Angular-ის კურსდამთავრებულის, ანა როგავას ფინალური პროექტი
ფინალურ პროექტზე მუშაობა ის გამოწვევა იყო, რომლის შედეგადაც პროგრამირებისთვის ერთ-ერთი მნიშვნელოვანი მიდგომა გამოვიმუშავე - Breaking Problems Into Smaller Pieces.
ზოგჯერ პრობლემებთან დამოუკიდებლად გამკლავება მუშაობის ყველაზე რთული და ამავდროულად, ყველაზე საინტერესო ნაწილი შეიძლება აღმოჩნდეს. ეს ჩვენი კურსდამთავრებულის, ანა როგავას სიტყვებია. ანა, რომელმაც Angular-ის კურსი წარმატებით დაასრულა, ყველაზე დიდი ენთუზიაზმით ფინალური პროექტის შექმნის პროცესს იხსენებს. თუ არ იცი, ეს რას ნიშნავს, შეგახსენებ, რომ ფინალური პროექტი Commschool-ის თითქმის ყველა სტუდენტისთვის უმნიშვნელოვანესი ნაბიჯია, როგორც კარიერული, ასევე პიროვნული განვითარების ჭრილში. ეს გამოცდილება გაძლევს შესაძლებლობას, პრაქტიკაში გამოავლინო შენი უნარები და მოემზადო სამომავლო გამოწვევებისთვის.
Angular-ის კურსის შემთხვევაში, სტუდენტი თავად ირჩევს სასურველ თემატიკას (მაგალითად, ფილმების, მუსიკის, წიგნების, კურსების ან ნებისმიერი სასურველი თემატიკის კატალოგს) და აკეთებს აპლიკაციას Angular framework-ის დახმარებით ქართულ და ინგლისურ ენებზე. ანა საკუთარ შთაგონებაზეც საუბრობს:
დავალება Art ნამუშევრების კატალოგის შექმნა იყო. ინსპირაცია კი პარდოს მუზეუმიდან ავიღე. კატალოგი მომხმარებელს საშუალებას აძლევს მოძებნოს სასურველი ნამუშევარი, შეინახოს თავის გალერეაში და შეაფასოს იგი. ყველაზე მეტად სწორედ ამ პროექტზე მუშაობის პროცესი მომეწონა, რადგან ბევრი ახალი და მნიშვნელოვანი სქილი შევიძინე
ალბათ, შენც დაგაინტერესდა, რა არის Angular და რატომაა დღეს იგი პოპულარული არჩევანი. იგი 2016 წელს შეიქმნა Google-ის მიერ და მისი გაუმჯობესება კვლავ აქტიურად მიმდინარეობს. Angular Framework შესაძლებელს ხდის TypeScript-Based Responsive Single-Page აპლიკაციების (SPA) აწყობას, სწორედ ამიტომ, იგი საოცრად მოთხოვნადია თანამედროვე ბაზარზე (N3 Front-end framework github-ის გამოკითხვის მიხედვით). კითხვაზე, რატომ Angular, ანა პასუხის საკუთარ ვერსიას გვთავაზობს:
Angular-ის შესწავლა გადავწყვიტე იმიტომ, რომ ის არის ძალიან საინტერესო, პერსპექტიული, მოთხოვნადი, პოპულარული. ის არის მოქნილი, რაც ამარტივებს ვებ აპლიკაციის შექმნის პროცესს.
როგორც თავად გვითხრა, წარსულში დაგროვებული უარყოფითი გამოცდილების გამო, ამ სფეროს შესასწავლად შესაფერის აკადემიას დიდი დაკვირვებითა და სიფრთხილით ეძებდა. შემდეგ კი, ონლაინ სივრცეში Commschool-ს წააწყდა:
მეგობრის რეკომენდაციით დავესწარი ქომსქულის ლაივს სოციალურ ქსელში, ლაივში შეხვედრის შემდეგ კი დავრწმუნდი: ეს სწორედ ის კურსი იყო, რომელიც მჭირდებოდა.
და, აი ასე, ანა ჩვენთან აღმოჩნდა. თუ ეს სფერო გაინტერესებს, შენც შეგიძლია მის ნაბიჯებს მიჰყვე. Angular-ის კურსი განკუთვნილია ადამიანებისთვის, ვინც უკვე რაღაც დონეზე შეისწავლა HTML, CSS და JavaScript, და უნდა კონკრეტულად Angular Framework-ით გააგრძელოს Front-End Development-ის შესწავლა. ასევე დეველოპერებისთვის, ვინც სხვა ტექნოლოგიებზე მუშაობს და აინტერესებთ Angular.
Angular: კურსის შესახებ
პროგრამის განმავლობაში მთავარი აქცენტი გაკეთდება Angular-ის მთავარი კონცეფციების ღრმად შესწავლაზე. დიდი დრო დაეთმობა TypeScript-ის და RxJS-ის სიღრმისეულ გარჩევას და ჩვენებას, თუ რატომ არის ღირებული ტიპიზაცია (TS) და რეაქტიული პარადიგმა (RxJS). მისი დასრულების შემდეგ შეგეძლება:
- single-page ვებ-აპლიკაციების დამოუკიდებლად აწყობა
- Angular-ის ყველა ძირითადი კონცეფციის თეორიული და პრაქტიკული ცოდნის გამოყენება
- Angular-ის ეკოსისტემაში სტანდარტად ჩამოყალიბებული ყველა best practice და არქიტექტურული პატერნის გამოყენება
- TypeScript-ის ენაზე დამოუკიდებლად მუშაობა
- TypeScript-ის ენის გამოყენება Angular-ის და სხვა ნებისმიერ TypeScript-Based ტექნოლოგიებზე
- გამოიყენო თანამედროვე Javascript და ყველა ის ძირითადი კონცეფცია, რომელიც საჭიროა თანამედროვე დინამიკური ვებ-აპლიკაციების ასაწყობად
- დამოუკიდებლად განავითარო საკუთარი თავი Angular-ზე მუშაობით ან/და სხვა Front-End Framework-ის თუ ბიბლიოთეკის შესწავლით.
ანა ამბობს, რომ საბოლოოდ კურსი ძალიან საინტერესო აღმოჩნდა: იგი დატვირთული იყო როგორც თეორიული, ასვეე პრაქტიკული დავალებებით. ყველაზე მეტად კი სწავლის პროცესიდან გამოარჩევდა ლექტორისგან მიღებულ ცოდნას, კონკრეტულად, Best-practice მაგალითებს, რის შედეგადაც საფინალო ნაშრომზე მუშაობისას ძალიან ბევრი დროის დაზოგვა მოახერხა. მისი თქმით, როგორც ახალბედას ამ სფეროში, ეს გამოცდილება განსაკუთრებით გამოადგა კარიერულ განვითარებაში:
იქიდან გამომდინარე, რომ დამწყები დეველოპერი ვარ, კურსზე მიღებული ცოდნა ჩემთვის წარმატების გარანტია გახდა. კურსის დამთავრებიდან მალევე მივიღე რამდენიმე შემოთავაზება, საბოლოოდ კი არჩევანის წინაშე დავდექი. ყველაზე დადებითი კი ის არის, რომ კურსზე მიღებული ცოდნით მარტივად შევასრულე შერჩევის ეტაპისთვის მოცემული დავალებები.
ამასთან ერთად, ანა ადმინისტრაციისა და სტუდენტების ურთიერთობის შესახებაც გვიყვება. ჩვენი გუნდის ჩართულობის ხარისხს შემდეგნაირად აფასებს:
სკოლის ადმინისტრაცია აქტიურად ადევნებდა თვალს კურსის მიმდინარეობას, გვეკითეხოდა თუ რამდენად კმაყოფილები ვიყავით და ერთგვარ ფიდბექს იღებდა ჩვენგან, რამაც კიდევ უფრო დადებითად განმაწყო ქომსქულის მიმართ. რაც შეეხება ლექტორს, იგი ძალისხმევას არ იშურებდა, რათა ჩვენთვის ამომწურავი ინფორმაცია მოეწოდებინა, ყველაფერს აკეთებდა იმისათვის, რომ მისგან რაც შეიძლება მეტი გვესწავლა ამ 2 თვის განმავლობაში.
Commschool-ის გუნდი სტუდენტების სამომავლო განვითარებაზე ზრუნვას არც კურსის დამთავრების შემდეგ წყვეტს. ჩვენთან ფუნქციონირებს კურსდამთავრებულთა კლუბი, რომელშიც კურსდამთავრებული ავტომატურად ირიცხება ნებისმიერი პროგრამის წარმატებით დასრულების შემდეგ, რაც გულისხმობს ექსკლუზიურ სამუშაო შეთავაზებებს, სტაჟირებებსა და კონსულტაციებს ისეთი პარტნიორი კომპანიებიდან, როგორიცაა Sweeft Digital, Omedia და სხვა.
ქომსქული არის ადგილი, სადაც შეგიძლია შენი უნარები მაქსიმუმამდე გაზარდო; ადგილი, რომელიც ზღვა შესაძლებლობებს გაძლევს.
შემოგვიერთდი პროგრამაზე!
რელევანტური ბლოგები
-
ხელოვნური ინტელექტი პრაქტიკაში – გაიცანი ლექტორი, შოთა ნათენაძე...
-
მარიამ ნაკოევის ფინალური პროექტი კონტენტ მარკეტინგის კურსისთვის...
-
-
-
-
Data-Driven მარკეტინგის მოგზაურობა: როგორ შეიძინა სანდრომ ახალი უნარები და გამოცდილება...
-
-
-
IT პროექტების მენეჯმენტი - გაიცანი ლექტორი გაგი ნინოშვილი...
-
მონაცემთა ანალიტიკა - რა არის და როგორ იყენებენ მას ბიზნესები...
შესაძლოა გაინტერესებდეს
დამწყები
საშუალო
საშუალო
შესვლა Google-ით
შესვლა Facebook-ით