ძველ ვერსიაზე გადასასვლელად დააჭირე აქ

Commschool-დან Redberry-ში - დიმიტრი ამირეჯიბის კარიერული განვითარება

blog-detail-img

ალბათ გეცოდინება, რომ ვიზუალურად გამართული და ხარისხიანი რილსების, ვიდეოების, სატელევიზიო გადაცემებისა თუ შოუების უკან ყოველთვის მოუშენ გრაფიკოსი დგას, რომელიც კონტენტს ყურებადს ხდის.

შენ კი თუ Motion Design გაინტერესებს და ერთხელ მაინც გიცდია ამ მხრივ, თუნდაც ტელეფონში, მასალის დამუშავება, მაშინ სწორ ადგილას შემოგიხედავს, რადგან მინდა ამ ბლოგში Motion Design-ის კურსდამთავრებული დიმიტრი ამირეჯიბი გაგაცნო, რომელიც Alumni Club-ის ფარგლებში სტაჟირებას ჩვენს პარტნიორ კრეატიულ სააგენტო, Redberry-ში გადის. 

აქვე გეტყვი, რომ Alumni Club-ის ფარგლებში საუკეთესო კურსდამთავრებულებისთვის სტაჟირების პროგრამა ჩვენს პარტნიორ კომპანიებში (Maverik, Burtula, Redberry) კვლავ მოქმედებს.

დიმიტრიმ სხვა სტუდენტების მსგავსად კურსის ბოლოს ფინალურ პროექტზე იმუშავა, რომლის ფარგლებშიც  დამოუკიდებლად შექმნა აპლიკაციის ფრომოუშენი.

დიმიტრი გვიამბობს, რომ ფინალური პროექტის თემებიდან არჩევანი მედიტაციის გიდზე შეარჩია:

მოწოდებული დავალებებიდან ორივე მათგანი აპლიკაციის პრომოუშენის შექმნას ისახავდა მიზნად. ერთი აპი ველოსიპედისტების, მეორე კი მედიტაციის გიდის როლს ასრულებდა. ჩემთვის მედიტაციის თემა უფრო საინტერესო და მომხიბვლელი იყო

ფინალურ პროექტზე მუშაობა დიმიტრისთვის საინტერესო გამოწვევებით იყო სავსე, რამაც ახალი ცოდნა შესძინა Motion-ის კუთხით:

პროექტში როგორც დამწყები გრაფიკოსი, საკმაოდ მრავალფეროვან ტექნიკურ გამოწვევებს წავაწყდი და ბევრი ახალი რამეც ვისწავლე. პროცესი ძალიან ჩამთრევი და საინტერესო აღმოჩნდა. ყოველი პატარა შედეგის დანახვა მუშაობის ხალისს მიორმაგებდა

დიმიტრი იხსენებს, რომ პირველ ეტაპზე დიდი დრო დაუთმო ანიმაციაზე მუშაობას და გამოუცდელობის გამო ხშირად ბუნდოვანი იყო მისთვის შემდგომი ნაბიჯები, თუმცა, რაც მთავარია, გამბედაობისა და მონდომების წყალობით მოახერხა დაეთრგუნა შიში და შეექმნა სრულყოფილი ფინალური პროექტი:

სირთულემ არ უნდა შეგაშინოს, რადგან ის სულ მცირე გამოცდილებასთან ერთად გაქრება. ნელ-ნელა ამ პროცესში იმაზე იფიქრებ, თუ რას გააკეთებ მოცემული მასალებისგან, რაც ერთის მხრივ ამაღელვებელია და მეორე მხრივ კიდევ უფრო ამარტივებს მომდევნო საქმეს

დიმიტრის მთავარი დავალება ოთხი ძირითადი კომპონენტისგან შეგდებოდა: ლოგო, აპლიკაცია, პერსონაჟები და მათი გარემო, მან კი გადაწყვიტა დამატებით შეექმნა ისეთი აპლიკაციის დიზაინი, რომელიც ღილაკის დაჭერის სურვილს აღძრავდა მომხმარებელში და ინტერესს გამოიწვევდა. ამის გარდა, დიმიტრიმ ხმა და მუსიკა დაურთო აპლიკაციას, რამაც  ერთგვარად ხორცი შეასხა დიზაინს:

ამ ვიდეოს შექმნამ დამარწმუნა იმაში, რომ ეს საქმე გამომივა და ყოველი პროექტი ახალი შესაძლებლობებით გამიშვებს მომდევნოსკენ, რაც ძალიან სასიამოვნო გრძნობაა

ასე და ამგვარად, თუ გინდა, რომ კარიერული განვითარება Motion Design-ის მიმართულებით განაგრძო, გადადგი პირველი ნაბიჯი და გაეცანი Motion Design-ის პროგრამას სრულად.

გაიგე მეტი MOTION DESIGN-ის კურსის შესახებ
გაუზიარე მეგობრებს
რელევანტური ბლოგები

რელევანტური ბლოგები

შესაძლოა გაინტერესებდეს

საშუალო
1000₾
AI გრაფიკულ დიზაინში
დიზაინის ტრადიციული მეთოდები შრომატევადია და დიდ დროის რესურსს მოითხოვს, რაც, ხშირ შემთხვევაში, ზღუდავს შემოქმედობითობას და მოსაწყენს ხდის დიზაინერის ყოველდღიურობას. თუმცა, გენერაციული AI არის ის რევოლუციური გადაწყვეტა, რაც საშუალებას მისცემს დიზაინერებს გადალახონ ამგვარი დაბრკოლებები და მეტიც  იყონ მეტად ეფექტურები ყოველდღიურ საქმიანობაში. კურსი დატვირთულია პრაქტიკული დავალებებით და ფინალური პროექტით, რაც  მოგცემს საშუალებას  დააგროვო პორტფოლიო და შეიძინო ცოდნა, რომელსაც  პრაქტიკაში გამოიყენებ
8 ლექცია
24 საათი
საშუალო
1250₾
Motion Design
Motion Design ერთ-ერთი ყველაზე მოთხოვნადი და პოპულარული პროფესიაა მსოფლიოში, რომელიც აქტიურად გამოიყენება სარეკლამო რგოლებში, მუსიკალურ კლიპებში, სატელევიზიო შოუებსა თუ პრომო ვიდეოებში, მხატვრულ თუ დოკუმენტური ფილმებში. ასევე,  სოციალურ ქსელებში (ციფრული ბანერები, პოსტები, სთორი, ა.შ). კურსის განმავლობაში მთავარი აქცენტი გაკეთდება, არამხოლოდ After Effect-ის ტექნიკური ცოდნის მიღებაზე, არამედ ანიმაციის იმ პრინციპებზე, მეთოდებსა და ხელსაწყოებზე, რომლებსაც აქტიურად იყენებენ ამ სფეროში მომუშავე პროფესიონალები სხვადასხვა სირთულის პროექტის შესაქმნელად. Პროგრამა სრულად დაფუძნებულია პრაქტიკულ სამუშაოებზე, რომლის განმავლობაშიც სტუდენტებს შეეძლებათ სხვადასხვა ტიპის ანიმაციის შექმნა რეალური პროექტებიდან და ბრიფიდან გამომდინარე.  რაც ყველაზე მთავარია, მიიღებენ  ჯანსაღ კრიტიკასა და რჩევებს გაუმჯობესებისთვის.
15 ლექცია
45 საათი
ექსპერტი
1500₾
Sense of Illustration
დიზაინის სფეროში ნიჭი და კრეატიული უნარები დღეს საკმარისი აღარ არის ფრილანს კარიერის დასაწყებად ან/და განსავითარებლად. რეალურად დაბრკოლებები მაშინ იწყება, როცა თითქოს ყველა საჭირო ტექნიკური უნარი გაქვს, მაგრამ არ იცი, როგორ შეადგინო ბიუჯეტი და თაიმლაინი, ააწყო პორტფოლიო, გქონდეს ინდივიდუალური ნიშა და რაც მთავარია, შეძლო ბაზარზე საკუთარი თავის სწორად პოზიციონირება. კონკურენცია ძალიან მაღალია, დამოუკიდებლად მუშაობა კი კიდევ უფრო რთული. ამ პირობებში საკმაოდ ბუნდოვანია ილუსტრატორის ანაზღაურების შესახებ ინფორმაციაც. Sense of (Freelance) Illustration-ის ქრეშ-კურსიც სწორედ ამ გამოწვევების დაძლევისთვის საჭირო გზამკვლევია, რომელიც წლების განმავლობაში მიღებულ ანანოს პირად გამოცდილებას ეფუძნება. კურსის ფარგლებში მონაწილეები გაივლიან ილუსტრაციის შექმნის სრულ ციკლს – ინსპირაციის პოვნის, ბრიფის ანალიზის, სკეჩების დახატვისა და დახვეწის ჩათვლით. რაც მთავარია, შეეძლებათ ბრიფზე დაყრდნობით იმუშაონ პროექტზე/სავარჯიშოებზე, რომლის პრაქტიკაში დანერგვაც დაეხმარებათ გადალახონ ცარიელი ფურცლის შიში. კურსს ფრილანს ილუსტრატორი, ანანო მიმინოშვილი გაუძღვება. მისი პორტფოლიო 200-მდე ფრილანს პროექტს და ისეთ კლიენტებს მოიცავს, როგორებიც არიან: The New York Times, Chanel, BAFTA, FILA, Adobe, Meta, Airbnb, The Washington Post, The New Yorker, The Hollywood Reporter და მრავალი სხვა. შეხვედრებს უმასპინძლებს სასტუმრო Stamba.
4 ლექცია
20 საათი

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დაწყება