კურსდამთავრებულები IT პროექტების მენეჯმენტის კურსის შესახებ
სწრაფად ცვალებად ციფრულ სამყაროში ტექნოლოგიების როლი ბიზნესის წარმატებაში უფრო და უფრო იზრდება. შესაბამისად, IT პროექტების მენეჯმენტი ერთ-ერთ წამყვან მიმართულებად იქცა. იგი უზრუნველყოფს ციფრული პროდუქტის შექმნის ყოველი ნაბიჯის ეფექტურად მართვას. საქართველოში კი ციფრული პროექტების მენეჯერი უკვე N2 მოთხოვნად პროფესიად იქცა.
თუ პროექტების მართვა და ტექნოლოგიური მიმართულება გაინტერესებს, ამ ბლოგს გაეცანი, რადგან IT პროექტების მიმართულების კურსდამთავრებულები საკუთარ გამოცდილებას გაგიზიარებენ.
ეკა სერგიამ კურსის გავლა ტექნოლოგიების მიმართ მისი დიდი ინტერესიდან გამომდინარე გადაწყვიტა. ამ სფეროში გამოცდილება არ ჰქონდა. ამიტომ IT პროექტების მენეჯმენტის კურსი საწყისი ეტაპი იყო. ეკას სურვილი ჰქონდა, გაეგო, როგორ შეიძლება პატარა თუ დიდი პროექტების დაგეგმვა, მონიტორინგი, განხორციელება და მისი გამოყენება რთული პრობლემების გადასაჭრელად.
კურსმა, მრავალი თვალსაზრისით, გადააჭარბა ეკას მოლოდინებს. ყველაზე ღირებული ნაწილი იყო პრაქტიკული პროექტები და გამოცდილ ხელმძღვანელთან მუშაობის შესაძლებლობა. მან შეძლო ისეთი აუცილებელი უნარების შეძენა, როგორებიცაა პროექტის დაგეგმვა, რისკების მართვა, დაინტერესებულ მხარეებთან კომუნიკაცია და სხვა მეთოდოლოგიები. ერთ-ერთი ყველაზე დიდი გამოწვევა კი მცირე დროში პროექტის შექმნა იყო, რამაც დროის ეფექტური მართვა ასწავლა. ეკა ამ გამოცდილების გამოყენებას IT სფეროში კარიერის გასაგრძელებლად აპირებს:
ახლა, როდესაც დავამთავრე კურსი, დარწმუნებული ვარ, რომ შემიძლია IT პროექტების ეფექტურად მართვა. ჩემი მიზანია, უფრო განვვითარდე, გავაგრძელო პროფესიული ზრდა და საბოლოოდ, ვუხელმძღვანელო ფართომასშტაბიან პროექტებს, რაც ხელს შეუწყობს ჩემი ორგანიზაციის წარმატებას.
IT პროექტების მენეჯმენტი: კურსის შესახებ
დალილა ზარდიაშვილი ასევე დაინტერესებულია ტექნოლოგიებითა და მენეჯმენტით. ამიტომ ეს კურსი საუკეთესო შესაძლებლობა იყო. მისი მიზანი IT პროექტების მენეჯმენტის ძირითადი პრინციპების გაგება და მისი პრაქტიკაში ინტეგრაციის შესაძლებლობების დანახვა იყო. თეორიულ ცოდნასთან ერთად მან მნიშვნელოვანი პრაქტიკული გამოცდილება მიიღო, დამოუკიდებლად შესრულებულმა პროექტმა კი გამოუმუშავა ის აუცილებელი უნარები, რომელიც ყოველდღიურ საქმიანობაში აუცილებელია პროექტის ეფექტურად სამართავად.
ყველაზე ღირებული კომპლექსური პროექტების ნავიგაციის სწავლა აღმოჩნდა. სტრუქტურირებული მიდგომა – სხვადასხვა ხელსაწყოს გამოყენებით მარტივ ერთეულებად ჩაშლის შესაძლებლობა – პრაქტიკაში შეცდომის დაშვებას მაქსიმალურად ამცირებს. დალილასთვის მთავარი გამოწვევა იმ სისტემებთან (Jira, Clickup) ადაპტაცია იყო, რომლებთანაც კურსის გავლამდე შეხება არ ჰქონია. ეს გამოწვევა განსაკუთრებით თვალსაჩინო გახდა, როდესაც დამოუკიდებლად დაიწყო ფინალურ გამოცდაზე მუშაობა. სწორედ ამ გამოწვევის გადალახვით მიიღო კარგი შედეგი და თავდაჯერებულობა. გარდა ამისა, დალილას თქმით, კურსის განმავლობაში მიღებული თეორიული ცოდნა სრულიად საკმარისია საერთაშორისო სერტიფიკატების ჩაბარებისთვის. მათ შესახებ კურსის განმავლობაში ყველა საჭირო და აუცილებელი ინფორმაცია მიიღო.
კურსს გავუწევდი რეკომენდაციას, რადგან კურსის ერთ-ერთი მთავარი პრინციპი სტუდენტებისთვის მაქსიმალურად ბევრი შესაძლებლობის ჩვენება იყო, რომელთაგანაც თავად შეგეძლო არჩევანის გაკეთება.
ლექტორის პასუხისმგებლობიანმა და დაუზარელმა მიდგომამ დალილას გაუჩინა მოტივაცია და მიზანი, სწავლა წარმატებით დაესრულებინა. კურსის განმავლობაში გრძნობდა, რომ ლექტორისთვის მნიშვნელოვანი იყო თითოეული სტუდენტი, მათ მიერ მიღებული ცოდნა და დასმული შეკითხვები. Commschool-ი მაქსიმალურად ითვალისწინებდა სტუდენტთა ინტერესებსა და საჭიროებებს. დალილა მიიჩნევს, რომ კურსმა იმდენი პრაქტიკული და თეორიული გამოცდილება მისცა, რომ თამამად შეუძლია, პირველი ნაბიჯები გადადგას ამ სფეროში.
ფინალური პროექტი
რაც შეეხება თაკო ლაზვიაშვილს, მან კურსის გავლა პროფესიული განვითარების მიზნით გადაწყვიტა. მისთვის ყველაზე ღირებული ნაწილი პრაქტიკული გამოცდილება იყო. განსაკუთღებით საინტერესო კი ფინალური ინდივიდუალური პროექტი აღმოჩნდა, რომელიც Commschool-ის კურსების განუყოფელი ნაწილია. პროექტზე მუშაობისას თაკომ გაიუმჯობესა პროექტ მენეჯერისთვის აუცილებელი შემდეგი უნარები: პროექტების დაგეგმვა და მართვა, რესურსების ოპტიმალური განაწილება, რისკების მართვა და კომუნიკაციის ეფექტური მეთოდები.
თაკოს ფინალური პროექტი დაგროვებითი ბარათისთვის ვებ-გვერდის შექმნას მოიცავდა. მომხმარებლის მიერ სადილერო ქსელში გაკეთებული პროდუქციის შენაძენი უნდა აღირიცხოს პლასტიკური ბარათის მეშვეობით და დაგროვდეს ბონუს ქულები. დაგროვილი ქულების საშუალებით კი მომხმარებელს შეუძლია მიიღოს საჩუქრები, რომლებსაც შეარჩევს ელექტრონული სასაჩუქრე კატალოგებიდან. პროექტზე მუშაობის განმავლობაში თაკო ლექტორისგან უკუკავშირ იღებდა, რაც ძალიან დაეხმარა პროცესის გაუმჯობესებასა და საბოლოო შედეგის წარმატებით მიღწევაში.
ვისაც სურს IT Project Management-ის მიმართულებით კარიერის გაგრძელება ან ამ კურსზე სწავლა, ვურჩევდი, რომ კარგად გაეცნოს კურსის პროგრამას. ამასთანავე, კურსის განმავლობაში ყოველდღიურად შეასრულოს მცირე პრაქტიკული დავალებები. მნიშვნელოვანია, რომ აქტიურად ჩაერთოს დისკუსიებში და მუდმივად ეძებოს დამატებითი რესურსები ცოდნის გასაღრმავებლად.
ახლა, როდესაც კურსი დაამთავრა, თაკო გეგმავს, რომ პრაქტიკულად გამოიყენოს მიღებული ცოდნა და გამოცდილება მის სამომავლო პროექტებში. მას სურს, რომ უფრო კომპლექსური და მასშტაბური პროექტები მართოს, რათა მუდმივად გაიზარდოს და განვითარდეს ამ მიმართულებით.
თუ შენც დაინტერესდი IT პროექტების მართვით, ეს შესაძლებლობა აუცილებლად გამოიყენე. ახალი გამოწვევებისთვის შემოგვიერთდი Commschool-ში!
შესაძლოა გაინტერესებდეს
საშუალო
დამწყები
დამწყები
შესვლა Google-ით
შესვლა Facebook-ით