Android Development-ის კურსდამთავრებულის, მანუჩარ ზაქარიაძის, ფინალური პროექტი

თუ პროგრამული უზრუნველყოფის საწყისი პრინციპები იცი, მაშინ ანდროიდის სამთვიანი ინტენსიური კურსი შეიძლება შენთვის საინტერესო იყოს. მანუჩარ ზაქარიაძესთვის, ანდროიდ დეველოპმენტის კურსდამთავრებულისთვის, კურსი ეფექტური აღმოჩნდა:

“პირველივე ლექციიდან მივხვდი, რომ დარგის ცოდნით ყველაზე სუსტი ვიყავი ჯგუფში. თუმცა მქონდა ორი რამ, ძალიან დიდი ინტერესი და მოტივაცია, ამან კი საშუალება მომცა, რომ კურსი წარმატებით დამესრულებინა.”

აქვე, იხილე მანუჩარის ნაშრომი:

მანუჩარმა თავის ფინალურ პროექტად სუპერგმირების აპლიკაციის შექმნა გადაწყვიტა; მისი თქმით, პროექტზე მუშაობის პროცესი მას შესწავლილი უნარების დახვეწაში ეხმარებოდა:

“საბოოლოო პროექტად სუპერგმირების აპლიკაციის შექმნა ავირჩიე, რადგან კომიქსების დიდი მოყვარული ვარ, პროექტი კი ყველა კომიქსის აპლიკაციის შექმნას გულისხმობდა.

პროექტზე მუშაობის პროცესმა საშუალება მომცა, თეორიაში მიღებული ცოდნა პრაქტიკაში გადამეტანა, დამეტესტა სხვადასხვა ვერსიები, შეცდომები დამეშვა და გამომესწორებინა, ლექტორისგან, რომლის მხარდაჭერაც მთელი პროცესის განმავლობაში მნიშვნელოვანი იყო, მიმეღო რჩვევები.”

მანუჩარის აზრით, კურსის ბოლოს მიღწეული შედეგი მას თვითგანვითარების მოტივაციასაც აძლევს:

“როცა პროექტი დავასრულე, მივხვდი, რომ მოკლე დროში ბევრი რამ ვისწავლე: უკვე დამოუკიდებლადაც შემიძლია საშუალო დონის აპლიკაციის შექმნა, თუმცა დამოუკიდებლად კიდევ ბევრ მუშაობას ვაპირებ – ლექტორებისგან მივიღე რჩევები და, ვფიქრობ, უახლოეს თვეებში კიდევ უფრო ბევრ რამეს ვისწავლი ამ სფეროში.”

ყველაფერთან ერთად, მანუჩარი Commschool-ისგან მიღებულ მხარდაჭერასაც გამოარჩევს:

“Commschool-ში მხარდაჭერა კურსის დასრულების შემდეგაც გრძელდება მაშინ, როცა საქართველოში სასწავლო პროგრამები უმეტესად მხოლოდ კურსის დროს მიწოდებული პროგრამით შემოიფარგლება.”

კურსის დამთავრების შემდეგ, როგორც მანუჩარმაც აღნიშნა, Commschool თავის კურსდამთავრებულებს მხარს უჭერს კარიერული კუთხით: კურსდამთავრებული ავტომატურად Alumni Club-ის წევრი ხდება, რაც მას პარტნიორი კომპანიების ექსკლუზიურ ვაკანსიებსა და სტაჟირების შესაძლებლობებზე აძლევს წვდომას. პარტნიორების რიცხვს კი, ეს ეს არის, საერთაშორისო კომპანია Sweeft Digital-იც შეემატა, რომელიც ტექნოლოგიური მიმართულებით კურსდამთვრებულებთან თანამშრომლობითაა დაინტერესებული, ეს კი მათ ახალ კარიერულ შესაძლებლობებს უხსნის.

აქვე გეტყვი, რომ Android Development-ის პროგრამა 24 ლექციას მოიცავს და 3 თვეზეა გადანაწილებული, რომლის განმავლობაში სხვადასხვა პრაქტიკულ დავალებასა და სავარჯიშოზე იმუშავებ, კურსის შედეგად კი, მანუჩარის მსგავსად, აპლიკაციის დამოუკიდებლად აწყობა და კოდის წერა შეგეძლება. შემოგვიერთდი 👇