ძველ ვერსიაზე გადასასვლელად დააჭირე აქ

გზა იდეიდან პროტოტიპამდე - ანი იაშვილის ფინალური პროექტი

blog-detail-img

არსებობენ ადამიანები, ვისთვისაც შენი ურთიერთობა თანამედროვე, ციფრულ პროდუქტებთან  მნიშვნელოვანია. უფრო მეტიც – UX დიზაინერისთვის ეს მისი პროფესიაა: იგი ორიენტირებულია იმ პროდუქტების განვითარების ყველა ასპექტზე, დიზაინზე, გამოყენებადობაზე, ფუნქციებსა და სხვა დამატებით ისეთ საკითხებზე, რასთან შეხებაც შენს თითის ბალიშებს ნებისმიერი აპლიკაციის გამოყენებისას აქვს.

მაგალითად, თუ ქალაქის ერთი პუნქტიდან მეორეში საზოგადოებრივი ტრანსპორტით გამგზავრებას გადაწყვეტ, საამისოდ დაგჭირდება აპლიკაცია, რომელიც ყველა მარშრუტსა და მიმართულებაზე ინფორმაციას მოგაწვდის. 

და იცი? ასეთი აპლიკაციის იდეა მართლაც შემუშავდა და მისი სახელწოდებაა Momo!

Momo ანი იაშვილს ეკუთვნის, ჩვენი UX Research & Design-ის კურსდამთავრებულს, რომელმაც იგი კურსის ფინალური პროექტის ფარგლებში ააწყო. 

„Momo არის აპლიკაცია, სადაც შეგიძლია მარტივად მოიძიო ინფორმაცია საზოგადოებრივი ტრანსპორტის მარშრუტების შესახებ, რაც ხელს შეუწყობს საზოგადოებრივი ტრანსპორტის მეტად პოპულარიზაციას და მგზავრობის დაგეგმვის კულტურის დანერგვას.“

მოიცადე, აბა UX დიზაინერები და ციფრული პროდუქტებიო..?

ვფიქრობ, სიღმეებში ჩასვლაც არ იქნება ურიგო: ერთია, როდესაც აპლიკაცია გაქვს და მეორე – როგორ ვითარდება, იხვეწება და იგეგმება მისი სამომავლო ურთიერთობა შენთან, როგორც პოტენციურ მომხმარებელთან; რა უპირატესობები, ფუნქციები აქვს ისეთი, რაც შენს გამოცდილებას მასთან ეფექტურსა და კომფორტულს გახდის. 

სხვა სიტყვებით – რას აკეთებენ UX დიზაინერები ზოგადად.. და როგორ აკეთებენ ამ ყველაფერს ჩვენთან, Commschool-ში.

ამ ბლოგში სწორედ ამ პროცესებზე მოგიყვები – გზაზე იდეიდან პროდუქტამდე – ფინალურ პროექტამდე, რაც ანიმ ჩვენთან ერთად დაფარა.

აქედანვე მინდა იცოდე, რომ საბოლოო ნაშრომზე მუშაობა ჩვენთან, UX Research & Design-ის კურსზე დასაწყისშივე იწყება.

აი, როგორ: პირველივე ლექციაზე ირჩევ სასურველ თემატიკას, რაც შეიძლება იყოს პრობლემა, სტარტაპ იდეა, აპლიკაცია, რომელზეც ფიქრობ, რომ რაღაცებს გაამარტივებს, ან თუნდაც ველოსიპედს ხელახლა გამოიგონებს და სამი თვის მანძილზე, ლექტორთან კონსულტაციისა და უკუკავშირის პარალელურად მასზე მუშაობ.

ეტაპობრივად სწავლობ კვლევის ჩატარებას, პროტოტიპირებას, მის გატესტვას და ყოველ სიახლეს შენს იდეას აბამ, პრაქტიკაში ამუშავებ.

საბოლოოდ კი იქმნება ნაშრომი, რომელიც კომპლექსური და დახვეწილია იმდენად, რომ მისი პორტფოლიოში გამოყენება და პოტენციური დამსაქმებლისთვის ჩვენება შეგიძლია. 

 

პროექტთან ერთად ვითარდები შენც, შენი უნარებიც, რომლებიც კურსის ბოლოს დაგეხმარება რეალურ სამუშაო გარემოში თამამად გაიარო იგივე პროცესები.

ანა თვლის, რომ თავისი ცხოვრების სტილიდან, კარიერული მიზნებიდან გამომდინარე, თვითგანვითარების იმ ეტაპზე, რომელზეც იმყოფებოდა, UX Research & Design-ის კურსის გავლა ყველაზე ლოგიკური გადაწყვეტილება იყო.

„რაც შეეხება კითხვას "რატომ Commschool?" - საინტერესო სილაბუსის გარდა, მეგობრისგან მიღებულმა კარგმა რეკომენდაციამაც გავლენა იქონია ჩემს გადაწყვეტილებაზე.”

ალბათ, გაინტერესებს კმაყოფილია თუ არა ანი საკუთარი არჩევანით.

„ძალიან მომეწონა მთლიანი კურსის მიმდინარეობის პროცესი და ლექტორების მეგობრული დამოკიდებულება, რაც უფრო მარტივს ხდიდა კითხვების დასმას, კონკრეტულ საკითხებში ჩაძიებას."

აღნიშნა დამოკიდებულება გაცდენილი ლექციებისადმიც. ხომ იცი, ჩვენთან სალექციო კურსი ინტენსიური და პრაქტიკული დავალებებითაა დატვირთული. ამიტომ, ცოდნის სრულფასოვნად მიღებისთვის, აუცილებელია, რომ არც ერთი ლექცია გამოტოვო. Commschool-ში გაცდენილ ლექციებზე ნერვიულობა არც ღირს. იცი რატომ? 

„იყო შემთხვევა, რომ მოგზაურობის გამო რამდენიმე ლექციას ვერ დავესწარი, მაგრამ მქონდა შესაძლებლობა ადმინისტრაციისთვის მეცნობებინა, რის შემდეგაც ხდებოდა მთლიანი ლექციის ჩაწერა და შემდეგ გაზიარება. ეს ძალიან დამეხმარა, რომ არ ჩამოვრჩენილიყავი სილაბუსს.“

გარდა კურსის მსვლელობისა, ანი საუბრობს ყველა იმ პროგრესსა და გამოცდილებაზე, რაც სამი თვის განმავლობაში ჩვენთან ერთად მიიღო.

„კურსის ფარგლებში პროექტზე მუშაობისას გამოვაჩევდი კვლევების ჩატარების გამოცდილებას, ვინაიდან კვლევის მეთოდებთან პრაქტიკული შეხება აქამდე არ მქონია.“

გამოცდილება კი, ალბათ დამეთანხმები, მაშინ მიიღება განსაკუთრებულად პროდუქტიული ფორმით, როდესაც მისი შეთვისება და ახალ, ეფექტურ უნარებში გარდაქმნა ხდება. 

ანი ამბობს:

„კურსის განმავლობაში მიღებული ინფორმაცია დამეხმარა პრიორიტეტულობის მიხედვით დამელაგებინა დიზაინის ის მიმართულებები, რომლის სქილსეტის განვითარებაც მეტად მსურს, რაც, თავისთავად, აისახება ჩემს მომავალ კარიერულ ზრდაზე.“

ანის დახმარებით შევეცდები ცოტაოდენი ინფორმაცია მეც დაგიმატო კურსთან დაკავშირებით. პირველ რიგში გეტყვი, რომ 

„Commschool-ის დიზაინის კურსი იდეალურია იმ ადამიანებისთვის, ვისაც სურთ, გამოსცადონ ციფრული პროდუქტის თავიდან ბოლომდე შექმნის პროცესი, რომლის პარალელურადაც ასევე მიიღებენ ამომწურავ ინფორმაციას UX კვლევებისა და დიზაინ პრინციპების შესახებ.“

ჩვენთან კურსის გავლის შემდეგ შეგეძლება:

 

  • ციფრული პროდუქტის შექმნა დიზაინერული აზროვნების მეთოდოლოგიით;
  • Მომხმარებლის კვლევის დამოუკიდებლად ჩატარება & ანალიზი;
  • კვლევიდან მიღებული ინსაითების გათვალისწინებით პროდუქტის კონცეფციისა და დიზაინის შემუშავება/ გაუმჯობესება;
  • პროტოტიპის შექმნა;
  • Პროტოტიპის გამოყენებადობის ტესტირება და გაზომვა.

კურსის დასასრულს მიიღებ ხელშეწყობას კარიერული განვითარების კუთხითაც.

როგორ? ჩვენთან მოქმედებს Alumni Club – ეს არის კლუბი, სადაც ყველა კურსდამთავრებული ავტომატურად ირიცხება. იგი ეხმარება მათთვის მისაღები, საინტერესო ვაკანსიის მოძებნაში, ასევე უქმნის სტაჟირების გავლის შესაძლებლობას ჩვენს პარტნიორ კომპანიებში.

 

აბა, შენ სად მიემგზავრები? 

თუკი ჩვენი მარშრუტით დაინტერესდი, ისიც გაითვალისწინე რომ ახალი კურსის გასვლა სულ რაღაც ერთ თვეში – 5 აპრილს იგეგმება. ამიტომ, დიდად ნუღარ დააყოვნებ. შემოგვიერთდი.

კურსზე ჩარიცხვა

 

ავტორი: ღონღაძე სოფიკო

გაუზიარე მეგობრებს
რელევანტური ბლოგები

რელევანტური ბლოგები

შესაძლოა გაინტერესებდეს

საშუალო
1000₾
AI გრაფიკულ დიზაინში
დიზაინის ტრადიციული მეთოდები შრომატევადია და დიდ დროის რესურსს მოითხოვს, რაც, ხშირ შემთხვევაში, ზღუდავს შემოქმედობითობას და მოსაწყენს ხდის დიზაინერის ყოველდღიურობას. თუმცა, გენერაციული AI არის ის რევოლუციური გადაწყვეტა, რაც საშუალებას მისცემს დიზაინერებს გადალახონ ამგვარი დაბრკოლებები და მეტიც  იყონ მეტად ეფექტურები ყოველდღიურ საქმიანობაში. კურსი დატვირთულია პრაქტიკული დავალებებით და ფინალური პროექტით, რაც  მოგცემს საშუალებას  დააგროვო პორტფოლიო და შეიძინო ცოდნა, რომელსაც  პრაქტიკაში გამოიყენებ
8 ლექცია
24 საათი
საშუალო
1250₾
Motion Design
Motion Design ერთ-ერთი ყველაზე მოთხოვნადი და პოპულარული პროფესიაა მსოფლიოში, რომელიც აქტიურად გამოიყენება სარეკლამო რგოლებში, მუსიკალურ კლიპებში, სატელევიზიო შოუებსა თუ პრომო ვიდეოებში, მხატვრულ თუ დოკუმენტური ფილმებში. ასევე,  სოციალურ ქსელებში (ციფრული ბანერები, პოსტები, სთორი, ა.შ). კურსის განმავლობაში მთავარი აქცენტი გაკეთდება, არამხოლოდ After Effect-ის ტექნიკური ცოდნის მიღებაზე, არამედ ანიმაციის იმ პრინციპებზე, მეთოდებსა და ხელსაწყოებზე, რომლებსაც აქტიურად იყენებენ ამ სფეროში მომუშავე პროფესიონალები სხვადასხვა სირთულის პროექტის შესაქმნელად. Პროგრამა სრულად დაფუძნებულია პრაქტიკულ სამუშაოებზე, რომლის განმავლობაშიც სტუდენტებს შეეძლებათ სხვადასხვა ტიპის ანიმაციის შექმნა რეალური პროექტებიდან და ბრიფიდან გამომდინარე.  რაც ყველაზე მთავარია, მიიღებენ  ჯანსაღ კრიტიკასა და რჩევებს გაუმჯობესებისთვის.
15 ლექცია
45 საათი
ექსპერტი
1500₾
Sense of Illustration
დიზაინის სფეროში ნიჭი და კრეატიული უნარები დღეს საკმარისი აღარ არის ფრილანს კარიერის დასაწყებად ან/და განსავითარებლად. რეალურად დაბრკოლებები მაშინ იწყება, როცა თითქოს ყველა საჭირო ტექნიკური უნარი გაქვს, მაგრამ არ იცი, როგორ შეადგინო ბიუჯეტი და თაიმლაინი, ააწყო პორტფოლიო, გქონდეს ინდივიდუალური ნიშა და რაც მთავარია, შეძლო ბაზარზე საკუთარი თავის სწორად პოზიციონირება. კონკურენცია ძალიან მაღალია, დამოუკიდებლად მუშაობა კი კიდევ უფრო რთული. ამ პირობებში საკმაოდ ბუნდოვანია ილუსტრატორის ანაზღაურების შესახებ ინფორმაციაც. Sense of (Freelance) Illustration-ის ქრეშ-კურსიც სწორედ ამ გამოწვევების დაძლევისთვის საჭირო გზამკვლევია, რომელიც წლების განმავლობაში მიღებულ ანანოს პირად გამოცდილებას ეფუძნება. კურსის ფარგლებში მონაწილეები გაივლიან ილუსტრაციის შექმნის სრულ ციკლს – ინსპირაციის პოვნის, ბრიფის ანალიზის, სკეჩების დახატვისა და დახვეწის ჩათვლით. რაც მთავარია, შეეძლებათ ბრიფზე დაყრდნობით იმუშაონ პროექტზე/სავარჯიშოებზე, რომლის პრაქტიკაში დანერგვაც დაეხმარებათ გადალახონ ცარიელი ფურცლის შიში. კურსს ფრილანს ილუსტრატორი, ანანო მიმინოშვილი გაუძღვება. მისი პორტფოლიო 200-მდე ფრილანს პროექტს და ისეთ კლიენტებს მოიცავს, როგორებიც არიან: The New York Times, Chanel, BAFTA, FILA, Adobe, Meta, Airbnb, The Washington Post, The New Yorker, The Hollywood Reporter და მრავალი სხვა. შეხვედრებს უმასპინძლებს სასტუმრო Stamba.
4 ლექცია
20 საათი

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დაწყება