Sense of Illustration-ის ლექტორის, ანანო მიმინოშვილის პორტფოლიო

ხატეთ ბევრი, არ შეუშინდეთ ექსპერიმენტებს. ხატვის გარდა, განვითარების სხვა გზა არ არსებობს.

ექსპერიმენტების ჩატარება ცხოვრების ყველა ეტაპზე აუცილებელია; განსაკუთრებით მაშინ თუ ისეთ სფეროში მოღვაწეობ, რომელიც ტექნოლოგიურ პროგრესთან ერთად ვითარდება. ანანო ფიქრობს, რომ სწორედ ექსპერიმენტის დროს პოულობ იმას, რაც მოგწონს.

ანანო მიმინოშვილი ქომსქულის ახალ ქრეშ კურსს – Sense of Illustration-ს გაუძღვება. მრავლწლიანი გამოცდილება, რომლის განმავლობაშიც მან The New York Times, Chanel, FILA, Airbnb, Meta, Adobe და მრავალ სხვა კომპანიასთან ითანამშრომლა, ანანოს პორტფოლიოსა და ხელწერას განსაკუთრებულსა და საინტერესოს ხდის.

ამაში შეგიძლია თავად დარწმუნდე:

ნამუშევრების ყდა The New York Times-ის ‘At Home’ განყოფილებისთვის.

ანანოსთვის გაზაფხული ახალ ცხოვრებასთან ასოცირდება. ამ ნამუშევარში კი სწორედ ამის განსახიერება სცადა – ახალი დასაწყისის იმედისა და ახალი სიხარულის პოვნის ენთუზიაზმის.

Bulgari’s Serpenti Collection Celebrates 75 Years

“მქონდა სიამოვნება, მემუშავა NUVO Magazine-თან მათი სარედაქციო სიუჟეტისთვის Bulgari’s Serpenti Collection-ის შესახებ, რომელიც 2023 წელს 75 წლის იუბილეს აღნიშნავს.”

“Diary of a Misfit” –
The New York Times-ის ყდაზე.

საშობაო საჩუქარი: ისტორიები კავშირების ძიების შესახებ

2020 წელს ანანოს ჰქონდა შესაძლებლობა ემუშავა რამდენიმე ილუსტრაციაზე The Washington Post-ის საშობაო ნომრისთვის. ამ ილუსტრაციებში, განშორების ერთი წლის განმავლობაში არსებული კავშირის ისტორიებია – ვიდეო ბმულით, ძლიერი ჟინით, ქვეყნის მასშტაბით და მის ფარგლებს გარეთ.

The Hollywood Reporter

‘The Hollywood Reporter’ ერთ-ერთი მნიშვნელოვანი ჟურნალია, რომელთანაც თანამშრომლობისას ანანომ შექმნა ილუსტრაცია სტატიისთვის, რომელიც ჰოლივუდში მოღვაწე ქალ კომპოზიტორებს ეძღვნებოდა.

ანანოს ბოლოდროინდელი წარმატებების სიაშია ასევე FILA-ს 2022 წლის საზაფხულო კოლექციაზე მუშაობა, რომელიც მოიცავს მოისურებსა და ქუდებს – პრინტებითა და ნაქარგებით.

Chaos69 Issue 7 x CHANEL

ანანომ 2 ილუსტრაცია შექმნა Chaos SixtyNine-ის მე-7 გამოცემისთვის, რომელიც ეძღვნება შანელის სუნამოების სამყაროს.

ილუსტრაცია კანის ფესტივალის მაგიურობაზე – The Hollywood Reporter-ში.

განვლილი გზის გადახედვის შემდეგ, ანანო ფიქრობს : “ვხედავ, რომ მომემატა გამოცდილება, ცოდნა, მაგრამ მგონია, რომ იგივე ნარატივი მოსდევს, ბუნებრივია, სხვა ხარისხში.” და თავის ერთ-ერთ ყველაზე საყვარელ ილუსტრაციასაც გვიზიარებს, რომელიც მზიურში შექმნა:

აქვე გეტყვი, რომ პორტფოლიო ყველა ილუსტრატორისთვის მნიშვნელოვანია, მისი შესაძლებლობების სარკეა. ასე რომ, თუ გრაფიკული დიზაინი გაინტერესებს, ამ მიმართულებით განვითარება გინდა, ინტენსიური მუშაობისთვისა და ეფექტური პორტფოლიოს შექმნისთვის მზად ხარ, Sense of Illustration-ის კურსი სწორედ შენთვისაა.