მონაცემთა ანალიტიკოსი: პროფესია, უნარები, კარიერული გზა
დღეს ციფრული სამყარო ორგანიზაციებს აძლევს იმის საშუალებას, რომ მომხმარებლის შესახებ დააგროვონ ისეთი სახის ინფორმაცია, როგორიცაა მაგალითად, საიტზე ვიზიტის სიხშირე ან თუნდაც კონკრეტულ გვერდზე დაყოვნების წუთობრივი მაჩვენებელი.
თუმცა მონაცემები ანალიტიკის გარეშე არის მხოლოდ რიცხვები, რომელთაც არანაირი დამატებითი ღირებულების მოტანა არ შეუძლიათ. ამ ყველაფრის დამუშავებაში გადამწყვეტი როლი მონაცემთა ანალიტიკოსს აქვს, ამ ბლოგში კი მინდა სწორედ ეს პროფესია გაგაცნო.
ვინ არის მონაცემთა ანალიტიკოსი?
მონაცემთა ანალიტიკოსი (მონაცემთა ინჟინერთან და მეცნიერთან ერთად) დიდი რაოდენობის ნედლ ინფორმაციას თარგმნის ისეთი სახით, როგორიც კომპანიებს ღირებული და მნიშვნელოვანი ნაბიჯების გადადგმისკენ უბიძგებს. მარტივად რომ ვთქვათ, ის აანალიზებს ისეთ ინფორმაციას, როგორიცაა მომხმარებელთა ქცევა საიტზე დღეებისა და საათების მიხედვით და ამ ინფორმაციაზე დაყრდნობით, კომპანიის წარმომადგენლებს აწვდის სტრატეგიულად სწორი ნაბიჯების გადადგმის გზებს, მაგალითად, რომელ საათზე განათავსონ საიტზე ახალი პროდუქტი.
თუმცა, გარდა ამ მონაცემების ანალიზისა, მისი ერთ-ერთი მთავარი მოვალეობა ამ შედეგების ვიზუალიზაციაა კომპანიის წარმომედგენლებთან წარსადგენად.
უნარები
რაც არ უნდა გასაკვირი იყოს, მნიშვნელოვანია, რომ მონაცემთა ანალიტიკოსს ჰქონდეს ტექნიკური და ლიდერული უნარები.
ტექნიკური უნარები მოიცავს:
● ისეთი database-ის ცოდნას, როგორიცაა: SQL
● მინიმუმ ისეთი ხელსაწყოების ფლობას, როგორიცაა: Excel ან Google Sheets, ხოლო მონაცემთა უკეთესი ვიზუალიზაციისთვის – Power BI
● მათემატიკური და სტატისტიკური უნარების ქონას, რათა შეძლოს ინფორმაციის შეგროვება, ორგანიზება და ანალიზი.
ლიდერული უნარები მოიცავს:
● გადაწყვეტილების მიღებას და პრობლემების აღმოფხვრას
● ალტერნატიული გადაჭრის გზების ძიებას
ეს უნარები ეხმარება ანალიტიკოსს, იფიქროს დაინტერესებული მხარისთვის საჭირო ინფორმაციის ეფექტურად მიწოდებაზე.
ქართული ბაზარი
მსოფლიოში მონაცემთა ანალიტიკის პოპულარიზაცია გაცილებით ადრე დაიწყო და დღეს ნებისმიერი ზომის კომპანიას ჰყავს სპეციალისტი მონაცემთა მიმართულებით. მნიშვნელოვანია ის ფაქტი, რომ საქართველოც აქტიურად უწყობს ფეხს სიახლეებს ამ დარგში.
თუ აქამდე საქართველოში მხოლოდ რამდენიმე მსხვილი კომპანია იყო მონაცემებით მართული, დღეს ბევრი საშუალო ზომის კომპანია იწყებს კომპანიაში მონაცემთა ინფრასტრუქტურის შექმნას და მათ ანალიზს. შესაბამისად, მოთხოვნა მონაცემთა ანალიტიკოსებზე კიდევ უფრო გაიზრდება წლების განმავლობაში, თუმცა, სამწუხაროდ, კვალიფიციური კადრების სიმცირე კვლავ უცვლელია.
ამიტომ არ გაგიკვირდება თუ გეტყვი, რომ საქართველოში მონაცემთა ანალიტიკოსის საშუალო ყოველთვიური ანაზღაურება 3500 ლარია.
კარიერული გზა
თუ ამ მიმართულებით ხარ დაინტერესებული, მნიშვნელოვანია ისიც იცოდე, წინ როგორი კარიერული გზა გელის.
მონაცემთა ანალიტიკოსის სფერო მოიცავს აღწერით და სადიაგნოსტიკო ანალიზს და ნაწილობრივ საპროგნოზო ანალიზსაც.
ამიტომ შემდეგი ეტაპი გადადის მონაცემთა მეცნიერის ხელში, რომელიც ამ ყველაფრის გარდა მომავალთან დაკავშირებულ კითხვებსაც სცემს პასუხს – წარსულ მონაცემებზე დაყრდნობით გვეუბნება რა შეიძლება მოხდეს მომავალში და გვირჩევს, თუ რა იქნება შემდეგი ყველაზე ოპტიმალური ნაბიჯი მიზნის მისაღწევად.
გახსოვდეს, იმისათვის, რომ მონაცემთა ანალიტიკოსი გახდე, სულაც არ არის საჭირო კონკრეტული მიმართულებით გქონდეს განათლება მიღებული, რადგან ეს პროფესია ცნობისმოყვარე, კრეატიული და ანალიტიკური აზროვნების მქონე ადამიანებისთვის საუკეთესო არჩევანია.
ამიტომ, თუ მიმდინარე საქმიანობაში მონაცემთა ანალიტიკის ინტეგრაცია გსურს, ხარ მარკეტერი, Product Manager, ფინანსიტი ან/და სხვა ისეთი პროფესიის წარმომადგენელი, რომელსაც მონაცემებთან/რეპორტინგთან უწევს შეხება, ისღა დამრჩენია გითხრა, Data Analytics-ის მომდევნო მიღებაზე რეგისტრაცია უკვე დაწყებულია, შემოგვიერთდი!
რელევანტური ბლოგები
-
ხელოვნური ინტელექტი პრაქტიკაში – გაიცანი ლექტორი, შოთა ნათენაძე...
-
-
-
-
-
როგორ გავართვათ თავი გასაუბრებას მონაცემთა ანალიტიკოსის პოზიციაზე? - ლელა გაიხარაშვილი...
-
IT პროექტების მენეჯმენტი - გაიცანი ლექტორი გაგი ნინოშვილი...
-
მონაცემთა ანალიტიკა - რა არის და როგორ იყენებენ მას ბიზნესები...
-
-
ნინი მოდებაძე მონაცემთა ანალიტიკოსის პროფესიის, საჭირო უნარებისა და კურსის შესახებ...
შესაძლოა გაინტერესებდეს
დამწყები
950₾
ხელოვნური ინტელექტი თანამედროვე მენეჯერის განუყოფელი ნაწილი გახდა. შესაბამისად, რაც უფრო მეტად გვესმის რა ენაზე და როგორ ვესაუბროთ ხელოვნურ ინტელექტს მით უფრო მარტივია მისი ყოველდღიურობაში ინტეგრირება. რაც მთავარია, ხელოვნური ინტელექტის საშუალებით შესაძლებელია დროის ეფექტურად გამოყენება და რუტინული საქმეების თავიდან არიდება.
ლექციების განმავლობაში დეტალურად შევისწავლით ისეთი პოპულარული AI სისტემების გამოყენებას, როგორიცაა ChatGPT, Claude.ai, და Gemini. პრაქტიკულ დავალებასა და ფინალურ ნაშრომზე მუშაობა კი დაგვეხმარება სიღრმისეული ცოდნა მივიღოთ AI ხელსაწყოების გამოყენებასა და მათ საკუთარ ნებაზე “მოთვინიერებაში”.
6 ლექცია
18
საათი
საშუალო
1600₾
თანამედროვე სამყაროში ნებისმიერი ციფრული პროდუქტი ან მომსახურება არ ითვლება სრულყოფილად, თუ მას მობილური აპლიკაცია არ აქვს. მსოფლიოს მობილური მომხმარებლების დაახლოებით 86% კი ანდროიდის მომხმარებელია, რაც მას ყველაზე პოპულარულ მიმართულებად ხდის მობაილ დეველოპმენტში.მობილური აპლიკაციები პროგრამული უზრუნველყოფის ერთ-ერთი სახეობაა, ამიტომაც კურსის საწყის ეტაპზე აქცენტი კეთდება პროგრამირების ენებისა და მიდგომების შესწავლაზე. ამის შემდეგ გადავდივართ ანდროიდის სპეციფიკური ფრეიმვორკის, ინსტრუმენტებისა და აპლიკაციის შექმნის პროცესზე.
24 ლექცია
72
საათი
საშუალო
1500₾
ბოლო წლებია Front-End Development ერთ-ერთ ყველაზე მზარდ და პერსპექტიულ ინდუსტრიად გვევლინება. ამ ყველაფერში დიდი როლი ითამაშა Angular Framework-მა, რომელიც 2016 წელს შეიქმნა Google-ის მიერ და რომლის გაუმჯობესება დღესაც აქტიურად მიმდინარეობს. Angular Framework-ის გამოყენებით თქვენ შეძლებთ TypeScript-Based Responsive Single-Page აპლიკაციების (SPA) აწყობას.
კურსის განმავლობაში მთავარი აქცენტი გაკეთდება Angular-ის მთავარი კონცეფციების ღრმად შესწავლაზე. დიდი დრო დაეთმობა TypeScript-ის და RxJS-ის სიღრმისეულ გარჩევას და ჩვენებას თუ რატომ არის ღირებული ტიპიზაცია (TS) და რეაქტიული პარადიგმა (RxJS)
20 ლექცია
60
საათი
შესვლა Google-ით
შესვლა Facebook-ით