Scrum Master: IT სფეროს ერთ-ერთი ყველაზე მაღალანაზღაურებადი პროფესია
თანამედროვე და სწრაფად ცვალებადი ბიზნეს გარემო პროექტის მართვის მოქნილ სისტემას მოითხოვს. ამიტომ უკვე არაერთი კომპანია Agile მეთოდოლოგიას, კერძოდ კი, Scrum-ის მეთოდს იყენებს. ეს მეთოდი მათ არა მხოლოდ პროექტების ეფექტურ მართვაში ეხმარება, არამედ სპეციალისტებისთვის მაღალანაზღაურებადი კარიერის შექმნის შესანიშნავ შესაძლებლობასაც იძლევა.
ამ ბლოგში სწორედ Scrum Master-ის პროფესიაზე გესაუბრები და მოგიყვები, თუ რას მოიცავს მისი ყოველდღიური საქმიანობა, რა არის საჭირო უნარები წარმატებული კარიერის მისაღწევად და როგორია შემოსავალი სფეროს სპეციალისტებისთვის.
Scrum არის Agile-მეთოდოლოგიის ერთ-ერთი ყველაზე პოპულარული ფორმა, რომელიც გუნდებს ეხმარება, პროდუქტები სწრაფად და მოქნილად შექმნან. ის განსაკუთრებით პოპულარულია IT კომპანიებში, თუმცა დღეს უკვე ფინანსებში, მარკეტინგში, მონაცემთა ანალიტიკასა და სხვა სფეროებშიც გამოიყენება. Scrum-ის წარმატებას განაპირობებს მისი უნარი, გუნდები უკეთესი თანამშრომლობისკენ მიმართოს, შეამციროს დროის ფუჭი ხარჯვა და გაზარდოს პროდუქტიულობა. სწორედ ამიტომ, კომპანიები მზად არიან, მაღალი ანაზღაურება შესთავაზონ პროფესიონალებს, რომლებიც Scrum-ს კარგად ფლობენ და შეუძლიათ პროექტების ეფექტურად მართვა.
პროფესია Scrum Master
Scrum Master წარმოადგენს Agile გუნდის ერთგვარ ფასილიტატორს. ისინი უზრუნველყოფენ გუნდის წევრებს შორის ინფორმაციის გაზიარებას. იგი ხელმძღვენელობს, მენტორობას უწევს მათ, როდესაც ამის საჭიროება არსებობს. შესაბამისად, ის არის გუნდის ლიდერი, რომელიც სამუშაო გარემოში ამკვიდრებს Agile პრინციპებს და უზრუნველყოფს დასახული მიზნების წინასწარ განსაზღვრულ ვადებში შესრულებას.
პროექტის მართვის აქტიურ ფაზაში გუნდის წევრებს აქვთ ყოველდღიური შეხვედრები, სადაც გნიხილავენ უკვე შესრულებულ დავალებებს, არსებულ პროგრესს და გეგმავენ შემდეგ დღეებში შესასრულებელ სამუშაოს. ზოგიერთ გუნდს მუდმივად ერთი Scrum Master ჰყავს. თუმცა არსებობს ისეთი პრაქტიკაც, როდესაც ამ პოზიციას გუნდის სხვადასხვა წევრები მონაცვლეობით იკავებენ.
Scrum-ის მიმართულებით რამდენიმე ძირითადი კარიერული გზა არსებობს. თითოეული მათგანი მნიშვნელოვან როლს ასრულებს Agile გუნდებსა და ორგანიზაციებში.
Scrum Master არის გუნდის ლიდერი და ფასილიტატორი, რომელიც Scrum პრინციპების დანერგვას უზრუნველყოფს. მისი მთავარი მოვალეობები მოიცავს:
- Scrum პროცესების მართვა – გუნდს ეხმარება Sprint-ების დაგეგმვაში, ყოველდღიური შეხვედრების ორგანიზებასა და პროცესების ოპტიმიზაციაში;
- ბარიერების აღმოფხვრა – უზრუნველყოფს, რომ გუნდს არ ჰქონდეს დაბრკოლებები და ხელი არ შეეშალოს პროდუქტიულ მუშაობაში;
- Agile კულტურის დამკვიდრება – გუნდს ასწავლის Agile პრინციპებს და ეხმარება, მაქსიმალურად გამოიყენოს Scrum-ის სარგებელი;
- კომუნიკაციის გაუმჯობესება – უზრუნველყოფს გუნდის წევრებს შორის ღია და გამჭვირვალე კომუნიკაციას.
- რეპორტინგი და უკუკავშირი – აფასებს Sprint-ების შედეგებს და გუნდის ეფექტურობის გასაზრდელად უკუკავშირს აწვდის ორგანიზაციას.
Agile Coach უფრო მაღალი დონის სპეციალისტია, რომელიც ორგანიზაციულ დონეზე მუშაობს და კომპანიებს Agile-კულტურის დანერგვაში ეხმარება. თუ Scrum Master კონკრეტულ გუნდს ხელმძღვანელობს, Agile Coach მთლიან კომპანიაზე ან რამდენიმე გუნდზეა ორიენტირებული.
მისი ძირითადი პასუხისმგებლობები მოიცავს:
- Agile მეთოდოლოგიების სტრატეგიული დანერგვა – ორგანიზაციას ეხმარება Scrum, Kanban, SAFe და სხვა Agile მეთოდების ეფექტურ გამოყენებაში;
- Scrum Master-ებისა და ლიდერების გაწვრთნა – Agile Coach არა მხოლოდ გუნდებს, არამედ Scrum Master-ებსაც ამზადებს და მათ პროფესიულ განვითარებას უწყობს ხელს;
- ორგანიზაციული კულტურის ცვლილება – ეხმარება კომპანიას, რომ Agile ღირებულებები და მოქნილი მენეჯმენტის სტრატეგიები წარმატებით დანერგოს.
- პრობლემების ანალიზი და გადაწყვეტილებების შემუშავება – აფასებს ორგანიზაციის მუშაობას, აიდენტიფიცირებს სუსტ წერტილებს და სთავაზობს გაუმჯობესების გეგმას.
Product Owner არის გუნდის წევრი, რომელიც პროდუქტის ხედვას განსაზღვრავს და უზრუნველყოფს, რომ განვითარებული პროდუქტი მომხმარებლის მოთხოვნებს შეესაბამებოდეს. მისი მთავარი ფუნქციებია:
- პროდუქტის სტრატეგიის და ხედვის შექმნა – Product Owner განსაზღვრავს, რა უნდა შეიქმნას და როგორ უნდა შეესაბამებოდეს პროდუქტი ბიზნესის მიზნებს;
- მოთხოვნების მართვა (Backlog Management) – პროდუქტის განახლებისა და გაუმჯობესებისთვის საჭირო ამოცანებს აწყობს პრიორიტეტების მიხედვით;
- გუნდისა და დაინტერესებული მხარეების კოორდინაცია – თანამშრომლობს დეველოპერებთან, დიზაინერებთან, Scrum Master-თან და ბიზნესის სხვა წარმომადგენლებთან;
- მომხმარებლის უკუკავშირის ანალიზი – აგროვებს მომხმარებლების მოსაზრებებს და ამ ინფორმაციის საფუძველზე პროდუქტის განვითარებას მართავს.
ანაზღაურება
Agile მეთოდოლოგიის პოპულარობის ზრდის შედეგად გაიზარდა მოთხოვნა Scrum-ის პროფესიონალებზე. უფრო და უფრო მეტი ორგანიზაცია იწყებს პროექტის მართვის ამ ფორმის დანერგვას. Scrum Master-ები კი განსაკუთრებით დიდი მნიშვნელობის როლს ასრულებენ მის დანერგვასა და Agile პროექტების წარმატევაში.
შრომით ბაზარზე არსებული მოთხოვნა განაპირობებეს მაღალ შემოსავალსაც. Glassdoor-ის მიხედვით, Scrum Master-ის წლიური საშუალო ანაზღაურება მსოფლიო მასშტაბით $95,000-ს შეადგენს. თუმცა ადგილმდებარეობის, გამოცდილებისა და სერტიფიცირების მიხედვით ეს რიცხვი შესაძლოა $69,000-დან $129,000-მდე მერყეობდეს.
მნიშვნელოვანია, რომ ჩააბარო სასერტიფიკატო გამოცდები, რათა შეძლო სამსახურის მარტივად დაწყება და მაღალი შემოსავლის მიღება. იგი წარმოადგენს შენი ცოდნისა და უნარების დამადასტურებელ ოფიციალურ საბუთს. Scrum.org-ის მიხედვით, მათ, ვისაც PSM სერტიფიკატი აქვს მიღებული, საშუალოდ 24%-ით მეტ ანაზღაურებას იღებენ, ვიდრე ისინი, ვისაც არ გაქვთ სერტიფიცირება.
დაეუფლე Scrum Master-ის პროფესიას Commschool-ში
ახლა კი ერთ საინტერესო ამბავს გაგაცნობ – Commschool-ში Scrum-ის კურსი შევიმუშავეთ, სადაც შეგეძლება, სრულყოფილად შეისწავლო Agile მეთოდოლოგიის ეს ყველაზე პოპულარული ფორმა. პრაქტიკული სწავლების დახმარებით კი განივითარო ყველა საჭირო ტექნიკური თუ რბილი უნარი. კურსის დასასრულს, მიღებული გამოცდილების საფუძველზე, შეგეძლება, ჩააბარო სასერტიფიკატო გამოცდები და გადადგა პირველი კარიერული ნაბიჯები Scrum-ის სამყაროში.
ამიტომ, თუ პროექტების მართვა გაინტერესებს და გსურს ამ მიმართულებით პროფესიული განვითარება, ეს კურსი შენთვისაა. დეტალურად გაეცანი პროგრამის სილაბუსს და შემოგვიერთდი Commschool-ში!
შესაძლოა გაინტერესებდეს
საშუალო
დამწყები
დამწყები
შესვლა Google-ით
შესვლა Facebook-ით