ძველ ვერსიაზე გადასასვლელად დააჭირე აქ

Commschool-ის ლექტორების გუნდს თამარ ცინცაძე შემოუერთდა

blog-detail-img

Სააგენტოში მუშაობის ერთ-ერთი მთავარი ხიბლი, სხვადასხვა ინდუსტრიის, სიდიდის და გეოგრაფიის მქონე ბრენდებთან მუშაობის შესაძლებლობაა.

თუ შენც სხვა მარკეტერების მსგავსად მოუთმენლად ხსნი საყვარელი ბრენდების ახალ კამპანიებს, სიამოვნებით უყურებ კანის ლომებზე წარდგენილ რეკლამებს ან უბრალოდ თვალს ადევნებ მარკეტინგში მომხდარ მნიშვნელოვან მოვლენებს, მაშინ სწორ ადგილას შემოგიხედავს, რადგან ამ ბლოგში მინდა Creative Advertising-ის ლექტორი, თამარ ცინცაძე გაგაცნო, რომელიც კრეატიული ინდუსტრიის კულისებს მიღმა არსებულ უამრავ დეტალს გაგვაცნობს.

თამარს სარეკლამო ინდუსტრიაში მუშაობის 10 წლიანი გამოცდილება აქვს. კარიერის დიდი ნაწილი კი კრეატიულ სააგენტო Windfor’s-ში გაატარა. სხვადასხვა წლებში ამ კომპანიის თბილისისა და კიევის ფილიალებში ის Account Planner-ის, Senior Account Manager-ისა და კლიენტების მომსახურების დირექტორის ფუნქციას ასრულებდა.

გარდა ამისა, პროექტები, რომლებზეც თამარი სააგენტოში გუნდთან ერთად მუშაობდა, არაერთი საერთაშორისო ჯილდოს მფლობელია ისეთ სარეკლამო ფესტივალებზე როგორებიცაა: Cannes Lions, Epica Awards, Eurobest, ADC*E, KIAF, Ad Black Sea და ა.შ.

Ჯილდოები არც ჩემთვის და არც იმ გუნდისთვის ვისთან ერთადაც ვმუშაობდი მთავარი მიზანი არასდროს ყოფილა, მაგრამ ეს არის ძალიან სასიამოვნო დაგვირგვინება იმ წარმატების, რასაც ძალიან ბევრი შრომის შედეგად მიაღწია კონკრეტულმა პროექტმა.

2016 წლიდან კი თამარი კრეატივის საერთაშორისო ფესტივალ “Ad Black Sea”-ს ხელმძღვანელია. თამარის თქმით ეს მისთვის განსაკუთრებული პროექტია, რადგან ამ პროექტს დიდი წვლილი შეაქვს საქართველოს სარეკლამო ინდუსტრიის განვითარებაში. 

შეიძლება შენც გიოცნებია კრეატიულ სააგენტოში მუშაობაზე და გიფიქრია, რომ ამ სფეროში მუშაობა ძალიან სახალისო და გასართობია, თუმცა მნიშვნელოვანია ისიც იცოდე, რეალობა როგორია. კრეატივის გუნდს დღის განმავლობაში სხვადსხვა ინდუსტრიის ბრენდებზე უწევთ ფიქრი, მაგალითად დილით შეიძლება ნაყინის კამპანიაზე მუშაობდე, შუადღეს საბანკო პროდუქტზე, საღამოს კი სამშენებლო კომპანიისთვის გქონდეს პრეზენტაცია მოსამზადებელი, ტვინის ასეთი სწრაფი გადართვა ერთი საკითხიდან მეორეზე კი ტვინების გადაღლას იწვევს, რაც საკმაოდ სტრესტული, მაგრამ საინტერესო პროცესია.

განსხვავებულ პროექტებზე მუშაობა ყოველდღიურობას მრავალფეროვანს და არამოსაწყენს ხდის. თუმცა მეორეს მხრივ სწორედ ეს მრავალფეროვნება მოითხოვს სააგენტოში მომუშავე ადამიანებისგან მრავალმხრივ ცოდნას და საკითხებში სწრაფად გარკვევის უნარ-ჩვევებს.

თამარსაც ამ სფეროში მუშაობის განმავლობაში ისეთ პროექტებზე უმუშავია, რომლებიც ერთმანეთისგან რადიკალურად განსხვავდებოდა ფორმატებით, სტრუქტურით, შესრულების სირთულით, მათ შორის რამდენიმე შესაძლოა შენც შეგხვედრია სოციალურ ქსელში ან ტელევიზორშიც კი გინახავს, მაგალითად:

Dze_Georgian Project

ტურიზმის ეროვნული ადმინისტრაციისთვის გაკეთებული მე-6 მემილიონე ტურისტის კამპანია

ყველა ამ პროექტის უკან, დგას ძალიან რთული გზა და რაც ყველაზე მნიშვნელოვანია, ნდობაზე და ურთიერთპატივისცემაზე დაფუძნებული დამკვეთის და სააგენტოს ურთიერთობა.

Საქართველოში Სარეკლამო ინდუსტრია საკმაოდ ახალგაზრდაა. მიუხედავად ამისა, ბოლო 10 წლის მანძილზე, ქართულმა სააგენტოებმა არაერთხელ დაამტკიცეს, რომ ჩვენთანაც იქმნება ისეთი ხარისხის პროდუქტი, რომელიც კონკურენტუნარიანია გლობალურ დონეზე.

Ამ კამპანიამ კანის პირველი შორთლისთი მოუტანა ჩვენს სააგენტოს, მაგრამ ყველაზე აღსანიშნავი ფაქტი ამ პროექტში ჩემთვის კლიენტის ნდობა და გაბედულობა იყო.

Windfor’s, Leavingstone, JWT Metro, Redberry – ეს ის სააგენტოებია, ვისაც წლების მანძილზე ძალიან ბევრი ფინანსური თუ ადამიანური რესურსი აქვს ჩადებული საკუთარი თავის ზრდასა და ჩვენი ქვეყნის ინდუსტრიის საერთაშორისო რუკაზე გამოჩენაში. ისიც უნდა აღინიშნოს, რომ ბოლო წლებში შექმნილი ახალი სააგენტოების რიცხვიც მუდმივად მზარდია.

ჩვენი ინდუსტრია გამოწვევებითაა სავსე. Მუდმივი მოძრაობა და განვითარებაა საჭირო, რადგან თუ ფეხი ვერ აუწყვე, შეიძლება ერთ კვირაში დაკარგო რელევანტურობა. ამიტომ ისე სჭირდება ახლა მას ახალი ენერგია, როგორც არასდროს. ინდუსტრია განიცდის პროფესიონალი კადრების კატასტროფულ ნაკლებობას, სხვათაშორის არა მარტო საქართველოში.

თამარის აზრით, ამ დარგის საუკეთესო წლები ჯერ წინაა, რომლისთვისაც ბუნებრივია, ახალი ენერგია და პროფესიონალებია საჭირო, რომლებმაც საფუძველი სწორედ ახლა უნდა მოიმზადონ და ‘მომავალიც იმისაა, ვინც სწრაფად ადაპტირდება ახალ რეალობაში‘.

ამიტომ თუ შენც ახლა ირჩევ პროფესიას და გაინტერესებს სარეკლამო ინდუსტრიაში მუშაობა ან უბრალოდ ამ მიმართულებით გსურს პროფესიის შეცვლა Creative Advertising-ის კურსი შენთვისაა. 

გარდა ამისა, პროგრამა შენთვისაც ძალიან საინტერესო იქნება თუ დამწყები მარკეტერი, ბრენდის/პროექტის მენეჯეტი ან ექაუნთ მენეჯერი ხარ, ან შესაძლოა სტარტაპერი ხარ, რომელსაც შენი კომპანიის სამართავად ზოგადი ცოდნა გჭირდება კომუნიკაციისა და სააგენტოსთან მუშაობის შესახებ.

ბევრს ვისაუბრებთ კრეატივის ძალაზე და როლზე კომუნიკაციაში. ზოგადად, რეკლამაში მომუშავე ადამიანების მთავარი თვისება კრეატიულობა და ცნობისმოყვარეობა უნდა იყოს. ოღონდ კრეატიულობა/შემოქმედობითობა არ უნდა გავიგოთ როგორც მაინც და მაინც ხატვის ან წერის ნიჭი, არამედ როგორც ბიზნეს და მარკეტინგული ამოცანების, მენეჯერული საკითხების შემოქმედებითად, არასტანდარტულად გადაჭრის უნარი. ვფიქრობ ეს ცოდნა ერთნაირად სასარგებლო იქნება სააგენტოში და დამკვეთის მხარეს მომუშავე ადამიანებისთვის.

კურსის დასრულების შემდეგ კი შეგეძლება:

  • ბრიფის შედგენა
  • სარეკლამო კამპანიის მიზნების დასმა და დაგეგმვა
  • საკომუნიკაციო არხების შერჩევა კამპანიის მიზნებიდან და სამიზნე აუდიტორიიდან გამომდინარე
  • კრეატიულ, მედია და ფროდაქშენ სააგენტოებთან ეფექტური კომუნიკაცია
  • ბრენდინგისთვის საჭირო რესურსის განსაზღვრა და პროცესის მართვა
  • კამპანიების ეფექტურობის შეფასება
  • ეფექტური კომუნიკაციის დამხმარე ტექნიკების გამოყენება
აირჩიე Creative Advertising
გაუზიარე მეგობრებს
რელევანტური ბლოგები

რელევანტური ბლოგები

შესაძლოა გაინტერესებდეს

დამწყები
1100₾
Creative Advertising
რეკლამას ერთი უცნაურობა ახასიათებს, როგორც წესი ვცდილობთ თავი ავარიდოთ მას, დავბლოკოთ, “დავსკიპოთ”, მეორე მხრივ კი შეიძლება მოუთმენლად ველოდებოდეთ საყვარელი ბრენდის ახალ კამპანიას და სიამოვნებით ვუყურებდეთ მაგალითად Nike-ის რგოლებს, McDonald’s-ის და Burger King-ის ორთაბრძოლებს, Coca-Cola-ს საახალწლო ქარავანს. როდის ხდება რეკლამა გასართობი და არა შემაწუხებელი? როგორ ახერხებს ამას ზოგიერთი ბრენდი? რა დგას ეფექტური სარეკლამო კამპანიის უკან? კურსის ფარგლებში ვეცდებით ამ კითხვებზე პასუხების პოვნას. ლექციებზე მიმოვიხილავთ სარეკლამო კომუნიკაციის საფუძვლებს, ძირითად პრინციპებს, ინსტრუმენტებს. გავეცნობით კრეატიული სააგენტოს მუშაობის მექანიკას, მოვალეობებსა და დამკვეთთან ჰარმონიულად ურთიერთობის წესებს. გავაანალიზებთ და განვიხილავთ გლობალურ თუ ქართულ ქეისებს. სტუდენტებს საშუალება ექნებათ შეიხედონ სარეკლამო ინდუსტრიის შიდა სამზარეულოში და გამოიმუშაონ კამპანიის დაგეგმვის, კრეატივის შეფასების და კრეატიულ გუნდთან მუშაობის მენეჯერული უნარ-ჩვევები.
11 ლექცია
33 საათი
საშუალო
1400₾
Data-Driven მარკეტინგი
ციფრულ სივრცეში მომხმარებლის ნებისმიერი ქცევა მონაცემია, მისი სწორად გამოყენების უნარი კი – კონკურენტებზე უპირატესობის მოპოვების უმთავრესი საშუალება, რადგან ის გვეხმარება, მივიღოთ ჭკვიანური გადაწყვეტილებები, დაფუძნებული ფაქტებზე და არა ვარაუდებზე.ტრადიციული მარკეტინგული მიდგომებისგან განსხვავებით, მონაცემებზე დაფუძნებული მარკეტინგი გეხმარება, უკეთ შეიცნო შენი მომხმარებლები, შეისწავლო მათი ქცევები, ესაუბრო მათთვისვე რელევანტური კომუნიკაციით, საჭიროებებზე დაყრდნობით განსაზღვრო, სად და როგორ „დახვდე“ მათ და გაზომო მარკეტინგული აქტივობების შედეგიანობა. კურსის განმავლობაში დეტალურად გავივლით მონაცემთა ანალიტიკას, მომხმარებელთა სეგმენტაციას, ატრიბუციის მოდელირებას, მარკეტინგის სამოქმედო გეგმის და ბიუჯეტის შემუშავებას, სტრატეგიისა და ტაქტიკების შეფასებას, და სხვა.
14 ლექცია
42 საათი
ექსპერტი
1200₾
Sense of Branding
თანამედროვე ბრენდი წარმოადგენს რაღაც პოზიციას. ის არის განაცხადი. მას შეუძლია, ადამიანს თვალსაწიერი გაუფართოვოს, გარკვეული მიმართულებით გაახედოს, ყურადღება გაუმახვილოს, სურვილი აღუძრას. სტრატეგიული ბრენდინგი განსაზღვრავს ყველაფერ იმას, რაც ბრენდმა ცხოვრებაში უნდა დაგვმართოს.ქრეშ-კურსის გავლის შემდეგ შეგეძლება ბრენდის ელემენტებში გარკვევა და მათით მანიპულირება.შეხვედრები ჩატარდება D Block Workspace//@ Stamba-ში
4 ლექცია
20 საათი

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დაწყება