდების მდგომარეობას, გამოასწორებ შეცდომებს და აამაღლებ ვებ-გვერდის ავტორიტეტს საძიებო სისტემაში.
კურსის დასრულების შემდეგ კარიერის განვითარების მრავალფეროვანი შესაძლებლობა გექნება. რადგანაც SEO სპეციალისტს ვებ-გვერდთან დაკავშირებულ ბევრ სხვა სფეროებთან უწევს შეხება, შეიძლება მისთვის საინტერესო მიმართულებით განვითარდეს. დამწყების პოზიციიდან კი მაღალი მენეჯერული როლის მორგებაც შეგეძლება (ტექნიკური/on-page/off-page გუნდის მენეჯერი, SEO დეპარტამენტის უფროსი, SEO კონსულტანტი). ციფრული მარკეტინგის სფეროში დასაქმებულთათვის კი ეს კიდევ ერთი ნაბიჯი იქნება სრულფასოვან ციფრულ მარკეტერად ჩამოსაყალიბებლად.
როგორც ხედავ, SEO ისეთი სფეროა, სადაც საკმარისი პრაქტიკის მიღების შემდეგ პროფესიული განვითარების მხრივ ძალიან ბევრი კარი იხსნება. ამიტომ, თუ ახალ თავგადასავლებს ეძებ, ეს კურსი შენთვისაა. გაეცანი კურსის სილაბუსს და შემოგვიერთდი Commschool-ში!
რელევანტური ბლოგები
-
-
Data-Driven მარკეტინგის მოგზაურობა: როგორ შეიძინა სანდრომ ახალი უნარები და გამოცდილება...
-
კონტენტ მარკეტინგის კურსიდან კონტენტ კრეატორის პოზიციამდე...
-
ნინი მოდებაძე მონაცემთა ანალიტიკოსის პროფესიის, საჭირო უნარებისა და კურსის შესახებ...
-
-
-
-
რა არის და როგორ მუშაობს საიძიებო სისტემის ოპტიმიზაცია / SEO?...
-
-
SEO-ს ლექტორი, ნიკო სამხარაძე პროფესიის, გამოცდილებისა და მნიშვნელოვანი პროექტების შესახებ...
შესაძლოა გაინტერესებდეს
დამწყები
1100₾
რეკლამას ერთი უცნაურობა ახასიათებს, როგორც წესი ვცდილობთ თავი ავარიდოთ მას, დავბლოკოთ, “დავსკიპოთ”, მეორე მხრივ კი შეიძლება მოუთმენლად ველოდებოდეთ საყვარელი ბრენდის ახალ კამპანიას და სიამოვნებით ვუყურებდეთ მაგალითად Nike-ის რგოლებს, McDonald’s-ის და Burger King-ის ორთაბრძოლებს, Coca-Cola-ს საახალწლო ქარავანს. როდის ხდება რეკლამა გასართობი და არა შემაწუხებელი? როგორ ახერხებს ამას ზოგიერთი ბრენდი? რა დგას ეფექტური სარეკლამო კამპანიის უკან? კურსის ფარგლებში ვეცდებით ამ კითხვებზე პასუხების პოვნას. ლექციებზე მიმოვიხილავთ სარეკლამო კომუნიკაციის საფუძვლებს, ძირითად პრინციპებს, ინსტრუმენტებს. გავეცნობით კრეატიული სააგენტოს მუშაობის მექანიკას, მოვალეობებსა და დამკვეთთან ჰარმონიულად ურთიერთობის წესებს. გავაანალიზებთ და განვიხილავთ გლობალურ თუ ქართულ ქეისებს. სტუდენტებს საშუალება ექნებათ შეიხედონ სარეკლამო ინდუსტრიის შიდა სამზარეულოში და გამოიმუშაონ კამპანიის დაგეგმვის, კრეატივის შეფასების და კრეატიულ გუნდთან მუშაობის მენეჯერული უნარ-ჩვევები.
11 ლექცია
33
საათი
საშუალო
1400₾
ციფრულ სივრცეში მომხმარებლის ნებისმიერი ქცევა მონაცემია, მისი სწორად გამოყენების უნარი კი – კონკურენტებზე უპირატესობის მოპოვების უმთავრესი საშუალება, რადგან ის გვეხმარება, მივიღოთ ჭკვიანური გადაწყვეტილებები, დაფუძნებული ფაქტებზე და არა ვარაუდებზე.ტრადიციული მარკეტინგული მიდგომებისგან განსხვავებით, მონაცემებზე დაფუძნებული მარკეტინგი გეხმარება, უკეთ შეიცნო შენი მომხმარებლები, შეისწავლო მათი ქცევები, ესაუბრო მათთვისვე რელევანტური კომუნიკაციით, საჭიროებებზე დაყრდნობით განსაზღვრო, სად და როგორ „დახვდე“ მათ და გაზომო მარკეტინგული აქტივობების შედეგიანობა. კურსის განმავლობაში დეტალურად გავივლით მონაცემთა ანალიტიკას, მომხმარებელთა სეგმენტაციას, ატრიბუციის მოდელირებას, მარკეტინგის სამოქმედო გეგმის და ბიუჯეტის შემუშავებას, სტრატეგიისა და ტაქტიკების შეფასებას, და სხვა.
14 ლექცია
42
საათი
ექსპერტი
1200₾
თანამედროვე ბრენდი წარმოადგენს რაღაც პოზიციას. ის არის განაცხადი. მას შეუძლია, ადამიანს თვალსაწიერი გაუფართოვოს, გარკვეული მიმართულებით გაახედოს, ყურადღება გაუმახვილოს, სურვილი აღუძრას. სტრატეგიული ბრენდინგი განსაზღვრავს ყველაფერ იმას, რაც ბრენდმა ცხოვრებაში უნდა დაგვმართოს.ქრეშ-კურსის გავლის შემდეგ შეგეძლება ბრენდის ელემენტებში გარკვევა და მათით მანიპულირება.შეხვედრები ჩატარდება D Block Workspace//@ Stamba-ში
4 ლექცია
20
საათი
შესვლა Google-ით
შესვლა Facebook-ით