Data Analytics – ეს არის მონაცემთა შეგროვების, ორგანიზებისა და ანალიზის პროცესი. მას განსაკუთრებული მნიშვნელობა უჭირავს ბიზნესის წარმატებაში, რომელსაც მონაცემთა ანალიტიკოსი მონაცემთა გროვის ღირებულ ინფორმაციად ქცევით აღწევს, რაც ხელს უწყობს ეფექტური გადაწყვეტილების მიღებას.
თუ ანალიტიკის სფეროში მუშაობ და ახალი უნარების განვითარება ან მოთხოვნადი პროფესიის დაუფლება გსურს, ეს ბლოგი შენთვისაა. აქ გაიცნობ მარიამ ჟიჟიაშვილს, რომელმაც მონაცემთა ანალიტიკის კურსი გაიარა და ახლა საკუთარ შთაბეჭდილებებს გვიზიარებს.
მარიამი ფინანსური ანალიტიკოსის პოზიციაზეა დასაქმებული. მუშაობის პროცესში ის დიდი პერიოდის მონაცემთა დამუშავების პრობლემებს წააწყდა. Excel-ის გამოყენებით რთული აღმოჩნდა დიდი მოცულობის ინფორმაციის დამუშავება, მისი ალტერნატივა კი SQL იყო, რომელთანაც აქამდე შეხება არ ჰქონია. სწორედ ამიტომ გადაწყვიტა Commschool-ში მონაცემთა ანალიტიკის კურსის გავლა და ახალი ხელსაწყოსა და ტექნიკების ათვისება.
Commschool დეტალურად გაწერილი სილაბუსისა და სწავლების მაღალი ხარისხის გამო შეარჩია. მარიამის მოლოდინები გამართლდა – შეიძინა მნიშვნელოვანი და გამოსადეგი უნარები მონაცემებთან დაკავშირებული პრობლემების გადასაჭრელად, გაეცნო მონაცემთა ანალიტიკის თანამედროვე მიდგომებსა და პლატფორმებს.
მიღებული ცოდნის გარდა, ჩემთვის ძალიან მნიშვნელოვანი იყო გარემო, რომელსაც ქმნიდნენ ჯგუფის წევრები და ლექტორი. ის მუდმივად გვაძლევდა მოტივაციას, გვიზიარებდა საკუთარ გამოცდილებას და სხვადასხვა საინტერესო ინფორმაციას, რასაც ძალიან ვაფასებ.
კურსის ერთ-ერთი გამორჩეული ნაწილი ფინალური პროექტია, რომელზეც სტუდენტები ინდივიდუალურად მუშაობენ და აჯამებენ მიღებულ ცოდნას. მარიამისთვისაც ეს დავალება აღმოჩნდა ყველაზე დიდი გამოწვევა. დავალების შესასრულებლად საჭირო იყო შეძენილი ცოდნის სრულად დემონსტრირება, რაც დიდ დროსა და რესურსს მოითხოვდა, მაგრამ მარიამისთვის ეს პროცესი სასიამოვნოდ წარიმართა:
ყველაზე კარგი შეგრძნება იყო ის, რომ მუშაობის პროცესში არ დავისტრესე და უბრალოდ პროექტი პროექტისთვის არ გავაკეთე, არამედ სიამოვნება მივიღე. მივხვდი, რომ ეს მიმართულება ნამდვილად საინტერესოა ჩემთვის. მონაცემთა ანალიტიკოსის უნარი არა მხოლოდ კონკრეტული მონაცემის დამუშავება, არამედ დასმული ამოცანის გადაჭრის გზების მოფიქრებაცაა, რაც ძალიან აზარტული და ინტერესიანი პროცესია ჩემთვის.
თითოეულ სტუდენტს ჰქონდა ერთი და იგივე სამუშაო ბაზა. პროექტის მიზანი იყო, აღმოეჩინათ რაიმე საინტერესო მიგნება, დაესვათ საინტერესო ამოცანა და ეპოვათ მისი გადაჭრის გზები. ლექტორის აქტიური ჩართულობის დახმარებით მარიამმა შეძლო ფინალური დავალების წარმატებით შესრულება.
თუკი ჯერ კიდევ საკუთარი თავის ძიებაში ხარ და ახალ შესაძლებლობებს ეძებ, მარიამის რჩევას გაგიზიარებ:
უნდა დაფიქრდეთ, რა მოგწონთ. თუ თქვენი პასუხია: გამოწვევები, განვითარების მუდმივი შესაძლებლობა, მუშაობის დროს არარუტინულ, მუდმივად აზარტულ მდგომარეობაში ყოფნა და ამოცანის გადაჭრის შედეგად მიღებული კმაყოფილების შეგრძნება, მაშინ მონაცემთა ანალიტიკა შენთვისაა.
აქვე გეტყვი, რომ Commschool-ში მონაცემთა ანალიტიკის კურსის ფარგლებში შეგიძლია შეისწავლო მონაცემთა ანალიზის სრული ციკლი. პროგრამის დასრულების შემდეგ შეძლებ ბიზნეს პრობლემის ანალიტიკურ პრობლემად ჩამოყალიბებას, შესაბამისი მონაცემების მოძიებას, მათ გაწმენდასა და დამუშავებას SQL-ის გამოყენებით, მონაცემთა ანალიზსა და ვიზუალიზაციას Power BI-ს გამოყენებით, მიღებული მიგნებების კომუნიკაციასა და ანალიტიკაზე დაყრდნობით გადაწყვეტილებების მიღებას. გარდა ამისა, მიიღებ კარიერულ მხარდაჭერასა და რჩევებს. კერძოდ, ისარგებლებ უპირატესობით და გექნება წვდომა პარტნიორი კომპანიების ექსკლუზიურ ვაკანსიებსა და სტაჟირებებთან.
ვთვლი, რომ მივიღე ის ცოდნა, რასაც ვეძებდი ამ მიმართულებით. ახლა მთავარი საკუთარ თავზე მუშაობის გაგრძელება და ცოდნის გაღრმავებაა, რაც უკვე ინდივიდუალური პროცესია.
ასე რომ, მარიამმა უკვე დაიწყო მიღებული ცოდნისა და უნარების გამოყენება ყოველდღიურ საქმიანობაში, გამოცდილების მისაღებად და განსავითარებლად კი დამოუკიდებელ შეკვეთებსაც ეძებს. თუ შენც გსურს, რომ ერთ-ერთ ყველაზე მოთხოვნად და მაღალანაზღაურებად პროფესიას დაეუფლო, გაეცანი დეტალურად კურსის სილაბუსს და შემოგვიერთდი Commschool-ში!
