თამარ კაპანაძის ფინალური პროექტი: კონტენტ კამპანია "კატა კოტე"

რატომ არის კონტენტის შექმნა ასეთი მნიშვნელოვანი ბიზნესისთვის? მარტივი მიზეზების გამო – იგი ხელს უწყობს ბრენდის ცნობადობის ამაღლებას, ზრდის მის ავტორიტეტს და ნდობას, ეფექტურად გამოიყენება სოციალური მედიის სტრატეგიებში. ასევე, იგი უფრო ეფექტიანია და ტრადიციულ მარკეტინგთან შედარებით იაფი ხელსაწყოა. ამიტომ, სულ უფრო და უფრო მნიშვნელოვანი ხდება კომპანიას ჰქონდეს კონტენტ კამპანია და კონტენტ სტრატეგია.

თუ კონტენტის შექმნა სიამოვნებას განიჭებს და გსურს, მეტი გაიგო მისი ეფექტურად მართვის სტრატეგიების შესახებ, ამ ბლოგს გაეცანი. ჩვენი კურსდამთავრებული თამარ კაპანაძე მოგიყვება, რა გამოცდილება დააგროვა პროგრამის ფარგლებში და როგორ აქცია დაუდევარი კატა კოტე კონტენტ კრეატორად.

თამარი ქოფირაითერია და ყოველდღიურ საქმიანობაში კონტენტთან ხშირი შეხება აქვს. ამიტომ, ძალიან დიდი სურვილი ჰქონდა, ამ მიმართულებით უფრო სიღრმისეული ცოდნა მიეღო და საკუთარი თავი პრაქტიკულადაც გამოეცადა.

commschool-ს თვალს ყოველთვის შორიდან ვადევნებდი და ბლოგებსაც ვკითხულობდი. მახსოვს, ვფიქრობდი, ნეტავ, ოდესმე ჩემზეც თუ დაწერენ ასეთ ბლოგს-მეთქი. ვათვალიერებდი სილაბუსებსა და ლექტორებს, რომლებიც ყოველთვის მამახსოვრდებოდნენ საინტერესო პორტფოლიოებითა და გამოცდილებებით.

როგორც თამარი აღნიშნავს, კურსი იმაზე მეტად კომპლექსური და ინფორმატიული აღმოჩნდა, ვიდრე თავდაპირველად წარმოედგინა. მთავარ გამოწვევად სწორი და ზუსტი რეფერენსის პოვნას მიიჩნევს, რა დროსაც დაუსრულებლად გიწევს სხვადასხვა პლატფორმაზე ქექვა. თუმცა ამ პროცესს ბევრად ამარტივებდა და სასიამოვნოს ხდიდა ლექტორის მიერ გაზიარებული აპლიკაციები, პლატფორმები და პატარა ხრიკები. თამარისთვის ყველაზე ღირებული სწორედ დავალებებზე მუშაობა აღმოჩნდა. თითოეული კვირის სავარჯიშოს გაკეთებისას ახალ უნარებს იძენდა. ამ გამოცდილებისა და მიდგომის გამოყენებას კი აუცილებლად აპირებს სამომავლო პერსპექტივაში კონტენტზე მუშაობის პროცესში.

Content Management - რას ისწავლი კურსზე?

კურსის განმავლობაში სტუდენტები მრავალ ციფრულ პლატფორმასა და მასზე ონტენტის განთავსების სტრატეგიებს ეცნობიან. მათგან თამარისთვის განსაკუთრებით საინტერესო Instagram, Facebook და TikTok პლატფორმებისთვის კონტენტზე მუშაობის პროცესი აღმოჩნდა. მიუხედავად იმისა, რომ ეს პლატფორმები ყველასათვის კარგად ნაცნობია, მან ბევრი საინტერესო ფუნქცია აღმოაჩინა და მათი კრეატიულად გამოყენების გზა მონახა.

კურსის გავლამდე კონტენტის შესახებ უფრო მეტად ჩარჩოებში მოქცეული წარმოდგენა მქონდა. ვიაზრებდი, ყველაფერი ჩვენ გარშემო კონტენტი რომ შეიძლებოდა ყოფილიყო, მაგრამ ბევრი ინსაითისთვის აქამდე ყურადღება არ მიმიქცევია.

კონტენტ მარკეტინგის პროგრამა

დაიწყე სწავლა 15 მაისიდან

იხილე კურსი

ასევე გამორჩეულად დასამახსოვრებელი იყო YouTube-ის პრეროლების განხილვა. კურსის გავლამდე თამარს მიაჩნდა, რომ ამ პლატფორმაზე არსებული პრეროლები ძალიან გამაღიზიანებელი და მოსაბეზრებელი იყო. განსაკუთრებით მაშინ, როცა უბრალოდ სასურველი ვიდეოს ჩართვა გინდა და რეკლამას დასასრული არ უჩანს. ამიტომ, ჰქონდა კითხვა, თუ რატომ იყო ბრენდის მიმართ მომხმარებლებში ამგვარი უარყოფითი დამოკიდებულება მომგებიანი. პასუხს კი ერთ-ერთ ლექციაზე მიაგნო, როდესაც ლექტორმა რამდენიმე საინტერესო პრეროლი აჩვენა. მათი დამსახურებით კი მიხვდა, თუ როგორ შეგიძლია გამოიყენო ნებისმიერი ფუნქცია შენს სასიკეთოდ, ნებისმიერ პლატფორმაზე, თუ საკმარის კრეატიულობას მოუხმობ.

commschool-ის კურსები პრაქტიკაზე დაფუძნებულ სწავლებაზეა ორიენტირებული. პრაქტიკული დავალებებით არც ეს პროგრამაა გამონაკლისი. მათ შორის თამარისთვის ყველაზე მეტად გამორჩეული იყო დავალება, როცა უნდა მოეფიქრებინა მინი კამპანია ნებისმიერი ბრენდისთვის და კონტენტისთვისს თავად გადაეღო ფოტოები. მისი თქმით, როცა თითოეულ დეტალზე გადაწყვეტილებას თავად იღებ, მესიჯსაც იფიქრებ და კონტენტის შექმნაშიც უშუალოდ ხარ ჩართული, დიდ გამოცდილებას იღებ. ეს კი მეტ თავდაჯერებას გმატებს.

კონტენტ კამპანია - კატა კოტე

პროგრამის ბოლოს სტუდენტები ფინალურ ინდივიდუალურ პროექტზე მუშაობენ, რომელიც კონტენტ კამპანიის შექმნას შეეხება. სტუდენტები ირჩევენ სამ პლატფორმას და თითოეულისთვის მასზე მორგებულ კონტენტს ქმნიან, ზუსტი რეფერენსებით, მესიჯით, Tone of voice-ითა და ინსაითით. თამარი ამბობს, რომ მუშაობის პროცესი ძალიან შრომატევადი, საინტერესო და გამოწვევებით სავსე იყო.

მიუხედავად იმისა, რომ საკმაოდ შრომატევადი საქმე იყო, დასრულების შემდეგ გამბედაობა და ძალა მომემატა, უფრო მეტი თავდაჯერებულობა ვიგრძენი და თითქოს ისევ მზად ვიყავი ახალ კამპანიებზე სამუშაოდ.

ფინალური დავალებისთვის არჩევანი “ირაოს” დაზღვევაზე შეაჩერა, რომელიც მომხმარებლებს კატების დაზღვევას სთავაზობს. თამარის მთავარი შთაგონება ცნობილი ანიმაციის პერსონაჟი, გარფილდი იყო. ამიტომ კამპანიის ცენტრალურ პერსონაჟად მისი ქართული ვარიანტი, დაუდევარი კატა კოტე შეარჩია. სწორედ კოტე აქცია კამპანიის მთავარ კონტენტ კრეატორად. ძირითადი ინსაითი კი შემდეგი იყო: სულ რომ დავუჯეროთ ცრურწმენას და ჩავთვალოთ, რომ კატებს 9 სიცოცხლე აქვთ, ამ 9 სიცოცხლესაც დაზღვევა სჭირდება.

ყველაზე მნიშვნელოვანი, ალბათ, ინსაითის მიგნებაა. როგორც ანიმაციებშია ხოლმე, თავზე რომ ნათურა უნათდებათ, ზუსტად ეგ პროცესია. ფიქრობ, ფიქრობ, უამრავ რეფერენსსა და კამპანიას ათვალიერებ, შენს საყვარელ წიგნებს, ფილმებს, სიმღერებს იხსენებ და ფილტრავ. მოულოდნელად კი იდეა შემოიჭრება და ნათურას გაანათებს. წკაპ - აი, ამ სიტყვით შემიძლია ავხსნა ეს მომენტი. ზუსტად ერთი 'წკაპ' გჭირდება, რომ დაიწყო და სანამ ბოლომდე არ მიიყვან, უბრალოდ არ უნდა გაჩერდე.

თამარისთვის მნიშვნელოვანი იყო ლექტორის მხარდაჭერა. იგი დამეხმარა, რომ სწორი მიმართულებით წასულიყო და იდეების მოფიქრებისას თავდაჯერებულობა შეენარჩუნებინა. თამარი აზრით, კამპანიის იდეებზე მუშაობისას გამბედაობა ხშირად გადამწყვეტ როლს თამაშობს. ამ მხრივ კი, ლექტორის კომენტარებმა და შეფასებებმა ძალიან დიდი გავლენა იქონია მის თავდაჯერებულობაზე. ფიქრობდა, რომ, ინსაითის სიმარტივიდან გამომდინარე, კამპანია შესაძლოა ბანალური გამოსულიყო. თუმცა საბოლოოდ სხვადასხვა კრეატიული გაშლა მოიფიქრა და კამპანიაც ეფექტური გამოვიდა.

ამ სფეროთი დაინტერესებულებს კი ურჩევს, რომ პირველ რიგში, თავად უნდა ენდობოდნენ მათ იდეას, რათა სხვების კეთილგანწყობაც მოიპოვონ. რადგანაც კონტენტის იდეაზე მუშაობა და შემდგომ მისი რეალიზება ძალიან შრომატევადია, პრაქტიკული რჩევა იქნებოდა კალენდრის წარმოებაც. მომავალ სტუდენტებს კი თამარი დავალებების შესრულებას გირჩევთ.

არაფერი შეედრება იმ გრძნობას, როცა თავიდან გეგონა, არ გამოგივიდოდა, ბოლოს კი საკუთარი შესრულებული დავალებით სიამაყის ნაპერწკალი გაგიკრთება თვალებში.

თამარი უკვე ბევრ პლატფორმასა და აპლიკაციას იყენებს სამსახურის ყოველდღიური დავალებების შესრულებისას. ამან მეტად მისცა ბიძგი, აეღო სრული პასუხისმგებლობა პროექტებზე და არ შეშინებოდა მისი იდეების გაჟღერების. თუ შენც გსურს, რომ კრეატიულ სამყაროში გადაეშვა და მეტი გაიგო კონტენტის შექმნის შესახებ, commschool-ში გელოდებით!

კურსები მარკეტინგის მიმართულებით:

გაუზიარე მეგობრებს

რელევანტური ბლოგები

თბილისის კომუნიკაციის სკოლა Ad Black Sea-ს ფესტივალზე...

თბილისის კომუნიკაციის სკოლა Touch Platform-ის პარტნიორია...

მონაცემთა ანალიტიკა - რა არის და როგორ იყენებენ მას ბიზნესები...

შესაძლოა გაინტერესებდეს

დამწყები

1100₾

Creative Advertising

რეკლამას ერთი უცნაურობა ახასიათებს, როგორც წესი ვცდილობთ თავი ავარიდოთ მას, დავბლოკოთ, “დავსკიპოთ”, მეორე მხრივ კი შეიძლება მოუთმენლად ველოდებოდეთ საყვარელი ბრენდის ახალ კამპანიას და სიამოვნებით ვუყურებდეთ მაგალითად Nike-ის რგოლებს, McDonald’s-ის და Burger King-ის ორთაბრძოლებს, Coca-Cola-ს საახალწლო ქარავანს. როდის ხდება რეკლამა გასართობი და არა შემაწუხებელი? როგორ ახერხებს ამას ზოგიერთი ბრენდი? რა დგას ეფექტური სარეკლამო კამპანიის უკან? კურსის ფარგლებში ვეცდებით ამ კითხვებზე პასუხების პოვნას. ლექციებზე მიმოვიხილავთ სარეკლამო კომუნიკაციის საფუძვლებს, ძირითად პრინციპებს, ინსტრუმენტებს. გავეცნობით კრეატიული სააგენტოს მუშაობის მექანიკას, მოვალეობებსა და დამკვეთთან ჰარმონიულად ურთიერთობის წესებს. გავაანალიზებთ და განვიხილავთ გლობალურ თუ ქართულ ქეისებს. სტუდენტებს საშუალება ექნებათ შეიხედონ სარეკლამო ინდუსტრიის შიდა სამზარეულოში და გამოიმუშაონ კამპანიის დაგეგმვის, კრეატივის შეფასების და კრეატიულ გუნდთან მუშაობის მენეჯერული უნარ-ჩვევები.

11 ლექცია

33 საათი

საშუალო

1400₾

Data-Driven მარკეტინგი

ციფრულ სივრცეში მომხმარებლის ნებისმიერი ქცევა მონაცემია, მისი სწორად გამოყენების უნარი კი – კონკურენტებზე უპირატესობის მოპოვების უმთავრესი საშუალება, რადგან ის გვეხმარება, მივიღოთ ჭკვიანური გადაწყვეტილებები, დაფუძნებული ფაქტებზე და არა ვარაუდებზე.ტრადიციული მარკეტინგული მიდგომებისგან განსხვავებით, მონაცემებზე დაფუძნებული მარკეტინგი გეხმარება, უკეთ შეიცნო შენი მომხმარებლები, შეისწავლო მათი ქცევები, ესაუბრო მათთვისვე რელევანტური კომუნიკაციით, საჭიროებებზე დაყრდნობით განსაზღვრო, სად და როგორ „დახვდე“ მათ და გაზომო მარკეტინგული აქტივობების შედეგიანობა. კურსის განმავლობაში დეტალურად გავივლით მონაცემთა ანალიტიკას, მომხმარებელთა სეგმენტაციას, ატრიბუციის მოდელირებას, მარკეტინგის სამოქმედო გეგმის და ბიუჯეტის შემუშავებას, სტრატეგიისა და ტაქტიკების შეფასებას, და სხვა.

14 ლექცია

42 საათი

ექსპერტი

1200₾

Sense of Branding

თანამედროვე ბრენდი წარმოადგენს რაღაც პოზიციას. ის არის განაცხადი. მას შეუძლია, ადამიანს თვალსაწიერი გაუფართოვოს, გარკვეული მიმართულებით გაახედოს, ყურადღება გაუმახვილოს, სურვილი აღუძრას. სტრატეგიული ბრენდინგი განსაზღვრავს ყველაფერ იმას, რაც ბრენდმა ცხოვრებაში უნდა დაგვმართოს.ქრეშ-კურსის გავლის შემდეგ შეგეძლება ბრენდის ელემენტებში გარკვევა და მათით მანიპულირება.შეხვედრები ჩატარდება D Block Workspace//@ Stamba-ში

4 ლექცია

20 საათი

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დაწყება